خالاتي أبليس بصورة بشر

[نــــور]

السلام عليكم

ودي بوقفتكم وتحلون موضوعي

أنا مخففه الزيارات على قرايبنا وخاصة خالاتي وبناتهم

السبب أنهن كثيرات الظلم لما أتكلم معهم يفهموني غلط وهما لعانه فيهم يبون يورطوني ويظلموني هم عارفين أني ما أقصد بس يتصيدون

من يوم نجيهم مبطلين عيونهم وحلوقهم وأذانيهم يبون يتبلوني بأي شي

وحتا بعد لما أجي هم يتكلمون باي حرمه مثلا مايحبونها ويطيحون سب فيها يروحون للحرمه هاذي ويقولون أنا اللي سبيتها وعيبتها
والحقيقه هم من قال كذا

حتا يظلموني عند أهل زوجي يقولون أني أعذرب فيهم وأشتكي منهم

وإقول لأهل زوجي الكلام هذا غير صحيح ماقلت كذيه يقولون لي خالاتك كبيرات سن مستحيل يكذبن

والحقيقه حتا المرحومه أمي تأذت منهم

ويبون بعد يخربون بيتي علشاني أحب زوجي وسعيده وياه

وهم فيهم نقص بناتهم مطلقات لأنهن مثل طينه أمهاتهم
حتا لدرجه ظلومو وحده من القرايب في شرفها
وطعنن فيها سبحان الله
فعاقبهم ربي بناتهم سون أفعال مخله ب الشرف وراح شرفهم
لذلك هم فيهم ظلم وسوء ظن مو طبيعي

سبحان الله عكس عماتي حبيبات وتقيات ويخافن الله

فديتهن


وهذا أنا زيارتي خفيفه ومع ذلك ماخلوني في حالي لا شين وقوات عين يحاسبوني يقولون قاطعه بلاه من سواتكن فكني شركن


أفكر أقطعهن

أعوذ بالله ماهن أدميات هذولا أبليس
والله

سوالف وايد عنهن لو أقولها شاب راسكم

 

[عويتقة]

الله يهديهم ويهدي جميع المسلمين ما تقاطعيهم حبيبتي لانك بتقطعين صلة الرحم مهما عملو انتي بس ما تجيبين وتعطين معاهم بالكلام وااايد ولا مجيبين سيرة احد وادعيلهم بالهداية والله يستر على بناتهم ترى الطلاق مو زين ويأزم النفسية ويخلي الوحدة مدري شنو صايرة ولو عاملوك وحش عامليهم مليح مشان الله بس

 

[Tom ♥ Jerry]

.

اعوذ بالله !!!

حياتي خلي علاقتج وياهم سطحيه ..
زوريهم عشان ربج بس
سلام سلام شلونكم شخباركم وبس
لا تطولونهآ وياهم :| دآم هاذي سوالفهم

الله يهديهم يارب ؛××

 

[صعبة المنال :~]

:


الله يهديهم ويصلح بالج
ويحنن قلوبهم عليج والله يخليج لزوجج ويسخركم لبعض

 

[الهنوؤوفـ]

اختي كرري طووووووول سبحان الله والحمدلله ولا اله الا الله والله اكبر وربج بينصرج عليهم ولا تشيلين هم ابدا ربج موجود ويعلم ما في قلبج

تبين تسلمين عليهم وانتي مارة بس عالباب بتكوني كذا ما قطعتي الارحام.............

وتحذري قد ما تقدري انج ما ترمسين باي شي لان وايد ناس كذا

 

[Tulips]

لي زرتيهم لا تطولين ولا تفتحين مواضيع شخصية .. تكلمي بشكل عام
نص ساعه او ساعه بالكثر وطلعي

 

[زين ودلال]

لا حول ولا قوة الا بالله

ماتخيل ان في ناس جذيه اعوذ بالله

الله يهديهم ان شاء الله ويهدي الجميع

مايعرفون عقوبة قذف المحصنات؟؟؟؟؟ استغفرالله

 

[نــــور]

والله زياراتي لهم جدا خفيفه ولا إطول بعد

ومثل ما قلتو سوالفي بشكل عام ما أتكلم ب أحد نهائي وإذا هم تكلمو بأحد أطلعهم من الموضوع وأذكرهم ب الله

وبعض الأحيان أقطع سالفتهم وأخش بموضوع ثاني

حتا كلامي قليل ولا أتكلم عن نفسي ولا بيتي يعني حياتي الشخصيه مايعرفون عنها شي

ومع ذلك شغالين سب فيني

ويقولوني كلام ما قلته

لا الي زاد الطين بله

أنهم قريبين من بيتنا وعيالهم وبناتهم يضربون بناتي وعيالي ويتبلونهم
مثل ما يقولون ضربني وبكا وسبقني وأشتكي

والله في ناس لدرجه أنهم صدقوهم وقالو لي ما هقينا هذا يطلع منك

والله شي يقهر ويبكي

بس مالي إلا الشديد القوي الجبار اللي ياخذ حقي منهم

والحمدلله الله ناصرني وعازني

وحياتي الحمدلله في نعمه فضيله

بس اللي قاهرني حاطين دوبهم بدوبي

بس كل اللي أقوله الله يهديهم ويصلحهم

والله بعض أحيان أدعيلهم الله يغفر لهم خفت لا يكون مصيرهم النار
من
كثر ذنوبهم من لسانهم

يالله لا تبلانا الحمدلله على نعمة الإيمان

 

[نــــور]

شكرا لكن جميعا على نصايحكن

ووقفتكم يمي

 

[3la-q8']

اذا بتروحين تزورينهم اخذي معاج مراة غريبة عنكم مثل حماتج ولا ام ريلج امكن يستحوون شوي وزيارتج لهم بس بالمناسبات

 

[popa]

هذوله يبيلهم زفه سنعه

 

[صادقة بكلمتي]

حبيبتي عليج باللي ما تنام عينه تحيبي الله عليهم وادعيلهم بنفس الوقت وخلي لسانج دوم دافي مل تييهم منج الا الكلمة الزينه مهما سووا واللي اييب طاريهم او يقولج خالاتج قالوا او انتي قلتيلهم اختصري الحديث ب حسبي الله ونعم الوكيل والله يسامحهم ويهديهم قطع الارحام ما يجوز لكن بصبر شوفي هالجملتين شنو بيكون لهم اثر حتى باذون اللي بسمعهم منج ومهما طال الظلم مرده بينتهي لا تقطعينهم علشان امج اهم رحمها والله ما يرضى ادعيلهم الله يهديهم ويكف شرهم عنج وخلي اولويه واهم شي بحياتج اهو ريلج وعيالج وتناسي ان ما قدرتي تنسين ظلمهم

 

[نــــور]

حبيباتي كلامكم يجبر الخاطر

بس الحمدلله قلبي فيه خير لهم وأتمنى لهم الخير دايم ومادعيت عليهم بس أدعي لهم ب الزين الله يهديهم

ولا أحقد على أحد ولاأحسد حتا أذا شفتهم جاهم الخير أول من يفرح أنا وأبارك لهم من قلب وأفرح لهم
بس هم والله ولا يفرحون ولا يباركون الله يصلحهم
بس اللي أقوله ب الأخير

الحمدلله
الحمدلله

أني من المظلومين
ولست من الظالمين

الحمدلله المؤمن مبتلى

ولا شي يضيع عند ربي

والدنيا ظالم ولا مظلوم

الحمدلله أني كنت من المظلومين
ها المنزله هاذي لها مكانه عند ربي

يكفي أنا الله رب المظلومين
هذا الشي يشعرني ب الأمان
*

 

[fatf00ta]

الله يهديهم وحبيبتي اذا زرتيهم لاتطولين عندهم بس السلام
شلونكم شخبااركم ولا تكثرين الحجي

 

[نــــور]

اذا بتروحين تزورينهم اخذي معاج مراة غريبة عنكم مثل حماتج ولا ام ريلج امكن يستحوون شوي وزيارتج لهم بس بالمناسبات

لا حبيبتي ما يستحون وجيهم مغسوله بمرق

 

[كويتية222]

اتصلي فيهم بيم وقت والثاني وخلج دبلوماسية في ردود وكلامج وياااهم

وبالمناسبات عايديهم ومري عليهم وقعدي بو ربع ساعة سلام وامشي بسرعة قولي ريلي بره ينتظرني عندنا مشوار وبس​

 

[برنسيسة2007]

اسئلي شيخ وقولي قصتج مهاهم وفي حالتج هل قطاعتهم حرام
اذا لأ مو حرام اقطعي والوجه من الوجه ابيض
واستعيني بعماتج للدفاع عنج انا نفسج حالتج مظلومه من اقربائي وهذا اصعب الشي الناس يصدقونهم لانهم اهلج بس انا مالي عظيد يدافع عني
والله لو عندي عمات لخليهم سندي ضد من عاداني استفيذي واستعينوا فيهم
الله يحفظلج عماتج ياارب ويسخرهم لج

بس بقولج حاجه ترا اي شي يعيب خالاتج يعيبج ويعيب بناتج
ولج الاختيار

 

[أمحق وفى ـا]

'


لآ حـول وَ لآ قـوةة آلآ بِـ آلله


'

 

[am faisal]

نفس المشكلة الاقارب العقارب

 

[كلمتي هيبه]

لاتروحين لهم مايستحون ..