روآيتـي الثآمنه .. القصآيد كلها بإسمك تغنت للكاتبه : gala q8

[دلوعه و افتخر]

ؤآآي حؤؤرؤؤ ؤ حنينؤؤ مـؤ بأآلـعتهـم هـع هع

ؤؤ سسأأمـي يگسسسر ـآلخآآططر

نأآططريينج ققلبيْٰ ♥

 

[Doza karoza]

Kaaaaaaamliiiiiiiii

 

[جفاكـ ضيع غلآكـ]

Up
Up
Kamlii gala

 

[D_a_n_o]

Up ~
Up ~
Up ~
Up ~

 

[روحين في رـوح]

يلااااااااا تأخرتي يا الحوووووووووووووووووووووب
ناطرججججج
.....؟.......

 

[wesh jaah]

متابعه بصمت :d

 

[-»RowRow]

شنـــو مـافي بــارت ? ​

 

[أم جديله !]

ألظـآهر مافي بـآرت ​

 

[sh.i6ona]

Waiting

 

[gala q8]

​

​

​

​

البآرت الثآني عشر ​

​

​

​

... ​

​

​

​

مرت 3 ايام , و حور مو موجوده فـ بيت امها , طبعآ إهي و سأمي فبيت ابوهم , ​

​

حور قاعده و مو عارفه شيء عن هالبيت اللي يضيع , ​

​

فتحت باب غرفتها , تتلفت , تروح عند الممر اليمين وله الممر اليسار ؟​

​

لقت ظل واحد مر ,, راحت له لقته دخل غرفه شافته لابس كبوس و بنطرون و بلوفر , ​

​

حور قعدت و اهوا معطيها ظهره ​

​

حور : سامي , تعال ابي اكلمك شوي , احس اني ضايعه بهابيت ! وايد كبير , وبعدين انت مو تول ان امك سحبت كل الفلوس ! عيل شلون شرا هالبيت !! ​

​

التفت الولد : انا مو سامي ! ​

​

حور تطالعه و وقفت من مكانها : امبيه ,, سوري إنت منو !​

​

الولد يآشر لها : لالا لاتخافين , إنتي اكيد حور !​

​

حور تطالعه : منو انت ؟ ​

​

الولد : لا تخآفين , آنآ اسف , انا غلطت لاني ييت هنيه من غير احمد ولا دستور مثل ما يقولون ​

​

حور تطالعه و شكلها خايفه : إنت منو ؟ و وين ابوي و سامي ؟ ​

​

الولد : آولا انا اسمي فيصل , و ثانيا انا ما راح اضرج لا تخافين , و بعدين ابوج و سامي من الصبح قاعدين بالحديقه كالعاده نفس امس واللي قبله واللي قبله يلعبون كره طايرة ... آآ , تبيني اوصلج لهم ! ​

​

حور قامت و طلت بالدريشه على مكان الحديقه لقتهم فعلا قاعدين يلعبون , ​

​

فيصل : تبيني اوصلج لهم؟ ​

​

حور توهقت لن ما تدل البيت عدل تحس انه كبير وايد و يضيع : لا ميخالف انا ادل ​

​

فيصل : ههههههههههههههههههه ​

​

حور : لي هالدرجه كلمه ادل تضحك ! ​

​

فيصل : ههههههههه لا اسف والله , بس كلمه انج تدلين فعلا اهي اللي ضحكتني ! نسيتي ان توج تكلميني والكلام موجه لـ سامي اخوج انج ما تدلين شيء بالبيت ! ​

​

حور تفشلت : إي ميخالف راح انزل بروحي ​

​

فيصل : لا يبآ , لا تخافين انا بمشي جدامج و انتي امشي وراي و انا راح اوصلج لابوج .. زين انا بمشي وانتي تعآلي بعدي عشان ما تخافين مني يعني , ​

​

حور : أوكي . ​

​

فيصل مشى و حور وراه تمشي بس بينهم مسافه , و فعلا مع كبر البيت إلأأ ان الممرات والاماكن ضيجه , طبعا البيت من داخل كآنها لعبه , تدخلون و الممرات صغيره و بين ممر و ممر ,, ممر هع , ​

​

​

​

لين طلعوا من باب خشبي صغير و يطل على باب الحديقه , و حور اول مره تدخل هالمكان من 3 ايام اللي طافوا , ​

​

​

​

حور راحت اركضت عند ابوها : السلام ​

​

سامي ابتسم : حور باركي لي اليوم طلعوا النتايج , والحمدالله ناجح و بنسبه ترفع الراس , والحين اقدر ادخل التخصص اللي ابيه ​

​

حور : مبروووك ,, الفآل تصير خريج جامعه ​

​

طلال : إي هذا ولدي افا عليج , ​

​

حور : يبا , ​

​

طلال : عيون ابوج ​

​

حور : يصير ادق على اخواني و اتطمن على درجاتهم ! ​

​

طلال يطالع سامي و سامي يطالع ابوه , ​

​

​

​

... ​

​

​

​

​

​

فـ بيت ريم و خالد , ​

​

​

​

خالد قاعد و ماسك شهاده عياله , ​

​

​

​

خالد يطالع حمد : وبعدين ! تبي هالسنه تقعد بالثانوي ! ​

​

حمد ماله خلق ابوه : يبا يعني شتبيني اسوي ! انا درست ​

​

خالد : أي دراسه وانت تطلع من البيت مع مشعل و تهايتون ! من اليوم بمنع منك اللابتوب و التليفونات و الطلعات و تجابل للماده اللي راح تمتحن فيها , ( لف على حنين اللي خايفه) و إنتي , النسبه هذي مو عاجبتني , با الله هذي اي نسبه تدخلج الجامعه ؟ ​

​

حنين تتحلطم : ياربي يقول مو عاجبته , خل يحمد ربه اني ناجحه بس ​

​

خالد يطالعها : شتقولين ! ​

​

حنين : يبا ولا شيء , بس اقول يعني هذا امر الله , و انا بعد درست بس شكله الامتحان كان صعب , ​

​

خالد : وين امج ؟ ​

​

حنين : بغرفه حور ​

​

​

​

خالد طالعهم و حط الاوراق بالطاوله و صعد , ​

​

​

​

حمد : اووووف , ويييع بروحي كاره الامتحانات بعد الحين عطله وانحرم من الوناسسسه وييييييييييييع​

​

حنين : ولا ابوي يقول لي مو عاجبتني نسبتج , خل يحمد ربه اني نجحت بس , ​

​

حمد : إلأ صج شسويتي بإمتحان الفلسفه ! ​

​

حنين : من صجك ! كل الامتحان غشيته من رفيجتي اموون , ​

​

حمد : ويييه حسبالي دارسه بغيت اقول لج كفووو بإختي اللي تدرسني ​

​

حنين : هههههههههه ,, تبيني انااااا ادرسك ! انا ابي من يدرسني بس ​

​

حمد : حمدي ربج ما عندج دور ثاني , انا اللي راح اطحس اووووف ​

​

حنين : ههههههههه , انا بمرر مريوم و بنام فبيتهم وانت خلك منيه محبوس ​

​

حمد : سكتي زييين , ​

​

​

​

... ​

​

​

​

عند خالد و ريم , ​

​

​

​

خالد دخل الغرفه لقى ريم قاعده بسرير حور , ​

​

خالد : وبعدين ! ​

​

ريم تطالع خالد : حوور راحت يا خالد ​

​

خالد قعد يمها : خلاص , قلت لج باجر ارفع قضيه على ابوها واخليها ترد البيت غصب ​

​

ريم تمسح دموعها : خالد ماكو اي قانون بالعالم يحرم الابو يشوف بنته من غير سبب ينجبر فيه ! وبعدين اهوا لعبها صح , حور لمن كانت صغيره كان يشوفها فمكان معين و ما كان يتفرغ لها , وانا من الاول ما رفعت قضيه عليه , والحين اهوا ناطر حور لين تكمل الـ 18 و ياخذها عنده لان ماكو قانون يجبر اللي يتعدون للسن القانون بالختيار , واهي لها حريه الاختيار تعيش عند ابوها وله امها ! ​

​

خالد : ياربي . مالج شغل رفيجي عادل اللي ولده فهد ! , رفيجه محامي و راح اخليه يتوكل اموور القضيه كلها , ​

​

ريم : وي فشله , قبل جم يوم شفت جم مكالمه من ام فهد , ياربي شسوي ! و شقول لها ! ​

​

خالد : ما ادري ! حتى عادل , قام يدق علي و يقول لي الولد يبيها من قلبه , ​

​

ريم : الحين شسوي ! لازم اكلم حور ! ​

​

خالد : تكلمينها ! ​

​

ريم : إي ​

​

خالد : شلون بتكلمينها ! ​

​

ريم تفكر , ( قامت من مكانها و طلعت برا الدار ) , ​

​

​

​

... ​

​

​

​

​

​

بالصاله ,, ​

​

حنين : إي والله البيت صار ماله طعم , ياربي شهالمشكله اللي طلعت لنا ! ​

​

​

​

ترررن ,, ​

​

​

​

حمد شال التليفون , : ألووو , حوور ّ وينج ؟ ​

​

حور : اهلا حموود . انا فبيت ابوي بعد ويني ! ​

​

حمد : يا سخيفه ما تعودنا نقعد فالبيت من دونج والله احس حسج مو موجود , ​

​

حور : ههههههه . احسن بدال لا نتهاوش كل يوم على قعده الصبح , إي صج اليوم قاعد مبجر هههههههه ​

​

حمد : إي ابوي مقعدني عشان النتايج , وبصراحه انا ما نمت من امس ​

​

​

​

ريم و خالد وقفوا يسمعون حمد و حنين , ​

​

حور سكتت مده وبعدين قالت : زين و ما قلت لي جم نسبتك ؟ ​

​

حمد : احم , عندي كيكه , ​

​

حور : هههههههههه ,, و اي ماده ؟ ​

​

حمد : الفلسفه , ​

​

حور : وييييييييييه , عا الفلسفه حلوو ​

​

حمد : وين حلو ! اصلا كل المواد مو حلوة , ​

​

حور : و حنون جم ؟ ​

​

حمد : حنون بًلْ عليها نسبتها بالسبعينات ​

​

حور : هههههههههه ,, حاسدها على هالنسبه ! ​

​

حمد : إي المهم ناجحه و افتكت من شيء اسمه مدرسه و قعدت الصبح , زين حور تكفين قولي لي شلونج من دونا انا و حنون ؟ مع اني كنت كل يوم احس اني ريال البيت اليوم حسيت اني ولا شيء من وجودج بينا ​

​

حور ابتسمت و دمعت عيونها : ميخالف حمد ,, لازم تتعود ​

​

حمد : لا والله حور ما راح اسكت , لازم اردج البيت عندنا , انا اخوج وانا اولى ​

​

حور : و سامي اخوي و طلال ابوي بعد , ​

​

حمد : خلاص انتي وينج انا بييج الحين ! وينج ما ابي ارجع البيت هذا بعد , ​

​

حور : إنت ينيت صح ! ​

​

حمد : بصراحه حور بعد اللس سمعته كرهت كل شيء , ​

​

حور : خلك بالبيت و صكر قبل لا ابوك و امي إيون ​

​

حمد : حور لا تصكرين تكفين زين عطيني رقمج ابي اكلمج من فتره لي فتره ​

​

حور : انا راح ادق عليك على فونك ​

​

حمد : لأا يمكن ابوي ,, ( توه بيكمل بس ريم يت و سحبت منه التليفون ) ​

​

​

​

ريم : الوووو حوووور ​

​

حور سكتت لان عرفت ان هذي امها , ​

​

ريم تبجي : تكفين حوور يا يمه ردي علي , لا تكسرين بقلبي , ​

​

حور ساكته ​

​

ريم : زين بس قولي لي عن احوالج ؟ نمتي عدل ؟ ناقصج شيء ؟ زين بس قولي لي عن مكانج ! حور يا يمه خليني افهمج السالفه و سمعي مني مقل ما سمعتي ابوج , تكفين حووور تكفين ​

​

​

​

طوووط طووط طووط ​

​

​

​

​

​

ريم قعدت و قطت التليفون بالارض , ​

​

​

​

ريم تبجي : صكرته , ​

​

خالد معصب : إي كله من الزفت اللي اسمه طلال , وبعدين احنا شلون ما مسكناها وله لحقناها لي بيته ! غباااااااااااااااااااء​

​

ريم تطالع خالد : أبي اشوووفها ​

​

خالد راح عند حمد و مسكه من اذونه : قول لي وين حور ! ​

​

حمد يدز إيد ابوه : يبا وخر عني انا ريال لا تعاملني جذيه !​

​

خالد بعصبيه و صراخ : قووول لي وييين هي فيه حوور ! ​

​

حمد يدز ايد ابووه لين فلت منه , ​

​

​

​

حمد بصرآخ : اصلا محد ذكي إلا طلال و حور و سامي , افتكوا من هالعيشه ! ام طلعت خاينه و اهي عندها بنت بالاشهر , و لا تدري عنها و كانت تتمنى لها الموت , والابو كان خماار , و يوم تزوج يستشرف على عياله , تدرون اني كرهت اني ولدكم ! انا لو منكم ما ابني سعادتي على تعاسه غيري ! وانا فعلا كرهت حياتي معاكم , و كل شيء تفرضونه علينا فرض ! انا ريال , و محد كان يعاملني بهالبيت بالرجوله إلأ حور , كانت دايما تقول لي انت ريال البيت و كانت تتوكل علي بكل شيء , اما انتوا لمن اكلمكم تسكتوني مثل الياهل جدامكم , انا كبرت و صرت ريال و اتحمل المسؤوليات , عمري قرب يصير 18 سنه وانتوا معتبريني ياهل ! ​

​

خالد : آيآ إبن الـ,,,, تعآل انا اعلمك ​

​

​

​

حمد طالع ابوه بنظره و طلع يركض و خالد وراه يمشي , ​

​

​

​

خالد : تعال ​

​

حمد و مقْموت بقلبه : ووخر عني , و ما راح اكوون راضي عنكم يا الظـٌـلام ,, ​

​

​

​

خالد يصآرخ بالشأرع : قلت لك تعااال ​

​

حمد قام يركض وراح بعيد , ​

​

​

​

و خالد يطالع حمد واهوا يبعد و كل خطوة يسرع اكثر و خالد بمكانه يطالع ولده لين ما لقاه , ​

​

​

​

... ​

​

السآعه 10 بليل , ​

​

عند امينه و زوجها ناصر ,, ​

​

​

​

نآصر : حبيبتي ما تبينا نسافر ؟ و نغير جو ؟ ​

​

امينه : لا نااصر إنت تدري اني ما احب اسافر , ​

​

ناصر : ادري حبيبتي بس انا عندي خير و كل خيري لج و حق اللي فبطنج , وانا ابيج تسافرين و تستانسين يعني , نغير جو ​

​

امينه : لا ناصر ميخالف , خلها المره اليايه مع البيبي ​

​

ناصر يطالعها و ابتسم : آآخ , يا حلو كلمه البي بي بإلسانج , ​

​

امينه ابتسمت و تقول بقلبها ( انا لازم انسى فهد , خلاص انا الحين بولد و ما ابي ولدي يصير فيه شيء ! و خلاص ماكو فايده حتى لو تطلقت من ناصر ! انا حااامل , و ما ابي انحرم من نعمه الله بيعطيني إياها ) ​

​

نآصر : حبيبتي , ​

​

امينه سرحانه , ​

​

ناصر : قلبي , وين سرحتي ! ​

​

امينه سرحانه ​

​

ناصر يحرك ايده : امووون حبيبتي ! ​

​

امينه لفت عليه : لبيه حبيبي , ​

​

ناصر : شفيج ! ​

​

امينه : سوري حبيبي , بس قاعده افكر بالبي بي ​

​

ناصر ابتسم : زين ما تبينا نروح ننام ؟ ​

​

امينه : اوكي , يا الله ​

​

ناصر قام و امينه قامت معاه , ​

​

​

​

... ​

​

​

​

عند خوات ناصر (رهف و روان ) ​

​

​

​

رهف : روون , شصار على مشعل ولد خاله اللي تكلمينه ؟ ​

​

روان تتكلم بالبي بي : شفيه ! ​

​

رهف : اووه انا لمن اكلمج طالعيني و خلي اللي بإيدج ​

​

روان تنزل التليفون : اووف , شتبين رهوف ؟ ​

​

رهف : قلتي له اني احب مشعل ؟ ​

​

روان : رهووف . إنتي اكبر منه احترمي عمرج شوي ! ​

​

رهف : لا عمر ولا بطيخ ياربي هالولد عاجبني و انا احبه شنو حرام ! ​

​

روان : لا مو حرام , بس خلاص عيب الولد ما يبيج ! ​

​

رهف بققت عيبونها و شهقت : شنو ! اهوا قال جذيه !! ​

​

روان : شوي شوي لا تطلع عيونج ! وبعدين شكو ما قال لي جذيه , بس اهوا شافج مرتين يعني شافج و ما كلمج معناته ما عجبتيه و خلاص ! شنو غصب ! ​

​

رهف : عمى بعينج ما اعجبه ! ​

​

روان : وبعدين انا ما ادري عن حمد ! من زمان ما كلمته واهوا ما دق علي ! ​

​

رهف : يمكن ضاع منه الرقم وله شيء ! ​

​

روان : اوهووووه , عاد ما ادري منو حمد ! اقول سكتي ولي يعآفيج ! ​

​

​

​

روان قامت : تصبحين على خير ( و طلعت برا الغرفه ) ​

​

رهف قعدت و تسندت على مخدتها ( ياربي يارب خل مشعل يكون من نصيبي , صج اهوا اصغر مني بسنتين او ثلاث , بس انا احبه ! ) ,, ​

​

​

​

... ​

​

 

[-»RowRow]

يعطييج العافيه


ناطرين البـارت الياي ​

 

[دلوعه و افتخر]

ٱميّنٌۂ ؤيّع تُبّطٌطٌ ـآلجَجَبّدُ

خٌأآلدُ ؤؤ ريّـم يّسًسًتُآأهـلؤؤنٌ

حًؤؤر حًـرأآم تُگسًسًر ٱلخٌٱطٌر

 

[gala q8]

لوول ,, نورتواا ,, قاعده اكتبها لكم

 

[جفاكـ ضيع غلآكـ]

‘


يعطييج العافيـــــة قلبي ع الباارت ،

البـااارت ناايـس ~,

حور ان شاء الله ترد ،،

 

[كلي حلاوه]

و الله هَ يٰ غغلاويٰ ان خليتي رههف تتزوج مشعل يويلچ
و اذا خليتي فيصل و حور يحبون بعض ما اتإبع الروايةة » تگفين بس دروا عنچ
شسمةة ما صدقت فَهد يفچ شويٰ يطلعلي هالفيصل ان شاء الله مالةة دور بالروايةة :eh_s(2):
و رِيم و خإلد ما تعاطفت مععإهم كلش و شسمةة الله يععين حور ابوهإ سگير و امهإ مصدومة فيهإ :eh_s(2):
ليش الدنيإ قاسيةة ي ربي ليش الليّ نحبهم ننصدمْ فيهم
بععدين طليل چان مخليهم يگملون حياتهم طبيعيةة
ققطيعة . . .
هب ي شگلةة لععبها صُوح نطرهإ لين تگمل 18
و تگون مسؤلةة .. و الله ي غغلاوي احترت اصير معع طلالووو لا خويلد و ريم
الله يععين هالحور ابتلشت باهلهإ ععلى گبر :eh_s(2):
*
Waiting :eh_s(22):

 

[gala q8]

لووووووووووووول ,, اذا خلينا حياتهم طبيعيه ما راح يكون حماس و ما ي ادواار هع

نورتواا ,, بروح اكملها

 

[كلي حلاوه]

ايةة صوحح نسيت اتگلم ععن امينةة
نإصر و عَليإ يگسر الخاطر شَكلةة يحب امينةة من قلبةة
بس لو امينةة ماخذة فهد و فاكتنا
چانْ فهد مإ خطب حوروةةٰ و صار فيةة مجإل حقق مشععل :eh_s(22):
ههإع اگيد منصدمين مني صحح هههإي *

 

[Doza karoza]

غلا في سؤال ؟؟؟؟؟ صج ريم كانت ماتهتم بحور لمن كانت بيبي ؟؟؟ وصج كانت تدعي على حور انها تموت؟؟؟ @@ انتي قلتي بأول الرواية انه ريم متعلقة بحور وخالد يحب بنتها بجنون @@ بس مايبتي احداث من اول الرواية انه ريم تقط حور وانه خالد كان يسكر ويشرب خمر واهيا ريم كانت راضية؟؟؟؟ @@ شلون جذي اصلن ماكانت تعطي ويه حق اجد بشاليه وكانت محافظة على روحها @@ شلون جذي ؟؟؟ غلا ابي توضيييييييييييييييييييييييييييييييييييييح @@ حتى طلال ابو حور يسكر العايلة كلها سكارى ههههههههههههههههههههههههههههههههههههههههههههههههههههه بلييييييييييييز كملي الرواية روووعه عفية ابي توضيح ؟؟؟@@

 

[Doza karoza]

كمللللللللللللللللللللللللللللييييييييييييييييييييي بليييييييييييييييييييييز خلي حياتهم طبيعي حتى لو احداث تضيق الخلق ككملي​

 

[أم جديله !]

ححيـآتي رييم تكسسر الخاطر

اتوقع أن حوور رآآح ترد حق أمهــآ
​