محتاره في مشكلتي هي مشكله ولا ماهي مشكله

[♡ فاطمه ♡]

السلام عليكم ورحمة الله وبركاته

كيفكم بنات اخباركم .. عساكم مبوسطات مع عرسانكم :eh_s(7):


شوفو بنات بقولكم سالفتي انا متزوجه مرتين طبعا

الاول اخذته غصبا عني مو راضيه عنه .. وانواع المشاكل لاحترام حق اهلي ولا حقي .. ولا يبي عيال شارط علي شرط اساسي عيال ماجيب .. وانا ابي عيال

وثاني شي ان صارت بينا مشاكل يدخل صديقه يكلمني ويراضينا على بعض ..

ويقولي اي مكان تبين تروحي له ماله داعي تستؤذنين تبين تروحي روحي متى ترجعي ارجعي هذا شي ماناسب اهلي والي زاد من المشاكل الله قدر وتطلقت منه..

... حبيت شخص وحبني .. وتزوجنا الحمد الله .. ماصارلي الحسن ثلاث اسابيع متزوجه

احتاج مبلغ وكان معي وعطيته من النقوط الي نقطتتي اياه امي يوم عرسي وزعلت امي قالت توك عاروس وياخذ منك قلت لها مو عيب اني اساعده في شيئ

قالت بيتعود قلت لها هي كلها مره كيف بيتعود .. وطول المده اكل من عند اهلي غدا عشا يحطني عندهم اتغدا واتعشا..

وهذا شي ماعجب اهلي ..لانه مو متحمل مسؤولية صرف ..


ودايم كل ماروح سوق يدق علي وانا في سوق حتى لو كنت مع اهلي ساعه تسعه تكوني في البيت

بس مره رحت مع اهلي ظليت عندهم لساعه 12 ولا دق ولا سؤل جيت ولا ماجيت دقيت عليه انا لقيت جوال مقفل .. وربي شكيت فيه

دق علي 2 قلت غريب مادقيت سؤلت قالي كنت تعبان ونايم ثاني يوم جا ياخذني سؤلته

قلت له وينك كنت فيه قالي كنت في البحرين اشرب قلت يعني احساسي صحيح قالي ايه

والله اني مطاوعته في كل شي يبيه عشان مايزعل ....

معدا قصة شرب مستحيل اشرب معه .. تدخين يبني ادخن معه مره س دخنت معه لانه سوالي سالفه

.. هو تغير مره مره مو الأنسان الي عرفته كل ماقلت له ابي مصرف لي صعب الب من اهلي ابي شحن للجوال ابي اشتري ملابس يقولي انا على قد حالي

على قد حالك وقايلي تبي تشتي سياره قيمتها 35 الف ريال

وتتشغل في ارامكو وراتبك ثمان الاف ... مادري هو مستخسر المصرف فيني ولا ايش سالفه ..

لانه احينا ننغير ونروح شقق وشقق المفروشه في اليوم الي رايقه وكشخه في اليوم اربع ميه وخمسين حولها .


قلت له ابي اتعشا قالي ماتعشيتي عند اهلك زعلت وقلت اقولك مابي اتعشا شبعت قالي وفرتي راح طلب له عشا وتعشا ..

وللحين ساكته ماقلت له شي .. بس انه امس مادري شفيه .. راح جاب علاقة الملابس يبي يضربني

تغير هالأنسان ..وقام يسب فيني انتي كلبه ومادري تونا صاحين من نوم ساعه تسع الصبح

قلت له كلمه وحده قلت له ااذا انا كلبه .. الكلبه ماياخذها الا الحيوان .. توك صحي من النوم تقولي هاكلام

ورحت لاهلي ابكي .. وقالو مالك رجعه الا لمن يحط لك قيمه .. ويصرف عليك ويتعهد على نفسه مايمد يده مره ثانيه

والخوف انه سكير وقالو يمكن يوم من الايام يذبحك وهو مو داري عن نفسه ...

قلت لهم خلاص ابي الطلاق .. قالو اطلاق مو حل توك عاروس وثاني زواج لك ..وش بيقولو الناس


مادري انا محتاره والله ...شورو علي في الي منكم لها فتره مع زوجها وصارت لها مشكله وحلتها والي حكيمه ابي مشوره تنفعني ..

عمري 24 سنه .. سعوديه :eh_s(1):


المهم ابيكم تقولن وش الي لي وش الي علي .. ولا غلطانه انا لان امي تقول انا غلطانه يوم قلت له انت حيوان وقلت لها انه مو اول مره يقولي انتي كلبه .. ويشدني من شعري ..


ويعطيك العافيه بنات .. جعلكم ماتشوفون تعاسه مع ازواجكم يارب وتتهنون مو مثلي في الاول والثاني نفس الحاله ..

 

[♡ فاطمه ♡]

ليه ماتبون تردون عليا او تساعدوني

 

[*E.B.D.A.3*]

في شي مو قادره افهمه !
ردت فعلج تجاه شربه ،، تبين لي انج كنتي تدرين انه سكير !!!!!
ومع ذلك كملتي معاه و وافقتي على الزواج!!
ميخالف، هالنقطه استحمليها لانج رضيتي على روحج جذي!

اما مساله المصرف ،
طبيعي الي يشرب ماتقعد عنده البيزات!! المشروب غالي ،، يعني بالكويتي يمكن مو اقل من 70 للبطل الواحد ترى!
فمادري جم يصير سعودي بس المهم ،،
لا تتوقعين منه يصرف اذا فلوسه رايحه على الشرب ..

الحين الحل ،، اذا وافق على ردتج وتعهد بانه مايطقج ويصرف عليج،
عطيه مهله شهر انه يتحسن ،،
و
قعدي معاه قعده دقيقه جدا !!
وقوليله احنا لازم نتفق على المصروفات والاشياء الي نستهلكها ونسوي ميزانية متقاسمه بينا !!
اخذي ورقه وقلم ،،، وخصصي حق كل شي ميزانية!!
وخليها تكون مشتركه بينكم!
ميخالف، ادري المفروض اهوه الي يتحمل المسؤولية كاملة لكن عصفور بالايد احسن من عشره بالهوى
و ألزميه بهالورقه يعني مع نزلت كل معاش،، كل واحد فيكم يسحب من فلوسه
ويسوي الي عليه ،، وتصكرون الي عليكم.


مساله التفاهم،
قوليله ماتملك حق انك تمد ايدك علي لطالما احنا قاعدين نتناقش مثل الناس
اذا عندك اعتراض، الله لا يهينك قوله! وانا بسمع .. ومثل مانا اسمع،، ابيك هم تسمعني لمه اعترض
وباالنهاية بنحاول ندور على حل توافقي بينا احنا الاثنين!!
ماكو شي ايي بالصيحه !!


اما مساله الشرب ،اذا انتي راضية تكملين معاه على شربه
فبقولج ماله حل اذا اهوه مايبي يتغير!!
لكن شوفي، انصحيه قد ماتقدرين مع انه مراح ينفع!
لكن ميخالف يمكن الله يهديه !!
اذا مانفع كلش،، اشرطي عليه على الاقل، اذا بيشرب، يكون مرة بالشهر
و يكون عندج!! مايكون برا ولا يكون مسافر!!!
هذا اذا انتي قادره تتقبلينه واهوه سكران، اما اذا مو قادره، عيل اطلقي منه !!! لانه ماله حل!!

 

[لمى الهاجري]

اممممممممممم شوفي انتي طنشيه خليه يسكر على كيفه وبقولج شنو تسويين طرشي ناس من اهلج له ويسكر ياخذونه بالغصب لمستشفى يعالجونه من الادمان

 

[*peace*]

^^^^^^^^^

شكو المستشفى ويعالجونه من ادمان الشرب !

حبيبتي اسمحيلي بس انا موفاهمه اشلون اهلج يدرون انه يشرب وموراضيين تتطلقين !؟وانتي شلون

راضيه تقعدين عند واحد سكير الله يعينج ويفرج همج

مايخالف بعد شتسوين هذا اللي الله كاتبه لج قولي الحمدلله استخيري وشوفي شيصير بس

واحد مثل اللي عندج صعب يتعدل والله اعلم

 

[أم عزيـز]

الحين امج تقولج انتي غلطانه لانج قلتيله حيوان
وماقالت انه غلطان لانه سكير وخلاج تدخنين معاه !

يا حبيبتي ليش ما سألتي عنه قبل لا تبتلشين فيه ؟
حبيبتي اللي يسكر يفقد عقله ويقدر يسوي اي مصيبه واهو مو بوعيه
يعني يطق يزني يذبح يسوي بلاوي تحت تأثير المسكرات.

واتوقع الشرب مو شي هين الواحد يسكت عليه
حل واحد يا انه يخاف ربه ويستغفر ويقطع المشروب ويتعهد انه ماراح يسوي هالمعاصي مره ثانيه
ويروح العمره معاج يغسل قلبه من المعاصي اللي كان فيها ويتوب ويصرف عليج ويتسنع

او اذا رفض انه يترك الشرب
اتوقع الطلاق اشرف لج الف مره ان تعيشين مع واحد يسوي اكبر الكبائر اللي ربج ما يرضى فيها

وانتي غلطتي يوم دخنتي معاه لان مشيتي على مزاجه وتوقع ان اي شي بيسويه حتى لو غلط راح تشاركينه فيه *

 

[popa]

خل يسكر وانتي قعدي ظحكي دشي غرفتج ودقي عالهيئه خل يمسكونه متلبس ويطبقون عليه الحد �� يستاهل خل يشوف من الكلب

 

[حبي غالي]

إسمحيلي كلمة حيوان شوي بحقة واهو يمد إيده ويسب على كيفه ،؛ شنو يشرب بآجر لاسمح الله يمكن مايكون بوعيه ويطردج من البيت والحمدالله إن مايبتي عيال للحين ،؛ وقفيه عند حده ولاكلمي خوانج أو أبوج أمج مراح توقف معاج لان تبيج تقعدين معاه وماتـبي توصل السالفة لي الطلاق والله لايقــــــوله وإدعـــي ربج وعسى الله يفرج همج ويوفقج وإن شآء الله كل شي يمشي ،؛ (وجهه نظر)!؟ تـــقبلي مروري ​

 

[ام كوثر2007]

وانا مع اختنا ابدااع برايها


خليه يشرب بالبيت كشكل مؤقت لانه اللى يشرب مستحيل يهد الشرب بسرعه يبيله وقت وصبر


اذا شايفه نفسج انج تقدرين تعدلينه وتصبرين عليه لج الاجر اكيد والله بيعطيج ويرزقج علي نيتج معاه


واذا شايفه نفسج زعوله وكل اشوي طاقه شلايلج عند اهلج تطلقي للمره الثانيه والله يكون بعونج علي كلام الاوادم

 

[Beyoncee]

ابداع
ام كوثر
والبنات ما قصروا كلهم حلولهم منطقيه
الله يعينج

 

[♡ فاطمه ♡]

استفدت منكم جميع صرااااااااااااااحه في اشياء واجد مهمه حطيتها في الحسبان .

بس بنسبه للتدخين للحين اهلي مادرو عنه مماقلت لهم لاني قلت عيب اي شي يصير بيني وبينه يطلع لبرا بيتي.

بنسبه لسكر مو من زمان انا ادري ماقالي الا امي قالت لي دق بليل حول ساعه 2 وقعد يسولف قالت لي ترى زوجك يسكر يوم سؤلتها قالت لي من طريقة كلامه .. فعلا ماصدقتها الا بعدين .. يوم صارحني . . وانا صراحه ودي بطلاق لانه فعلا طردني من البيت ودق على اهلي وقال لهم شوفو بنتكم وين في روحو خذوها ورحت لبيت اهلي وهذا انا للحين في البيت .. وامي تقول ماهو حل الطلاق تووك عاروس ماصارلك شهر ماكملت شهر ..


بس بسمع كلامكم .. وبعطيه فرصه ثانيه يمكن انه يتعدل ويتعهد على نفسه انه مايمد يده علي وانا فعلا قدمت على وظيفه ان شاء الله خلال اسبوع بستلمها عشانه مو عشاني ..


بس كلامكم مره مره حكيم وعين صواب

جزاكم الله خير وجعله في ميزان حسناتكم ..... والله يسخر لكم ازواجكم



وصح نسيت اقول امي يوم قالت لي عيب اني قلت له حيوان تقولي المفروض الزوجه ماتتفوه بشي ضد زوجها حتى لو سبها سب امها وابوها .. بس قلت لها انا مليت وردت عليه وبس .

 

[Patcholli]

فعلا انسان يشرب اتوقعي ان فلوسه ماراح تظل بجيبه ولا ربج راح يباركله ويوسعها عليه لانه يسوي هالمنكر العظيم ..

 

[Mjnont '3lay]

سوري حبيبتي لا تزعلين مني بس انتي اكبر غلط ليش !!
لانه الله سبحانه وتعالى ترضين والديج وزوجج بكل شي الا بما حرمه
والتدخين بالنسبه للرجل حرام فمبالج بالنسبه للمره !!
انتي تسايرينه على التدخين عشان ترضينه بالمقابل عشان تغضبين الله ؟؟؟
لا حبيبتي غلللللللللللللللللللللط تفكييييييييييييرج الرجال اللي يبيني ويحبني كزوووجه وام لعياله المفروووووض بدل ما يخاف علي من اي شي بالدنيا المفروض يخاف علي من الله سبحانه وتعالى انتي باجر وراج حساب بيوم الدين ما تقولين لي شلون تبين تقابلين الله وانتي متبعه زوجج للخراب على فكره ما دام الشيطان لعب بعقلج مره وخلاج تدخنين معناه رح يقص عليج مره ثانيه ويخليج تسوين اشياء اقوى والعياذ بالله
وهالرجال سكير والله العالم لمن يشرب ما يكون بوعيه وخاصتن انه سافر وشرب بدوله كل شي موجود فيها يعني الله العالم يمكن زنى باكثر من وحده
حبيبتي انا عندي تتطلقين منه ولا انه تعيشين مع انسان يشرب ويمكن والله العالم يكون زاااني ويمكن يجيب لج الامراض وينقلها لج والمره ممكن تتحمل الزوج بكل عيوووووووووووبه الا الزاني والسكير والمدمن هذا مستحييييييييييييل المره تصبر عليه
لانه على ما يتووووب ويتعدل الا المره يا تكون ميته موتت قهر بعيد الشر عنج او ناقل لها مرض خطير او راح عمرها دهر وهي شقيااانه معاه وانتي بعدج بشباااابج اتركيه والله يعوضج بلي احسن منه
مافكرتي شلون بتجيبين طفل من انسان مثل هذا وشلون رح يربي الطفل تربيه صااالحه المفروض يا حبيبتي تفكرين لي بعيد شووووي والله يهدي سرج ويوفقج

 

[درة أهل الطولات]

الله يهديكم

 

[♡ فاطمه ♡]

سوري حبيبتي لا تزعلين مني بس انتي اكبر غلط ليش !!
لانه الله سبحانه وتعالى ترضين والديج وزوجج بكل شي الا بما حرمه
والتدخين بالنسبه للرجل حرام فمبالج بالنسبه للمره !!
انتي تسايرينه على التدخين عشان ترضينه بالمقابل عشان تغضبين الله ؟؟؟
لا حبيبتي غلللللللللللللللللللللط تفكييييييييييييرج الرجال اللي يبيني ويحبني كزوووجه وام لعياله المفروووووض بدل ما يخاف علي من اي شي بالدنيا المفروض يخاف علي من الله سبحانه وتعالى انتي باجر وراج حساب بيوم الدين ما تقولين لي شلون تبين تقابلين الله وانتي متبعه زوجج للخراب على فكره ما دام الشيطان لعب بعقلج مره وخلاج تدخنين معناه رح يقص عليج مره ثانيه ويخليج تسوين اشياء اقوى والعياذ بالله
وهالرجال سكير والله العالم لمن يشرب ما يكون بوعيه وخاصتن انه سافر وشرب بدوله كل شي موجود فيها يعني الله العالم يمكن زنى باكثر من وحده
حبيبتي انا عندي تتطلقين منه ولا انه تعيشين مع انسان يشرب ويمكن والله العالم يكون زاااني ويمكن يجيب لج الامراض وينقلها لج والمره ممكن تتحمل الزوج بكل عيوووووووووووبه الا الزاني والسكير والمدمن هذا مستحييييييييييييل المره تصبر عليه
لانه على ما يتووووب ويتعدل الا المره يا تكون ميته موتت قهر بعيد الشر عنج او ناقل لها مرض خطير او راح عمرها دهر وهي شقيااانه معاه وانتي بعدج بشباااابج اتركيه والله يعوضج بلي احسن منه
مافكرتي شلون بتجيبين طفل من انسان مثل هذا وشلون رح يربي الطفل تربيه صااالحه المفروض يا حبيبتي تفكرين لي بعيد شووووي والله يهدي سرج ويوفقج

فعلا ورب كلامك صحيح وعين العقل ... مثل ماقلتي انا طاوعته مو من واول مره بعد الحااح طول وسويتها عشان ارضه ه مره وخلاص

بس وربي انتي صادقه .. لاطاعة لمخلوق في معصية الخالق .. انا ترى اطوف شغلات واجد مافكر فيها اسوي وخلاص بعدين افكر وافهم .. صدق الي قال الاواحد غصب يطمع فيني لاني عبطه واي احد يقدر يتسغلني بسهوله ..
بس هو يخاف علي مره هذا شي الي ماقدر انكره

جزاك الله خير ... واك يارب

 

[♡ فاطمه ♡]

الله يهديكم

امين وياك يارب وكل ال رد عليا

 

[ابـيـض واسـود]

داامه يشرب ماينقعد وياه والله بكرره يذبحج ولايسوي شي قالو ماحس بنفسه

 

[++صدفة++]

آنا مو مؤيدين أن الطلاق يكون حل للمشاكل
لكن بحالتج الطلاق بيكون مثل الدوا .. مر ويمكن ما نتقبله بس ضروري ولا ما تدرين شنو ممكن يسوي فيج وهو سكران
هذا يمكن يزني ويخربط وهو سكران و مو بعيدة وهو سكران يدخل ببيتج رياييل سكارى نفس طقته وساعتها الله يعينج

تبين رايي بالطقاق بكلام الناس وخل يقولون اللي يقولونه .. متطلقة مرتين ؟؟ بس المهم ما تعيشين بحالة خوف ما تدرين شنو ممكن يسوي فيج وهو سكران
دقي على شيوخ دين وشرحيلهم وضعج .. وآنا متأكدة بيقولون لج الطلاق أحسن الحلول
لأن اللي أجبرج بيوم أنج تدخنين وياه .. مو بعيدة عليه أنه يجبرج تشربين معاه بالبداية بيقولج شربة وحدة لين ما يخليج تتعودين عليه

والله يكون بعونج

 

[صادقة بكلمتي]

يا حبيبتي لا طااااااااااااااااااعه لمخلوق في معصيه الخالق تدرين ان اللي تعاشر زوجها بالفراش واهو ما يصلي لها حكم وبعض الشيوخ والله اعلم افتوى انها تعتبر طالق منه شلون عيل اللي يشرب ؟؟؟؟
اولا ادعيله الله يهديه قبل لا تقبض روحه لانه مسلم والله يحب عباده الخطائيين التواببببببببببببببببببين والله ما ادري شقولج بس يشرب ويروح البحرين للهر والسكر شي محزن ومولم انا لو مكانج لا قدر الله ما ارضى فيه لو يكون الزوج الالف اللي اتزوجه واطلق منه خلي الناس يقولون عني تطلقت ثاني يوم ولا اعيش مع سكير عربيد ما يخاف الله اصلا انه يملج ويدخ على انسانة بنت ناس واهو فيه عيب يعتبر باطل مو يملج وياخذ وحده يظلمهاا بعصيانه لربه بالشرب حطي بالج على نفسج لا يكون بعد يعاشر بنات الحرام وباجر ايبلج مرض لا قدر الله وتندمين وقت ما ينفع الندم انا اقول ان تتمنين له الخير بلغي الهيئة عنه على سكره على انه يتوب على ايدينهم ويحفظونه كتاب الله ابركله وباجر لا طلع من عندهم وكان انسان سوي وسليم العقل بيعرف من حبج له ومخافتج عليه بلغتي عنه ولج القرار وقتها اتمين وياه ولا تطلقين والله بيعوضج خير لا تشترين ريال وتبيعن ربج حبيبتي ما نعرف متى يومنا والله يكتبلج اللي فيه الخير
اعذريني ان قسيت بكلامي عليج شويه بس الله باجر بيحاسبني على نصيحتي لج لو ما كنت اعرفج وتقبلي مروري

 

[زوجة عزيز]

حبيبتي انتي تتوقعين بس ايي البحرين يشرب لا حبيبتي اكيد يروح اماكن ثانيه وعنده اشياء ثانيه مابي اشككج فيه وفوق انه مايصرف عليج يشرب ولا يبيج تشربين معاه وتدخنين عيل تالي اشبيسوي بيدخل ربعه يسكرون معاه وكل ذي بصوب والطق بصوب لاوالله هاي شكله الحياة معاه مستحيله يخررع الصراحه الله ينجيج منه الطلاق ارحم الله يعينج على مابلاج عوووووورتي قلبي والله تميت مده اقرى مشكلتج