التفكير يذبح ،، اللي يفكرون وايد يدشون

[beenoo]

السلام عليكم ورحمه الله وبركاته


بختصر الموضوع قد ما اقدر ...
انا الحمدلله مرتاحه بكل شي ادرس وزوجي مو مقصر معاي بشي وعندي اهلي واهل زوجي كله تماام بس المشكله فيني انا طووووووووول الوقت بالي مشغول وافكر في كل شي مايظل شي مايطرئ على بالي :eh_s(2): احيانا اشغل بالي بفلانه ليش هي انانيه وليش تعامل خواتها جذي <<طيب انا شدخلني <<من زود اللقافه
وحماي ليش يعامل مرته جذي مع انها طيبه ووو بس هو كل يصارخ عليها قدامنا تكسر بخاطري
افكر ليش انا ما حملت بكل شششششي اللي يخصني واللي مايخصني :eh_s(14):


انا ابي علاج للتفكير ابي يروح عني لو 5 دقايق تعبت وربي تعبانه واييد .
وطبعا زوجي يدري بهالمشكله ومايخليني اقعد لحالي عشان اتغلب على التفكير بس ماكو فايده ابد اللي مرت بهالحاله ياليت تفيدني واللي ماتعرف تدعي لي

 

[بتبوتااا]

لووول حبيبتي توجما حملتي ولا ولدتي ولا درستي ولا ربيتي والخ خشي شوي حق بعدين خخخخخ

وجد كل ما تحوشج هالحاله بطلي قران اقري وشغلي نفسج فيه

 

[الأماكن]

تعوذي من ابليس

حاولي تشغلين نفسج

أقري قرآن

تابعي مسلسل

طلعي روحي مع صديقاتج أي شي

بس لا تمين بروحج

وباجر اذا الله رزقج بالذرية الصالحة ... ما راح تفكرين الا بالبيبي

موووووووفقة

 

[OM 9ALO7]

امبيه انتي نفسي بس انا محد يدري فيني يعني افكر بالناس وبنفسي وبريلي وبالماضي والحاضر والمستقبل سالفه قديمه افكر فيها وليش جذي صار والمفروض جذي يصير ومرات اتضايق اذا كانت السالفه تكدرني والله انا مثلج ودي اتغلب على هالشي وانا بعد فيني شي زياده افكر اذا ريلي خاني او سوه سالفه شنو اسوي يعني افكار سلبيه واخطط شنو اقول وبوقتها احتر بعد امبيه احس نفسي مينونه ترا هههههههههههههه اذا لقيتي حل قوليلي

 

[روان المطيري]

انا تقريباً قبل نفس السالفه وما زلت لكن بشكل اقل وما افكر الا بنفسي ومستقبلي
وصلت مرحلةة الارهاق بس اقعد بروحي وافكر بشياء انتهت وقضت وتضر
فا رحت المكتبه واخذت كتب دينيه وكتب لعلاج نفسي وكتب تعرف على شخصيات < هذا ميولي
احب اقرا كتب دينيه وعلم نفس فصرت اشغل نفسي بالقراءه واذا مليت قعدت ع التلفزيون وحطيت يمي كاكاو وشبس
وعصاير وخرابيط واطالع بمسلسلات حتى لو شايفتها من قبل او برامج او ايي شي بس اشغل نفسي
واذا كلش كلش ذبحني التفكير ادق ع وحده من رفيجاتي طبعاً ادق ع وحده غشمرجيه تنكت وتستعبط وتضحك مو ادق ع وحده
تحش بفلانه وعلانه جذي راح تزيدني
فا انتي عندج اكثر من عوامل تساعدج تنسين هالعاده السيئه ومنهم دراستج درسي بطلي الصفحات وتصفحيها حتى مو لازم دراسه
قعدي مع ريلج سولفي تغشمري بطلي الاب لعبي دخلي المنتديات سوي اي شي اقري اذا تحبين القراءه يعني اذا حسيتي نفسج قاع تفكرين
قومي غيري مكانج شغلي اغاني ورقصي عندج حلول ولازم يكون عندج دافع مستعده تسوين اي شي بس عشان تتخلصين من تفكير
والله يوفقج حبييتي وريح بالج

 

[beenoo]

امبيه انتي نفسي بس انا محد يدري فيني يعني افكر بالناس وبنفسي وبريلي وبالماضي والحاضر والمستقبل سالفه قديمه افكر فيها وليش جذي صار والمفروض جذي يصير ومرات اتضايق اذا كانت السالفه تكدرني والله انا مثلج ودي اتغلب على هالشي وانا بعد فيني شي زياده افكر اذا ريلي خاني او سوه سالفه شنو اسوي يعني افكار سلبيه واخطط شنو اقول وبوقتها احتر بعد امبيه احس نفسي مينونه ترا هههههههههههههه اذا لقيتي حل قوليلي

تراج نفسي بلظبط بس انا اختصرت واسويلي سالفه من ولا شي واجيب لها حلول واقعد اتخيل اشياء بس حدي تعبانه من هالشي :eh_s(2):

 

[beenoo]

مشكورين حبيايبي ع الردود

 

[beenoo]

انا تقريباً قبل نفس السالفه وما زلت لكن بشكل اقل وما افكر الا بنفسي ومستقبلي
وصلت مرحلةة الارهاق بس اقعد بروحي وافكر بشياء انتهت وقضت وتضر
فا رحت المكتبه واخذت كتب دينيه وكتب لعلاج نفسي وكتب تعرف على شخصيات < هذا ميولي
احب اقرا كتب دينيه وعلم نفس فصرت اشغل نفسي بالقراءه واذا مليت قعدت ع التلفزيون وحطيت يمي كاكاو وشبس
وعصاير وخرابيط واطالع بمسلسلات حتى لو شايفتها من قبل او برامج او ايي شي بس اشغل نفسي
واذا كلش كلش ذبحني التفكير ادق ع وحده من رفيجاتي طبعاً ادق ع وحده غشمرجيه تنكت وتستعبط وتضحك مو ادق ع وحده
تحش بفلانه وعلانه جذي راح تزيدني
فا انتي عندج اكثر من عوامل تساعدج تنسين هالعاده السيئه ومنهم دراستج درسي بطلي الصفحات وتصفحيها حتى مو لازم دراسه
قعدي مع ريلج سولفي تغشمري بطلي الاب لعبي دخلي المنتديات سوي اي شي اقري اذا تحبين القراءه يعني اذا حسيتي نفسج قاع تفكرين
قومي غيري مكانج شغلي اغاني ورقصي عندج حلول ولازم يكون عندج دافع مستعده تسوين اي شي بس عشان تتخلصين من تفكير
والله يوفقج حبييتي وريح بالج

تسلمين ياقلبي جااري التطبيق بس انا اتغلب سااعه وارد زي ما كنت يعني مايتغير شي

 

[beenoo]

تعوذي من ابليس

حاولي تشغلين نفسج

أقري قرآن

تابعي مسلسل

طلعي روحي مع صديقاتج أي شي

بس لا تمين بروحج

وباجر اذا الله رزقج بالذرية الصالحة ... ما راح تفكرين الا بالبيبي

موووووووفقة

ريلي يقووولي دام هالتفكير لاعب فيج لعب ماكو بيبي لوووول

 

[beenoo]

لووول حبيبتي توجما حملتي ولا ولدتي ولا درستي ولا ربيتي والخ خشي شوي حق بعدين خخخخخ

وجد كل ما تحوشج هالحاله بطلي قران اقري وشغلي نفسج فيه

مشكووره ياقلبي ع المرور الحلو

 

[عيون السعودية]

لفت انتباهي موضوعك لأن نفس اللي اعاني والله العظيم اني احيانا وانا على السرير قبل النوم اقعد ساعتين متواصله افكر ومو شرط عند النوم بأي وقت احيانا اخاف على بنتي من الموت او النار واخاف بعد تدعسها سياره وافكر ايشلون اعيش بدونها وتنزل مني دموع اعيش في عالم آخر واحيانا افكر ان زوجي يتزوج او يموت احد اخواني واخاف على امي ماقدر اعيش بدونها احيان افكر بأشياء مستحيل تحصل في الواقع​

 

[دلوعة صلوح]

الله يعينج يارب

 

[حبوبة الأطفال]

انا نفس وضعج

بس اكثر الي افكر فيه اهو شغل البيت >>> الله والشغل كلها شقة صغيرة

وشغل دوامي

ومايتسلط علي الا حزت نومتي

بس الحمدلله الهي نفسي بلعبه بتلفوني ولا قصة اقرأها لين انخمد وانام والكتاب بوجهي

 

[*E.B.D.A.3*]

لوووووووووووول
عندنا وعندج خير
بس عاد انا الي عندي تعدى حدود التفكير وانتقل الى حدود بلاغة شف
ليمه صار الي بتفكيري على لساني
اي شي اشوفه اسال عنه
بس الحلو بالموضوع ان حوليني عرفوا ان هذا طبعي وعلى حسن نيه
مو من نظام الي تبي تيمع سوالف وبس
وياكثر الي يفتحون قلبهم لي، لا تشوفين سعادتي وانا اسال الاساله بدون لا الي جدامي يقولي وانتي شكو
اخيه
ههههههههههههههههههه

 

[العفاسيه]

انتي مثلي قبل كنت مثلج واكثر
بس بعد الحمال والجهال خف هالشي معاي
تدرين هذا شنو تفسيره هذا يدل انج حيل عاطفيه وقلبج ابيض وماعندج مشاكل تشغل بالج

 

[نور ونوير]

الله يعينج

 

[متفائله ب2012]

والله كأنكم تتكلمون عني :eh_s(22):
أنا عايشه في عالم الافكار :bbbiu:
يعني مستعدة أعيش لوحدي في هالعالم مع أفكاري ههههه
(أنا وأفكاري أصحاب كلوز ههههههه:eh_s(9)::eh_s(9)
والله يجيني صداع من كثرة التفكير بكل شي غير الخيال خخخخخخخخخخخخخ
بصراحه ما أعرف السبب شو :eh_s(10):
الحمدلله مرتاحه مع أهلي وإجتماعيه وجامعيه ووووووووو إلخ يعني ما شي ينقصني أو مضايقني

 

[قسى قلبه وخلاني]

اقري كتب
وعيشي كل يوم بيومه
الكتب والقراءه تبعدج عن التفكير
وكل ش مكتوب للأنسان بيصير سواء فكر او ما فكر
سلمي امرج لله

 

[beenoo]

نورتو بردودكم الله يسعدكم طلعت مو بس انا اللي افكر
الله يبعده عن الكل يارب

 

[تبيني آرضى عليك]

والله انا كذا تعبت من هالتفكير