(( التجنيــــد )) *قروب رباط الأخوة *

[manoooram]

موضوع وايد حلوو .. انا مع التجنيد طبعا و مادري شنو السبب اللي لغه التجنيد بالكويت ..
احنا بالذات اللي نحتاج هالقرار يتطبق وباسرع وقت .. الكويت جيرانها ما منهم امان .. من شمال وشرق !
.. واشوف سنتين مده مناسبه علشان تنغرس بالفرد قيم الرجال وشلون يتصرف باصعب الظروف .. مجتمعنا للاسف كثرو فيه الجنوس ! واشباه النساء
وانا مع انه يكون الزامي .. شبابنا وايد مرفه واذا خلينا قرار التجنيد اختياري وايد راح يتقاعصون عن ادائه
اما بالنسبة للنساء فأنا ضد

وتشكرين وايد مانورام حبيبتي على طرح مثل هالموضوع :eh_s(7):

حبيبة قلبي Tulips
عيــونج الحلوة مشكوووووورة
:eh_s(17):

 

[manoooram]

انا مع التجنيد الالزامي للشباب و التجنيد يركز عالجانب العملي مو الاكاديمي لان قبل فتره لما طلع حجي ان بردون يقرونه قالوا ان بكون اكاديمي جنا ما سوينا شي

خل يكرفونهم خل يتعدلون يصيرون رياييل ماشوف رياييل بالمجمعات و الشوارع يا جنوس يا تروفه ولا مغازلجيه لوعوا جبودنا

توا قبل يومين شباب 2 بافنيوز يتقصعون و حافين الحواجب و يتكلمون جنهم مادري شنو استغفر الله قلبوا جبدي و انا من كثر مو منأرفه منهم تنحت بويوههم بدون نا احس و لا دلوع امه يقولي اذا مو عاجبج لا اطالعين !!! اااخ هذول من يقطهم بالتجنيد تحت الشموس يكرفونهم كراف يخلونهم رياييل

و مده التجنيد اتوقع سنه زين

و بالنسبه للبنات انا ضد دخول البنت هالمجال اصلا بس في بنات حاسين ان الشغله تناسبهم و صاروا شرطيات ف مافي مانع ان يكون التجنيد تطوعي حق البنات عموما و الزامي حق اللي تبي تصير شرطيه

الله يعطيج العافيه حبيبتي
صح قالو بيقرونه قريبا لكن الى الآن لم يتم التنفيذ
وتعايشهم بواقع التجربه العملية العسكريه أفضل بمليووووون مرة من الناحية التعليمية
فديتج ياعسل
:eh_s(17):

 

[manoooram]

يعطيج العافيه مانورام على طرح هالموضوع ..

انا مع التجنيد واتمنى يطبقونه بأسرع ووقت
لان شباب هالزمن قاموا يخرعون على الاقل التجنيد راح يخليهم
يعتمدون على نفسم ويتحملون المسؤلياات ويلتزمون بوايد اشياء


وويعطيج العافيه غلاي

الله يعافيج فوشيتي
ما قصرتي .. حيل فرحتني مشاركتج

 

[manoooram]

اتفق مع الاخوات اللي يشيدون ويأيدون مسألة التجنيد فعلا تصقل شخصية الرجل وتخليه اكثر صلابه وقدرة على تحمل السؤليه ايضا الفرق واضح وضوح الشمس بين جيل التجنيد وجيل السبايكي والبلاك بيري و الماك جيكن على قولتهم اللي ليلحين مادري شنو معناتها ..
ولكن بشكل عام اكره وارفض ان يكون في شيء الزامي غير التعليم .. بالنهايه كل انسان حر بحياته يعيشها مثلما يشاء واختنق من الامور الالزاميه ..
خاصه وان البعض تكون له ظروف تمنعه من الالتزام بتجنيد او غيره ..
مثال للتوضيح : اسره مكونه من 4 بنات وام ارمله وولد واحد واعتماد عالاسره وهالبنات كله ينصب على هالولد .. فراح تكون حيل صعبه انه يتركهم ويدخل التجنيد

شخصياً ما أأيد الشيء الالزامي لانه راح يكون مكروه من قبل البعض وما احبذ ان الانسان يكره على شيء
ولكن لو يخصصون دورات للتجنيد مثل دورات الجيش والمطافي ويتخرج منها بشهاده عسكريه مثلا اعتقد انه راح يكون شيء جميل ومحفز وان مايقصتر على سن معين لكل مرحله عمريه تخصص دوره تجنيديه معينه ..
حتى بالصيف تكون هذي الدورات مثل الانشطه الصيفيه للطلبه

ما شالله عليج كفيتي ووفيتي بتوضيح وجهة نظرج
وضربتي لنا مثل حلو
الله يعطيج العافيه

 

[manoooram]

موضوعج روووعه وانا بصراحه مع التجنيد الالزامي للرجال
لان ظاهره الجنوس انتشرت واااااااايد للاسف ويبيلهم ان يتسنعون والتجنيد اهو الحل وماتتدخل الواسطات برايي لو يسوون بالثانويه منهج للتجنيد ويخلونها ماده يوم او يومين بالاسبوع ويتدربون فيها على يد متخصصين هم هالشي يساعد وايد يبدونها من العاشر
بس الحريم ممكن يخلونها اختياري بس يعطونهم دوره الزاميه في الاسعافات الاوليه او هم يخلونها ماده بالمدارس من الصف العاشر وفوق

الأروع مرورج حبيبتي brettey
واقتراحج ورأيج سديد
تسلمين لي :eh_s(7):

 

[<miss botamba>]

طبعا مع القانون

لان يخلق لنا رجال يعتمد عليهم المجتمع بالازمات و رجال تفتخر فيهم اسرهم

المده الزمنيه اتوقع تكون حسب المؤهل الدراسي

وبالنسبه للنساء افضل يكون تطوعي واتوقع راح يكون في اقبال لابأس فيه

وان مايكون إلزامي لان قدرات النساء تختلف بعكس الرجال الي من طبيعهم الخشونه

 

[manoooram]

طبعا مع القانون

لان يخلق لنا رجال يعتمد عليهم المجتمع بالازمات و رجال تفتخر فيهم اسرهم

المده الزمنيه اتوقع تكون حسب المؤهل الدراسي

وبالنسبه للنساء افضل يكون تطوعي واتوقع راح يكون في اقبال لابأس فيه

وان مايكون إلزامي لان قدرات النساء تختلف بعكس الرجال الي من طبيعهم الخشونه

miss botamba
شاكرتلج توضيحج لرأيج العطر

 

[صحفية]

مع التجنيد الالزامي لمده سنه او سنتين ، ويكون بعمر صغير يعني بعد الثنويه مثلا او بعد الجامعه

صراحه شبابنا صارو ما يتحملون المسؤوليه ولا ماخذين الحياة جد ، كل شي ضحك وضغاط ووناسه وطنازه ، يبيلهم تجنيد يضبطهم ويعلمهم المسؤوليه والالتزام والاحترام

شكرا يا حلوه على الموضوع :**

 

[manoooram]

هلا الغالية
يشرفي ارد عموضوعج :*

بصراحة انا اشوف التجنيد وبالاخص للشباب وايد زين ومهم
خصه هالايام الشباب وايد متغيرين عن قبل ووايد حالات شذوذ
منتشرة فالمجتمع ومدلعين بشكل فضيع ... فهالشي .. يصلب
من عودهم ويخليهم يعتمدون على نفسهم ويقدرون الوطن اكثر ..




الله يحفظلنا عيالنا وخليجنا يارب........................................*

simone
يعطيج العافيه على الرأي والدعوة الحلوة

 

[manoooram]

مع التجنيد الالزامي لمده سنه او سنتين ، ويكون بعمر صغير يعني بعد الثنويه مثلا او بعد الجامعه

صراحه شبابنا صارو ما يتحملون المسؤوليه ولا ماخذين الحياة جد ، كل شي ضحك وضغاط ووناسه وطنازه ، يبيلهم تجنيد يضبطهم ويعلمهم المسؤوليه والالتزام والاحترام

شكرا يا حلوه على الموضوع :**

تسلمين لي و حلت أيامج دوم عسولتي

 

[manoooram]

ييعععطييييييج العااافيه ولاهنتي يالغلاااا
ع
المووضوووع العسل اللي نفسج
اب
اب
اب
اب
اب
لعيووونج
الحلووةهـ

الله يعافيج ورفع الله مقدارج
والعسل انتي بكلامج

 

[manoooram]

يمكن اذا طبقوه.. شبابنا شوي يصيرون صج رياييل..زاحسهم وايد منعمين و مترفين ما فيهم جلاده

الله يصلحهم ويهديهم يارب
شكرا حبي

 

[روح العطش]

أصبحت بعض الدول الخليجية تحاول تجنيد وتدريب الفتيات منذ المرحلة الاعدادية وهذا الأمر ليس إلازميا

وكشفت دراسة عن مدى التجاوب الأسري والمجتمعي على تدريب الفتيات على حمل السلاح والدفاع عن النفس وقت الحاجة

أنخراط الشباب في التجنيد واجب وطني لأننا في فترة نحتاج من شبابنا أن يكونوا على أهبة الاستعداد

في مواجهة الأخطار

أنا مع التجنيد لأنه في نفس الوقت مدرسة تهذبية ورياضية وفرصة لتعويد الشباب على الالتزام العسكري

جزاك الله خير على الطرح وشكرا للثقة

بوركتِ


​

 

[JaMoOoNa]

مواضيعج دائما مميزه

بالنسبه للتجنيد فـ انا مع لأن شبابنا الصراحه يبيلهم

و يكون اجباري بعد و ما يقل عن سنتين أفضل لهم

أما البنات فـ انا ضد البنت حلاتها ناعمه و بأنوثتها

أشكرج عالطرح المهم حبيبتي​

 

[جنون العاطفه]

يا ليت يطبقونه مره ثانيه محتاجيين شباب عندهم روح وطنيه ​

يعطيج العافيه موضوع هادف ومميز ​

 

[حبي بيرين]

التجنيد يخرج لنا رجال وان كانو قبله من اهل الفراغ

 

[زَهر تِشرينْ]

◈|❀|◈.
التجنيد يخلق شَخصية قوية صَلبة ويَعمل على أنشَاء
جِيل وَطنى واعِي مُنضبط ومُميز له القُّدرة على حِماية وطنه ودَحر أي إعتداء عليه
..
بُوركت أنَاملك الذهبية على هذا المَوضوع الأكثر من رائع
لكِ تقديري

​

 

[bulbul3001]

احدهم كاتب عن فوائد التجنيد في مصر

.
.
.​

.
1.ريجيم سهل بدون أضرار صحية عشان مفيش أكل اساسا
2.يحببك في اكل البيت عشان مش بتاكل غير ف البيت
3.موفر للفلوس عشان مش هتلاقي حاجة تصرف فيها فلوسك
4.بيعلمك شغل البيت انت اللي هاتغسل لنفسك وانت اللس هاتنضف سريرك وتروقه
5.بيطلعك رحلات سفاري ببلاش
6.بتقبض 170 جنيييييييه ف الشهر كدة هاتحوش فلوسك عشان هاتتكسف تصرف منهم حاجة​

​

يعني من رايي انا مع التجنيد لكن من غير ان يضيع مستقبل الشخص يعني المتفوق في علم من العلوم فتجنيده علمه ومساندته ماديا ومعنويا​

واللي مابتفع في شي افضل ان يكون التجنيد الزاااااااميا منها تفاديا للفراغ ومنها تهذيب للنفس وتشجيع على العلو والتعلم​

 

[بنت العقربيه]

مع طبعا

لانة يطلع الولد رجال بمعني الكلمة واكيد انة يقلص الظواهر السلبية مثل الشذوذ

ويمكن يلغيها من المجتمع والتجنيد يكون الزامي للجميع واقل شي سنة واكثر شي

اربع سنوات

وبالنسبة للنساء اشوف انة مافيها شي لان فية مجال تخدم فية عمتي كانت

تشتغل سجانة وكانت تدق التحية لكن ملابسهم كانت تنورة وبلوزة ماعرف لية

البنات عندهم اعتراض على تجنيد المراءة في الامارات فية جنديات ويخدمون البلد

مانورام انتي مع اوضد ان المراءة تكون مجندة وشكرا

 

[سوسو حبيبتى]

بلبله مشاركتك مش طبيعيه هههههههههههههههههههه انا الى فهماااكي انتى ملكيش خلق تكتبي ههههههههه

بس ياله ادينا اطمنا عليكي ..

patcholl بس حبيبتي فى حاله ان الراجل يكون وحيد امه واخواته زي اخويا..مش بيدخل الجيش

بس هو لو حابب يطوع بيطوع من نفسه .. وفى حالات تانيه كتير مش بتتدخل الجيش زي المريض والى عنده عاهه مستديمه

وكمان لو وحيد امه ..يعني الاب والام منفصلين وامه ماخلفتش غيره هو بس.. حتي لو ابوة اتجوز تاني وخلف صبيان

مش بيدخل الجيش...

يعني موضوع كبيرررررررررررررر وعاملين دراسه لكل الحالات ..وياريت يطبق ف الخليج فعلا محتاجين الشباب

وضحكت على سالفه ماك تشيكن هههههههههه طال عمرك دة اسم ساندوتش عند ماكدونلز