تجمع لكل من قامت بترجيع الاجنه المجمده 2012

[Dodo80]

حبايبي سويت هالتجمع عشان الكل يستفيد سواء جربت او تبي اجرب او عندها اساله عن ترجيع الاجنه المجمده الي الكل يسال عن طريقتها
ونبي تعاون وتفائل يابنات والي حملت نبي نعرف شلون كانت تجربتج *

 

[Dodo80]

انا اول وحده بشارك بالموضوع


انا سويت ترجيع الاجنه وتحليلي يوم الاحد بس نزل علي دم وانا اليوم ال١١ من الترجيع والحمدالله علي كل حال
فناويه باذن الله ارجع الاجنه المجمده

بس الي رجعت المجمده شلون الطريقه كانت وحملت ولا لا؟؟

 

[Dodo80]

٣٤ زياره ولا وحده ردت

 

[زين ودلال]

الله يرزق كل من تبي الحمال يارب
والله لا يخسر تعبكم يارب

 

[KOKO_284I]

ربي يرزق الجميع الذريه الصالحه

 

[نف نف22]

ياعسى ربي يعوضج حبيبتي دودو وانشالله خير الايام اليايه ياااارب لا تيأسين انشالله تعدينها وتنجح يااارب خيره لج. والدكتوره قالتلي ماتحتاجين ابر كلش بس شلون تكلفتها مااادري انشالله البنات يفيدونه

 

[lavendara]

انا الدورة اليايه ان شاءالله راح ارجعهم و هالشهر يوم رحته عطاني حبوب تنظيم الدورة و قالي تعالي بعد ٢١ يوم

 

[Dodo80]

الله يسمع منكم يارب

 

[نف نف22]

مافي احد رجع الاجنه المجمده بس شلون طريقه عينه الزوج يسويها ولالا

 

[Dodo80]

مافي احد رجع الاجنه المجمده بس شلون طريقه عينه الزوج يسويها ولالا

لا عينة الزوج مايحتاجونها لانه البويضه انقسمت وخلصت فتكون جاهزه

 

[نف نف22]

اي الحمدالله واااااااااايد اريح بس تكلفتها جم اكيد اقل؟؟؟؟

 

[Dodo80]

اي يقولون اقل بس تاخذين اسبوع ابر عشان توقف نشاط المبايض عشان يردون المجمد

 

[حآلية الذوق ~]

مافهمت الطريقه ؟

يعني يجمدون اجنتكم ويردونها ؟
وليش تسونها

سوري الي الاساله بس مو فاهمته كلش

والله يرزقج ويرزقنا الحمل السليم الثابت

 

[Dodo80]

مافهمت الطريقه ؟

يعني يجمدون اجنتكم ويردونها ؟
وليش تسونها

سوري الي الاساله بس مو فاهمته كلش
والله يرزقج ويرزقنا الحمل السليم الثابت

هذا حق الي يسوي الحقن المجهري (طفل انابيب) يعطون الزوجه ابر منشطه عشان تطلع اكثر من بويضه بعدين يسحبون البويضات ويلقحونها بالحيوان المنوي بالمختبر اذا انقسمت البويضه وكانت من الدرجه الاولي يرجعونها بالرحم والحد الاقصي للارجاع 3 اجنه بس واذا كانت عندج اكثر من الدرجه الاولي يجمدونهم حق المره اليايه وانشالله شرحي واضح

 

[حآلية الذوق ~]

اها فهمته

مشكووره علي الشرررح

 

[نف نف22]

دودو ماسالتني جم بالظبط الفريق البلجيكي يسونها؟

 

[ثنايا الورد]

حبيبتي الغاليه القمر دودو

ياعسى هالتجمع يكون فال خير علينا ومبروووووك عليج هالتجمع اللطيف

مافهمت حبيبتي دودو اشلون طلعتي حامل يعني وطاح ولا مابين الحلم نزل دم على طول

عموما الله يعوض عليج يقلبي والساقط لاقط اكيد وبيجي يوم يفرح قلبج وتبشرينا

انا تجربتي كانت عبارة 11 بويضه ملقحه واغلبها درجه اولى

وثانيه 3 رجعوها لي والباقي للاسف قطوها لان على حظي جهاز

التجميد مالهم كان خربان ولا جان ما احاتي الحين التجربة

من جد وجديد ابر وحوسه وتعب

ياربي اش كثر نتعب متى نرتاح

 

[Dodo80]

دودو ماسالتني جم بالظبط الفريق البلجيكي يسونها؟

لاحياتي ماسالت جم التكلفه

 

[Dodo80]

حبيبتي الغاليه القمر دودو

ياعسى هالتجمع يكون فال خير علينا ومبروووووك عليج هالتجمع اللطيف

مافهمت حبيبتي دودو اشلون طلعتي حامل يعني وطاح ولا مابين الحلم نزل دم على طول

عموما الله يعوض عليج يقلبي والساقط لاقط اكيد وبيجي يوم يفرح قلبج وتبشرينا

انا تجربتي كانت عبارة 11 بويضه ملقحه واغلبها درجه اولى

وثانيه 3 رجعوها لي والباقي للاسف قطوها لان على حظي جهاز

التجميد مالهم كان خربان ولا جان ما احاتي الحين التجربة

من جد وجديد ابر وحوسه وتعب

ياربي اش كثر نتعب متى نرتاح

حياتي ربي يعوضنه ويرزقنه وانشالله صبرنه كله ربي يعوضني فيه كل خير


انا سويت حقن المجهري بس الحمدالله طلع سالب وانشالله باذن الله بعد جم شهر برتاح برجع المجمد وانشالله بالمره الثانيه تصيب

 

[liali]

انا رجعت اجنه مجمده والحمدلله الله رزقني وحملت بتوأم الف الف حمد وشكر لله . وبصراحه كنت احاتي وايد وكنت فاقده الامل بلاجنه المجمده ودورت وايد بلنت عن الحمل باجنه مجمده وطبعا ناس تقول مو نفس الفرش وناس تقول نسبت نجاحها ضعيف وكنت وايد متحبطه . وعلي فكرة نزل علي اول يومين من ترجيع الاجنه نقط دم وقلت خلاص ماكو امل اكيد موحامل .بس الله كريم وتمم علي وعقب 11 يوم من ترجيع الاجنه سويت تحليل بلبيت وطلعت حامل .وبعدين سويت تحليل دم وطلعت حامل .بس حبيت اكتب لكم تجربتي للاستفادة وتري نسبه نجاح العمليه سواء مجمد او فرش نفس الشي تقريبا .بس طبعا بعد الله سبحانه تعالي يعتمد علي الدكتور لازم يكون شاطر ويعرف وين يحط الاجنه والباجي عليج لازم ترتاحين وماتحركين وايد خصوصا اول يومين ماتاخذين شور.انا هذا اللي سويته . والله يرزقكم ويفرحكم مثل مارزقني يارب .والحمدلله علي كل حال وادعو معاي الله يحفظ اولادي