رجيم صحي حق اللي يسهرون نفسي :) حياكم ..

[شيخه***البنات]

السلام عليكم ورحمه الله وبركاته ،،​

شلونكم شخباركم ياعضواتنا الحبيبات العزيزات ​

ان شاءالله بخير ؟؟! ..​

هذا رجيمي من مستشفى الصباح قسم التغذيه ..​

رجيم صحي حق اللي يسهرون ..​

طبعا الرجيم راح تنصدمون مافي ريوق ..​

لان انا اسهر بليل مع بنوتتي صغيرونه ماتنام​

فا اقعد متأخر شوي ما اكل لي الساعه 2​

الظهر تكون وجبتي الاولى.. ​

انا سويته شهر ونص تقريباً نزلت 7 كيلوات ​

الحمدلله على صحه وبشرتي تعدلت و شعري مايطيح ​

ماشاءالله فأنصحكم فيه ..​

الاخصائيه قسمت لي الاكل بطريقه حلوه شوفو الرجيم ،،​

*​

*​

*​

ماكو ريوق ،،​

الغدا:​

شرايح خيار -خس-جزر او (سلطه تونا+ نص كوب ذره)​

تعادل وجبه الغدا بدون الاختيارات التاليه ،،​

2 توست او كوب عيش (اي نوع) او 1 خبز لبناني او 1 كوب ​

ذره + 2 شريحه رومي او سمك او دجاج او لحم او 1 علبه تونا ​

+ علبه روب او لبن ..​

سناك بعد ساعتين :​

شاي او قهوه + 2 حبه فاكهه او 6 تمرات او 1 ككاو صغير​

لايتعدى 120 كالوري او 1 حبه حلويات ..​

العشاء : ..​

2 توست او 1 صمون او 1 خبز لبناني او كورن فليكس ​

او 3 شابورات + برجر مشوي او جبنه او 2 م لبنه او 1 بيضه ​

مقليه ب 1 م زيت زيتون او بيضه مفيوحه + كوب حليب​

او 1 روب ..​

وحبه خفيفه للسهر : ​

استكانه مكسرات اي نووع + جاي أو قهوه .. ​

ملاحظات​

-شرب 6-8 اكواب ماء في اليوم..​

-تمارين خفيفه لمده 20 دقيقه ..

-ولكم وجبه وحده بالاسبوع تكون فري من البيت او من مطعم
و بعدها تحلون وبليل العشـا يكون عشا رجيم ..​

وأي سؤال في الخدمه ..​

حياكم الله ..​

:eh_s(17):​

 

[تفاصيل روح .!.]

يعطيك العاافيه

حلو مرراا

بس كم كان وزنك وكم صاار ووش فصيله دمك

 

[منى قلبها ابيض]

اي صوب قسم التغذيه بالصباح منو احسن اخصائيه ؟

 

[foshia girl]

يارب توصلين للوزن اللي تبينه بكل صحه وعافيه ..

 

[تفاصيل روح .!.]

ننتظرج يالغاليه لاتطولين علينا

 

[Lisa]

خوش رجيم بسوي مثله والله يكتب لنا الصحه والعافيه بكل وزن نقطه

 

[بدون أسم أحلى]

شيء حلووو والله والله يعطيك العافيية
وأنا معاك بإذن الله لان وزني الحمدلله والشكر على الصحة يارب..

 

[ريم خانم]

حلو
انا اسهر واخلي فطوري الظهر والغدا بعد المغرب والعشا ع الساعه 12 وبعده مااكل شي

 

[شيخه***البنات]

يعطيك العاافيه

حلو مرراا

بس كم كان وزنك وكم صاار ووش فصيله دمك

الله يعافيج حبيبتي ..

حلت دنياج ..

كان وزني اول مابديت 78.9 صار 71 ..

فصيله دمي +ab

 

[شيخه***البنات]

اي صوب قسم التغذيه بالصباح منو احسن اخصائيه ؟

الصباح صوب مستشفى الولاده ..

و كل الاخصائيات و الله زينين ماشاءالله

حليوين و حبوبين :eh_s(9): ..

اشجعكم تروحون و الله ..

 

[شيخه***البنات]

يارب توصلين للوزن اللي تبينه بكل صحه وعافيه ..

اميين حبيبتي و اجمعين يالغاليه ..

 

[شيخه***البنات]

خوش رجيم بسوي مثله والله يكتب لنا الصحه والعافيه بكل وزن نقطه

حياج سويه معاي و الله يوفقج ..

ان شاء الله وتضعفين بصحه و عافيه يارب ..

 

[شيخه***البنات]

شيء حلووو والله والله يعطيك العافيية
وأنا معاك بإذن الله لان وزني الحمدلله والشكر على الصحة يارب..

الله يعافيج حبيبتي ..

حياج سويه معاي و الله يضعفنا بصحه و عافيه يارب ..

 

[شيخه***البنات]

حلو
انا اسهر واخلي فطوري الظهر والغدا بعد المغرب والعشا ع الساعه 12 وبعده مااكل شي

انا نفسج و الله هذا اللي اسويه ..

انا مرات بنتي تتقعد اذا حسيت بيووع

اكل استكانه مكسرات اي نوع ..

 

[توتــه]

حبيبتي عندي جم سؤال

خبزه لبنانيه كامله ؟؟ خفيفه او عاديه
وبالنسبه للقهوه عادي نسكافيه 3ب1

وهني مافهمت

الغدا:​

شرايح خيار -خس-جزر او (سلطه تونا+ نص كوب ذره)​

تعادل وجبه الغدا بدون الاختيارات التاليه ،،​

يعني هالخيارات بدال الغدا والا قبله

اتمنى تجاوبين لاني بطبقه

 

[شيخه***البنات]

حبيبتي عندي جم سؤال

خبزه لبنانيه كامله ؟؟ خفيفه او عاديه
وبالنسبه للقهوه عادي نسكافيه 3ب1

وهني مافهمت



يعني هالخيارات بدال الغدا والا قبله

اتمنى تجاوبين لاني بطبقه

الخبز الخفيف .. واذا خبزه لبنانه نصها .. و اذا ايرانيه ربعها ..

القهوه عادي نسكافيه .. بس اهيا حطتلي حليب لأن

أصح من النسكافيه ..

وقصدي ان تاكلين شرايح خيار - خس - جزر مع اختيارات الغدا

أو انج تسوين سلطه عاديه وتحطين فيها كوب ذره +

علبه تونه وإهني = تعادل

وجبه الغدا بدون الاختيارات اللي تحتها ..

اذا ماعرفتي عادي أعيد لج :eh_s(15): ..

 

[بسبوسة الرياض]

حبيت الرجيم ينفع للاجازات والسهر للصبح

 

[noody a&a]

الغدا:​

شرايح خيار -خس-جزر او (سلطه تونا+ نص كوب ذره)​

تعادل وجبه الغدا بدون الاختيارات التاليه ،،​

2 توست او كوب عيش (اي نوع) او 1 خبز لبناني او 1 كوب ​

ذره + 2 شريحه رومي او سمك او دجاج او لحم او 1 علبه تونا ​

+ علبه روب او لبن ..​

:eh_s(17):​

هني مافهمت

أبي أجربة

:eh_s(7):

 

[الامل بالله 2]

موفقه حبيبتي

 

[<> إيلاف الكويت <>]

يعطيج العافيه حبيبتي شيخة البناات
لج وحشه والله :*