ريلي يقول انتي تقزيره !!!

[ام ابيار]

قوه بنات صار خلاف بيني وبين ريلي بسبة ان وصلنا االبيت وكانو عمال قاعدين. يشتغلون بالحوش وعاد انا وريلي وقفنا بعيد لمن خلصو صعدنا فوق ولا يعصب عليه انتي ما تستحين علي ويهج فشلتيني انا انصدمت قتله علي شنو ولا يقول ليش واقفه عندي جدام الريايل والله بنات ان وقفت اول شي بعيد بعدين قالي تعالي وقتله يقولي لاا رقعي رقعي وقعد يعصب يقول من تتشوفين مكان في ريايل تستانسين انصدمت من كلمته قتله انا زوجتك شرفك تقول هالكلام وعلي شي ما يسوي يقول لو تعرفين العيب جان ما سويتي جذي قتله مدام انا احب الريايل شتبي فيني جان يقولي تقزييره وااي انا من قال هالكلمه بس قعدت ابجي ما قدرت ارد سكت بس ما شافني كنت بالغرفه الحين بيصير لنا 6 سنين وصرت تقزييره بنات اهو كل مره يقط عليه حجي مثل السم شسوي والله تعبانه حيل *

 

[حلا باسل]

الله يصبرك

 

[DALALEY]

الله يعينج حبيبني يمكن كان معصب وقطها بدون لا يقصد انشالله مايمر اليوم الا اهوا معتذر منج :*

 

[عاشقه رويشد]

الله يعينج عليه

 

[منو انت]

كلمه وتنقال بلحظه غضب


الله يهديه لج ان شاءالله


بس شدعوه 6سنين وتقزيره باين انها مومقصوده ؟

عندكم عيال ؟

 

[cutee__q8]

ان شاء الله مايقصد وقطها واهوه معصب

 

[G!RLooNa]

امبيه شفيه استخف الحمدالله و الشكر @@

جان قالج من الاول صعدي و بس !!

 

[empress hoor]

الله يهداج ماتدرين انه اذا عصبواااااااا كلشييييي يقولون عشان احنا نتنرفز لا تفكرين حبيبي وترى كلش مو المعنى اللي بالج وهدي وانشالله خير

 

[اخت خالتهم]

يمـكـن إنتي اللحين معصبـة .. و كنتـوا معصبيـن
يعني انتي حياتج معـاه مرتاحه والا لأ ؟

اذا مرتـاحه لا تمسكين حجي واحد معصب

لا تنسيـن رسولنا الكريم عليه افضل الصلاة والسلام عليه وعلى اله وصحبه اجمعيـن
قـال "لا تغـضـب "

اذا الطـلاق اللي اهو الطـلاق ما يؤخذ من المعصب شلـون الكـلام
يعني لو انتي معصبة يمكن تقطين حجي ما تبيـنه .....

سكتي عنـه و طووفـي 6 سنين مو شوية عشان تحز بخاطرج كلمة

اذكري ربج
وقول اعوذ بالله من الشيطان الرجيم
" لا اله الا الله والحمدلله "

 

[روحي82]

حبيبتي معصب انتي بعد هدي الرياجيل كلهم اذا عصبوا انحشي

عاادي يمكن بغااار علييج وماايبيج توقفين يمكن كان معصب من شغله

طوفي عااد متحسسين اهوو مو قصده دام صارلكم ست سنين

انشالله العمر كله مع بعض هدي بالج يااحلووه

 

[ام ابيار]

اي حبيبتي عندي ولد واحد

 

[ام ابيار]

مشكورررين مااا قصرتوا حتي لو الصراحه المفروض ما يقول هالكلمه لانها قويه حيل

 

[صدفه نسيتك]

يغار عليج ويحبج ووقتها كان معصب. طوفي

 

[دوووووووووووبا]

حبيبتي عطيه احلى طاف شتسوين بعد !! الحياة لازم تمشي

ان دققنا احنا نتعب وهم مايهمهم

الله يسخره لج

 

[[[ عيون جابر ]]]

ما اظن يقصدها

 

[سفيره الكويت]

شكله يقط الكلام وما يثمنه حبيبتي كلامه سم اوك بس مو معناها اهو يكرهج خلج زعلانه ومدي البوز يدامه وبيييلج ويراضيج بس لا

تطلعين من مملكتج وريلج باين عليه عصبي اخذيه بالدلع والسنع ببيتج وبيتعود يعتذر اذا زل لسانه موفقين

 

[شادن33]

الرياييل لما يعصبون يقولون كلام ززززفت
طاااااف
وما اعتقد يقصدها

 

[مولاي الفرج]

دام ريلج عصبي لازم تطوفين وتصبرين لان موقصده

والله يعينج ان شاءالله

 

[kareeb]

مو مقصوده أكيد

 

[ترجمة احساس]

الرياييل اذا عصبوا يقولون كل شي ومن غيرته عليج قال هالكلام طوفي الله يهديه ويسخره لج يارب