يومياتي في تحدي الوزن الزائد (الجزء الثاني)

[توووووتة الحلوة]

هاي بنوتات

انا فتحت جزء ثاني علشان اشجع نفسي اكثر

الحمدلله و صلت لهدفي الاول و الثاني و الحين ابي اوصل لهدفي الثالث

الطول: 161

الوزن الحالي: 65

الهدف الثالث: 60

هدفي الثالث راح اقسمه على مرحلتين، الهدف الاول: 63 ... الهدف الثاني: 60

بنات ادعولي ان ربي يوفقني لاني الحين عندي وزن زايد ... حسب مؤشر كتلة الجسم، الوزن المثالي لي اهو: 63

الله يسهل علي، امين :yaaaaaarb:

راح اكتب يومياتي، كل يوم ان شاء الله ... سواء اكل او رياضة

 

[توووووتة الحلوة]

اليوم

الريوق

نص خبزه مع ملعقة و نص جبن سايل. كاس شاي و سلطة

الغدا

مافيه غدا

 

[تهبل و تستهبل]

موووووفقه ياا حلوووه

اب ا ب اب اب اب لعيوونش
​

 

[روحي تحبك...]

موفقه يا قلبي وشدي حيلج

 

[فجر_الكويت]

يااااارب تضعفين بصحه وعااافيه

 

[MayOumii~]

نفس طولي بالضبط
وانا وزني 64 يعني متقاربين
بس انا وزني المثالي 50 نقريبا لان العظام عندي ضعيفة

راح أبدي وياج من تاريخ 12-2 لان الحين عندي ظروف ومآقدر أسوي رياضة
الهدف الأول : 60
الثاني:55 وبس يمكن اوقف عنده لان 50 وايد
بس اذا الله قدرني راح انزل لي الخمسين

نظآمي تخفيف ( وأركز أكلي بالريوق والغدا اما العشا فممكن الغيه او اكله سلطة )
والله يقدرنا ونضعف بصحة وعافية

 

[توووووتة الحلوة]

موووووفقه ياا حلوووه

اب ا ب اب اب اب لعيوونش
​

مشكورة على الاب قلبووووووش

موفقه يا قلبي وشدي حيلج

يا اهلا وسهلا فيج :ggdw: نورتي موضوعي انا اتابعج في موضوعج انتي والبنات اللي معاج. لكن ما اترك تعليق لاني للاسف كسوله :eh_s(16): بصراحة انا تعجبني ارادتج القوية :eh_s(15): الله يبارك لك

يااااارب تضعفين بصحه وعااافيه

امين ياااااااااااااارب. مشكورة على الدعوة قلبي

نفس طولي بالضبط
وانا وزني 64 يعني متقاربين
بس انا وزني المثالي 50 نقريبا لان العظام عندي ضعيفة

راح أبدي وياج من تاريخ 12-2 لان الحين عندي ظروف ومآقدر أسوي رياضة
الهدف الأول : 60
الثاني:55 وبس يمكن اوقف عنده لان 50 وايد
بس اذا الله قدرني راح انزل لي الخمسين

نظآمي تخفيف ( وأركز أكلي بالريوق والغدا اما العشا فممكن الغيه او اكله سلطة )
والله يقدرنا ونضعف بصحة وعافية

و انا قابله التحدي انا اشوف ان 55 واااااااااايد زين، انا زوجة اخوي طولها 160 و وزنها 55 لو تشوفين جسمها راح تقولين ماشاء الله تبارك الرحمن. ان اتوقع لو تصير 50 ماراح يصير حلو عليها

انا نظامي مثل نظامج لكن انا اكل ثلاث وجبات مشبعة يعني ولا وجبة اخليها خفيفة. اول ما بديت الدايت كنت حاذفة وجبة الغدا. الحين لا، لاني صرت اجوع

 

[توووووتة الحلوة]

يومي اليوم

الريوق

2 ملعقة جبن سايل مع نص خبزه. كاس شاي و بادية باميه

الغدا

حمسة دجاج مع نص خبزه. كاس شاي و ملعقة ونص كاتشب

السناك

ميني كيت كات = 90 سعره

العشا


ما قررت ايش اكل

الرياضة

مشيت 45 دقيقة

 

[توووووتة الحلوة]

سبحان الله و الحمد لله و الله اكبر

 

[MayOumii~]

اي نصيحة وجبتين حرصي عليهم الريوق والغدا
اما العشا فيفضل خفايف كثر ما تقدرين ونصيحة خليه روب يتني فترة نزلت عليه بشكل مو طبيعي

وخلاص ان شاء الله باخذ بنصيحتج ووصل وزني لل 55

وانتي توصلين للي تبينه

 

[MayOumii~]

وزني حآليا : 65 تقريبا يعني 64 وشوي

ريوقي حق بآجر بيكون توست أسمر مع جبن سلايس وحليب قليل الدسم

 

[Jalowry]

وينج يا تووووووته ؟؟؟؟
عسى المانع خير ان شاء الله...

 

[Roty]

موفقه توته وان شالله تضعفين

حبيت ادش اسلم عليج واشجعج

 

[((معشوقة خالد))]

موووووفقه خير يا رب ..

ديربالچ ع نفسسسچ يالغلااا ..

شدي حيلچ و راح الكثثثثير و ما بقى الا القليل .. باذن الله

حبيت اسلم .. عليچ .. و أقوووولچ فقدتچ والله

 

[Jalowry]

اب اب اب..

 

[توووووتة الحلوة]

وينج يا تووووووته ؟؟؟؟
عسى المانع خير ان شاء الله...

اب اب اب..

هلا فيج جالورري :ggdw: مشكوووررة على سؤالج عني و هم بعد على الاب.

انا الحمدلله بخير فديتج، لكن ما ادري حسيت بشوية احباط لاني وزني طالع نازل مرة 65 و مرة 64 فقلت لما يثبت على 64 راح ارفع الموضوع و ابدى بحماس اكبر من قبل. لكن بدخولج و تنوريج موضوعي انتي و البنات، تحمست مرررررة.

انتي من فترة قصيرة قطعتي عن المنتدى و ما صرت اشوف موضوعج و ضاق خلقي قلت البنت و ين راحت، و الحمدلله شفتج رديتي من جديد. المفروض اني كاتبه رد لج في موضوعج لكن انا من النوع اللي قليل يسأل، طلعتي احسن مني :eh_s(17): ها جالوري بشري ايش اخبارج مع الدايت، الحين؟

 

[توووووتة الحلوة]

موفقه توته وان شالله تضعفين

حبيت ادش اسلم عليج واشجعج

اهلين روتي، امين يااااارب. مشكورة على التشجيع. فرحت لج واااايد لانوزنج زاد عن 51 و ان شاء الله توصلين لهدفج قريبااا وانا مازلت متابعة لكم لكن بصمت .... احب كثيررر ادش تجمعكم و اقرا سوالفكم ... حييييل تونسون، الله يبارك لكم

موووووفقه خير يا رب ..

ديربالچ ع نفسسسچ يالغلااا ..

شدي حيلچ و راح الكثثثثير و ما بقى الا القليل .. باذن الله

حبيت اسلم .. عليچ .. و أقوووولچ فقدتچ والله

معشوقة خالد ... يوه يوه يوه من زمان عنج، وحشتيني كثيرررر، وينج غاطة و مشكورة على التشجيع. و انا بعد فقدتج، تعالي بين فترة و فترة طلي علي. انتي شلونج ايش اخبارج مع الدايت، ها بشري ... عساي الحماس ما قل

 

[Jalowry]

:ggdw:ياهلا وسهلا فيج توووته نورتي:ggdw:
ظنيت انج هونتي والله لووول
طولتي الغيبه أهم شي الحمد لله انج طمنتيني عليج ..
واااااااصلي قلبووو لين ماتوصلين للوزن اللي تبينه:ggdw:

انا أخباري زينه الحمد لله فعلا قطعت عن المنتدى لأني كنت مساافره وللأمانه يتني فتره كنت محبطه خصوصا بعد ماخبصت شوي بالدايت وزني اللحين الحمدلله وصل 90 المفروض أكون نازله اكثر من يوم مابديت الدايت بس الحمدلله راضيه واللحين رااده بقووووه وحماااس أدري قرقرت وااايد:eh_s(4):
موفقه توووووته..

 

[توووووتة الحلوة]

اي نصيحة وجبتين حرصي عليهم الريوق والغدا
اما العشا فيفضل خفايف كثر ما تقدرين ونصيحة خليه روب يتني فترة نزلت عليه بشكل مو طبيعي

وخلاص ان شاء الله باخذ بنصيحتج ووصل وزني لل 55

وانتي توصلين للي تبينه

مساء الخير MayOumii، اسفه اني تأخرت عليج بالرد. و زين انج اخذتي بنصيحتي بخصوص وزنج لان بعضهم ما ياخذون بنصايح الغير الا لما ياخذون على روسهم لووووووول. و مشكورة على النصايح قلبووووو

وزني حآليا : 65 تقريبا يعني 64 وشوي

ريوقي حق بآجر بيكون توست أسمر مع جبن سلايس وحليب قليل الدسم

بدايه موفقه MayOumii ان شاء الله. و ريوقج بيرفكت :rerrerek: صحي و مشبع. الله يوفقك

 

[توووووتة الحلوة]

:ggdw:ياهلا وسهلا فيج توووته نورتي:ggdw:
ظنيت انج هونتي والله لووول
طولتي الغيبه أهم شي الحمد لله انج طمنتيني عليج ..
واااااااصلي قلبووو لين ماتوصلين للوزن اللي تبينه:ggdw:

انا أخباري زينه الحمد لله فعلا قطعت عن المنتدى لأني كنت مساافره وللأمانه يتني فتره كنت محبطه خصوصا بعد ماخبصت شوي بالدايت وزني اللحين الحمدلله وصل 90 المفروض أكون نازله اكثر من يوم مابديت الدايت بس الحمدلله راضيه واللحين رااده بقووووه وحماااس أدري قرقرت وااايد:eh_s(4):
موفقه توووووته..

لاااااااااااا ما هونت، انا اصلا مشتركة بقروب " البيض المسلوق" لوووووووووووول يعني لازم بين فترة وفترة ادخل علشان البنات اللي في القروب و قلت في نفسي موضوعي لاحقه عليه لين يصير وزني 64 ساعتها ارفعه.

الف الف الف تريليون مبرووووووووووووووك، بصراحة انجاز انج وصلتيه ل 90 لاني اخر مرة قريت رد لج كنتي تقولين حق البنات ان وزني نزلته ل 93 بعدين ارتفع و صار 96 ... ايه ابيج دايم جذي متحمسة دايم

انا بعد المفروض اكون نازلة اكثر لاني بادية بالدايت من زمان لكن يمكن السبب اني احيانا اخبص اهو اللي بطىء نزول وزني.

لا بالعكس ما قرقرتي واااايد لان كل اللي قلتيه يونس :eh_s(17):

انا ان شاء الله راح اواصل، ما ادري ليه حاسة نفسي هالايام صايرة مثل السيارة المغرزه ... وزني صاير بالقطارة ينزل. لكن ماراح ايأس و راح اواصل ليما اوصل حق هدفي

الله يوفقك، حبوبه