ساعدونى ..... احبه

[*E.B.D.A.3*]

مشكورين على ردودكم رفعتوا معنوياتى ..... كنت حاسه انى غلطانه لانى خليته
على سالفه الطق اهو راسه يابس بيمشي كلامه على بالقصب وانا ماتحمل واهوشي مو بدون سبب ياما يعطينى شي وبطريقه مو مباشره يذلنى او يوافق على شي وبعدين يرفض انا مولعبه عند احد

واهو يمنعنى عن اهلى ماشوفهم الا وين وين واذا رحت قعدنى شوي
وعلى فكره انا اغسل واطبخ واضرب الملابس وانا طالبه اداوم ولا فكر يبيلي خدامه ساعه عالاقل باليوم يعنى مهدود حيلي

ولا دقوا اهله ولا سالو ... على راحتهم

عيل لازم تشكرينه لانه عطاج كل الاسباب عشان تتركينه بضمير مرتاح !!!
وانا ادري وحسيت انج ماكنتي تغلطين عليه عبث !! لان اعرف هالنوعية عدل !!
( متملك ) ويعاني من نقص رجولة !!
وفاهم الرجولة غلط !! يستعبد المرة ويذلها عشان يحس بقوته وهيبته !!!
وعشان جذي بتلاحظين ان بردي الاول كله مالمتج على شي ! مع انج قلتي ان لسانج طويل وتعاندين!
يمكن كتبتي هالشي لانج تبين تسمعين منا نقولج غلطانه رديله !!
لكن الكتاب واضح من عنوانه .. !!!!! وطنشت الجزئية الي كتبتي فيها انا ألاسنه !!


استخيري وصدقيني ، هالنوعية، حتى اليهال مايغيرونه
واقري تجارب البنات ، الي تقولج انا قلت بصبر عليه يمكن يتعدل واذا صار في بيبي راح يتغير
وماتغير !!

 

[شادن33]

انتي ادرى بظروفج وطبع ريلج
احنا سمعنا منج بس عشان
عشان جذي رديت ردي الاول

 

[دموع واهات]

الله يعينج
انا مع كلام عبالي حبيبي
لاتردين لحد مايتسنع احسن مو كل يوم والثاني متهاوشين ورايحه لاهلج
والله يوفقج ان شالله

 

[هيفاء 966]

لا تردين له ألا اذا جا وتأسف وياب امه او ابوه وقال جدامهم وجدام اهلج انه بيتسنع. والا يولي بداله غيره انتي توج ماعندج عيال عشان تصبرين على هالوضع

 

[MiSs ToSHii]

انا اقولج ابغض الحلال عند الله الطلاق وتصبري مرده بييلج صدقيني وموفقه

 

[انثى عاشقة]

والله كلام ابداع في الصميم ..
اعرف وحدة زوجها كان من هالصنف بس ورته شغل الله وتسنع الحين غصب
مو بكيفه يمد ايده !!!
حتى لو لسانك طويل يرد عليج بكلام مو يمد ايده!!!! ..
الي مثله يحتاج وقفة جادة وصارمة من اهلج
وانتي اعطيه اكبر طاف من المحيط الى الخليج
ع اساس يفهم ان بنات الناس مو لعبة عنده ..
​

 

[_zahra]

والله مادري شقولج ان شالله تنحل المشكلة باللي فيه الخير للاثنين

 

[مزيوونه حيل]

لا تطلقتي اهلج مو نافعينج

بعدين ليش العناد وكل شوي مدخله اهلج بينكم؟ ترى حتى الرجل عنده كرامه ما يرضى كل ما قالج كلمه علمتي اهلج يكلمونه .. البيوت اسرار وانتي استحملي تعليماته وامشي بأمره لين تتمكنين وتقدرين تاخذين منه اللي تبين بطيب خاطر

الحياة مو صراع .. وخليج انثى بعينه وحتى لو تتصلين عليه وتقولين له تعال اخذني ووعد ما اعيدها بتكبرينبعينه بدال العناد .. الله يوفقج ويسسر امورج

 

[مزيوونه حيل]

بنات ليش كلامكم كله تشيشون البنت؟؟ مافي زوج بيمد ايده بدون سبب وهي قالتلكم انها ترادد وما حطت له حد وفرضت احترامها! اللي زوجها عصبي تتفاداه ولا ترفع ضغطه وكل وحده تمشي على حسب شخصية زوجها ما تمشيه على كيفها غصب وتدخل اهلها وتحوس الدنيا واخرتها تقول ما يسأل عني .. حتى هو مجروح والحياة تفاهم .. مره هي تتنازل ومره هو بيتنازل بطيب خاطر

وكلنا كرفنا وضربنا اوتي ونظفنا اول ما تزوجنا ولا قلنا نبي خدم الا مع اول بيبي .. تعوذي من ابليس ولا تهدمين بيتج بنفسج

 

[ممنوع التجول]

بس اللى يمد ايد على زوجته مايستاهل اقعد معاه باجر يمدها اذا صار عنده عيال
وانا مو مضطره اتحمل اعصابه الواحد لازم يعرف شلون يسيطر على نفسه