بحش شوي في الرياييل

[هيفاء 966]

هالرياييل صافيهم جليل
مو ملاحظين ان عدد السيئيين اكثر من الزينين
طبعا مافي احد كامل. بس بصنف الصفات السيئه في الرجل المقبوله والغير مقبوله من وجهة نظري
الصفات السيئه الغير مقبوله :
1. الخيانه باشكلها اللي يكلم تليفونات واللي يطلع مع بنات ويكون بينهم علاقه محرمه. اللي يشوف مقاطع اباحيه
2. كثير السب والشتم. اللي يسبج ويسب اهلج
3. العبوس. اللي يدخل قالب ويهه ويطلع قالب وييهه ولا يحاجيج الا للضرورة القصوى

الصفات السيئه المقبوله :
1. اللي يقز في الحريم بالأسواق بس حده القز وبس وهذولي يا كثرهم
2. كثير التدقيق. يدقق وينتقد في الاكل. في النظافه. في عياله. في اي شي ما يستحمل انه يتكلم فيه اصلا
3. الفوضوي. اللي يمشي ويقطط في هدومه في اغراضه وبعدين يحاسبج وينهم
4. اللي كله سهران في الدواوين
5. اللي ما يخليها تطلع الا في الويك اند
وفي صفه ماعرفت وين اصنفها اللي هي البخل. يعني بخل في الكماليات قصدي ما يسفرج الا كل 5 سنيين. مطاعم مافيه الا كل شهرين. من هالسوالف.
ياله كل وحده تقول شنو الصفات المقبوله وغير المقبوله بريلها

 

[ام شيخوه]

روى البخاري عَنْ عَبْدِ اللَّهِ بْنِ عَبَّاسٍ رضي الله عنهما قَالَ : قَالَ صلى الله عليه وسلم : «‏ إِنِّي رَأَيْتُ الْجَنَّةَ ،‏ فَتَنَاوَلْتُ عُنْقُوداً ،‏ وَ لَوْ أَصَبْتُهُ لأَكَلْتُمْ مِنْهُ مَا بَقِيَتِ الدُّنْيَا ،‏ وَ أُرِيتُ النَّارَ ،‏ فَلَمْ أَرَ مَنْظَراً كَالْيَوْمِ قَطُّ أَفْظَعَ ،‏ وَ رَأَيْتُ أَكْثَرَ أَهْلِهَا النِّسَاءَ »‏ .‏ قَالُوا بِمَ يَا رَسُولَ اللَّهِ ؟ قَالَ : «‏ بِكُفْرِهِنَّ »‏ ، قِيلَ : يَكْفُرْنَ بِاللَّهِ ؟ قَالَ : «‏ يَكْفُرْنَ الْعَشِيرَ ،‏ وَ يَكْفُرْنَ الإِحْسَانَ ،‏ لَوْ أَحْسَنْتَ إِلَى إِحْدَاهُنَّ الدَّهْرَ كُلَّهُ ،‏ ثُمَّ رَأَتْ مِنْكَ شَيْئاً قَالَتْ مَا رَأَيْتُ مِنْكَ خَيْراً قَطُّ »‏ .‏
و كفى بهذا الحديث الشريف جواباً و فيه أنَّ أكثَرَ أهل النار من النساء ، و لكن ليس كلّ النساء ، بل أولئك اللاتي يَكفُرن ( أي يجحَدنَ حقَّ ) العشير ( و هو الزوج ) ، أما القانتات الصالحات فهنّ ممّن لا خوفٌ عليهم و لا هُم يحزنون ، و قد جاءت أحاديث كثيرة تُبشِِِّرُهُنَّ بحُسنِ الجزاء ، و من ذلك ما رواه أحمد في المسند عَبْدِ الرَّحْمَنِ بْنِ عَوْفٍ قَالَ قَالَ رَسُولُ اللَّهِ صلى الله عليه وسلم : «‏ إِذَا صَلَّتِ الْمَرْأَةُ خَمْسَهَا وَ صَامَتْ شَهْرَهَا وَ حَفِظَتْ فَرْجَهَا وَ أَطَاعَتْ زَوْجَهَا قِيلَ لَهَا ادْخُلِي الْجَنَّةَ مِنْ أَيِّ أَبْوَابِ الْجَنَّةِ شِئْتِ »‏

 

[هيفاء 966]

اخيررررا. حولت عيوني من الانتظار

 

[شادن33]

كثره التدقيق فى الاكل
والنقطه الخامسه يعني رجلي على رجلك
وفي ايجابيات واايد الصراحه
حنانه على اعياله وعلي طبعا
وكرمه
عشان لاتقولون نكفر العشيير اعوووذ بالله من هالصفه

 

[سفيره الكويت]

النساء تمدح انفسها وتنسى ماتجنيه يدها وانا ساقول اغلب النساء..!

فكم متزوجه تكلم من وراء زوجها..!

وكم من متزوجه تذهب لبيت اهلها لتخرج من وراءه للاسواق..!

كم من متزوجه تتحدث عن زوجها بالسوء...!

كم من متزوجه تدرس الاولاد سوء اخلاق زوجها ولو كان طيب القلب..!

كم من متزوجه تدخل الدردشات من وراء زوجها..!

كم من متزوجه تتكلم بام زوجها وتذكرها بالسوء..!

عجبا لاناس يروون اخطاء غيرهم ويخفون اخطاءهم ..!

على قولتهم سنعوا وزارتكم بااالاول < انا عقلانيه ولن اخضع للعاطفه مثلكم..!

 

[هيفاء 966]

انا لله. جاو النفسيات يتفلسفون.
ندري ان الحريم مب كاملين وفيهم عيوب. وهذا مو موضوعنا. وصراحه مافي مقارنه بين عدد النساء السيئات وعدد الرجال اشوف الحريم مب عارفين شيسوون عشان يرضون الزوج

 

[فرفورهـ]

اي ندري ان المتنزوجات فيهم عيوب بس اتوقع الموضوع واضح
يعني مو لازم تغيرون فكره كل الموضوع
تناقشو بعيوب الزوج المقبوله والغير مقبوله عشان الكل يحمد ربه على الي عنده الموضوع جدا واضح
ولا في عيب قوي الا وهو الي يشك بمرته
والثاني الي كل سوالف مرته واخبارها يوصلها لامه وخواته الله يعين
ويع خلاص زواااااااج شلته من بالي شلنا بعوار الراس ؛))

 

[ام كوثر2007]

صح لسان ام شييخوه ما عقب كلام الله اللي اكتبته كلام


كل وحده تشكي من ريلها من سوء معامله تكون اهي لها دوور كبير بالمعامله السيئه اللى يعاملها اياه

لكن مع الاسف محد يعترف ويقول انا غلطان

يبون الريااال اهو المعيووب برغم انه العيب فيهم

 

[سفيره الكويت]

لاول مره اتفق مع ام كوثر رغم اختلافي معها سابقا بوجهات النظر ولكن الحق يقال ..!

 

[سفيره الكويت]

هالرياييل صافيهم جليل
مو ملاحظين ان عدد السيئيين اكثر من الزينين
طبعا مافي احد كامل. بس بصنف الصفات السيئه في الرجل المقبوله والغير مقبوله من وجهة نظري
الصفات السيئه الغير مقبوله :
1. الخيانه باشكلها اللي يكلم تليفونات واللي يطلع مع بنات ويكون بينهم علاقه محرمه. اللي يشوف مقاطع اباحيه
2. كثير السب والشتم. اللي يسبج ويسب اهلج
3. العبوس. اللي يدخل قالب ويهه ويطلع قالب وييهه ولا يحاجيج الا للضرورة القصوى

الصفات السيئه المقبوله :
1. اللي يقز في الحريم بالأسواق بس حده القز وبس وهذولي يا كثرهم
2. كثير التدقيق. يدقق وينتقد في الاكل. في النظافه. في عياله. في اي شي ما يستحمل انه يتكلم فيه اصلا
3. الفوضوي. اللي يمشي ويقطط في هدومه في اغراضه وبعدين يحاسبج وينهم
4. اللي كله سهران في الدواوين
5. اللي ما يخليها تطلع الا في الويك اند
وفي صفه ماعرفت وين اصنفها اللي هي البخل. يعني بخل في الكماليات قصدي ما يسفرج الا كل 5 سنيين. مطاعم مافيه الا كل شهرين. من هالسوالف.
ياله كل وحده تقول شنو الصفات المقبوله وغير المقبوله بريلها

1/ارى مشكله الخيانه ليست محصوره على الرجال واحصائيه اغلب الرجال خونه فمن اين اتيتي

بهذه الاحصائيه هل راقبتي الرجال جميعهم بكاميرات ثم اصدرتي هذه الاحصائيه؟؟؟

2/كثير السب بهذه اقولج اسمحيلي اغلب الحريم يسبون ويشتمون اكثر من الرياييل واحنا حريم ونعرف
فعلى منو نضحك؟؟

3/يدش البيت زعلان هني دور الزوجه وتعاملها مع زوجها اما تكون ايجابيه او سلبيه ..!


4/شلون يعني يقز في الحريم ..! مافهمتها هذي هههههههه

5/مايسهر بالديوانيات الا انه الحرمه نسره ويبي ينحاش منها ههههههه الانثى من تجذب الرجل لها

والا لماذا نرى رجال يلصقون بزوجاتهم لصق..!

6/عيل تبين يخليها تطلع يوميا تسرح وتمرح وعلى حسابه مسكين ..!

7/يمكن تسمينه بخل وهو ادخار للمستقبل..!

اتمنى وضحت الامور..!

 

[هيفاء 966]

سفيرة الكويت معصبه ههههههههههه
ما تعرفين شلون الريال يقز في الحريم في الاسواق ما فهمتيها تقولين ؟ لو اقول لشغالتنا فهمتها هههههههه

 

[سفيره الكويت]

لا تعصبين حبيبتي والبنات ماقصرو اتركوا عنكم المواضيع العنصريه واللي ماتفيد ولا تقدم وحطوا المفيد بدل من التحلطم حطوا افكار

تقرب بين الزوج وزوجته تزيد الود والمحبه بينهم حطوا افكار تنفع البيت الاسري وتحقق الطمأنينه والسعاده فيه مو الريال جذي وجذي

العنصريه يوم تركوها العالم صارو يفكرون ويتقدمون ويوم كانو فيها كانو ناس بدون عقل..!

 

[نونو العصله]

والنقطه الخامسه يعني رجلي على رجلك



شادن ريلج يقرب لريلي؟
ههههههههههههههههههههههه لا يكون نفس الشخص
هلصفه مووجوده فيه
ريلج شنو برجه بلضبط


يسلمو صاحبة الموضوع


مميزاته وايد
حنون وحبوب
متحضر
فنان في كل شي
بس من اهم عيوبه
ومحد خالي من العيوب
عنيد و يحب يعرف كل صغيره وكبيره
ويحب يعارض

حتى لو موافق على الشي
يعارضه
واهم ميزه انه يحبني واحبه رغم عيوبه
وهم انا فيني عيوب ما اقول كامله

 

[أمون ام احمداني]

بخصوص ما يسفرج الا كل ٥ سنين هذي شكووو و عادي كل و احد و ظروفه و الميزانية أنزين الحين عيالي مو عمر سفر وين تخليهم عند منو و لا توني والد ارتبطت ولا اجازات الدوام ريلج ما يقدر كل صيف إجازة. وين في شي اسمه ظرووف و ما يتعلق بالبخل أبدا

 

[هيفاء 966]

أمون انا اقصد اذا هو مقتدر. بس ماسك

 

[منى قلبها ابيض]

كل ريال في خصال زينه وشينه ما في احد كامل انا ريلي يسهر بالدواوين لي اوقات مو مناسبه ومن حقه يدقق بنظافة عياله ولبسهم وهم من حقه يغار على مرته ويحاسبها على طالعه والداخله صدقيني الزوج اللي مرخي الحبل ما فيه غيره انا زوجي يموت على السفر بس احيانا ظروف شغله تجبرنا ما نسافر معنى انا مدرسه واجازة الصيف طويله احس انه ملوله من غير سفره ولا يرضى اني اسافر مع اهلي الواحد يصبر صدقيني تنولين واهم شي ان يكون الزوج حنون اما المطاعم هم مرات انا اكسر الروتين واعزمه مو شرط هو يعزمج كلن يغني ع لياله اهم شي زوجج يكون محترم ويصون العشره وامور الحياه هذي صارت ملزومه علينا ولازم نصبر يعني لي حبست ريلي من الدوانيه وقفلت الباب عليه بستانس يا يجيني بطيب خاطر يا بلااااااه

 

[نونو العصله]

راللي يقولون الريال يحكر المره متخلف
انا اقول لا
في حريم ما ينعطون ويه


والريال لازم يكون شديد وما يرخي
بامور الطلعه
واللي عنده غيره على مرته تقولون عنه حكر ومعقد


كلكم راع وكلكم مسؤول عن رعيته
واطيعو اولي الامر منكم

هذا الشرع
للي ما تعترف بلعادات
وتقول عنها تخلف

 

[أمون ام احمداني]

بس هم يظل شي اسمه ظروف

 

[زوجة عزيز]

اي والله وانتي الصاجه

 

[فوفو22]

التعميم انا ضده بكل شي

هم واحنا فينا صفات الزينه والشينه

تزيد تقل كل شخص ايا كان جنسه

فوفو