غسول بيكربونات الصوديوم جم مره استخدمه ضروري

[تعب-قلبي]

السلام عليكم
بنات انا كليت كلوميد وغزتني ابره تفجيريه عشان احمل المهم قالتلي ان استخدم غسول بيكربونات الصوديوم قبل الجماع لمده يومين بس السؤال عادي استخدمه مرتين باليوم قبل الجماع والا مايسير الا مره وحده؟؟؟؟؟؟؟

 

[الريمـ اللعوبـ]

حبيبتي انا سمعت انه قبل الجماع يعني مو مرتين

 

[تعب-قلبي]

انا عارفه ان قبل الجماع بس اقصد اذا الجماع مرتين باليوم عادي استخدم بيكربونات الصوديوم مرتين باليوم قبل الجماع والا بس مره وحده؟؟؟

 

[FJ style]

اعتقد عادي
خاصه اذا تبين ولد

 

[غرام القمة]

الله يرزقج

 

[tbola]

الله يرزقج بالذريه الصالحه

 

[الحسن كله]

اي تستخدمينه قبل الجماع بنص ساعه وبعد 12 ساعه عيدي الغسول قبل الجماع بنص ساعه .. بس الجماع يكون بعد الابره ب32 ساعه اذا كنتي ناويه تحملين بولد .. ولاتنسين الشراب القلوي قبل الجماع بساعه حطيه مع عصير كوكتيل a b c لانه يوخر الطعم لان طعمه لايطاق ..واذا حابه الطريقه والعلاج كامل راسليني على الخاص ..سبحان الله انا خبيره بهالامور وخواتي ثلاث حملو بولد بعد شرحي لهم لكن انا ماحملت يمكن لان حملي عزيز .. والله يارب يرزقج بالولد الصالح السليم يارب

 

[تعب-قلبي]

مشكورين كلكم

 

[فلفل اسود]

عاااادي وشوفي ايام التبويض اهم شي

 

[كوكو لاتي]

حبيبتي الحسن كله حطيلنا طريقتج خل نستفيد كلنا

 

[تعب-قلبي]

شلون اعرف ايام التبويض ؟؟؟؟؟

 

[الأميرة جوري]

انا استخدمته قبل الجماع مره ويبت بنت وكنت ابي ولد

 

[الحسن كله]

اختي ارسلتلج على الخاص بس قلت احطه عام عشان الكل يستفيد فسويت كوبي بعد طلب اختي كوكو لاتي .. بصراحه طريقتي نفعت مع خواتي ومانفعت معاي والله اعلم ليش مايصير حمل معاي يمكن لان حملي عزيز ..

اول شي لازم تسوين حميه غذائيه قبل نيتج للحمل بخمس اسابيع على الاقل وتكون الحميه عشان تزيدين الصوديوم بدمج وتقللين الكالسيوم والحميه هي انج تكثرين من أكل ( الملح - الحمضيات بأنواعها اهمها البرتقال - البقوليات خاصه العدس - صدر الدجاج بدون جلد - الفاصوليا - العيش - التمر - كورن فلكس بدون حليب - لحم الخروف - الربيان - السمك - الشاي - القهوه - البيبسي - الذره - الكيوي - الموز - الشمام - العنب - المشمش - الطماط ومعجونه - النفيش )
وتمتنعين من أكل ( الحليب ومنتجاته - وربات -زنود الست- الكنافه <اي شي فيه حليب مثل البسكوت والككاو والكيك - الخبز الاسمر - الباميه- الخيار - البيض - الجزر -المكسرات - الخضروات الورقيه الطازجه والناشفه خس - جرجير - ملفوف - نعناع)
واحسن لو تسوين فحص دم تتأكدين ان فيج نقص ولو خفيف بالكالسيوم لان لو سويتي طريقة الولد والكالسيوم عندج مرتفع يكون اغلب الضن انج راح تحملين ببنت حتى لو غسلتي بغسول ..
بعد ماتجيج الدوره اذا حابه تروحين لدكتوره ثاني يوم دوره عشان تتأكد انج سليمه ومافيج تكيس ولا مشاكل او حابه تاخذين كلوميد يكون ثاني يوم بالدوره انسب شي تروحين للدكتوره .. وتبدين من اول يوم دوره حبوب الجين سلكت وهي اللي تكون بالبوكس الازرق

تحصلينها بالعرف بأربعين دينار الحبوب بروحها تباع بدون البوكس .. تاكلين باليوم 3 حبات يعني كل 8 ساعات حبه .. الحبوب تكفي الى يوم التبويض وهالحبوب ترفع الصوديوم بجسمج ..

ولااازم يكون عزل بعد ماتغتسلين من الدوره يعني مايكون فيه جماع كلش الا يوم التبويض ..
يوم التبويض يكون حسب دورتج ..اذا حابه تسوين بجهاز فحص التبويض واهو مثل فحص الحمل يجي بعلبه العلبه فيها خمس حباة إذا طلع لج خطين الجماع يكون بعد مايطلعلج الخطين ب24 ساعه .. وتلاقين داخل علبة فحص التبويض ورقه فيها جدول يبينلج متى تفحصين بالجهاز حسب طول دورتج (تحسبين طول دورتج مع ايام الدوره ) وتشوفين بالجدول افضل يوم لقياس التبويض

أما اذا حابه تحددين يوم التبويض بالضبط تروحين للدكتوره من اليوم 12 للدوره وهي تشوف متى يكون حجم البويضه فوق 18 تغزج ابره تفجيريه واذا كانت أقل تعطيج موعد عقبها بيوم لمن يصير حجمها فوق 18 عشان تعطيج الابره .. والجماع يكون عقب الابره التفجيريه ب32 ساعه وطريقت الجماع هو انج تغسلين بالغسول القلوي قبل الجماع بنص ساعه ..
والغسول مثل ماتحبين ممكن تستخدمين غسول الجين سليكت اللي مخصصينه لهالشغله وسعره اربعين دينار بالعرف وصورته بالبوكس الازرق فوق .. او انج تستخدمين غسول فاجيل وسعره رخيص جدا اتوقع دينار ونص وفيه عشر حباة او غسول فيمينا العلبه فيها حبتين هو غسول جاهز بس حطيه بصحن فيه ماي دافي عشان يدفا مو زين تستخدمين الغسول بارد داخل رحمج..

انا ارجح فاجيل إذا استخدمتي غسول فاجيل هو عباره عن جيس تفرغينه بلتر ماي مغلي خليه لمن يدفا وصبي الجيس وذوبيه بالماي وحطيه داخل الدش المهبلي واستخدميه وهو دافي احسن لرحمج وهذي صورة الدش المهبلي تحصلينه بالصيدليه ..

وعشان يكون الرحم اكثر قلويه استخدميه بعد الدوره يوم وترك ويوم التبويض قبل الجماع بنص ساعه <<هذا بالنسبه لفاجيل او فيمينا الازرق اما الجين سليكت غالي حطيه قبل الجماع بنص ساعه بس ..

ومن اول يوم دوره تبدين تشربين شراب قلوي اسمه يو راليت وهذي صورته

حطي نص قفشه بعصير كوكتيل a b c عشان يوخر طعمه لان طعمه لايطاااق .. وشربيه تقريبا يوميا او يوم وترك ولكن قبل الجماع بساعه حطي قفشه كامله داخل العصير وشربيه والقفشه تكون داخل العلبه معاه ويجي بالعلبه شرايط لفحص القلويه عن طريق البول عزج الله اذا طلع لج لون ازرق كحلي غامج معناتها جسمج قلوي اذا طلعلج أصفر شربي عصير مره ثانيه بس حطي نص القفشه ..

بالنسبه للزوج افضل انه يتسبح بماي فاتر ويغسل المنطقه مالته بماي بارد شوي لان الماي البارد ينشط الحيوانات المنويه الذكريه .. وياكل ككاو ويشرب قهوه عبال ما انتي تحطين الغسول .. وفي شغله هو انه يسوي تنزيل خارجي باليوم العاشر لج من الدوره ثم يحاول انه ماينزل إلا يوم التبويض (بالجماع) عشان تكون الحيونات المنويه كثيره وجديده .. وأفضل ان الزوج يكون ماكل حبوب الزنك وفيتامين e بالشهر اللي تكونين ناويه تحملين فيه لانه يقوي الحيونات المنويه وبذلك تزيد فرصة الحمل..

طريقة الجماع تكون بطريقة السجود والقذف يكون بأبعد مكان ممكن يوصله ..في بنات طريقة السجود تتسببلهم هوا بالرحم والهوا يقتل الحيونات المنويه اذا كنتي تعانين من هواء بالمهبل من طريقة السجود يكون الجماع بالطريقه العاديه مع رفع الارجل فوق يعني تكون على جتوفه عشان القذف يكون بأبعد نقطه <آسفه على الجرأه بس حبيت اوضحلج .. ولازم تنامين اقل شي ساعتين على ظهرج بعد الجماع
الجماع ينعاد بعد 12 ساعه بنفس الطريقه واذا حابه تعيدينه بعد 12 ساعه ثالثه عادي

اتمنى يكون شرحي وافي واي استفسار انا حاظره :eh_s(17):

ولاتنسين اهم شي الاستغفار الف مره باليوم او اكثر مع الدعاء ..
الطريقه السابقه من تجميعي من الدكاتره اللي جربت عندهم الطريقه ومن النت ونفعت مع خواتي ومع بنت عمي من اول شهر او شهرين ولكن مانفعت معاي .. سبحان الله انا ما احمل بسرعه جربت الطريقه حتى بدون غسول ولاني شكيت فيه بس هم مانفعت معاي :eh_s(16): والدكتوره قالت مالج لا حقن مجهري لتحديد جنس الجنين وحدي متخوفه منها ..

والله يكتبلج الولد الصالح اللي يسعد قلبج خذيت وقت وانا اجمع افكار وكتبتلج مثل ماقلت لخواتي بالضبط :eh_s(22): لا تنسين تدعيلي بالولد الصالح :eh_s(8):​

 

[تعب-قلبي]

مشكوره ماقصرتي كفيتي ووفيتي
انزين يسير اخذ الكلوميد مره ثانيه بعد فتره اذا ماضبطت ويسير اكتفي في بيكربونات الصوديوم مع الشراب القلوي
لان احس واااايد اشياء
وانتي تقولين الجماع بعد ٣٢ ساعه اظن بس الدكتوره بعد ماغزتني الابره قالتلي نفس اليوم بليل شنو الصح وليش قالتلي نفس اليوم
وبخصوص الدش المهبلي انا كنت اغسل بيديني وادخله شوي داخل بدون هالجهاز هل تنفع طريقتي والا لا

 

[الحسن كله]

مشكوره ماقصرتي كفيتي ووفيتي
انزين يسير اخذ الكلوميد مره ثانيه بعد فتره اذا ماضبطت ويسير اكتفي في بيكربونات الصوديوم مع الشراب القلوي
لان احس واااايد اشياء
وانتي تقولين الجماع بعد 32 ساعه اظن بس الدكتوره بعد ماغزتني الابره قالتلي نفس اليوم بليل شنو الصح وليش قالتلي نفس اليوم
وبخصوص الدش المهبلي انا كنت اغسل بيديني وادخله شوي داخل بدون هالجهاز هل تنفع طريقتي والا لا

العفو ياقلبي :eh_s(17): .. يصير بس لازم بإذن الدكتوره لان الدكتوره ماتعطيج كلوميد الا اذا كان ماعندج تكيس واكيد ماعطتج الكلوميد هالمره الا مسويتلج سونار داخلي ومتأكده انه ماعندج مشاكل وتكيسات ..

اذا ماكنتي تبين تستخدمين الحبوب امشي على الحميه عدل وكثري من الاكل المسموح واذا تقدرين تسوين فحص لنسبة الكالسيوم وان نسبته مو مرتفعه اتوقع تغني عن الحبوب ..

اي يكون بعد 32 ساعه لان البويضه تنزل بعد 32 ساعه .. الدكتوره قالتلج سوي جماع بنفس اليوم عشان تزيد فرصة الحمل فيكون الجماع قبل نزول البويضه واحتمال حملج ببنت يكون اكبر لان الحيونات المنويه الذكريه سريعه وتموت بسرعه اما الانثويه تعيش اطول وبطيئه .. احسن شي يكون الجماع وقت نزول البويضه بعد 32 ساعه.. وانا راجعت عند كذا دكتوره متخصصه بمجال البوكس الازرق وقالتلي الجماع بعد 32 ساعه .. منتهى السالم وأميره بهباني ومعصومه مقصيد كلهم نفس الحجي بعد 32 ساعه

لا لاااازم الدش المهبلي انتي لازم تخلين المهبل من داخل قلوي استخدامج له من برا ماله اي فايده اشتري الدش اذا كان الغسول مالج انتي تحضرينه اما اذا كان محضر وخالص يكون الدش المهبلي لازق بالعلبه .. إنتي شنو غسولج بالضبط؟؟​

 

[كويتية222]

ريحي مخج من هالسوالف اللي كاتبه ربج بيصير وبيكون

اخر حمل لي كان ولد واجهضته ماكنت مسويه اي شي توكلت ع ربي

كان عندي تطبيق ميداني وشغل رسالتي متعب وربي ما كتب لي الحمل كان اول ذكر احمل فيه واجهضته

اكلي مووووووووووزززز وايددددددددددددددددددددددددددددد هذا اللي كنت اسويه

 

[تعب-قلبي]

حبيبتي الله يعوضج
وليش اكل الموز شيسوي يعني؟

 

[تعب-قلبي]

الحسن كله انا غسولي فيجل الاخضر قالتلي احط جيس البودره مع لتر ماء واغسل فيه
تهقين مانفعني
لان يادوب اقدر ادخل شوي

وعسى ربي يرزقج بالولد الصالح قولي امين

 

[الحسن كله]

الحسن كله انا غسولي فيجل الاخضر قالتلي احط جيس البودره مع لتر ماء واغسل فيه
تهقين مانفعني
لان يادوب اقدر ادخل شوي

وعسى ربي يرزقج بالولد الصالح قولي امين

بالعكس غسول فاجيل حيل زين واهو قلوي لكن استخدامه بدون دش مهبلي ماله اي فااايده لازم تغسلين المهبل من داخل لا غسلتي من برااا مااااله فايده اشتري الدش وغسليه عدل وعبيه بالغسول فاجيل واستخدميه من داخل وهو دافي .. اي استخدام من برا او تحاولين تدخلين شوي ماراح ينفعج ..
ومشكوووره على الدعوه الحلوه ياقلبي .. واصلا الدش لمن تدخلينه الماي راح يغسل مهبلج وينزل ولاتتخوفين منه..والطريقه بورقه داخل الدش..

ولمن تسالين ليش الموز شيسوي انا كتبتلج عن الاكل اللي لازم تكثرين ومنه ومنهم الموز لانه يرفع نسبة الصوديوم والبوتاسيم بالدم فهو من الاكل اللي لازم تكثرين منه وكتبت لج شنو تكثرين منه بعد ..
والله يرزقني ويرزقج بالولد الصالح :yaaaaaarb:
اتمنى اكون فدتج :eh_s(17):​

​

 

[كتالونيه]

رررفع