أنا دخلت برد على البنات
أولا التخصص حده ممتع وسهل للي يحبه بس لـــــــــــــــــــــــــــكن وبكل تأكيد دسم ويبيله شغل وكراف من قلب، يعني الي متزوجة صج صج الله يعينها واللي وراها مسؤولية عيال الله يعينها أكثر بعد.
الدكاترة كلهم الليي خذيت عندهم حقاااااانييييين وما مر علي دكتور بقسمنا ظالم واذا ظن الطالب انه مظلوم ترا هالشي معناه ان الطالي مقصر بحق المادة، انا قصرت بحق جم مادة وخذيت اللي استحقه لا اقل ولا اكثر وبعدين بــــعض الدكاترة يعطونا فرض للتعويض (بونسات ومن هالشغل) بس طبعا مو مجانا على قولتهم! سو يا الطالب شي وانا بالمقابل اقيمك واعطيك اللي تستحقه.
وعلى فكرة الانجليزي بالاداب مو نادر، بس بالتربية وبعدين اللي تدش التخصص عشان المكافاة ما عندها سالفة! شدعوه ميتين فقر ولا شالسالفة استغفر الله؟؟
دشي تخصص انتي مقتنعة فيه وحابته، غير جذي لا.
والانجليزي لما تدشين لا تعتبرين انج بتتعلمين وان الدكاترة بيعلمونج!! لا طبعا، مثل ما قالوا الخوات، تدشين التخصص وتكونين أساسا شاطرة فيه واهم شي تكون عندج قابلية وقدرة انج تبدعين وتتعلمين اكثر.
انا خلال الاربع السنين ما اقولج ما تعلمت، بالعكس لغتي ماشاءالله صارت اقوى ومستواي وايد تقدم الحمدلله بس هالشي ما صار بسهولة، بالعكس تعبت حيل وكرفت وشديت حيلي والحمدلله تخرجت وانا فاهمة
