تغيير المادة الثانية ، دعوة للانقلاب .. ! (اغلق بواسطه الادارة)

[ساندريلا]

رد: تغيير المادة الثانية ، دعوة للانقلاب .. !

كل موضوع ينفتح ياخذ منحني اخر للاسف
باختصار الامير ماراح يوافق وانتهي الموضوع انا عندي يأسلمون القوانين احسن لايتعطل المجلس بوضوع مضمون عندم نجاحه

 

[فلنتينو]

رد: تغيير المادة الثانية ، دعوة للانقلاب .. !

ملاك الحب

حبيبتي اللي صار بالبحرين مو نفس اللي صار بسوريا
ماصار في البحرين قصف يصكرون مدينه كامله وقصف وقتل لين يبدون المدينه بأكملها
يمسكو الجاهل والمرأه والرجل وذبح ماعندهم تعاطف
الحريم يهتكون عرضهم
ياخذونهم من جدام بيتهم يفصخونهم عاريات ويدخلوونهم ع الضباط
انواع الاهانات

فلا تقارنين اللي صار بالبحرين نفس اللي بسوريا
العالم كله انتفض مع سوريا

 

[m-3atboha]

رد: تغيير المادة الثانية ، دعوة للانقلاب .. !

انا استغرب الي يقولون سوريا ولا زم نوقف مع سوريا وترى انا معاكم المفروض فعلا نوقف مع سوريا لانهم بشر زيييين والي صار بالبحرين ليش ماقلتو نوقف وياهم ليش قلتو قلعتهم ويستاهلون والا هذوله بشر وهذوله لا

ليــش الاوضااع بسوريا نفس البحريــن

واييد مختلفه
بسوريا يموتون 400 شخص هذا اذا مو اكــثر باليــوم
بسوريا رآح شرفهم و انتي بنت و تعرفيــن شنو يعني شرفهم

شي قوووي ان اكون ريال و عرضي يـُهتك

واييييد مختلف الوضع وايييد

مآ آقـول غيــر
بشآر آنت الخاسر الآكــبر .. لـك النآر و لهم الجنة

 

[m-3atboha]

رد: تغيير المادة الثانية ، دعوة للانقلاب .. !

لــو كل النوآب وافقــوا على التغيــير يرجع الامــر لـسمو الاميــر

 

[^^yasmina^^]

رد: تغيير المادة الثانية ، دعوة للانقلاب .. !

انزين اخت حقوق ردي علي ليش يطنز عالمهدي. ؟!
تاج راسه

 

[زوغه الحقوق]

رد: تغيير المادة الثانية ، دعوة للانقلاب .. !

انزين اخت حقوق ردي علي ليش يطنز عالمهدي. ؟!
تاج راسه

اتمنى ي بنات ترجعون لردي وتشوفونه

شكله ما عجب الأخت


السرداااااااب كذبة لا صحة لها في الكتاب والسنة

وقصة الاش والنخي قالها معمم واقتبسها المليفي

 

[om yousefany]

رد: تغيير المادة الثانية ، دعوة للانقلاب .. !

حبيبتي يعطيج الف عافية الحين فهمنا الطبخة لان دايما كنت اسال يبون يغيرونها اشلون قلبي مخطط مبين من زمان وعلى فكرة المخطط بدا من عقب الغزو بس حكومتنا واعضائنا كانوا العقل كلة مو الحين حكومتنا تصلح والنواب خربوا كل حلم حلو بهالديرة عسا ربي لايوفقهم

 

[*E.B.D.A.3*]

رد: تغيير المادة الثانية ، دعوة للانقلاب .. !

زوغه حقوقية للاسف اني تعشمت فيج خير لمه عارضتيني ، وتوقعت راح تعارضين كلامي بــ كلام مبني على ادله دستورية!
بحكم "الحقوق" على قوله نكج!
لكن للاسف، وصل فيج الموضوع ، انج تتهميني بكلام انا ماقلته ؟؟؟
انتي ياللي تتكلمين عن الشريعه ؟ التزمتي فيها وخفتي من ربج ؟
قلتي :

ودج لا هذا ولا ذاك إحنا تطورنا بس البس وسيع عشان خاطر زوجي

انا قلت ودي لا هذا ولا ذاك احنا تطورنا يالمفترية ؟؟؟

هذا ردي على سؤال محجبه او منقبه؟ قلت :

والله انا لا هذاك ولا ذاك ، عشان نكون صريحين هههههههههههههه
زوجي رضى فيني وبعد الزواج قام كعادته من الرجال بفتح مواضيع الحجاب والنقاب
قلتله انا شرطي ترضى فيني جذي! وانا رفضت الي قبلك لان شروطهم يبون حجاب !!!
الحجاب شي اسويه للخالق مو للمخلوق ،

وين قلت انا لا ودي بهذا ولا ذاك ؟ ووين قلت احنا تطورنا ؟
وصلت فيج المواصيل تجذبين علني؟؟
وتقوليني كلام ماقلته ؟؟
انتي ياللي تتكلمين بالاسلام ، طبقتيه على نفسج قبل لا تبين تطبقينه على دولتج؟
للاسف، انتي نموذج حقيقي عن اميه نموذج ونموذج يطالب بتطبيق الشريعه وهو بعيد عنها ويناقضها جدام الملأ بعد!
يعني حتى ماحاتيتي اني اسوي كوبي بيست جدام البنات واطلع جذبج وافترائج علي !!!!!!!

ليهدرجة انتي مفلسه ؟ وليهدرجة ماعندج حجه تقارعيني فيها ؟؟
خلج كمثال على ان المؤيدين، مفلسين للاسف !!

وانا شخصيا راح اوقف النقاش معاج،، حركتج هاذي بينتلي اي عقليه انا قاعده اتعامل معاها بالضبط
فـ اعتذر عن النقاش معاج مقدما

 

[نـــوفـــا]

رد: تغيير المادة الثانية ، دعوة للانقلاب .. !

بنات كنت برد على شغلة ..


بس شفت الموضوع راح منحنــى ثاني صلو على االنبي ..شفيكم

ابداع قفلو الموضوع اذاا تزيد الشرخ بين البنات ...

 

[*E.B.D.A.3*]

رد: تغيير المادة الثانية ، دعوة للانقلاب .. !

قريت موضوعج

من ____ الى

كااامل عشان لا تقولين نقرا العنوان ونرد عالموضوع






وقريت اننا سذج و... و... و....






بس هم ما اقتنعت ؛)







<<<<< انا مع تعديل هالماده............... وفق الشريعه الاسلاميه ............... (( السنيه)) بعد وتشتمل كل تفرعات المذهب بعد.......



عشان لا نصير (( طهران المصغره ))






وبالنسبه لاضطهادات ايران للسنه هناك....... اشوف ماعلقتي عليهم ولا عطيتينا رايج فيهم.............. لان هناك اباده لهم ونظام القمع والقتل والتشريد لأي سني يفتح حلجه




عكس هني ............... صايره سمردحه لهم ويطالبون بأكثر واكثر............ وان نصر الله لقريب

تطبيق الشريعه وفقا لكل المذاهب مطبقه الان لان قانون الاحوال الشخصية للدكتور احمد الغندور
استسقى قوانينه من مرجعيات مذهبيه مختلفه
وهذا الي قاعد يصير الحين ،،
ومستحيل يصير اذا كان "الــمصدر" لان اهني راح نحصر المصادر على مصدر واحد فقط ،،
مما يعني استحاله الاستعانه بمصادر متنوعه ،،

اما بالنسبة حق اضطهادات السنة في ايران اصلا يكفي اني ضربت فيهم مثل الاضطهاد!!
ويكفي اني قلت لحد يصير مثلهم !!
يعني هالشي وضح موقفي من الاقليه السنية الي تعاني في ايران ،،

 

[^^yasmina^^]

رد: تغيير المادة الثانية ، دعوة للانقلاب .. !

ومن قال ان بالبحرين ما اهتكو اعراض البنات ؟!
حبيبتي بنت جيران وحدة وي خالتي بالدوام
دخلووو البيت قواتهم يبون زوجها لان كان من الثوار ما لقوووه شسووو ؟! اغتصبوها جدام عيالها واطلعو
قصة ثانيه صارت حق وحدة بحرينيه تعرفت عليها اهجمو علي بيتها واعفسو عفاس وطقوو ريلها طقق طق صار فيه عاهة من الطق مايقدر يسمع دخلوها القوات غرفة بروووحها ظلووو وياها تحقيييق ساعه كامله ومقفلين الباب وولدها معاها ميت من البجي عمره سنه ونص انتي شنو علاقتج بفلان او شنو علاقتج بمادري منو الي اهوه خالها وخذو ريلها سجنوه بدون ذنب وتحلفلي ان ما شاركنا بالمظاهرات وقالتلي عن خالها لان شاكين فيه ان من الثوار
دورو عليه ما لقو اعفسو البيت عفاس كسرو وخربو اخر شي شافو البوم عرسه وي زوجته والحريم مفاصييخ
الشرطي قعد يتصفح قالها جميييله وخذا الاالبووم وطلع
غير الي هم سمعنا ان عمرها ١٧ ياخذونها القوات ساعه ١ الفير ويردونها عالست متداولين عليها
هالاخبار انا ما اييبها من عندي انا امي بحرينيه اهلي ما شاركو بالدوار ما شاركو بالمظاهرات علي قولتهم فاضين انروح وحتي لو رحنا ماراح يزيدون معاشاتنا المهم فصلوهم عن العمل نهائيا لانهم شيعه هذا مو ظلم ؟! والحين يفكرون يهاجرون

وعلي فكرة اكيد ضباط التحقيق الي بالبحرين والاستخبارات تتوقعين شنو اهمه؟!
بعثييين بعد ما هجمت امريكا عالعراق وايد بعثييين راحو البحرين وجنسووهم والحين ضباط التحقيق والشرطة اكثرهم عراقيين
وانا ما انسى لما حضرت محاظرة بالجامعه البحرين مع بنت خالي قالتلي هذا دكتورنا عراقي متجنس وايد يمدح صدام قالتله اني كويتيه بنص المحاظرة هزأني وطردني قالي طلعي بره جدام الكل وانا ما سويت شي بدون سببب
اي تعرفين ناصر الرس ؟!
الي انتشرت قصته ان كندي امه كويتيه خواته متزوجين بحارنه بالبحرين كانو مشاركين بالمظاهرات واخته اهني ويانا بالمنتدى وكتبت موضوع عنه وتكلمو عنه بجرابد الكويت ان اختفي بالمطار البحرين اعتقلوه واهوه راد عليه سجن ٥ سنوات هذا بس يوم واحد راح الدوار بس يوم واحد لان كان في ندوه
وعلي فكرة كلمت اخته الي معانا بالمنتدي قالتلي ياسمينا الي حققو وياه كله بعثيين عراقيين سبوه سب
لما درو ان عايش بالكويت واهله كويتيين وامه كويتيه هزأوووه يسبون الكويت جدامه يسبون الشيخ صباح والشبخ محمد الناصر يقولوله زين سوا فيكم صدام
هذا وين بالبحرين دولة خليجيه للاسف
اتجنس اوادم تكره جارتها

 

[*E.B.D.A.3*]

رد: تغيير المادة الثانية ، دعوة للانقلاب .. !

حبيبتي يعطيج الف عافية الحين فهمنا الطبخة لان دايما كنت اسال يبون يغيرونها اشلون قلبي مخطط مبين من زمان وعلى فكرة المخطط بدا من عقب الغزو بس حكومتنا واعضائنا كانوا العقل كلة مو الحين حكومتنا تصلح والنواب خربوا كل حلم حلو بهالديرة عسا ربي لايوفقهم

امين يارب العالمين !!
للاسف اهمه استعانوا بالسذج ومشوا عليهم الشعارات ، والشعب المسكين صدق وياه الحلم الوردي بالمدينة الفاضله !!

 

[*E.B.D.A.3*]

رد: تغيير المادة الثانية ، دعوة للانقلاب .. !

حبيبتي صاحبه الموضوع انا معاج 100% بكل كلمه قلتيها

صحيح اني ايدت موضوع التغيير بس فعلا ماكنت ادري

بارك الله فيج ، وهذا القصد من الموضوع ، توضيح الماده عشان الناس تاخذ موقفها المعارض

 

[نـــوفـــا]

رد: تغيير المادة الثانية ، دعوة للانقلاب .. !

شنو نسب المهدي ..استغفر الله العظيم (( لا عزيزتي ياسمينة المهدي امام اخر الزمان وها الشي معروف عندنا .))

واسمه محمد بن عبد الله من نسل الحسن رضي الله عنه..

بس حنا قلنا هو يولد ولا نعرف متى يولد ويعيش معنا مثل بشر في مجتمع بس مانعرفه حتى .. يقود الامة نحو الوحدة والنهضة للاسلام...


ويصير السيطرة للاسلام والمسلمين ..


لكن في مسئلة السرداب هو اعتقادكم انتم ...لكن في معنى الاستهزاء لاوالله انا مارضى اسخر في اعتقاد الناس


ولا هو من دينا ...


لكن في ناس تكون ردة فعلها قاسي خصوصا بعد سب عائشة رضي الله عنها اكيد كل فعل لها ردة فعل ...مثل سب ام المؤمنين ..


كان ردة فعلها الاستهزاء في موضوع السرداب...


ولا في اعتقادنا امام المهدي لانعلم هو ولد ام لم يولد ...

 

[*E.B.D.A.3*]

رد: تغيير المادة الثانية ، دعوة للانقلاب .. !

عزيزتي ابداع ...

نصيحه من اخت ... اذـــأأ تبين تكتبين وتطرحيين موضوع وربي جد اكتبي بمنتدى فيه نــــأس ارقى ومنتدى فيه نـــــأأس تعرف تقبل الطرف الثاني وتناقشه .... لان اهني مع الاسف مثل مانتي شــــايفه اذا كنتي مع صرتي شيعيه ليبراليه واذـــأ ضد صرتي متطرفه ...


ومواضيعج فيها جهد بــــأين فــــ تستاهل نااس متفهمه غير جاهله تقراها ... واهني مثل ماانتي شــــاايفه اغلب الردود تدل على عدم الرقي او القدر على مناقشه موضوع و "الكبت" النفسي .. وعدم تقبل الغير ...

والله ياحبيبتي يكفيني وجود مثلج وشرواج
و يكفيني عدد الرسايل الي قاعده توصلني والشكر الي هم قاعد يوصلني على موقع الاسك
وايد عضوات بارك الله فيهم، عقولهم مفتحه ، وتفهم ، وحتى اذا عارضتج، تعارضج باحترام
اما الفئة الي تتكلمين عنها فاهيه فئة شاذه وماتمثل الا بيئتها الي طلعت منها ،
ووصل فيهم الافلاس بانهم ينبشون بردودي يمكن يلقون علي مستمسك مني والا مني،،
للاسف هذا افلاس وعدم القدرة عن المناقشة في صلب الموضوع ،
وهالشي اكدلي ان نقاطي سديده ولا غبار عليها ليدرجة انه ماعندهم اي رد علي وقاعدين يتصيدون!

 

[نـــوفـــا]

رد: تغيير المادة الثانية ، دعوة للانقلاب .. !

اخت ابداع حوطي موضوع وبلوريها ...


لان البنات كلش كلش طلعو عن الموضوع ...


تسجيل خررررررررررروج نهائي ... ​

 

[*E.B.D.A.3*]

رد: تغيير المادة الثانية ، دعوة للانقلاب .. !

الاولى والاصح اطالبون النواااب اللي يبون تغير المادة الثانية بتوضيح اكثر وشرح مفصل

علشان ما يكثر التأويل والحجي والخربطة والتكهنات

البعض رافض و عارفين اسبابهم دنيوية !!

والاخرين عارفين مخاوفهم طائفية

وفي صنف رافض متخوف لانه مو عارف شالسالفة !!

الافضل اصحاب الاقتراح يشرحون ودعن مالقيصر لقيصر ​

من بؤك لي باب السما !!
ياريت يطلع واحد فيهم ويوضح لنا المقاصد المستقبلية
وبنكون شاكرين له

 

[*E.B.D.A.3*]

رد: تغيير المادة الثانية ، دعوة للانقلاب .. !

اهم شي انهم اتهموا انه ابداع تشيعت هههههههههههههه


من متي تشيعت ؟ خبري فيها سنيه يعني .. والا انتو الكلام اللى ما ايووز لكم علي طول قلتوا شيعيه ؟؟


شنو هالتخلف

هههههههههههههههههههههههههه
اي شي مو عاجبهم على طول في خانه "الشيعه "
لو اقولهم انا زرعت ورده حمرا بدال الورده الصفرة ،، اها اوكي انتي "شيعيه "


قلت بالموضوع ، تغيير الماده يضرب فالحكم،
الي عارضوني الى الان محد قدملي دليل على ان كلامي مو صحيح وفقا للدستور !
واخير شي صرت شيعيه وليبرالية والله يستر لا يسووني لادينية مرة وحده بعد !!!

 

[نحب الكويت]

رد: تغيير المادة الثانية ، دعوة للانقلاب .. !

قريت موضوعج كامل ..
فهمت قصدج بس كل واحد يقدر يجمعله جم كلمة بــ ذكاء وقدرة على اقناع اللي جدامه ومو شرط يكون صح ع حسب عقلية اللي جدامه..
واللي ما فهمته انتي شلوون عرفتي نيتهم بالانقلاب شلووووون ؟؟
كونان مثلاً ولا شارلوك هولمز ع غفلة ؟؟؟
شكوووو يعني استنتجتي هالشي من جم كلمة ركبتيها ع بعض لااا تقولين حطيت لج مواد دستورية وتفسيرهاا ما علي انا ..
ولما تقولين ع اي مذهب بيمشون ماما مذهب المسلمين هو مذهب اهل السنة والجماعة والمخالفون لهم هم فئة انحرف بهم المسار / واللي يتفق مع مذهب اهل السنة والجماعة هو المذهب الشافعي والحنبلي والحنفي والمالكي و لا تقولين الشريعة الاسلامية هي عصر الرسول صلى الله عليه وسلم لاااا اجتهادات المذاهب مبنية كلهاااا على القرآن والسنة وقول الصحابي وشغلات ثانية مبنية ع فقه الصحابة ..
وكلهم يتفقون بس بالقليل يختلفون شكلج ما عندج خلفية ع هالشي ..*
والشيعة احلو دم اهل السنة وسبو الصحابة وانتسبو تحت اسم الاسلام وهم شسوو باحكام الاسلام وحرفووها وشوهو صورة الاسلام بعقلياتهم .. الحمد لله والشكر بس .. وبالكويت ماخذين حقهم وزود ولا راح يضيع حقهم ..

 

[^^ريهام^^]

رد: تغيير المادة الثانية ، دعوة للانقلاب .. !

لا حول ولا قوة الا بالله

الحين إبداع اكتبت موضوع يبين وجهة نظرها بدون
ما تسب او تشتم او تقول سنة وشيعة
كتب موضوع بطريقة راقية
حتى لو اختلف معاها مؤ معناها اسبً واشتم
الرسول عليه الصلاة والسلام كان يدعو بالموعظة الحسنة

ويقول عليه الصلاة والسلام بما معناه لا تسبوا آلهتهم فيسبوا الله جل جلاله

إحنا بس فالحين نهاجم بعض كأننا شرايج متهاوشات على ريال دثوي

صح حريم

اقول خلونا بالموضع والأزياء أحسن كفونا هال شغالات لكن الحوار والتفاهم مؤ لنا

اللي تبي تسبنيً وتشتمني حياها

صفحة ذنوبي تخف