بحش شوي في الرياييل

[Sweetq8]

امبيييي
امبييي
امبيييي

نعم نعم نعم نعم الي داشين يبون يتهاوشون و اكلووو البنت

البنت ماقالت الحريم ملايكه نازله من السما

قالت شنو الصفات السيئه المقبوله و الغير مقبوله بالرجل بنظركم لا اكثر ولا اقل

الي داشه بالعرض و الطول ولا ابي ع طول مسكت نقطه نقطه و اتقاارن فيها بين الحريم

حمدلله و الشكر

عقليات متخلفه و عطوها وجه تتكلم شي يقهر صراحه متخلفاااااات

حبيبتي صاحبة الموضوع

انا عندي الخيانه غير مقبوله غير مقبوله غير مقبوله

مواح حبيبي مافي شي يعيبه فدددديته

 

[نونو العصله]

توني اقرا
واااااااااااااااااااااااااااااااااااااااااااييييييييييييي
شدخل المره وخياناتها
لا ترمين المحصنات
وانتي بنت
ولا تشمتين
حرام
الشهر اللي مالج في خبز لا تعدين ايامه
خربتي موضوع البنت
عندج انتقادات
حطيلج موضوع بروحج

 

[ياليتهم يشعرون]

والله في ريايل ينحطون عالجرح يبرى بس الى الان اسمع عنهم وماشفتهم هههه

 

[سفيره الكويت]

راللي يقولون الريال يحكر المره متخلف
انا اقول لا
في حريم ما ينعطون ويه


والريال لازم يكون شديد وما يرخي
بامور الطلعه
واللي عنده غيره على مرته تقولون عنه حكر ومعقد


كلكم راع وكلكم مسؤول عن رعيته
واطيعو اولي الامر منكم

هذا الشرع
للي ما تعترف بلعادات
وتقول عنها تخلف

وكيف ربطتي الدين بالعادات والتقاليد هل العادات السيئه تدخل بالدين ايضا..؟!

هناك فرق بين الدين والعادات والتقاليد الدين من الله سبحانه والعادات والتقاليد من المجتمع ..!

الرجل هو قائد المنزل فان لم يكن قائد للمنزل فهو ليس برجل ..!

فليس الرجل في فحولته انما الرجل في قيادته..!

>ترى عرفت انه النغزه موجهها لي لوول

 

[ماني من الناس]

امبيييي
امبييي
امبيييي

نعم نعم نعم نعم الي داشين يبون يتهاوشون و اكلووو البنت

البنت ماقالت الحريم ملايكه نازله من السما

قالت شنو الصفات السيئه المقبوله و الغير مقبوله بالرجل بنظركم لا اكثر ولا اقل

الي داشه بالعرض و الطول ولا ابي ع طول مسكت نقطه نقطه و اتقاارن فيها بين الحريم

حمدلله و الشكر

عقليات متخلفه و عطوها وجه تتكلم شي يقهر صراحه متخلفاااااات

حبيبتي صاحبة الموضوع

انا عندي الخيانه غير مقبوله غير مقبوله غير مقبوله

مواح حبيبي مافي شي يعيبه فدددديته

صحيح صحيح صحيح صحيح

 

[نونو العصله]

سفيره عيشي الواقع شوي

افكارج هدامه الصراحه
ليش متنكره لعاداتج وتقاليدج

 

[سفيره الكويت]

سفيره عيشي الواقع شوي

افكارج هدامه الصراحه
ليش متنكره لعاداتج وتقاليدج

اول شي خلينا نعرف العادات والتقاليد

العادات و التقاليد هي اقوال وافعال ناشئة من وسط المجتمع او وافدة اليه , توافق افراد المجتمع على قبولها وممارستها حتى اصبحت مع مرور الزمن من المسلمات التي لايجوز خرقها او تجاوزها ببساطة


ولانه العادات والتقاليد هدامه للعقل واذا كلنا بنرضخ للواقع سنتخلى عن المنطق..

هناك عادات وتقاليد مثلا بالزواج البنت ماتتزوج الا ولد عمها لولا من هم مثلي يحاربون هذه الافكار

بالمنطق لاستمرينا على نفس النهج..

العادات والتقاليد والكلام الذي يقال عن المطلقه..!

اجبار المرأه على لبس النقاب والسواد ..!

اجبار الرجل الطائش على الزواج حتى يعدل من طيشه..!

لقد نهانا رسولنا عليه الصلاه والسلام عن البدع وحذرنا منها وبالعادات والتقاليد نحن نخالف رسولنا

ونتبع ما لا يحق لنا اتباعه فاتباعنا فقط لكتاب الله وسنه رسوله..!

وللعلم العادات والتقاليد واشهر كلمه فيها العيب عيب تسوي جذي وجذي هي اقذر طريقه تقف امام

تنميه الفرد والمجتمع ..!

وهناك الكثير من العادات والتقاليد السيئه التي لا تحضرني الان ..

 

[شادن33]

والنقطه الخامسه يعني رجلي على رجلك



شادن ريلج يقرب لريلي؟
ههههههههههههههههههههههه لا يكون نفس الشخص
هلصفه مووجوده فيه
ريلج شنو برجه بلضبط


يسلمو صاحبة الموضوع


مميزاته وايد
حنون وحبوب
متحضر
فنان في كل شي
بس من اهم عيوبه
ومحد خالي من العيوب
عنيد و يحب يعرف كل صغيره وكبيره
ويحب يعارض

حتى لو موافق على الشي
يعارضه
واهم ميزه انه يحبني واحبه رغم عيوبه
وهم انا فيني عيوب ما اقول كامله

نونو العصله برجه الحوووووت
وصاحبه الموضووع مايسوى عليج الموضوع ههههه
واللي اتقول ماعلينا من التقاليد ليش انتي وين عايشه مو بوسط الناس
والاسلام يحثنا على اتبااع عرف البلد اللي قاعدين فيه

 

[نونو العصله]

هناك عادات وتقاليد مثلا بالزواج البنت ماتتزوج الا ولد عمها لولا من هم مثلي يحاربون هذه الافكار
هذا نصيب يا ماما
ومافيها شي زواج الاقارب
ان اتاكم من ترضون دينه وخلقه فزوجوه
انا كان ولد عم او غيره


بالمنطق لاستمرينا على نفس النهج..

العادات والتقاليد والكلام الذي يقال عن المطلقه..!

اجبار المرأه على لبس النقاب والسواد ..!

لا تلبس بكيني
شحقى تنقب
اجبار الرجل الطائش على الزواج حتى يعدل من طيشه..!
لا نخليه يصيع اكثر ويهيت
ليش نزوجه
لقد نهانا رسولنا عليه الصلاه والسلام عن البدع وحذرنا منها وبالعادات والتقاليد نحن نخالف رسولنا

ونتبع ما لا يحق لنا اتباعه فاتباعنا فقط لكتاب الله وسنه رسوله..!

وللعلم العادات والتقاليد واشهر كلمه فيها العيب عيب تسوي جذي وجذي هي اقذر طريقه تقف امام

تنميه الفرد والمجتمع ..!

وهناك الكثير من العادات والتقاليد السيئه التي لا تحضرني الان ..


لا ليش نقول عيب
عيب كلمه قديمه
شخباري عيب واي وين عايشين احنا


الله يسر عليج يا بنت الناس وتركي عنج روايات عبير اللي لطشت مخج
مدري وين عايشه انتي
لا يكون مواليد لاس فيقاس
الله يحفظ الدييره بس
من هلعقول بس

 

[سفيره الكويت]

انتي رديتي علي بالاحمر وانا برد عليج وانا عرضت بعض الامثله وهذه الامثله ستبين مدى التباعد الفكري بيني وبين من

مثلج ..!



هذا نصيب يا ماما
ومافيها شي زواج الاقارب
ان اتاكم من ترضون دينه وخلقه فزوجوه
انا كان ولد عم او غيره

هني انتي احترتي ماعرفتي تنقضين الدين او العادات والتقاليد انا قلت عاده سيئه لانها بالتاكيد مناقضه للدين فهو حكر لها ولا يحق

لغيره ياخذها ..

اضافه الى ذلك انا ضد نظريه النصيب ومع نظريه الاختيار وقد حددت موقفي منها مسبقا..

لا تلبس بكيني
شحقى تنقب

ومن جاب طاري البكيني الحين ..؟! انا اقصد تلبس الحجاب الاسلامي الشرعي بدون التقيد بلون معين وكلنا ندري يلبسون النقاب

غصب عليهم بدون مراجعه الدين ومن ثم القناعه انه النقاب فرض وهناك الكثير من الادله التي تثبت انه النقاب مبتكر وانا قرأت العديد

من النصوص على هذا..

لا نخليه يصيع اكثر ويهيت

ليش نزوجه


انتي تقولين نزوجه عشان مايطيش بس شنو ذنب البنت للي بتاخذه واهو مو ناضج ويدمر حياتها كان المفروض من الاهل توعيته

وتأهله للزواج وليس خذوه فغلوه...!


لا ليش نقول عيب
عيب كلمه قديمه
شخباري عيب واي وين عايشين احنا


انا ماعترف بكلمه عيب فالعيب سيجعلنا نخجل من تصرفاتنا دائما ..

هداج الله للحق وتكلمي بدون تعصب لينير الله قلبك وعقلك..

 

[نونو العصله]

ما تعرفين العيب
عيل شتعرفين
انا افكاري تعصب
الله هاديني و ومنور قلبي واعرف العيب اللي انتي ما تعرفينه ولا مار عليج
روحي نشري افكارج بعيد
في بنات هني يصدقونج
وينسون العيب

العيب صار يفشل
عيل شنو اللي يرفع الراس


الله يستر عليج
ما ابي اخرب موضوع البنت

 

[اميره1980]

في صفات بالريال لو اموت ما اقعد وياه دقيقة
البخل و الوصاخه و عدم الاحترام

البخيل يكون في كل شي ماديا و معنويا
و الوصخ اللي ريحته فايحة
لا تقولون بنات ماكو رياييل وصخين لاني كنت اعرف وحدة من كثر ما ريلها وصخ كان صرواله الداخلي اصفر و داخله شغلات مابي الوع جبوددكم عاد اترك المجال لخيالكم لوووووووووول حتى الشعر ما كان يشيله ويييييييييع

بالنسبه لعدم الاحترام ان يقول كلام وصخ او ان ما يحترمني او يحترم اهلي او يحترم خصوصياتي

 

[*E.B.D.A.3*]

كعاده خواتنا اهني
الملامة دائما وابدا على المرة

سيء الخلق مايحتاج المرة تكون سيئة خلق عشان يكون اهوه جذي!
ياما حرييم صانو ريايلهم واخلصوولهم ، والريال مايترس عينه التراب
الي يبي يخون ماينطر الشاره عشان يخون ،،

وللاسف ان الحريم يلومون انفسهم عشان يخففون من وقع الصدمة ، ويقولون ايي احنا الي حديناه على المر
جنهم مزهبين الدوا قبل الفلعه ،،،


بخصوص الموضوع
الخوات تكلموا عن كل شي تقريبا
بس في عيب لو وجد في الريال ، لازم المرة تنهي زواجها حالا !!
الا واهوه الرجل المتلك بشكل مرضي !
هذا ماله لا حل ولا علاج ولا اعيال يغيرونه !!


تشكرات

 

[*E.B.D.A.3*]

راللي يقولون الريال يحكر المره متخلف
انا اقول لا
في حريم ما ينعطون ويه


والريال لازم يكون شديد وما يرخي
بامور الطلعه
واللي عنده غيره على مرته تقولون عنه حكر ومعقد


كلكم راع وكلكم مسؤول عن رعيته
واطيعو اولي الامر منكم

هذا الشرع
للي ما تعترف بلعادات
وتقول عنها تخلف

افا يا نونو العصله افا
الحين بوكلج سبع صحون سيريلاك عشان تصيرين نونو البطه
ككككككككككك


المرة انسان حالها حال الرجل ، تبي تطلع تغير جو تشم هوى تشوف العالم
عمر الريال الي يحكر المرأة مايطلع ريال !! الا واحد تبرت منه الرجولة لمه يفرض القوة عليها !
لا وبالمقابل ، اهوه يسهر ويستانس وتارك هالمسيجينه مجابله اربع اطوف !!

ماكو شي اسمه حكرة مقبوله وحكرة غير مقبولة
الحكرة مبدئها واحد، لحد يجملها ولا احد يحطلها عذاريب تحت مسميات الغيرة !!
عمر الغيره ماصارت انك تصك على بني ادم بين اربع اطوف ،

ياخرااااااببي لو ريلي يسويلي جذي جان علووووووووووووووم :eh_s(9):
قولي الصج نونو، انتي مسوي فيج جذي ؟ :sfg:

 

[tooooma]

بصراحه عامه في بعض المتزوجات صار هدفهم فقط اللعب او اتقول بجرب وبعدين لمه يطيح عليها زوجها مع العلم انه

مو مقصر عليها بشي بس اعذارها اقبح من الذنب وابسرعه اتبري نفسها واتقط اللوم على الزوج يعني مخلص الكلام

بعض الحريم ماينعطون وجه وماتحمد ربها على النعمه ولمه الزوج يطيح عليها ويحرمها تقعد تبجي واتقول انا اللي يبته

حق نفسي فأنا اقول حق هذي الفئة اللي تقعد اتشوف صديقاتها بالدوام وتبي اتجرب مثلهم او اتقارن حياتها بوحده ثانية

اقولها انه حبل الجذب قصير والله يمهل ولا يهمل وعلى الدنيا السلام من هذي الفئة للاسف قاعده تكثر في مجتمعنا

ومو سببها الايفون او البلاك بيري السبب انه الانسان ماقام يحمد ربه وقلبه مو مع ربه للاسف هذا الزمن يخوف والله المستعان

 

[نونو العصله]

هههههههههههههههههههههههههههه ابداع
سفره دايمه
لا والله مو حاكرني
بلعكس تفكيره متحرر
بس في حدود
يعني ما اروح عند اين كان
يعني في اوقات معينه
ومو كل يوم
مو سربته
مو عشان طبعه حكر
لانه يحبني ويغار
بس الطلعه لها حدود معينه

وبعدين انا شبعت طلعات ايام العزوبيه
اركد شوي

 

[خط احمر]

حراااااام عليكم والله
حسره عالبنت إكتبت موضوع
مو معناة إنها اكتبت موضوع عن الرجل يعني هي غلطت عليهم
إشفيكم يا كويتيات إفهموا إشوي
أستغفرالله
كبروا عقولكم
الله يستر عليكم

 

[om Firas]

عدم المسؤليه الخيانه البخل وقلة الاحترام وشرب الخمر
والزنا

 

[سفيره الكويت]

حراااااام عليكم والله
حسره عالبنت إكتبت موضوع
مو معناة إنها اكتبت موضوع عن الرجل يعني هي غلطت عليهم
إشفيكم يا كويتيات إفهموا إشوي
أستغفرالله
كبروا عقولكم
الله يستر عليكم

وشنو فايده الموضوع الكل يدش يتحلطم ويطلع مثلا

انا ضد المواضيع السلبيه سواء باتجاه الزوجه او الزوج


:eh_s(17):

 

[نونو العصله]

الله يرحمك يا القذافي