ريلي يقول انتي تقزيره !!!

[sh_mashael]

معلش انا ما فهمت شو يعني
تفزيرة
احد يفهمني معنى الكلمة بليز

يعني اقضي وقتي معاج لأنه ماعندي غيرج او بس عشان اسلي وقتي ومو حباً فيج :eh_s(4):

 

[ام كوثر2007]

حبيبتي حطي في بالج انه كان معصب

لو صج ما يحبج ويغار عليج جان ما عصب علي سالفه العمال

لانج لو صج تقزيره جان ما عصب علي هالسالفه

والتقزيره يا قلبي ما يغارون عليها

 

[english muffin]

وايد وقح الصراحة
حتى لو مثل ماقالوا البنات معصب و يغار المفروض يحترم نفسه

 

[))) ساره (((]

استغفر الله والله يعينك يارررب يمكن معصب وطلعت منه اشياء مايقصدها

 

[كـ غلا ــلي]

لو انج تقزيره ما ظل معاج 6 سنين انتي مرته وحبيته بس الظاهر ريلج عصبي و كان حزتها منفعل وقط الكلمه

من رايي باقرب فرصه قعدي معاه واخذيه الحجي الحلو ادري بتقولين مو كفو ولا يستاهل بس ميخالف حطي

بالج الريال طفل كبير معانته ما ايي الا بالمساحل والمسايس قوليه كنت واقفه وتعديت بسرعه ما اظنهم

انتبهوا علي وخلي السالفه لصالحج قوليله يا عسى عيني ما تبجيك ما هقيتك جذي تغار علي وعطيه من

هالحجي وقوليله ترا حز بخاطري كلمتك بس انتبهي لا تعصبين عليه وتمسكني خليه ينكسر خاطره ليش

سوا فيج جذي

 

[popa]

الله يصبر قلبج

 

[أدب عربي]

حبيبتي عادي لاتزعلين الريال لما يكون معصب يقول
كلام اكيد مو مقصود والله سمعنا اكثر من هالكلام
نطري فترة وبعدين عاتبيه راح تشوفينه ندمان على
كلامه

 

[Patcholli]

قوليله مره ثانيه اي شي مايعجبك فيني صارحني ويوم ماعجبتك وقفتي وياك جان قتلي دشي داخل بكل بساطه ..؟؟

 

[دلوعة صلوح]

يمكن ماكان يقصد .. الله يهدى لج يارب.

 

[حبي غالي]

إي صح عدل كلام البنات يمكن مافكر فيها قبل لا يقطهـــآ ،؛ مومعقولها يقولها بقصد ،؛ لاتصيرين حساسة وغيرة الريال تذبح والله ،؛ عادي طنشي ،؛ والله يفرج همج ويسهل أمورج يــــــــآرب،؛​

 

[ElN00R]

هههه حبيبتي هالكلمه لان حتر عليج عاد انتي شوفي مكان فيه ريال لا توقفين فيه ريلج حار

 

[كات 511]

انا لو مكانج ماأزعل بالعكس اضحك وابوسه بعد هذااااااااااااااااااااااااااغيوررررررررررررررررررررررررر ويحبج وعند الغضب الانسان مايتمالك نفسه يلا روووووحييييييييييييييي راضيه

 

[زينة الهيلا]

معصب والواحد لمن يعصب يقط خيط وخيط
انتوا بينكم عشرت عمر والله يصلح بينكم يالغاليه

 

[صادقة بكلمتي]

الله يسخركم حق بعض عاتبيه حسسيه بحجم زعلاج ولا تكبرين السالفه ان اول مرة وكان معصب لكن ان متكرر اخذي موقف حازم معاه الريال على ما تعودينه يتعود لا تستهينين الله ما يرضى بالكلام هذا والله يهديه

 

[a-a-alrajhe]

حبيبتي عطيه احلى طاف شتسوين بعد !! الحياة لازم تمشي

ان دققنا احنا نتعب وهم مايهمهم

الله يسخره لج

اي والله انا معاها.. الله يهديه ويسخره لج

 

[bal8es]

6 سنين تقزيره مالج شغل فيه معصب وقالها بلحظة غضب وتقولين عندكم ولد الله يخليه
الله يهدي سرج ان شاء الله

 

[كليـ دلعـ]

واهو صاج

بعد من دشيتي وبويهج رياييل

دشي سيدا

بعد عيب رازه طولج وسطهم !!

اي صح احرااج له

وفششله

مااا احب الحريم اللي تتبع الريال مثل الظل

موحلو جذي!

لوكنتوو مو فبيتكم بعني مريتوو ووقف عندهم بأي مكان عادي

لكن فبيتكم وواقفه!!

بعد خلاص وصلتووو دشي داخل دايركت

واقفه تحرسينه شنو بينحاااش!!

ردت فعله طبيعيه.

بس كلمته مووحلوه بس انا حاسه

انه من التعصيبه مايقصدهاا لاتشيلين فبالج

ولاتحرين عمرج

لوكانت عشرتكم سنه سنتين جان قلت

بس دام6 سنين يعني عمر

لاتفكرين بالكلمه عديهاا ع شان نفسيتج

وزعلي عليه

ع هالكلمه خليه يتأدب وينقي كلامه

ولاتزعلين مني والله احتريت

 

[خلطات المذهله]

لحظه غضب ماعليج الشيطان شاطر يبي يخرب بينكم

 

[ommishari]

ما بي اشيشج عليه بس اذا قالج جذي كلام حقريه وخليه اهو الي اييج ، وسوي نفسك مو مهتمه

 

[Tom ♥ Jerry]

,

حبيبتي لا تتضايقين صج الكلمه تعور القلب ..،
بس مبين على ريلج عصبي و يوم يعصب كل شي يقول عشان يبط جبدج
الحل / بكل بساطه لا تناقشينه وقت مآ يكون معصب !