حبيبتي اتوقع بالكويت كلها محد كان مدمن اغاني كثري , امبي لي درجة انام و الاغاني باذني يعني حاطه الهاند فري و اسمع لين اغفى و هكذااا لوول
لي درجة الكل يقولي امبي مافي اغنية مو حافظتها !!
خاصه ان لمن اغني صوتي حلو فـ 24 ساعه يا اغني يا اسمع اغاني , كل اغنية يديدة تنزل عندي ميلودي و روتانا و هالقنوات 24 ساعه حاطه عليهم قروبات الاغاني عندي بالبيبي ام وتويتر علشان اول باول اسوي اب ديت لول امبي كنت مينوووونة اغاني , اعوذ بالله الله لا يردها من ايام
المهم اخذي الطريقه و جربيها و ادعيلي ,
اول شي صراحه انا ما كنت مهتمه اني اقطع عن سماع الاغاني كان بالعكس وناسه احب الاغاني و كنت اقول انا مستحيل اوخر عن الاغاني و يمكن هذا يكون ذنبي الوحيد اللي ماقدر اوخر عنه يعني انا كنت احبط نفسي بنفسي !! علشان بس الاقي عذر
المهم , تقربت من ربي بالصلاة بمواعيدها و قيام الليل بس 3 ركعات اذا تعبانه و ماقدر , قران يوميا اقرا حتى لو صفحه علشان لا اكون هاجرته , طول الوقت استغفر صبح وليل ما ينقطع الاستغفار من حلجي
سبحان الله يقولج مستحيل تكون المعصيه والايمان بقلب مؤمن , فانتي لمن تكون نيتج صافيه وتنوين تتقربين من ربج بدون هدف تحسين انتي من نفسج ما ودج تسوين شي يغضبه , اول شي ماتبين تزيد سيئاتج و ثاني شي ما يهون عليج كل الشغلات اللي قاعده اتسوينهم صلاة و عباده و استغفار و غيره يضيعون علشان معصيه ممكن بنظرج تكون تافهه , والله و ربي شاهد علي اني من نفسي قمت استحي اذا بطلع و انا لابسه ضيج او حاطه ميك اب واضح استحي من نفسي قبل لا استحي من ربي و لا اراديا الاغاني صارت مو شي مهم عندي حتى ما قمت اغني !!! امبي متخيله والله لو اقولج حالتي قبل امي شكثر تزفني بس سكتي بس سكتي لول و لا حياة لمن تنادي الحين كلللش ما اغني , و كل ما كنت اتقرب من ربي كل ما كنت اوخر عن الاغاني اول شي ماقمت اهتم اني اسمع اغاني يديده , مسحت القروبات , بعدين قطيت السيديات اللي بسيارتي , بعدين مسحت كل الاغاني اللي بتلفوني يمكن هذا كان اصعب شي علي استغفر الله بس لمن تحسين انج تبين ترضين شخص تحبينه تسويله اي شي علشان يرضا صح ؟
فما بالج باللي احسن من كل البشر ؟ مو بس تقطعين عن الاغاني الا تسوين اللي ما يتسواا
و ما اقولج ان الشيطان ما يلعب بعقلي ساعات اقول خلني اسمع اغاني و لمن اتزوج اقطع بس احس انه شكو ! لوول مو جذي يرقعون حق نفسهم لووووول
يعني ساعات اذا معزومه على حفله اوكي عادي بس انه انا احط و اسمع حق وناستي امبي مستحيل احس جني قاعده اسوي شي غلللط عودت نفسي و اقنعت نفسي انه عادي سهل اذا بهد الاغاني مو شي صعب و حياتي ما بتوقف عليها
مره سمعت ان في شيره بالجنه كل ما هب هوا اغصانها تعزف الحان ترق لها القلوب و بس يتمتعون فيها اللي حرمو نفسهم من معزوفات الدنيا , دشي قوقل او اليوتيوب طلعي عن عقوبات اللي يسمع اغاني بس لو باليوتيوب احسن لأن السمع غير عن القراءه ياثر فيج اكثر و صدقيني كل ما تحسين نفسج بتسمعين رح تتذكرين و تخافين و بعدين ترا من ترك شي شيئا لوجه الله عوضه الله خيرا منه , ترا انا مو متدينه على فكره لا عادي حالي حال البنات احب الوناسه والطلعات و ساعات اقصر بحق ربي لكن احاول كثر ما اقدر اني التزم ادعولي .
و سوري طولت عليج بس احب اقرق لووول
