تزوجتِ عن علاقة ؟ اتقِ الله و استري على نفسك لا تجاهرين و تشجعين البنات !

[نويّر-]

هلا و غلا حياتي أنتِ ^^

شوفي يا عسل ,,

إذا تبين الجد ,, بخصوص الحب العذري ,, أنـا هذا أتوقف بـ شأنه ,,

يعني مدري هو حلال و إلا حرام ,,

وش هو الحب العذري ؟

هو إن وحدة تحب واحد أو واحد يحب وحدة أو الإثنين يحبون بعض

بس من دون علاقة و لا مقدّمات للعلاقة ,,

كيف يعني ؟ أوضح لك يا عسل ^_^ ..

يعني ما بينهم رسايل و لا مكالمات و لا مراسيل و لا نظرات و لا أي حركة و لو بسيطة تدل على إن هالإثنين يحبون بعض ,,

هذا هو الحب العذري ,, يعني آللي عبارة عن مشاعر ساكنة في القلب و مستورة و مخفيّة عن الطّرف الآخر

بحيث إن الطّرف الآخر ما يدري إنك تحبينه أو فيه شي بقلبه ناحيته ,, و تجاهدين نفسك على إخفاء هذا الحب

هذا هو الحب العذري

و أنـا كما ذكرت يا عسل أتوقف بـ شأنه و لست أدري أ حلالٌ هو أم حرام ^_^

بس شوفي هذا الموضوع راح يفيدك يا قلبي :

http://www.q8yat.com/t839460.html

بارك الله فيك

احترامي و تقديري

سعوديّة نجديّة :eh_s(17):

مشكووره اختي جزاج الله خير ع المعلومه والروابط المفيدة

 

[وَِطَنْ ~]

.




( كل أُمّتي مُعافى إلا المجاهرين )
المجاهره بالمعصيه شي عظيم !

/

كل كلمة كتبتيها يابنت نجد ( من ذهب )
الله يجعلها في ميزان حسناتج
زمنّا هذا صعب جدا ، النزيه من يمسك نفسه عند الخطا
المعاصي حوالينا وتحتوينا لتوفّر كل شي :
النت يدخلنا عوالم مو بس عالم ! تويتر ، منتديات واخذي ردود
بي بي ، و و و و و ، والضعيف اللي ينجرف وراها
علينا ان نستخدم هالاشياء في الطاعه والدعوه والفوائد

،

اللهم ارنا الحق حقا وارزقنا اتباعه ، و ارنا الباطل باطلا وارزقنا اجتنابه .

 

[miss.unique]

انا اشوف زواج الحب اذا كان بالستر زين
يعني ما تمشي وتتقول حق رفيجاتها و تمشي و تتكلم

يعني باختصار ما تجاهر .. وهالشي احسنلها واحسن حق سمعتها بعد
عشان اذا ما تم .. محد يكون ماسك عليها شي
واذا تم ... خير وبركة

 

[A L F A J R E Y]

جزاج الله خير حبيبتي

 

[manoooram]

يعطيج العافي وتسلم ايــــــــــدج عالموضوع الرائع
فعلا استغرب منهم !!!
شلون يتكلمون براحة بال ودون اهتمام

 

[آلـغـنـدَ ،]

هلا و غلا بالعسولة ^^

حبيبة قلبي ..

هذا أتوقف بشأنه ..

ما أدري إذا هو معصية أو لا ,, عشان كذا ما أبي أعلق عليه يا عسل ..

و لكني أطلب منك الإطلاع على هذا الرابع لأن فيه تفصيل مهم جدًا :

http://www.saaid.net/rasael/149.htm

بارك الله فيك يا الأجودية نورتِ ^^

مشكوره حبيبتي
لآ هنتي :eh_s(22):


/

 

[غداً القاك]

ياحياتي عسى ربي يوفقك قولي امين هذا الكلام الزين اللي يشرح الصدر ^_^

 

[!! شوق !!]

الله يجزيج الجنه

ماعندي تعليق اكثر .. كفيتي و وفيتي
الله يحرم هالايدين على النار​

 

[»βαzεя«]

يعطيج العافيه

 

[الزورق222]

من المحتمل اللى يكتبون فى الردود ويتفاخرون فى العلاقات رجال يبون يوصلون افكارهم المنحطة عن العلاقات الغرامية ..
مستحيل احد يتزوج بنت لها علاقه معاه مستحيل واذا كان فهم فئة تعد على الاصابع مستحيل الكل يبى يفضح البنات لااحد يقنعنى عكس ما انا مؤمنة به ..

 

[متفائله بلا حظ]

يارب يجزاك عن كل حرف مليوون حسنه الله يجزاج خير ويهدي البنات اللي موراضيات يصدقون هالكلام وللحين الشيطان مغويهن ان العلاقه عادي ومافيها شي
شكرا حبيبتي

 

[*جبرني الوقت*]

رووووووووعه. وابداااع جزاك الله خيرااااا

 

[Mjnont '3lay]

حبيبتي يعطيج العافيه عالموضوع الرائع وبالعكس كلامج حلو ومافيه اي غلط وفي ميزان حسناتج
وعلى سالفة الحب وجذي ماعلينا احنا حبته وحبها وتزوجته عن حب ما يشوفون شر المهم انهم تزوجو بالحلال وانتهى الموضوع
بس الغلط انه الوحده تجي وتشهر وتقول انا تزوجت عن حب و غلطانه اللي تقول مافي زواج عن حب ومافي شي ماتقوله وتدخل الفكره بمخ بنات بعمر الزهوور يتصفحوون المنتدى لعل وعسى يلقون اللي يرضيهم ويسعدهم فتروح البنت اللي بعمر الزهور وتقول ايه والله بجرب احب ورح يتزوجني !!
مثل ما قلتي انتي بالضبط بالموضوع وهذا اكبر غلط
واللي يعور القلب صج انه احنا نسولف ونعبر بكل مافي داخلنا من ورى شاشه وماندري انه فيه بنات صغااار حيل مايصدقون على الله يقرون كلمه مني مناك ويروح الشيطان يوزهم من صوب ثاني ويطبقوون
ومانقدر يا بنات نقول لهم لا تدشون المنتدى والله نبي نسولف على راحتنا كل وحده تحاسب على كلامها وانتهى الموضوع اذا مو عشان البنات الصغار هذوول عالاقل عشان لا تتحاسبون على كلمه ما تسوى قلتوها بلحظة تسرع !
وجزاج الله خير يا ترانيم

 

[Mjnont '3lay]

من المحتمل اللى يكتبون فى الردود ويتفاخرون فى العلاقات رجال يبون يوصلون افكارهم المنحطة عن العلاقات الغرامية ..
مستحيل احد يتزوج بنت لها علاقه معاه مستحيل واذا كان فهم فئة تعد على الاصابع مستحيل الكل يبى يفضح البنات لااحد يقنعنى عكس ما انا مؤمنة به ..

حبيبتي انا مابي اتكلم عشان ما اتحاسب على كلامي بعدين واشجع احد على شي
بس لا تقولين مستحيل مافي شي مستحيل بيد رب العالمين
والدنيا بعدها بخير مو مثل ما انتي متصوره
وبالنهايه وجهة نظر والكل يتقبلها سواء كانت عاجبتهم او لا

 

[مهوسة بالزين]

جزاك الله خير كلام سليم والله يستر علينا يارب بالدنيا والاخرة ومانكون من المجاهرين بالمعاصي

 

[o0سارآo0]

؛



جزاك الله خير على الموضوع

 

[نـــوفـــا]

ما احب زواجي يقوم على المجهول او المحظور ...


لان المحظور ...مالها اساس يقام عليه .. انا شخصيا لو اتزوج واحد وهو قبل يكلمني صراحة يبقى في قلبي مليون شك وشك فيه ...


صراحة مارح ارتاح معه احس بخوف ...


والمجهول الشخص الي اكشط واربح في ليلة الدخلة .. انتي وحظج ...


لا احب اتعرف عليه ويروح ويرد على بيتنا ...وقت طبعا الملكة او العقد ... ومنها اقدر اجيب الحب المحترم الي يرضي ربي ...


وصراحة بها الزمن ماكو ناس تخلص حق احبابها.....



يعطيج العافية غناي ...
​

 

[حنيني لجناني]

رفع للاهميه ^ـــــــــــــــــــــــــــ^

 

[ترانيم القصيم]

انا اشوف زواج الحب اذا كان بالستر زين
يعني ما تمشي وتتقول حق رفيجاتها و تمشي و تتكلم

يعني باختصار ما تجاهر .. وهالشي احسنلها واحسن حق سمعتها بعد
عشان اذا ما تم .. محد يكون ماسك عليها شي
واذا تم ... خير وبركة

إلا يا قلبي .. احتمال آللي تكلمه يكون ( حقير ) و يأذيها ,, و هو آللي ماسك عليها أشياء ( صور , مكالمات , مسجات ) إلخ

و يكون أساس علاقته بها مهوب زواج ,, و إنما لعب و مسخرة ,, فـ يأذيها و يفضحها لو ما سلّمته نفسها أو ما خضعت له ,, و هذا آللي الحاصل عادةً

خلاصة الموضوع ما فيه شي بالحرام نقدر نقول عنه زين حتّى لو بالستّر ,,

لأن يا قلبي فرق بين البنت آللي تتزوّج عن علاقة

و بين البنت آللي تصبر عن الحرام و تتعفف و تسد جميع منافذ الشيطان و ما تقبل بالعلاقة المحرّمة حتّى لو كانت نتيجتها ( زواج )

فهذهـ و تلك عند الله لا تستويــان ,, الأولى عصت ربها عشان تتزوّج ,, و الثانية أرضت ربها و لو على حساب نفسها و شهواتها ,,

فرق بين الثنتين ,,

و مهوب معناهـ لمّا الوحدة تتزوج عن علاقة و تستر على نفسها يعني خلاص ما كأنها بيوم من الأيام عصت ربها بهالعلاقة !

لا تنسين إن الله سيسألنا عن مثقال ذرّة نعملها ,, فكيف بعلاقة محرمة ؟

إلا إذا تابت عن العلاقة فهذا شيء ثاني ,, لأن التائب عن الذنب كمن لا ذنب له ..

فنحن نطالب بالستر يعني على الأقل لا تعصين الله فوق ما أنتِ عاصيته ,,

لا تخلين بدل المعصية معصيتين .. معصية العلاقة و معصية المجاهرة ,,

يكفي إنك على علاقة و عاصية لربك ,, تجاهرين كمان ؟

الله يعين ,,

تسلمين يا قلبي ,, منورة ,, :eh_s(17):

احترامي و تقديري

ترانيم القصيم

 

[ترانيم القصيم]

حبيبتي انا مابي اتكلم عشان ما اتحاسب على كلامي بعدين واشجع احد على شي
بس لا تقولين مستحيل مافي شي مستحيل بيد رب العالمين
والدنيا بعدها بخير مو مثل ما انتي متصوره
وبالنهايه وجهة نظر والكل يتقبلها سواء كانت عاجبتهم او لا

ردّك هذا فيه تشجيع ,, معليش حبيبتي ,, آسفة بس هذي الصراحة

أنـا أعرف إنك ما تقصدين .. بس لو وحدة على علاقة و كانت متخوفة من السالفة و قرت رد زي كذا راح تتطمّن

و تقول الدنيا لسة بخير .. و إلخ ,,

بارك الله فيك حبيبتي ,, ^^