ساعدونى ..... احبه

[ممنوع التجول]

السلام عليكم بنات اليوم حابه اقولكم مشكلتى
انا متزوجه صارلي 7 شهور وكذا مره اتهاوش مع ريلي وفي مره رحت بيتنا علي سافه ماكان بيعطينى مصروف للجامعه وبخيل حيل معاى ..... ياه وخذانى اهو وابوه بعد سبوع وكلمه ابوى
وللعلم دايم ابوى يدق عليه تفشل من كثرمايييبه البيت ويفهمه

وكذا مره اتهاوش معاه ويمد ايده على مع العلم انى عنيده وارد عليه ورغم الطق ما اقول لهلى مره طقنى عشان قاعده اسولف مع رفيجتى بالبيبي وسحبه منى وتهاوشت معاه لانه ماعنده ثقه فينى والثانيه عطانى فلوس وتتهاوشت معاه ودريتهم وكلمه ورا كلمه طقنى

والحين انا فبيت اهلى صارلي 5 ايام ماسال ولا دز شي والسبب انا رحت لبيت اهلى من زمان موشايفتهم وقالى حدج ساعتين وردى كلمته امى وترجته ولا احترمها ودق عليه ابوى وقاله تعال ولا راحله ابوى قالى قعدى ولا تردين لين يجي عشان افهمه اننه لنا حق فيج ... انا تعبت منه ودى اتطلق مع انى احبه انا زهقت من المشاكل انا موقادره اصارحهم انى احبه رقم كل هذا احاتيه شياكل وشنو يلبس .... مانى عارفه ومانى راجعه لانه عندى كرامه لازم يحترم اهلى ويقدرهم ويقدرنى

 

[*E.B.D.A.3*]

7 شهور متزوجه وهاذي تصرفاته !!!
عيل لو راح اتخلفين، شبتكون تصرفاته ؟؟؟

ياعمري هذا مو حب !!
المرة الي يطقها زوجها و"يتملكها" تحس نفسها تحبه وتبيه ، مو عشان شي
بس هاذي حاله نفسية معنية ، تعيشين صراع مع الذات وتبين تثبتين الافضل والاحسن
وتبين تكملين عشان تتحسن الامور وتمسحين الذاكرة السيئة
وتتعشمين بمستقبل افضل ،
على قد ماهيه معاملته سيئة ، لمه يسويلج شي واحد حلوو ، تطيرين من الفرحه، وتستندين على هالشي بانه يحبج !
يطقج يموتج ماعليه بس هذاك اليوم اهوه سوالي الشي الفلاني ، معناته يحبني !!
وهذا الي مخليج تتمسكين فيه !!
عشان خاطر شوية ذكريات حلوة !! وهالشي اهوه الي قاعد يحننج عليه !!

اخذيها مبدأ ،
الي يحب ، ما يبخل
والي يحب مايشك
والي يحب مايستعبد الي يحبه لا ويتشرط، قعدي ساعتين وردي !!! وكلمووه اهلج ولا حشمهم، ترجته امج ولا حشمها!
وتقولين احبه ؟
على شنو تكفين !؟
وادري ليش تحبينه ، كتبتلج انا فوق ،
اكو اشياء معينه مسويها لج، اهيه الي لازقه في بالج ،
مخج قاعد يمارس حيله دفاعيه عن طريق عمل "بلوك" على كل شي سيء، واسترجاع كل شي حلو !!
فجاه تلقين نفسج تبينه !!

الريال لي عودج على المعاملة الجافه دايما ، وبعدين سوالج شغلتين حلوين، راح تقدسين هالشي حيل !
ويمكن يبرق بيعنج اكثر! تحبينه اكثر، وتبينه اكثر !

حطي ببالج مره ثانية، الي يحب، مايحرم الي يحبه من المعامله الطيبه طول الوقت !!
فشيلي فكرة انج تحبينه واقنعي نفسج ان الامر ومافيه ، ترك فيج خلل نفسي معين، يتهاليج انه "حب"!!


اهلج زين ماسوو وخلج متمسكه بقعدتج بالبيت ،
توكم ماصكيتو سنه وهاذي سوالفه !!
شهالريال المتمرد ؟؟
يعني خلي هواشكم انتو ، بس فشله امج تساحله وتترجاه ومطنش؟ وابوج يكلمه هم مطنش؟
شنو هذا من ريال!!
ترى انتي مو ملك من ممتلكاته الخاصه ، عندج اهل وعندج بيت وعندج حياه !!

 

[Dark SouL]

علي كل اللي سواه وتحبينه !!

غريب امرج الصراحة ��

 

[Norah آم عزوزي]

صج غريبببببه !!!
يخسي يمد يده علي
انتي ما مسكتي العصا من النص

 

[حلمي وامالي]

مادري وش اقلك
ادعي ربك يفرجها ولاتستعجلين بالطلاق الله يعين على الدنيا ما صفيت لآحد

 

[عبالي حبيبي]

7 شهور متزوجه وهاذي تصرفاته !!!
عيل لو راح اتخلفين، شبتكون تصرفاته ؟؟؟

ياعمري هذا مو حب !!
المرة الي يطقها زوجها و"يتملكها" تحس نفسها تحبه وتبيه ، مو عشان شي
بس هاذي حاله نفسية معنية ، تعيشين صراع مع الذات وتبين تثبتين الافضل والاحسن
وتبين تكملين عشان تتحسن الامور وتمسحين الذاكرة السيئة
وتتعشمين بمستقبل افضل ،
على قد ماهيه معاملته سيئة ، لمه يسويلج شي واحد حلوو ، تطيرين من الفرحه، وتستندين على هالشي بانه يحبج !
يطقج يموتج ماعليه بس هذاك اليوم اهوه سوالي الشي الفلاني ، معناته يحبني !!
وهذا الي مخليج تتمسكين فيه !!
عشان خاطر شوية ذكريات حلوة !! وهالشي اهوه الي قاعد يحننج عليه !!

اخذيها مبدأ ،
الي يحب ، ما يبخل
والي يحب مايشك
والي يحب مايستعبد الي يحبه لا ويتشرط، قعدي ساعتين وردي !!! وكلمووه اهلج ولا حشمهم، ترجته امج ولا حشمها!
وتقولين احبه ؟
على شنو تكفين !؟
وادري ليش تحبينه ، كتبتلج انا فوق ،
اكو اشياء معينه مسويها لج، اهيه الي لازقه في بالج ،
مخج قاعد يمارس حيله دفاعيه عن طريق عمل "بلوك" على كل شي سيء، واسترجاع كل شي حلو !!
فجاه تلقين نفسج تبينه !!

الريال لي عودج على المعاملة الجافه دايما ، وبعدين سوالج شغلتين حلوين، راح تقدسين هالشي حيل !
ويمكن يبرق بيعنج اكثر! تحبينه اكثر، وتبينه اكثر !

حطي ببالج مره ثانية، الي يحب، مايحرم الي يحبه من المعامله الطيبه طول الوقت !!
فشيلي فكرة انج تحبينه واقنعي نفسج ان الامر ومافيه ، ترك فيج خلل نفسي معين، يتهاليج انه "حب"!!


اهلج زين ماسوو وخلج متمسكه بقعدتج بالبيت ،
توكم ماصكيتو سنه وهاذي سوالفه !!
شهالريال المتمرد ؟؟
يعني خلي هواشكم انتو ، بس فشله امج تساحله وتترجاه ومطنش؟ وابوج يكلمه هم مطنش؟
شنو هذا من ريال!!
ترى انتي مو ملك من ممتلكاته الخاصه ، عندج اهل وعندج بيت وعندج حياه !!

انتي ابداع على اسمج وربي ابداع:eh_s(15):

ماشاء الله عليج يبه

عليج تحليل مسكت:rerrerek:

صاحبة الموضوع عسى الله يهدي بالج ويختارلج مافيه خير

 

[ياليتهم يشعرون]

٧شهور وحبيتيه شهالقلب ههههههعموما أهلج يعرفون يتصرفون لان انتي ماتصرفتي من البدايه.

 

[F.L.O.N.A]

بصراحه مادري انا اوافق الاخت اللي باول رد بجزء من كلامها

بس همن الرياييل عندنا طبعهم جذي اذا سوا شي زين معناته هذا قمة احاسيسه عشتاو ، فما الومج اذا قاعدة تفكرين بالاشياء الزينة اللي يسويها واللي تخليج تتحننين عليه .. لان طبع الرياييل اهني ما يسوون شي يبرد الجبد الا لما يطلع من جبودهم
بس صراحه هذا اللي ما حشم امج ولا ابوج لازم عالاقل تعلمينه الاحترام ...

اهو تمادى اول مرة طقج ورديتيله بسهالات .. فقال السالفة عادي ... مدام انتوا فالبداية للحين ما فات الوقت وتقدرين تعودينه على اللي انتي تبينه ... عشان جذي سمعي كلام اهلج ولا ترديله ولا تدقين عليه واذا تقدرين صكري جهازج خليها اهو اللي يسال عنج ويدورج ويتفقدج ... خليه يحس بقيمتج بحياته سواء ماديا او نفسيا حزتها صدقيني بيرد ، وان ما رد عرفي ان بالاساس ما كان لج اي قيمة بحياته وانسان ما حطلج قدر وقيمة انتي بغنا عنه ... بس انا متاكده ان بيرد لان اغلب الرياييل يسوون روحهم اقويا جدام الحريم وحزة اللي تصير الصجية ويحس انج راح تطيرين من ايده يبين على حقيقته <<< وعلى فكرة مو كل اعصاب الرياييل وطقهم تكون عدوانية وكره ساعات من كثر ما يحبج يطقج ويشك ويغار عليج وحطيها فبالج ..

اهم شي الحين ... لا تدزين له ولا شي ولا تدقين ولا تسالين يبيج اييج لي عندج لو شنو ما كان عناده والمثل يقول " ولدج على ما تربينه وريلج على ما تعودينه "

انتي توج بالبداية اذا ناوية تستمرين معاه وتحبينه لااااااااااااازم الحين تتحملين هالجم يوم عشان باجر لا يستسهل يطقج ويغلط عليج وذيك الساع ما يحترم حتى اهلج اذا الحين مطنشهم ... لازم تادبينه وصدقيني انا مجربتها الشي اللي تفكرين فيه ساعات وتحسين بشي بقلبج يكون اهو يفكر فيه بنفس الوقت ... وترا مهما زاد عناده وقسوته يبقى بشر وعنده نقطة ضعف شطارتج تعرفينها وتستغلينها صح ...

وبقولج شغله لاحظتها من خلال كلامج انتي قلتي انج عنيدة وتراددينه وهذا اكبر غلط ... الريال لما يعصب احسن شي تسوينه تظلين سااااااااااكتة كيفج عاد بتطالعينه بنظرات استحقار جنه ياهل او بنظرات دلع عشان يطخ او تمشين عنه او تقعدين او تلمينه المهم ما تراددينه حتى لو كان كلامج كله صح .. سكتي وخليه يهدي عالاخر .... وبوقت ثاني قوليله ترا الموضوع كان كيت وكيت بس انت الله يهداك ما عطيتني فرصة ...

طمنينا عليج شنو يصير معاج

 

[om MaRyooM]

خلي ابوج اهو اللي يتصرف

مادري ليش احس ان اثنينكم صغار بالعمر


اهو مو محترمج وطايش
وانتي عنيدة وزاعولة المفروظ مو علا اقل شي تردين بيت اهلج
بس صراحه زين يسوي فيه ابوج
خل يخليه يحترم نفسه ويأدبه

او يكون الكلام موجه لابوه

ودامج للحين عالبر سوي استخارة


الكتاب اين من عنوانه والقرار بيدج

 

[om MaRyooM]

كلام الاخت ابداع عين العقل

 

[عشقك وطن]

سالفه الطق انا هذي مااسامح فيها ‘ وانتي سكتي عنها من البدايه لا حليتها بينك وبين زوجك ولا دخلتي اهلك بالموضوع


اما احترام اهلك ‘ اذا كان الشخص غير محترم هنا صعب التعامل معه لكن مب مستحيل



لو كنتي جاده معه وصارمه وحسسيته بقيمتك وحس انه بيخسرك هنا راح يتعدل



اما الرجل الشكاك هذا مرض ولو ماانوضع له حد من البدايه راح يتطور اكثر واكثر



فـ انتي فكري من كل الجوانب ولا تحطين 90% انه بيتعدل و10 % تفكرين بالايجابيات


خلي 90% انه ماراح يتعدل عشان لو قررتي ترجعين له تكونين عارفه نتيجه قرارك


موفقه

 

[Heart.LesS !!]

نصيحه من اخت لاتستعيلين بسالفة الحمال هذا العيشه معاه اتخوف فا ما الج لمن يصير عندج عيال يشوفون ابوهم جذي يتعقدون والله

 

[شادن33]

مشكلتج اتراددين وايد حبوبه ماينفع والله
الزواج تفاهم مو كل واحد يرد عالثاني بقمبله لا
سايسي افضل اذا تبينه وخلي المركب يمشي
والمصرف كلمي ابهدوووء وانشالله يرضا
شكلكم اصغااار اركاده زينه

 

[كشه لم تكد]

الله يعينك ويسهل لك حبيبتي
كل شي ينسكت عنه الا الضرررررب
والله مصيبه
تخيلي كمان بكرا قدام اولادك يضربك
كيف حتكون نفسياتهم حيكون اولاد مريضينمهزوزين
انا من رأي لاتستعجلين بسالفة الحمل
ولاتتصلين عليه
خليه اهوا يحس على دمه ويعرف انه كله غلط بغلط

 

[سفيره الكويت]

انا اقول يا يتسنع ويصير ريال يا قعدي ببيت اهلج ابرك هذا طااايش وقلناها من قبل الام المفروض ماتزوج ولدها اذا جذي تصرفاته

غلط مقوله نزوجه عشان يخف عن طيشه بالعكس ترى يزيد نتمنى من الامهات مايوهقون بنات الناس

 

[BubbLe87]

عمر الاهانة ما كانت حب
اذا ما يبي يتسنع ما يشوف شر
ادبيه و حقريه و مرده لج

 

[صمت الورد >3]

اسلوبه xxxxxxxxxx

مردك بتملين من هالاسلوب

 

[ممنوع التجول]

مشكورين على ردودكم رفعتوا معنوياتى ..... كنت حاسه انى غلطانه لانى خليته
على سالفه الطق اهو راسه يابس بيمشي كلامه على بالقصب وانا ماتحمل واهوشي مو بدون سبب ياما يعطينى شي وبطريقه مو مباشره يذلنى او يوافق على شي وبعدين يرفض انا مولعبه عند احد

واهو يمنعنى عن اهلى ماشوفهم الا وين وين واذا رحت قعدنى شوي
وعلى فكره انا اغسل واطبخ واضرب الملابس وانا طالبه اداوم ولا فكر يبيلي خدامه ساعه عالاقل باليوم يعنى مهدود حيلي

ولا دقوا اهله ولا سالو ... على راحتهم

 

[tbola]

الله يعيينج

 

[ثريا الكون]

الله يهديه وسخره لج ​