بنات عرسي قرب وصاكه فيني الدنيا

[mi corazon]

مساد الخير

ماعندي مقدمه للموضوع

بنات عرسي مابقه عليه شي وعندي مشكله

ريلي مو قادره ابلعه

حاولت

بس اهو ما يساعد ... احسه يحاول بس في اشياء وايد مو قاعد يساعدني فيها


ادري اكو بنات بيقولون حمدي ربج ماعندج مشاكل ... وانا كنت اقول هالشي

بس بنات والله الشي لي كان نفسي يتعب

يعني اضحك بويهه وانا ودي ابجي ... ماكو او شعلة محبه له

واهو ما يحسسني بهالشي

يعني لما احاول ابلعه .. يصدمني

مثل لمن ملجنا .. يقولون له حب راس عروستك بالحفله يقول لا .. انزين ايدها .. يقول لا حلوه هاذي

لما صرنا بروحنا .. مسكت ايده وحبيتها وقتله تره حبة الراس معزه وحبة الايد محبه .. غير الموضوع وقعد يسولف .. انا اهني بغيت ابطل الباب وانزل .. انقهرت كنت بقول له انا ماحبك واحاول ابلعك وانت تسوي جذي

غير جذي لما نمشي مع بعض يخليني ويطير .. اقول له شفيك ماتبي تمشي معاي ولا شنو؟ بنات مادري احسه مستحي لأني اطول منه؟!!!

يعني هالشي يأزمني انا نفسيا .. وقاعده احاول اتأقلم .. اهو ليش مايبي يتأقلم؟

توقعت قبل لا املج اني لي تزوجت وحاول ريلي يمسك ايدي راح اوخرها واحس بشوقه لي

بس اهني صاير العكس .. امسك ايده يوخرها .. قلت يمكن يستحي .. بس لما نكون بالظلمه .. ليش توخرها؟

واي بنات هل انا جاحده ؟

بكل صلاة واذان ادعي يارب حببني فيه وحببه فيني .. ابي احبه .. ماكو مشاعر ليش؟

ياربي بنات تخيلوا لي دق علي اطالع التلفون و اتأفف .. بس مسجلته حبيبي .حاطتله نغمه الاغنيه اللي احبها

اهديله اغاني ولا يهديلي .. اهديله هدايا وعطور ولا اهداني ولا شي

تخيلوا انا من روحي قتله ابي مسباحك .. خذيته منه .. احاول احبه

بنات يالمتزوجات في شي غلط ؟؟ اكو شي ناسيته ؟

بليز نصحوني نصايح اقدر افهمها .. لاتزفوني رجادن .. ادري الافكار راح تتعارض .. اللي بتقول جان ماطلعتي معاه لا تعلق لأن جذي عندنا نطلع وكل شي عادي الا الدخله

شنو اسوي

 

[شادن33]

الله ايعينج في منهم جذي قبل العرس
بس بعدين ينقلبون ويسوون شقلبه خلفيه ويصير رومانسي
انشالله يطلع منهم

 

[حجيه هيونه]

ترا في رياييل مايعرفون

وهذا يمكن شي زين معناه انه ماعنده تجارب قبل

 

[أم حورية]

ترا في رياييل مايعرفون

وهذا يمكن شي زين معناه انه ماعنده تجارب قبل

صح كلامها
حاولي فيه لا تيأسين ،، بس انصحج كلمي احد كبير وعاقل بالعايلة مثل عمج او خالج او ابوج اذا يتقبل وشوفي شنو رايهم يمكن يكون راي الريال العود احسن منا احنا الحريم

 

[بقلبي انت]

يمكن يكون مستحي او ماعنده تجارب سابقا يعني ماعنده خرابيط ولا بنات ولايعرف يتغزل يعني بقراطيسه احمدي ربج
او خايف يبتدي بشغله صغيره يعني مسكة ايدج وبعدين تكبر لشي ثاني
انا اقول ورا الزواج بتشوفينه متغير 180 درجه
وعلي فكرة بوسة الراس حتي انا بعرسي زوجي ماباس راسي قدام اهلي واهله بس راحوا وصرنا بروحنا باس راسي لانه يشوفها
بنظره شغله قويه ومن ناحيةالهدايا الله وكيلج صارلي 10 سنين متزوجته ماشفت الا 4هدايا لا وانا إلي اطر منه يجيبلي

تعودي علي اطباعه وانت بذكائج تقدرين تغيرينه والله يوفقكم مع بعض ويبعد عنكم الشر

 

[مناير ...!]

حبيبتي الله يعينج
شرايج اتسوين مثله يعني لاتحرصين على مسكه ايده
لاتيبين له شي
حسسيه انج عادي لاتحتاولين تسوين اي شي
ترى الرياجيل عقليات غريبه
يمكن جذي اهو يحاول

 

[some one waw]

الله يسخرلج ويوفقج معاه

شوفي كبداية لا تحاولين تباااادرين بحركات ولمس ايد وكلام حب

خلج معاه مستحية من ظلج ومتبلعمة >>> يمكن ثقله ردة فعل ومايبي ميانة حيل حيل قبل العرس

خل يحس بغلاج ويشتااااق لج

والمحبة بين الزوجين تزيد بأمر من ربي بالدعاء ماله علاقة طولج >> ما شا الله الطول صفة حلللوة يعني لاتقولين يمشي بسرعة يعني مفتشل*من طولج

اخوي تشتكي مرته انه يمشي بسرعة واهي سلحفاة مع انه أطول منها بوااايد ويموت عليها أخذها عن حب

لا توسوسين وايد وادعي الله يجعل ايامكم كلها محبة يارب

 

[Beyoncee]

ياحلو ردج شادن ضحكني
المهم يمكن مستحي وما يعرف عامليه انتى عادي اكتمي مشاعرج شوي
خلج ماتعرفين شي يحبون هالنوعيه
وبالنسبه للطول لا تبينين هالشي حاولى ماتلبسين كعب امدحيه وانه اهو اللى تمنيتيه عشان مايحس بالنقص
الله يوفقكم ويقرب قلوبكم ع المحبه

 

[انثى عاشقة]

اقرا موضوعج وعقلي توقف
الصراحة مدري شفسر تصرفاته ..
ماابي اظلمه وافسر من كيفي
من رايي كلمي اخصائية نفسية او جذي
هي الي راح تعطيج التحليل الصحيح لوضعكم
​

 

[mi corazon]

بجرب كلامكم ..راح اثقل وما ادق عليه بس بدز مسجات عاديه

ولي مشينا ماراح امسك ايده


والله كريم يارب يحببه فيني

تسلمون بنات لا عدمتكم

 

[mi corazon]

اقرا موضوعج وعقلي توقف
الصراحة مدري شفسر تصرفاته ..
ماابي اظلمه وافسر من كيفي
من رايي كلمي اخصائية نفسية او جذي
هي الي راح تعطيج التحليل الصحيح لوضعكم
​

شكلي جذي .. خواتي ورفيجاتي يقولون صبري بس مايقولون شنو التصرف اللي اسويه


بس الظاهر نظامه اني ما ابادر بأي شي

=====

بس بنات .. ما راح يلاحظ اني تغيرت؟ يمكن يفهمها اني ما ابيه

ولا شلون ؟

 

[خشف العذارى]

الله يسخركم لبعض >> طموووووووشه

 

[brettey]

حبيبتي الله يعينج ليش ماتكلمين لج استشاريين بالحياه الاسريه اوتقع بيعطونج الحل باذن الله
ودايما استخيري
الله يوفقج ويكتب لج الخير والصالح

 

[لمى الهاجري]

خلاص انتي لا تسوين شي انتوا بفترة ملحة وماتعودتوا على بعض توكم بسم الله خلي كل شي طبيعي اذا هو ما بادر انتي لا تبادرين

 

[بطوووطة$بيضة]

حبيبتي ثقلي عليه

بس فهمي عدل ثقلي بس لاتنفسين عليه في بنات يفهمون الثقل يعني اتنفسين لا خلج راكدة ولاتقطين روحج عليه

بس ابنفس الوقت خلي دمج خفيف وبشوشه مو بومة وتدلعي عليه يمكن يتلحلح

 

[αησмα]

الله يسخره لج ويحببه فييييج وتصيرووون احلا اثنين

 

[أمول 1989]

على وصفج حسيته يمكن مايعرف

وساعات الريال لما تشوفينه مفتح وعارف كل شي

هم نقول هذا يخوف

اذا طلعت منه شغلات اوفر يعني

انتي حطيتي مواقف صارت ماعجبتج

بس ماذكرتي صفاته شلون

يعني شوفي ايجابياته الي بشخصيته

مثلاً كريم ، حنون ، اجتماعي ........ الخ

وفي البدايه صعب كل واحد يفهم الثاني

وساعات انتي تفسرين تصرفاته بطريقه معينه

وتلقين اهوو مو اباله هالشي كلش ولا كان قصده

من رايي انج ماتتسرعين وكوني هاديه وحاولي تفهمين ليش يتصرف جذي

والله يوفقج حبيبتي

 

[عادي من قلبي أشيلك]

من توقيعج مبين توك متعرفين على بعض
تو الناس يمكن للحين ماتأقلم معاج
ولا اهوا طبعه جذي

عسى الله يسخره ويهديه لج يارب

 

[انوثتي غير وياك]

ثقلي عليه

 

[mi corazon]

على وصفج حسيته يمكن مايعرف

وساعات الريال لما تشوفينه مفتح وعارف كل شي

هم نقول هذا يخوف

اذا طلعت منه شغلات اوفر يعني

انتي حطيتي مواقف صارت ماعجبتج

بس ماذكرتي صفاته شلون

يعني شوفي ايجابياته الي بشخصيته

مثلاً كريم ، حنون ، اجتماعي ........ الخ

وفي البدايه صعب كل واحد يفهم الثاني

وساعات انتي تفسرين تصرفاته بطريقه معينه

وتلقين اهوو مو اباله هالشي كلش ولا كان قصده

من رايي انج ماتتسرعين وكوني هاديه وحاولي تفهمين ليش يتصرف جذي

والله يوفقج حبيبتي

اي والله هذا عزائي فيه انه طيب واجتماعي وخدوم للناس .. بس هم مايبين الحين لأنه ما يكلمني وايد باليوم مره او مرتين شلونج شخبارج وبس

يعني اطول مكالمه كانت 10 دقايق

بس انا حسيته خجول يمكن .. يخاف من اخواني

بس اكو شغله .. مادري هل اهو كريم ولا لا

لأن الدبل انا شريتهم .. تليقفت وقلت انا بييبهم .. توقعت يقول لا والله ما تدفعين وانا موجود بما انها كانت اووووول طلعه .. قبل حفلة الملجه بعد

قلت يالله يمكن ما كان قصده

بس لمن ضاعت الدبله حاولت انغزله مني مناك ولا حس ولا يابلي ... مادري يمكن شي سخيف بس اكثر من جذي نغزات وودي اهو اييبلي اي هديه .. ولا حتى ورده مع اني اهاديه

مابي اظلمه .. اتمنى يطلع على نياته مو بخيل

من توقيعج مبين توك متعرفين على بعض
تو الناس يمكن للحين ماتأقلم معاج
ولا اهوا طبعه جذي

عسى الله يسخره ويهديه لج يارب

اي اختي تونا صارلنا شهور .. بس احس جنه امس بس اعرفه .. ما يتقربلي .. انا اللي احاول اتقربله علشان اعرف شخصيته قبل ما اروح بيته

ثقلي عليه

قاعده احاول