روآيتـي الثآمنه .. القصآيد كلها بإسمك تغنت للكاتبه : gala q8

[جفاكـ ضيع غلآكـ]

آب

آب

آب

 

[princess-m]

غلا سلامات ماتشوفين شر
وناطرين البارت
آب آب ​

 

[أم جديله !]

مــآفي بــآرت اليوم ؟!

 

[حبكـ ملكني]

ســلـــامــاات ما تشووفيـــن شـــر يالــغـــلــا
نـاااطريـــننـــج قـلـــبـــوو**

 

[أم جديله !]

up
up

 

[princess-m]

up up
waiting​

 

[أمحق وفى ـا]

ســلـآمـآتٰ حيـٰآتـيٰ مـآ تشـٰوفيـٰن شـٰـر ..

 

[gala q8]

يا الله انا رجعت الله يسلمكم كلكم فديتكم ;***
و راح انزل البارت بعد شوي بإذن الله

 

[gala q8]

[No message]

 

[gala q8]

[No message]

 

[gala q8]

بنات ماادري ليش لمن انزله يطلع لي ^^ جذيه فراغ !!

 

[gala q8]

[No message]

 

[gala q8]

البآرت السآدس عشر ,, ​

حور مرت حنين و مريم و كان معاها بالسياره حمد و سامي ,,


مريم قاعده جدام و حنين يمها حمد و حمد يمه سامي ورا ,, ​

حور : ها شسويتوا بالامتحان ؟


مريم تبتسم : كالعاده ,, حور تستهبل بالامتحان و تيي ابله صفيه و تسكتها


حور : اي شنو بعد انا يوعانه


حمد : انا كنت عند الناظر اليوم


( كلهم لفوا عليه )


حور : ليش بعد ! إنت كله مناك ! انا اعرف الناس تداوم بالصف مو عند الناظر !


سامي : إي صج نسيت عندي شغله ( و قام يطلع من مخباته الورقه الصغيره و عطاها حمد ) : تفضل ورقتك


حور تطالع سامي : أي ورقه !


سامي رفعها على المنظره : هذي برشومه حمد


حمد ماله خلق يرها و اهوا رافع حلجه ماله خلق شيء : ولا بعد ما غشيت منها


حور : ههههههههه احسن ,, قول لنا شصار معاك !


حمد : سمعي ,


... ​

فالبيت ,, ​

مريم تصبغ اضافرها و كل ظفر لون ,


مريم : حنون ما قلتي لي سالفه البنت اللي بالمدرسه !


حنين ماسكه اللاب شافت مريم وراحت لها : إي صج ما قلت لج


مريم : إي قولي


حنين قامت تصبغ مثل مريم : اقول لج رغد رفيجتنا اللي قبل سنتين تخرجت


مريم : إي عرفتهـآ ,, شفيها !


حنين : سمعي .. كان عندها اخو جميل و يهبل إسمه فهد و هذآ اخوها البجر يعني الكبير


مريم : إي كمممملي


حنين : إي اقول لج مطيح نص بنات منطقتنا


مريم : ههههههههه خلصي كملي مالي خلقه


حنين : المهم اقول لج .. عاد اهوا كان يحب وحده مغروره و اسمها امينه


مريم : زين


حنين : و هذي امينه تموووت فيه ,., بس وايد منغره بنفسها و شايفع نفسها على الكل حتى مره انا و حوروه رحنا البيت و اهي عازمتها الله لا يوريج من جمال و دلال يعني بالاخر ,, يحق لها تنغر ,, ​

( و قامت تتذكر ) ​

بحفله تنكريه ,, و كل وحده لابسه لون و شكل غير ,,


حنين كانت لابسه ساحره و ماخذه معاها مخمه و حور لابسه لبس فرآشه و بدلتها لون اسود ضيج و جناحها لونه وردي الغآمج حيييل و في زري يلمح و حاطه حمرا نفس لون الجناح ,, ​

رغد صديقتهم لابسه لبس شرطه و ماسكه مسدس و تحطه على حور و حنين : اوقفوا مكانكم لا ادخلكم السجن هههههههههه


حور و حنين سلموا عليها ..


حور : واااو الحفله شكلها تينن و لا بعد ظلمه ما يبين شيء كلش !


حنين : إي حده .. بس اللهم الليتات اللي حاطينهم ,,


رغد : إي عشىن نرقص و نعيش جو منيه


حور : اممم زين ..


رغد : تعالوا خل اعرفكم على بنات عمامي مناك ..


حنين : إي حدسي متشوقه اتعرف على امينه بنت عمتج ,,


رغد : هههههههههه زين تعالوا ,, ​

و راحوا .. ​

امينه كانت لابسه مثل لبس الملاك الابيض ,, و لابسه تاج ابيض و حاطه بـ خدودها لمعه و حمرا حمرا و مكياجها ابيض و رمادي و اسود ,, و ماسكه عصآيه بيضآ ...


رغد : هذي امووون و هذي روون بنات عمامي بس ترى مو خوات و هذي رفيجتي حور و هذي حنين ,,


امينه تسلم بكل ثقه : اهلااا ,, انا امون بنت عم رغد


روان بدلع : وانا روون بليز لحد يناديني روان ,, ترى ما احب جذيه نادوني بدلع


حور : اهلا و انا حور


حنين تطالع امينه و مبتسمه و بكل حماس تقول : وانا حنين اخت حور الصغيره ,, و رغود ترى رفيجتي


امينه ابتسمت : امم ,, زين عن اذنكم انا بروح اخذ لي عصير احس اني عطشآنه ,, روون تعالي معاي ,, ( وراحوا ) ​

عند حنين و مريم ,, ​

مريم تهف على اظافرها : زين شنو الغرور اللي موجود باللي قلتيه ؟


حنين : يوووه ,, إنتي ما شفتي شكلها والله العظيم شيء مو طبيعي ,, المهم خل اكلم لج السالفه ,, بعدين مو قلت لج ان رغد اخوها يحب امينه ! و بعدها بفتره ,, تهاوشوا و رغوود ما تدري شنو السالفه ! وبعدها بيومين تفآجئت ان امينه تزوجت اخو روان بنت عمتها


مريم : من صجج !! وران تدري ان امينه تحب هذا اخو رغد ؟


حنين : إي المشكله انها تدري ,, و لا تدري ان اخوها يبي امينه من زمان و روان ساكته


مريم : امبيه و إهي شنو كان موقفها من الموضوع ؟


حنين : شنو موقفها بعد !! تزوجت ولد عمتها الثاني ,, بعد شنو !! و خلت فهد اخو رغد والبنات الحين كل وحده تبي قلبه ,, ​

طق طق طق


حنين : منوو ؟؟


ريم فتحت الباب : ها يمه ؟ شقاعدين تسوون ؟


حنين : ماكو قاعدين نسولف


ريم : زين ,, مريومه حبيبتي قلتي لامج انج بتنامين عندنا ؟


مريم : إي قلت لها ,, بعد تدرين خالتي امي و ابوي باجر بيسافرون بعد وين راح اروح ؟ ما عندي غيركم هههههههه


ريم : ههههههه إي ادري يا يمه ,, زين و اخوج وين بينام ؟


مريم : والله ما ادري ! اهوا ما قال لي انه بينام عندنا .. بس اكيد بينام بغرفه حمد لي ردوا


ريم : خلاص انا اخلي حوور تكلم اخوها و تشوف ,,


مريم : إن شآء الله ,,


ريم : يا الله شوي و نزلوا حق العشآ


حنين : يمااا خل إييبون الاكل منيه مالنا خلق ننزل


ريم : لا حبيبتي ابوج اليوم ناوي إيمعنا كلنا ,, تدرين خالتج حاجزه شاليه لنا ,,


حنين : إي صج ,, زين دام على جذيه اوكي


ريم : يا الله اخليكم خل اشوف اختج ,, ​

ريم طلعت و راحت عند غرفه حور ,,


و اهي تفتح الباب ,,


ريم : ماما حوور وينج ؟


حور قاعده بغرفتها و ماسكه اللابتوب : حياج يما انا هنيه بفراشي


ريم يت لها : ها يمه ! شفيج قاعده منيه ! ليش مو قاعده مع البنات ؟


حور : ماكو شيء يما ,, بس مالي خلقهم ازعجونا كل بالهم على الامتحانات يعني و انا بصراحه مالي خلقهم


ريم قعدت يم حور : زين يما ,, بقول لج ,, تعرفين سوسن مرت عادل ؟


حور : إي يمه شفيهم !


ريم : كلمتني مره ثانيه


حور : يااربي ,, يمه جم مره قلت لج ما ابي اتزوج الحين !


ريم : يا ماما ,, تدرين ان عادل صار شريك مع ابوج خالد و ابوج خالد يحبه و اهوا خوش ريال يا يمه و ولده نفسه و بعدين اهوا مو اكبر منج بوايد !


حور : يمه مو عن بس انا توني صغيره و احس اني مو بسن زواج !! انا لحد الحين احس اني ياهل زين انا ياهل !


ريم : يا حور .. انا يوم اني كبرج تزوجت و انا اصغر منج او بكبرج و كاني شوفيني شحلاتي !


حور : يمه ,, انا ما ابي اغلط غلطتج و اتزوج شخص ما فكرت فيه عدل ,,


ريم تطالع حور : حور شقاعده تقولين !


حور وقفت : أنا صج بعيده عن ابوي و عمي خالد مو مقصر علي بشيء ,, بس لمن يكون ابوي يمي غير لمن يكون زوج امي يمي ! يما انا اشيل اسم ابوي ,, و ابوي ما يدري عني إلا بالاسبوع مره ! انا ما ابي اعيالي يصير فيهم مثل ما صار فيني ّ! ما ابي اتزوج من بعد الشخص اللي ابيه واحد ! ما ابي اظلم عيالي معاه !!


ريم وقفت : ريم ّ يعني انا ظلمتج !!


حور راحت عند امها و مسكت ايدها و باستها : يمه عمرج ما ظلمتيني و حتى انج تفرقييني بين اخواني و تحبيني اكثر منهم ,, بس يمكن اللي راح اخذه ما يطلع مثل عمي خالد ! يمكن يطلع مو زين ! وبعدين يما انتوا زمنكم غير عنا ! احنا زمنا يخرع ,, و سالفه الطلاق قاعده تكثر بالمحاكم ! يمه انا ما ابي اتزوج وانا صغيره ! خليني شوي لين اكبر


ريم مسحت على راح حور و الدمعه بعيونها : يا حور .. والله العظيم إني لمن تزوجت ابوج لاني كنت محتاجه انخش ورا ريال ,, إنتي ما تدرين بلي صار فيني .. ( بس احنا ندري ) ,, و ما تدرين شنو الظروف اللي خلتني اشوف ابوج اهوا الريال اللي يحتويني ( بس احنا ندري ) .. و بعد ما تدرين ليش تطلقت من ابوج و رحت لـ خالد ( بس هم احنا ندري )


حور باست راس امها : يمه .. ما يحتاج ادري .. بس انا ادري و واثقه بعد .. إن اختيارج اهوا الصح


ريم ابتسمت : خلاص انا بكلم خالد اخليه يكلم ابو الولد و يقول له ماكو نصيب ,, بعد فشله اردهم المره الثالثه !


حور ابتسمت : مشكوره يمه ,, ​

... ​

فـ بيت سوسن و عآدل ( ابو فهد ) < عرفتووه !! ​

عآدل يتكلم بالفون : خلاص يآ خالد خلاص ,, ماكو نصيب بعد .. يا الله مع السلامه


سوسن : ها يا بو فهد !


عآدل : اووف .. قأل بعد ماكو نصيب !


سوسن : اخ يا قلبي ,, عاد حور رفيجه رغوده .. و من زمان كانت تيي بيتنا .. و الله انها خوش بنت حتى لو انا امر عيونها تنزلها بالارض


عآدل : روحي فرحي ولدج قولي له ان البنت رفضت .. والله حاس قلبي انه اهوا قايل لها شيء يخليها ترفض وله في بنت يخطبها واحد 3 مرات ..


سوسن : لا يا بو فهد ما اعتقد ولدك يسوي جذيه !!


( سوسن قامت وراحت غرفه فهد اللي كان يتعطر و يلبس شماغه )


سوسن طقت الباب و دخلت : ها يمه بتلطع ؟


فهد شكله معصب : إي بطلع


سوسن : خلاص يا يمه ارتااح البنت رفضتك


فهد ابتسم نص إبتسامه : اشوا ان يت منها .. و إنتي تدرين اني ماني موافق اني اتزوج وحده ما شفتها ولا احبها حتى !


سوسن تطالع فهد : يمه ! لي متى جذيه يعني ! استغفر ربك شلون تبي تاخذ وحده انت مكلمها من زمان ! لا حول ولا قوه إلا بالله ! الله يهديك يا يمه ,,


فهد اخذ سويج سيارته : يا الله انا طالع .. ابوي تحت ؟


سوسن : إي ابوك تحت , يمه تكفا سلم على ابوك ترى ما خذ بخاطره


فهد : إن شآء الله ,, ( و نزل و سوسن وراه ) ,, ​

بالصآله عادل قاعد يطالع تلفزيون شاف فهد واقف عند الدري و يطالعه


عادل لف ويها على التلفزيون بعد ما طالع فهد : واخيرا نزلت من دارك ! خو احنا ما نشوفك إلأا وين وين !


فهد ما وده يتهاوش وراح باس راسه : إي كان عندي شغل


عادل : زين ( طالع فهد ) شكلك طالع ! على وين !


فهد : بطلع مع ربعي بنسهر بالشاليه


عآدل : شاليه ! و منو هذول !


فهد : يبآ لو سمحت انا كبرت ,. ما يحتاج اقول لك منو ربعي بعد


سوسن بخوف : يمه فهد ميخالف هذا ابوك


فهد طالع امه و كآنه بيصآرخ : إن شاء الله .. ( طالع ابوه ) رفيجي سعود


عآدل : و ناصر ولد عمتك بيي ؟


فهد ماله خلق يذكره : ما ادري


عآدل : زين .. روح


فهد طالع امه و مشى .. ​

...​

عند مريم و حور ...


مريم : زين و هذي امينه يابت عيال ؟


حور : لا ما اعتقد .. طبعا مثل ما قلت لج الحين صار لها متزوجه من سنتين ..


مريم : اها ,, يمكن اهي ما تبي


حور : اهي ما تبي !!


مريم :إي يمكن ليش اهي تحب فهد هذا .. و تزوجت ناصر ! امبيه احسها هالبنت غبيه !


حور : ما يندرى يمكن تاكل حبوب منع الحمل !


مريم : إي حده شكله


حور : تبيني اقول حق رغد ؟


مريم : لا والله ! ينيتي ! شتقولين لها ؟ و بعدين احنا و اهي شكو فيها ! مالنا خص !


حور : إي صح .. ​

...​

​

​

​

بالشاليه .. ​

​

​

​

​

​

فهد يطالع البحر و قاعد بالرمل مع رفيجه سعود .. ​

​

فهد : و قلت لهم ماني موافق ! ​

​

سعود : إنت ينيت ! ​

​

فهد : شكو ينيت ! عشاني رفضت اتزوج ؟ ​

​

سعود : إي عشان تنسى بنت عمك !! ​

​

فهد : مااقدر .. سعود احس البنت لي الحين تحبني و من حركاتها احسها لي مو لـ ناصر ولد عمتي ​

​

سعود : تعوذ من بليس ,, خلاص البنت حقه اهوا مو لك ​

​

فهد عصب : سعوود خلاص ! تدري شكثر تجرحني كلمه البنت حقه ! شلون اهي حقه و اهي حقي اصلا ؟ ​

​

سعود : البنت ما تكون ملك حبيبها إلا لين يتزوجها ​

​

فهد : بس اهي ما خلتني افهمها ​

​

سعود : اهي يت و كلمتك بس انت ترفض تعرض لها السبب ​

​

فهد نزلت دمعه حاره : لاني كنت خايف ​

​

سعود : كلنا نخاف من الموت .. و كاك انت ما مت .. انت تعالجت و ما فيك إلأا كل العافيه ! ​

​

فهد : سعود تكفا خلاص لا تخليني اندم ​

​

سعود : راح اخليك فعلا تندم لانك رفضت بنت خالد ​

​

فهد : إهي اصلا مو بنته ,, ​

​

سعود : عيل ؟ ​

​

فهد : إهي بنت زوجته ​

​

سعود : أأأح .. يعني مالك نصيب بفلوسه ! ​

​

فهد يطالع سعود : سعود !! ​

​

يعود : هههههههههههه .. يا يبا انا اتغشمر ! و انت تدري ان انا تفكيري مو بالفلوس وبعدين الفلوس مومهمه المهم البنت وبس ! ​

​

فهد يطالع البحر .. ​

​

​

​

صوت من بعيد : السسسسسلام يا الشباب ​

​

فهد و سعود لفوا .. ​

​

فهد : اهلا نآصر ولد عمتي ​

​

نآصر قعد يمهم : اهلااا .. ها شمسوين منيه ! الشباب فوق قاعدين يشوون ​

​

سعود : أبد .. بس مالنا خلقهم فوق ازعاج و طرب و احنا هنيه نبي ناخذ راحتنا .. إلأأ صج انت مو اليوم سفرتك ؟ ​

​

نآصر : إي المفروض ,, بس حبي فديتها ,, تقول لي لا تسافر خلك يمي بالديره ​

​

فهد مو قادر .. و ساكت ​

​

سعود : إي .. زين شرايكم نروح نطرب مع الشباب ! ​

​

نآصر : أفأ والله يا سعيٍدْ ,, يوم اني ييت بتروحون ؟ ( قام ) خلاص عيل انا بروح و اخليكم ​

​

سعود قام : لا يبا شكو اصلا كنا بنقوووم بس خلصت سوالفنا بعد شحقا نقعد ؟ ( يطالع فهد ) يا الله فهيد قوم ​

​

فهد لم ريله لي صدره و حط ايده فوق ريله : روحوا .. انا بقعد شوي بروحي ​

​

سعود : براحتك يا فهييد ..امش نويصر ​

​

ناصر و سعود راحوا و فهد تم بروحه .. ​

​

​

​

فهد طلع فونه و دق عليها ,, ​

​

... ​

​

​

​

امينه قاعده بفرآشها و تقرا مجله .. ​

​

رن فونها .. وقرت الرقم ( 666…) طبعا اهي تعرف رقمه بس مو حافظه اسمه مع الرقم .. ​

​

امينه : شلي ذكره فيني ! ( ردت ) الـو ​

​

فهد ساكت يسمع صوتها ​

​

امينه : فهد ! ​

​

فهد نزلت دمعته ,, و سكت ,, تذكر صوتها قبل ! وايد تغير ليش !! ​

​

امينه : فهد .. رد علي ! ​

​

فهد يسمعها و قام يشاهق بإسمها : آ .. آميـ .. آآهـ ​

​

امينه قامت تدمع و كآن روحها رجعت : فهد .. آخخ يآ قلبي و اخيرا سمعت صوتك ! ​

​

فهد صكر الفوون .. وكره نفسه لمن سمع صوتها ​

​

​

​

​

​

​

​

كنت بكمل بس للاسف والله كل ما نزلته البارت كله قاعد يصير لي ( ) جذيه نفس المشاركه اللي فوق ​

​

 

[أم جديله !]

ليش أهل خالد مالهم دور ؟

حبيت أخته الصغيره

 

[TouTii]

صرآحه روآيه قمه بآلروعه ,,~
وآنآ سجلت عشآن بس آرد عليج
نآطرين آلبآرت آليآي ,,~
لآ تطولين علينآ :$

 

[gala q8]

صرآحه روآيه قمه بآلروعه ,,~
وآنآ سجلت عشآن بس آرد عليج
نآطرين آلبآرت آليآي ,,~
لآ تطولين علينآ :$

وي :eh_s(22): << ترى اغتر هههههههههه لالا اتغشمر لوول ,,
فديتج عيونج الاروع .. :eh_s(22):

 

[gala q8]

ليش أهل خالد مالهم دور ؟

حبيت أخته الصغيره

آفآ عليج إذا ما لهم دور احط لهم دور جم كيىن عندنا :eh_s(22):

خلاص راح ادخلهم معاهم لوول

نووورتي

 

[ورده خضرا]

مششكوره
بس منو خالات حنين ومريم بنت منو ؟!

 

[ورده خضرا]

مششكوره
بس منو خالات حنين ومريم بنت منو ؟!

 

[gala q8]

مششكوره
بس منو خالات حنين ومريم بنت منو ؟!

راح اقول لكم كل العآيه اوكي عشآن ما تلخبطون


ريم كانت متزوجه من طلال ----> حور ( عمرها 18 سنه )

طلال طلق ريم تزوج ( هنادي ) ---> سامي (بين 16 71 سنه )

ريم تزوجت خالد ----> ( حمد و حنين توآم ) (بين 16 17 سنه )

...

مشآعل ( اخت ريم ) متزوجه من بدر ( الدكتور ) -----> مشعل 18 سنه و مريم كبر حنين ,,


ادري شوي يلخبط ’’ بس مع الوقت راح تعرفونهم