متحطمة كل شيء فيني انهدم من القهر >< احس بالغباء

[long time]

السلام عليكم ورحمة الله

بناات اول شيء انا بنت عمري 17 بصف ثاني ثانوي قررت خلاص اني لما اتخرج ادرس طب او حاجه
كدا احس فيها بذاتي فقلت بما انه السنه نسبه بدااكر حدددي طول الوقت
علشان اضمن اني باخد 100 %
المهم اني بذلت جهــــــــد مو طبيعي تعب تعب كل يوم اداكر خمس ساعات واحرم نفسي من الويكند ولااطلع ادا عندي اختبار وبالاختبارات النهائيه اداكر طول اليووم وساعات اروح مواصله واحيانا انام ثلاث ساعات واقعد اعيد على الكتب
ولا اكل عدل يعننني كاارفه عمري
والنتيجه طلعت مو مثل الي كنت متأملتنه احبااط
ابي افهم شيء ليش فلانه وفلانه تاخد 100 % وانا لا اصلا ادا جيت اطلع في اوراقهم وشفت خيار غلط اتاكد
100% ان جوابهم صح انا شاكه بعمري اني غبييه
لييييش يصير لي كل هدا والله تعبت ماحد حاس فيني واهل كلهم يقولو نسبتك حلوه والكل يتمناها
نسبتي 96.94 ادري انها زينه لكن انا تعبت بجد بجد
ادا مناهجنا ينقال عنها سهله وانا هدي درجات كيف لو درست برا اخد 0 :bbbiu:
متأزمه حدددي

 

[Tom ♥ Jerry]

,



و عليكم السلآم و رحمه الله و بركآتة :eh_s(22): !

حياتي أول شي قولي الحمد لله على الدرجه الحلوة الي وصلتيلها
مو تقولين انا غبيه و مآدري شنو ..
آرضي بلي الله كتبلج اياه .، و الكورس الياي شدي حيلج بعد أكثر
عشان اتييبين نتيجه أحلى و آحلى !
و آن شاء الله تحققين الي في بآلج و تدخلين الـ كليه الي تحلمين فيها :eh_s(22):
آنتي بس قولي يارب و بذلي مجهود و عسى الله يوفقج ..

لا تقآرنين نفسج بـ فلانه و علانه .. :eh_s(15):
آنتي الي عليج سويتيه و هاذا حدج و بذلتي الي عليج
سهرتي و درستي و يبتي نتيجه حلوة ..
الحمد لله

 

[zgrtya]

حمدي ربج ;p

و إن شاء الله تعوضينها !!

أصلاً للحيـن ما عرفنا سر ذكاء الأجانب الي إيبون 100%

بس درجتج زيـنه ،، و لكن لا يمنع إنج توآصلين دراسه و حفظ و مذاكره ;*

موفجه خير أختي

ملاحظه :: عندج خلل بحرف الـ ذ ،، لوول كل كلامج د .. وين النقطه ;p

 

[بنات حواء2]

شوفي حبيبتي الي انتي فيج هو وسواس لا اكثر و لا اقل
و اقولج هلكلام عن تجربه لاني مريت فيها
شوفي لو نركض ركض الوحوش غير رزقنه و نصيبنه الي ربج كاتبه لنه ما نحوش
فقولي الف الحمدلله
انا مثلج و تخصصي كان صعب بالكليه
و من كثر حرصي كنت ادرس 24 ساعه الحمدلله معدلي حلو بس مو هذا الي انا كنت ابيه و بنهايه اكتشفت اني انا الثانيه على التخصص فالف الحمدلله و هشي كافي
و انا اقولج مبروك عنتيجه الحلوه و الله يوفقج و على طول تعوذي من ابليس لانه الحاله الي انتي فيها انا مريت فيها هذا وسواس من كثر الحرص لا اكثر و لا اقل

 

[DALALEY]

ماشالله عليج يايبه هالنسبه وتقولين غبية

 

[$ بنت علمي $]

حبيبتي ألف ألف مبروك ليش تقولين عن نفسج غبيه نسبتج حلوه

إلحمدالله أحمدي رج وشكريه غيرج يتمناها ؤالله ~

أنا نسبتي 96 وطأيره من الفرح ~

ماحست أني غبيه تدرين ليش


لأني واثقه بدراستي ونسبتي عاجبتني ؤحامده ربي

وقولي إلحمدالله ~

 

[طموحي انجلش]

ليش كم نسبتج أنا ماشفت انج ذكرتيها
بس عالعموم
نصيحة لاتهلكين نفسج عالفاضي
الفاضي اللي أقصده (مشاعر الاحباط)
يكفيج فخر بنفسج ان انتي درستي وجابلتي دروسج هذيباجر لما تتذكرينها تستانسين وتسولفين حق عيالج عن اجتهادج
ثانيا ..
انتي حطي ببالج الحد الأعلى مثلا 100 %
ولو تييبين أقل منها بشوي معناته انج راح تييبينها
عفتي قصدي ؟
يعني ماراح تييبينها من أول مرة
ويمكن في شي ثاني مقلل درجتج مثلا المشاركات وهالسوالف
والله يوفقج ويوفقنا ونتخرج بأعلى النسب

 

[لمى الهاجري]

مبروك نسبتج حلوة مافيها شي اهم شي تدخلج التخصص

 

[بدون أسم أحلى]

ماشاءالله الله يوفقك..
معليش هذا جهدك ونصيبك واللي كاتبه الله لك..
قووولي الحمدلله وربي يعووضك

 

[حبوبه الكويت]

ماشاء الله عليج
بالعكس نسبتج حلووووه والكل يتمنـآهااا
حمدي ربج
وابعدي عنج الوسواس وخليج دايمـآآ واثقه بنفسج
وان شاء الله بالفصل الثاني تجيبين نسبه احلى واحلى وتدخلين التخصص الي تبينه

 

[Lost]

شسالفه مواضيع النسب اليوم

كل شوي تذكروني بالي مضى لوووووووووووووووووووووول

كل بنات جذي ايام دراستنا نسبتهم فوق 90% وزعلااااااااااااااانين وقالبين الدنيا هم وغم ونكد

انا وصديقتي الصدوووووقة 50% ونسجد لله ونحمده ونشكره


اقول قومي صلي صلاة شكر لربج

 

[طموح لايتوقف]

حبيبتي نسبتك حلوه غيرك يتمناه وماحصل عليها كنت اعرف بنت تكرف عمرهاا وتوااصل وتذاكر قبل الناس وتجيب في 80 أحمدي ربك وأشكريه ومعك النصف الثاني تقدرين تعوضين وتأكدي الأرزاق بيد الله سوي اللي عليك والباقي على الله وبما أنك حصلتي على هالنسبه االحلوه أنتي قادره تجبين أنشاءالله 100% مافيه شي بعيد على رب العالمين (أذا أصابك هم لاتقول ياهم كما أنت كبير قل ياهم عندي رب كبير)

 

[دلوعة أبوهآ]

نسبتك حلووهـ
قولي الحمدلله .. وشدي حيلك الترم الثآني ..
وإن شاءالله تدخلي التخصص اللي تبينه

 

[اخصائية نفسية 7]

حبيبتى انتى طالعتى للموضوع بنظرة سالبية تماما لم تنتبهى كيف حصلتى على 96 انما ركزتى على 5 درجات فقط هل من الممكن ان تلفتى انتباهك على انجازك فمن ياتي بمعدل 96 ذكي وانما من الظلم ان تعاقبى نفسك هكذا انما افرحي واستمتعي بالنتيجة التى حققتيها ومن ثم اسعى لاعلى منها
بالتوفيق

 

[عاشقه رويشد]

الله يوفقج

 

[G!RLooNa]

نسبتج زينه و على فكره مو لازم تييبين ١٠٠ عشان تدشين طب

و معلومه جربي تنامين الكورس الياي تروحين امتحان مواصله مااااا ينفع جنج مو دارسه شي لازم تنامين و تنامين عدل مو ساعتين و تقومين،، و ترا من طرق حفظ المعلومات و تخزينها بالذاكره اهيا النوم عقب الدراسه

 

[ميس المشاعر]

موفقه ي الغلآآآآآآ
نسبتج حلوة وعقبال التخرج من الجامعه ان شاء الله

 

[انتهت قصة هوانا]

الله يوفقك ويكتب لك الي فيه الخير

 

[bnt_shyo5]

,



و عليكم السلآم و رحمه الله و بركآتة :eh_s(22)::d !

حياتي أول شي قولي الحمد لله على الدرجه الحلوة الي وصلتيلها
مو تقولين انا غبيه و مآدري شنو ..
آرضي بلي الله كتبلج اياه .، و الكورس الياي شدي حيلج بعد أكثر
عشان اتييبين نتيجه أحلى و آحلى !
و آن شاء الله تحققين الي في بآلج و تدخلين الـ كليه الي تحلمين فيها :eh_s(22):
آنتي بس قولي يارب و بذلي مجهود و عسى الله يوفقج ..

لا تقآرنين نفسج بـ فلانه و علانه .. :eh_s(15):
آنتي الي عليج سويتيه و هاذا حدج و بذلتي الي عليج
سهرتي و درستي و يبتي نتيجه حلوة ..
الحمد لله

انا معاها بهالكلام

ولا تحطمين نفسج انا غبيه ، انا مو واثقه ، انا انا ...

خلي ثقتج بنفسج كبيره وقولي الحمدلله وكملي لا يخسف الله فيج

ومبروك على هالنسبه الحلوه ومنها للاعلى

 

[long time]

صراحة رفعتوا معنوياتي المتحطمة ^__^ مشكوورين وايد
وانا هدفي من مقارنه نفسي بالأخرين اني اوصل للي وصلوا له يعني مو حسد لهم والله اتمنى لهم الخير
لكن اتمنى اني اوصل للهالنسبه اللمميزه بالنسبه لي