ابي حل لمشكلتي

[ضاع الود]

هلا

كفيكم صبايا

بكتب مشكلتي بس ماابي احد يزفني الله يخليكم


انا بنت متزوجه عمري 26 متزوجه من 8 سنين وزوجي يشتغل بره مايجي الا في الشهر 4 ايام

وطول الوقت لحالي ماعندي احد امي وابوي متوفين الله يرحمهم واخواني كل واحد مشغول بنفسه


مااتواصل معاهم كثير وزوجي دايم مشاكل معاه وذا كان في العمل مايتصل علي وحتى لما ادق

عليه يقول ليه اشعندج متصله تبين شي ولما يجي اجازه مايجلس في البيت بس وقت الاكل والنوم

ومايطلعنا وقبل فتره يمكن من سته شهور اتعرفت على واحد من قرايبنا في الفيس بوك وبعدها

قمت اكلمه مسن بس مسن اهو يقرب لي ولد خاله ابوي بس ماعطيته معلومات صج عني قلت لي

اني من منطقه بعيده وقلت له اسم غير اسمي مابينت له اني اعرفه والحين كل ليله اكلمه ع

المسن واسهر معاه بعد ماتعرفت عليه تركته شهرين والحين رجعت اتكلم معاه ثاني وودي اتركته

بس مو عارفه اشلون احس اني مااستغني عنه وكل ماتقربت لزوجي ماكو فايده وهالشخص قمت ا

احبه كثير واحس اني مااستغني عنه عطوني حل اشلون اتركه

وسوري ع الاطاله بس هاذي سالفتي كامله

واللي بترد ترد رد سنع والا لاترد مو ناقصه كافي الظروف اللي انا فيها

 

[Ms.MrMr]

الله يعينج جد وبصراحه لازم تكلمين ريلج العمر يخلص والشغل مايخلص
حرام مخليج جذي وانتي من الكبت الي فيج لجأتي حق هالشي معنه تدرين انه غلط
بالاساس لو ماله بالمسؤولية زواج جان ما تزوجج والله مادري شقول انا اقول هديه
وتقربي حق ربج وسوي اشياء تسليج الحين كل شي متوفر .. اشتري ايفون وتواصلي مع رفيجاتج والاهل وراح تلهين .. او شوفيلج طبخات وطبخي حق روحج زوري رفيجاتج او بنات عمه خاله

الله يعينج وموووفقة ان شاءالله قدرت لو شي بسيط افيدج =)

 

[فتون777]

حبيبتي
انتي واعيه ان الي تسوينه غلط
خلاص الشيطان قص عليك
قعدي مع نفسك وقولي بس كافي راح اهده
ما راح اشوه سمعتي وسمعت هلي
ولاراح افضح زوجي قدام الي يسوا والي مايسوا
تقربي من ربك وقوي علاقتك بلله وحطي ببالك ان هذا مو شي هين
هذي مسأله يتدخل فيها العرض والشرف
يعني تروح فيها ارقاب
وترا الشيطان شاطر الحين بس مكالمات بعدين مقابلات وبعدين الله يستر
اختي والله العظيم كتبتلك هالكلام عشان تقرينه وتفكرين فيه
فكري دقيقه بعقلانيه
وتخيلي لو زوجك عرف
لو اهلك عرفو
محد راح يسامحك
بس ربك ارحم منهم كلهم
ترفعين يدك وتدعين وتستغفرين يبدل سيأتك حسنات
لاتقولين احبه مخك الباطن راح يصدق ويتمسك فيه
قولي انا اكرهه
انا حق واحد بس وحلالي
وحاولي تسلين نفسك بأي شي
شوفيلك وظيفه مثلا
سوي شوبينق
حددي يوم بالاسبوع ماتقعدين فيه بلبيت
والله يوفقك يارب ويشرح صدرك ويبعد عنك شياطين الانس والجن
وآسفه ع الاطاله

 

[لمى الهاجري]

خلاص سافري مع زوجج وسكني بالمنطقة الييشتغل فيها

 

[^LILY^]

مادري ردي بالنسبه لج سنع ولا راح ازيد عليج !!
واذا ما يعجبج كانج ماقريتيه ..!

اسمعيني يالغاليه
اولا : ترضين زوجج يكلم بنت خال مادري منو بالمسن من وراج ويتعلق فيها
شي بديهي بتقولين لا !
ريلج معطيج الثقه ومخليج بدون ما يراقبج وفجاه يكبس عليج
مثل حركات بعض الريايل المرضى " اتكلم من ناحيه الحريه مو انه مخليج لحالج "

ثانيا : حبيبتي مراح اقولج الحين الحين قطعي علاقتج فيه
بس سمعيني
متى ما تشغلين نفسج بالصلاه والاستغفار والدعاء والصيام
صدقيني راح تنسينه بدون شعور وبتحسن الرجوع له مثل اهانه لنفسج
لانج طول الوقت لاهيه مع ربج
وبتقولين الحين اضيع وقتي مع بشر لا وبعد مافي اجر من وراه كله اثم في اثم

حبيبتي تركي عنج ترا ما وراه الا المشاكل والارق

انا اقولج على اشياء تملي وقتج :
الصلاه بوقتها دام انج فاضيه مو معذوره تاخرينها
قعدي بعد الصلاه ربع ساعه سبحي واستغفري

بحسب الوقت اللي قضيتيه بالصلوات الخمس
الصلاه 10 دقايق بكل صلاه والناتج لكل الصلاوات الخمس 50 دقيقه
الاستغفار والحمد والدعاء بعد الصلاه 15 دقيقه والناتج بعد كل صلاه 75 يعني ساعه الا ربع
يعني وقت العباده عندج ساعتين وعشر دقايق
عاد انتي شوفي من الاغلى الله ولا الشاب اللي تكلمينه بالساعات ؛)
وعلى اساسها زيدي الوقت

وطبعا من جهه نفسج :
سوي خلطات حورفي بعمرج
اطبخي احرقي المطبخ ^^
عندج هوايه مكنوزه طلعيها
والله في اشياء وايد بس انا غلبين النوم ولا كنت بقرق على راسج لي الظهر ههههههه


وبث اتمنى انج تستفيدين يالغاليه

 

[عويتقة]

لا تنظري الا صغر المعصية ولكن انضري الا عضمة من تعصين
عسى ربي يهديك يااااااااااارب

 

[Tom ♥ Jerry]

,


ترا كلش مو عذر آنه ريلج مشغول عنج و تسوين هالسوالف !!!
وايد بنات و انا وحده منهم ريلي لاهي على طول و مشغول
اروح اخونه يعني :/ مآي زمزم مآ يطهرج :/

اتقي الله في نفسج و ريلج !!!!

 

[ام كوثر2007]

تطلقي واخذى اللى تكلمينه


وصدقيني حبيبتي اللى مثلج عمرها ما راح تقعد عند ريااال

اليوم خنتي ريلج باجر تخونين الثاني


يعني الواحد لا ضاق خلقه ما يلقي شي يسليه غير الخيانه والسوالف مع الريايييل ؟

شخليتي عيل حق بنات الشوارع ؟ هذى وانتي علي ذمه ريال لا حشمتي ربج ولا حشمتي نفسج ولا حشمتي ريلج


انا برائي دام انج مو قادره تستغنين عنه علي قولتج تطلقي واخذيه قبل لا يطيح عليج ريلج وذيج الساع فضيحتج تصير بجلاجل مثل ما يقولووون

او انج تصحين وتحسين علي دمج وتتقربين من ربج


حريم قبل الريال يقعد بالشهووور بعيد عنها

ورغم هذا تصونه ما تخونه

وماكان عندهم وسائل ترفيهيه مثل اللى احنا الحين متمتعين فيها

عندج مليوووووووون طريقه تمتعين فيها نفسج وتسلين روحج غير انج تخونين

 

[Beyoncee]

حبيبتي البنت ما ينغفر لها هالشي اذا سوته مو المتزوجه
اذا ريلج جذي العيب منج والقصور منج شلون ترضين تفشلين مع اللى الله حلله لج اذا فيج حب حبى ريلج
فيج غزل ريلج ابدى
الا الخيانه والمشاعر الجذابه حرام الحين اهو يداوم ويتعب وانتى حتي نفسج ما قدرتى تصونينها وتحافظين عليها
عيدي النظر بحياتج قبل لا تصير فضيحه وتجنين على نفسج وريلج وبيتج

 

[*E.B.D.A.3*]

ترى مو منطق انتي متزوجه وماتشوفين زوجج الا اربع ايام بالشهر !!
مايصير!!
طلبي منه يغير وظيفته و ايي عندكم
او انتي تشيلين قشج وتسافرين معاه !!!!
على شنو متزوجج لطالما قاطج بالبيت بهالشكل ؟؟

 

[Patcholli]

مو معقوله انج تزوجتي انسان كنتي تجهلين ظروف عمله .. ليش وافقتي عليه من البدايه ..؟؟
عزيزتي اذا ناويه على فعل المنكر والحرام انصحج لاتظلمين زوجج معاج لانه ماله ذنب اهو مايسافر للتسليه يسافر عشان يصرف عليج وعلى بيته وعشان تعيشين عيشه كريمه .. وبالمقابل تخونينه ..؟؟
نصيحتي اذا زوجج مو تارس عينج ولا مكفيج تطلقي وكلمي اللي تعلقتي فيه مثل ماتبين لكن تبين زوج وتبين تلعبين هالشي مايصلح صاحب بالين جذاب ..
طبعا ماله داهي اقولج شنو الحكم الشرعي لفعلج لانج اكيد تعرفين انه حرام
اتقي ربج وصوني زوجج وشرفج وتركي عنج هالامور الي يزينها لج الشيطان واهي للاسف امور ماتجوز

 

[الأميرة جوري]

تذكري وراج حساب وعقاب لاتذكري وراجح رب مووووووعذر...سافري له وسكنى عنده ...والله يهديج يارب

 

[صادقة بكلمتي]

م قصروا البنات رجعي لربج وانا لله وانا اليه لراجعون الله يهديج ويستر عليج

 

[miss.unique]

صراحة كلش مو شي .. بس 4 ايام بالشهر ؟ّ!

هل هذا شي مؤقت ولا دائم ؟!

وبنسبة لولد خالتج هديه .. مسحيه من اميلج لان ما ورى الا تأنيب اضمير .. و ما رح يتقدملج مثلا اذا درى انج متزوجة
فوخري عنه و لهي روحج باي شي احسن

 

[باااربي]

بنات ارتقوووو اشوي بالردود رحم الله والديكم


صاحبة الموضوع لجأي حق ربج وادعيه ان يهديج ويغفر لج
ولازم تشوفين لج حل مع موضوع وظيفة ريلج
مايصير اربع ايام بس ////


الله يفرّج همج

 

[om MaRyooM]

انتي مانبهتينا ان نرد ردود سنعه من غير لانظايقج الا وانتي حاسة ان في شي غلط مسويته




عموما اختي

انتي تدرين ان اللي تسوينه خيــــانة

محد يقدر ينفي هالشي



الحين الحل اللي المفروظ تسوينه

يا اما تقولين لزوجج كل واحد بطريج وتشوفين حياتج مع الشخص (الي موقادرة تتركينه)

او
تسلكين طريج الصبر والتمسك بالدعاء والتقرب من الله
تحاولين قدر المستطاع تلمحين لزوجج صعوبة القعدة بروحج كل هالاشهر وانج تحسين بفراغ
وانج محتاجته وهكذا



والحل بيدج انتي اللي تقدرين تحددين مصيرج

 

[om MaRyooM]

تطلقي واخذى اللى تكلمينه


وصدقيني حبيبتي اللى مثلج عمرها ما راح تقعد عند ريااال

اليوم خنتي ريلج باجر تخونين الثاني


يعني الواحد لا ضاق خلقه ما يلقي شي يسليه غير الخيانه والسوالف مع الريايييل ؟

شخليتي عيل حق بنات الشوارع ؟ هذى وانتي علي ذمه ريال لا حشمتي ربج ولا حشمتي نفسج ولا حشمتي ريلج


انا برائي دام انج مو قادره تستغنين عنه علي قولتج تطلقي واخذيه قبل لا يطيح عليج ريلج وذيج الساع فضيحتج تصير بجلاجل مثل ما يقولووون

او انج تصحين وتحسين علي دمج وتتقربين من ربج


حريم قبل الريال يقعد بالشهووور بعيد عنها

ورغم هذا تصونه ما تخونه

وماكان عندهم وسائل ترفيهيه مثل اللى احنا الحين متمتعين فيها

عندج مليوووووووون طريقه تمتعين فيها نفسج وتسلين روحج غير انج تخونين

يا سلام عليج

كلامج عين العقل