رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂
السلام عليكم ورحمة الله وبركاته
أخواتي العزيزات
شخباركم
عساكم بخير
عدنا لكم من جديد
رح اتكلم اليوم عن موقع من مواقع التواصل الاجتماعي
الـ Facebook والمشاكل اللي ممكن تحصل من خلاله
موقع الفيسبوك من أشهر مواقع التواصل الاجتماعي على شبكة الانترنت
ويتضمن كافة شرائح المجتمع في معظم الدول العربية والاجنبية
واللي يتعمق فيه رح يصير انا مدمن عليه ويدشه في كل وقت
او يكون عنده شي عادي ويدشه كل فترة والثانيه
رح اتكلم اليوم عن فئة معينة من اللي يشتركون في هذا المقع وبالذات
الزوج والزوجة
ودي اركز اكثر شي بالنسبة للزوجة
الزوجة من مهامها الأساسية الاهتمام بالزوج وفي بيتها وبعيالها ومايمنع بنفس الوقت
انها تقضي وقت فراغها وترفه عن نفسها ويكون لها وقت للراحة بس يكون بحدود المعقول ،،،
وقبل لا أكمل كلامي ودي اقول لكم عن قصة حقيقة (مشكلة ) خلتني اكتب عن هذا الموضوع
(وحده متزوجة من سنين وعندها ولدين اعمارهم مابين 12-14 سنة
اهي موظفة وريلها موظف ، بس ريلها على البركه ماعنده غير الدوام والبيت ويأمّن كل ما يتحتاجه بيته ومو مقصر ومايعرف شي بسوالف النت
هذي الزوجة توظفت عقب زواجها ومن بعد الوظيفة ابتدت تتغير
مدري شقول لكم اهو للأحسن أو للأسوء
المهم ،،، اهي ماكانت تعرف شي عن مواقع التواصل الاجتماعي والحين مابقى احد مايعرف شي عنها
حتى الكبار في العمر عسى ربي يطول بأعمارهم صاروا يسمعون عنها لدرجة مره يدتي عسى ربي يطول بعمرها تقولي (خالج نزل صور حق عياله في هذا اللي شنو تسمونه ( البووك) خخخخخخخخ
فديتها والله
وترا اليهال بعد يعرفون عن هذا الموقع
نرجع لموضوعنا عن هذي الزوجة وبلوتها في الفيسبوك :eh_s(14):
سجلت هذي الزوجة في هذا الموقع وصار لها أصدقاء ومشاركات وتعليقات وغيره
واللي يعرفونها من اهلها واهل ريلها ما كانو يعرفون خباياها
سبحان الله ،،، ربنا اراد انه يكشفها وتنكشف خباياها الشينه والحين بقول لكم شلون
كانت رايحه زيارة لبيت بنت حماتها عقب دوامها وقبل لا تطلع من عندها قالت لها ماعليه استخدم اللاب ودي اجيك على شغله في الفيسبوك
وبنت حماتها قالت لها اخذي راحتج
وراحت بنت حماتها تنوم بنتها الصغيره ومرت خالها شبكت ودشت صفحتها على الفيسبوك
وفجأة واهي شابكه انفصل النت قبل لا تسجل خروج
واهي عبالها انها لو صكت الصفحة كلها خلاص سجلت خروج
وانتهت الزيارة وردت الزوجة لبيتها
الشي المهم في الموضوع انه بنت حماتها لما رد النت دشت وبالصدفة ردت اخر صفحة كانت مفتوحه اللي اهي صفحة مرت خالها على الفيسبوك
وطااااااااح عينها على كلام وبلاوي من شخص غريب ماينقال حق متزوجة للأسف
شقوووووول بس ،، اكو كلام ماينقااااااااااااال :eh_s(14):
بنت حماتها لهذي المتزوجة حدها تفاجأت حييل منها ،،ماتوقعت
اهي تصلي وتصوم وملتزمة في لباسها
وطلعت للأسف لها بلاوي على موقع الفيسبوك وكلام وصخ
اختي جكتها لما كانت سهرانه ولاحظت انه هذي الزوجة تسهر لوقت متأخر على موقع الفيسبوك
وصارت مشكلة كبيرة لها عرف ريلها انها تشبك من دون علمه في بيتها من وصله نت خشتها وتشبك من تلفونها
ولما سألوها ليش سويتي جذي وشنو هذاااااااااا الكلام ومنو هذيلا اللي تكلمينهم؟؟
تدرون شنو ردت؟؟؟
هذيلا اصدقائي ،، عادي :eh_s(1):
مالت عليج وعلى اصدقائج :eh_s(14):
متزوجة واصدقاء ؟؟؟؟؟
اذا انتي يا المتزوجة تقولين جذي
عيل شنو خليتي للمراهقين واليهااااال !!!!
حرام عليج
اللي سويته خيانه بحق ريلج
خنتي العشره اللي بينكم
جذبتي عليه
اهملتي في بيتج وبعيالج
خلقتي مشكلة انتي بغنى عنها وخربتي بيتج ويمكن توصل السالفة لاقدر الله للطلاق :eh_s(2):
المره اللي تسوي جذي لاتتزوج وتقعد في بيت اهلها وايد ابرك حتى تلاقي منو يربيها عدل :eh_s(14):
في نهاية كلامي اقول :
ما عليه لو كان لج حساب على موقع الفيسبوك أو أي موقع تواصل على شبكه الانترنت
بس بنفس الوقت
حافظي على بيتج وعيالج واتقي الله بكل شي تسوينه
انتي وحده متزوجة وأتمنى انج تراعين هالشي
عسى ربي يهدي الجميع
ويكافينا واياكم شر المشاكل
بقلمي الخاص
أختكم
نهى الأحمد
:eh_s(22):
