تـجمع عـمليآت الخـشوم (2)

[Gucci 2012]

ايي الحمدلله اهم شي خفيف يلا ربي لك الحمد والشكر


هههههه موتيني ضحك خفت زوجي يصحى من الضحك خخخخ
مرتاعه اني لقيت احد مسوي عند السلمان طايره فيك من الفرح خخخ لاتلوميني


اممم عندي عظمة الانف عريضه والارنبه اعرض منها وبارز اشوي العظمه الي فوق الي كنها حدبه يمكن عرفتيها
واحس مسبب لي قلق ما احب اصور نهائيا لان في التصوير مايبين الا خشمي خخخخ

هههههه وانا بعد حدي مرتاعة >> خوش بدلية :krkrkr: :krkrkr: :krkrkr:


وربي حتى انا مرتاحة :eh_s(7): بس مالومك حاسة فيك تفكييييييير وتحاتين وعايشة بقلق
بس تطمني انتي بايد امييينة من جد هالانسان راااااااائع مو طبيعي على كثر هالضغوطات اللي فيه وماشالله عليه نفسيته حلوه ويفهم اللي تبينه :rerrerek:

اي عرفت
انشالله يصير مثل ماتبينه ويصير خشم مسلول زي السيف :yaaaaaarb:

 

[ياحلمي لابد أوصلك]

هههههه

ايه والله وانتي الصاجه انا دخلت عنده ويجنن عسل هالانسااان ..
مشكوره حبيبتي طمنتيني ان شالله اجيك عقب شهرين وابشررك يارب

 

[Gucci 2012]

هههههه

ايه والله وانتي الصاجه انا دخلت عنده ويجنن عسل هالانسااان ..
مشكوره حبيبتي طمنتيني ان شالله اجيك عقب شهرين وابشررك يارب

اكييييييد لازم تطمنينا عليك و انشالله تطلعين بالسلامة حبيبتي :yaaaaaarb:

 

[خيال دبي]

بصييييييييييييييييييييح من الصبح يالسه اكتب وبالغلط مسحته

 

[البوه الحلوه]

بصييييييييييييييييييييح من الصبح يالسه اكتب وبالغلط مسحته

والله انا الي بصيح قاعدة انتظرك بفارغ الصبر

خذي راحتك بس نبي تفاصيل

 

[خفجاويه حزينه]

Gucci 2012 ؟ يابنت الله يوفقك عطيني رقم عبدالله السلمان + كم تكلفة العمليه الله يرضالي تعديل انف مكسور أي تجميل !

 

[Gucci 2012]

gucci 2012 ؟ يابنت الله يوفقك عطيني رقم عبدالله السلمان + كم تكلفة العمليه الله يرضالي تعديل انف مكسور أي تجميل !

هلا وغلا
طبعا حكومي مافي شي بفلوووس

هذا رقم مستشفى الملك فهد بالاحساء
تحويلة الدكتور 1734

موفقة اختي

 

[@الجوهرة@]

بناااات قولولي حمدالله عالسلامه سويت عمليتي عند ايلي غاريوس يوم الاربعا واليوم رديت الحمدالله البلاد بخبركم بالتفاصيل بااقررررب فرصه لاني توني راااااده

حمدالله ع السلامة حبوبة واااااااااايد فرحت لج وياارب عقباالي نتريا التفاصيل غناتي~

 

[خفجاويه حزينه]

هلا وغلا
طبعا حكومي مافي شي بفلوووس

هذا رقم مستشفى الملك فهد بالاحساء
تحويلة الدكتور 1734

موفقة اختي

والله :eh_s(9): مو مصدقه ): كم رقم التلفون لان انتي معطيني رقم التحويله والله والله يوفقك يارب والله مانساها :eh_s(17):
اتصلت على الرقم هذا 035750000 والتحويله ايضا + مايردون متى يردون في انتظارك

 

[ياحلمي لابد أوصلك]

خفجاويه
مستشفى الملك فهد عملياتهم فري بدون فلوس
بس الله يعينك ع المواعيد الطويله
بس لازم تاخذين تحويل من مركز الحي ..

 

[$نرجس$]

الحمدالله على سلاامتج خياال دبي

 

[نوف الرياض2]

خيال دبي الحمدالله على السلامه والله فرحت لسلامتك يارب تفرحين اكثر واكثر الف حمدالله على السلامه حبوبه

 

[خيال دبي]

هلا حبيباتي تسلمن فديتكن الله يسلمكم اممممم توته توته ونبدى الحدوته هههههههه المهم انا سافرت على لبنان يوم الاربعاء اللي طاف على انا وزوجي لين ماوكان على طيران الامارات وسعر التذكرتين ب 2500 ووصلنا الله يسلمكن عالساعه 8 الصبح صلتبتوقيتهم وكنا متفقين ويا سواق ان ينتظرنا وحليله كان يتم ويانا من الساعه 8 الصبح لين 2 فالليل وياخذ فاليوم 100 دولال مذله التكاسي عندهم لان قليييييل بلبنان تحصلين اصلا تكاسي واذا حصلتي يصكونج ب اسعار غاليه المهم حليله عباس كان يوصلنا كل مكان المهم ندش بالمفيد قبل مانضرب هههههه
​

اول ماوصلت لبنان سرت على طول فندق بادوفا لان سمعت بنات يمدحونه المهم سرفندقت هناك لين ما العياده تفتح لانهم يفتحون على 9 ونص وسرت الفندق وماعجبني بصرااحه يعني يطل على بنايات مهدومه ويسد النفس وقلت دام جيه ولا جيه بدفع بيزات بحجز بمكان يفتح النفس المهم سرت فندق عالكورنيش وكان بعد بنفس السعر حجزت 4 ليالي بالفطور ب645 دولار هو مش راااقي واايد بس مكانه توب وحلوووو عالبحر ونظيف فندق 4 نجوم المهم حطيت اغراضي وانطلقنا عالدكتور ههههه ادش فالمهم قبل لا انضرب

سرت العياده وكانت بصراااحه واااايد رااااقيه وريلي طول الدرب قبل مانوصل يهزاني عسب بسوي تجميل بس يقولون الحايه بنت احم احم فجبوره اسكت ومارد عليه المهم اول مادخلت تفاجات بصراااحه بكميه البنات والشباب اللي عنده مسوين واللي منتظر يسوي يمكن 5 بنات كويتيات و3 بحررينيات و4 شباب كويتيين و3 بنات اماراتيات ههههههله ياااالهوووووي وريلي خاطره الارض تنشق وتبلعه عشان الماراتيات مايشووفوناااا المهم 3 كويتيات بصارحه كانو مسوين خشومهم ابدا ماحبيته لان رافعينه ومسوينه ستايل هيفا وهبي وانا هالستايل ماباه يعني الخشم مرفوع وستايل الممثلات وانا ابى خشمي مثل اشواريا وبصراحه يوم شفت خشومهم كنت بروح قلت خليني انتضر شوي وانا يالسه يت وحده سعوديه مسويه خشمهااا بصراااحل اللي انا ابى وطبعاه تخبببببببببلت عليه وشي وحده عمرها 17 يايه ويا امها بصرااحه استغربت منها مسويها موخره سيلكون ومسويه شفتها مقلوبه ومسويه خشمها مثل نيكول سابا @@ استغفرالله لاشماته يعني المهم وشباب كويتيين مسوين خشومهم وشفايفهم وفكهم وبحرينيات خشمهم كان معفوص وسوااا خشمهم روووعه عاد انا طبعا يلست اسولف ويا البنات فيالسات يراووني خشومهم قبل العمليه فالصور عالفون المهم انا من شفت خشم السعوديه والبحرينيه قلت خلااص هذا اللي انا اباه وانا اصلا اول ماوصلت كان يالس يسوي عمليه حق وحده فعسب جيه يلست تقريبا نص ساعه قبل لا ادخل عنده المهم

دشيت عنده قلتله دكتووور انا ماباك ترفع خشمي هههههه جان يضحك قالي هدي هدي شوو بيكي خايفه قلتله لان اكثر الخشوم مرفوعه قالي شو اسوي انا اسوي للوحده خشمها عالشكل اللي هي تباه وقالي اكثرالكويتيات يحبون الخشوم المرفوعه وقال انه هو بالعكس ماحب الخشم المرفوع لان مايبين انه طبيعي المهم شاف خشمي وتم يقايسه بالمتر وصوره وتم ياخذ زوايا عيني وخشمي وتم دقايق ورجعلي وقالي اولا لازم احط لج غضروف لان بين عيونج مافيه عظمه بارزه شوي صح انا المكان بين عيوني مسطح وثانيا لازم ابترلج الخنافر ههههه لان انا يوم اضحك خنافري وااااايد يكبرن وحتى يوم ماضحك خنافري كبار وثالث شي ببردلج شوووي العضم عالجوانب مع انه مايحتاي بس قالي شوي بس عسب يناسب الغضروف بس قالي من الحين بقولج انتي خنفرج كبيير فلازم تكون الخياطه من برع بعد لاني بقص قطعه كبيره فقلتله اوك لان زقر وحده بحرينيه راواني خشمها قبل وبعد الخياطه الخارجيه وماشاء الله ابدااااا مافيه اثر المهم انا وافقت قالي يلا ههههههه قلتله يلا شوو قالي دشي الغرفه بسويها لج اويييييييييه انا خفت قلتله يعني ماسير وارجع قالي لا الحييين هههههههه توهقت قلتله اوكي المهم

دشيت حجره العمليات حجره راااقيه تفتح النفس بصراحه المهم كنت لابسه بجامه بنطلون وقميص كله طويل طبعا المهم عطوني الوب مالهم وطاقيه وشي مثل الدلاغ ورقدت عالسرير وحطت السستر حبه تحت لساني وجهاز تخطيط القلب فصبعي وهدتني ربع اساعه ورجع الدكتور وكنت متبنجه ماقدر حتى احرك صبعي بس عادي اسمع واشوف اوييييييييه هنيه توهقت تميت اصيح وكانت الدكتور يقولي ياجبانه ليه عم تبكي ويظحك انا عارف انج ماتحسين بس تصيحين من الصورت قالي خلج ريلاكس ولا خنفرج بيخترب هههههههه من قالي جيه سكت متفيج الدكتور يتمصخر هيه صح وظربوني بعد ابرتين بنج بخشمي المهم ساعه بالضبط وخلصت العمليه ماشاء الله وخلصت وعقب ماخلص راوااني الخناافر اللي قصهن يقولي تبينهن ذكرى هههه قلتله لادكتور مشكوور المهم قالي ربع ساعه وارتاحي وراواني خشمي وبصراحه عيبنييييي وااااايد خنافري الحمدالله اختفو تماما والاارنبه استوت مرتبه ومثل ماانا ابى الحمدالله قالي اتريي عليه هذا بعده وارم وماخذ شكله النهائي يوم عن يوم بيتغير وبيصير احلى سالته دكتور خلاص متى ياخذ شكله النهائي قالي بالكثييييييييييييير 6 شهور وقالي على فكره رسمه الخشم ااذا كانت حلو تبين على طوول دايركت بعد العمليه لان الخشم يكون بعده ماتورم والورم اييه بعد 4 ساعات من العمليه المهم انا دشيت العمليه الساعه 12 وخلصت الساعه 1 وطلعت رحت الفندق الساعه وحده ونص وصح قالي اللزق تستعملينه 10 ايام ماتشيلينه ابدا والغرز الخارجيه تشيلينها 6 يوم وعطاني كريم قالي ابدا ماتفوتين يوم الا تستخدمينه بعد ماتشيلين الغرز لان هالكريم مايخليه يترك اثر ابدااا المهم كانت سعر العمليه 1700 دولار

 

[خيال دبي]

نوووف ونرجس وليلو ولبوه تسسسسسسسسسسسسلمن حبياتي والله يسلمكن
​

 

[ليلو جبريت]

خيااااااااااااااااااااااااااااااااااااااااااااااااااال ما اصدق

الحمدالله على السلامة

وناااااااااااااسه


والله فرحانه لج كاني انا مسويه خنافري ههههههه

 

[ليلو جبريت]

ونااااااااااااااااااااااسه

وناااااااااااااسه


بس ليش ماسويتي فكج؟؟

 

[خيال دبي]

هههههههه ياختي خفت ريلي يحس بصراحه بيفظحني بس ماعليج سويت خطه ثانيه ترى عندهم دكتوره اسنان وخليتها تشيك على اسناني وخليتها تاخذ قياساتها لان عندي 6 اسنان مركبتنهم تقريبا من 7 سنين فلازم الحين ابدلهم فبسير اركبهم عند هاي الدكتوره وبنفس الوقت بسوي فكي عسب رريلي لايحس فهمتي هههههه

 

[ليلو جبريت]

يا سلام على التكتيك


واللحين شلون خشمج كل شي تمام

 

[خيال دبي]

خيااااااااااااااااااااااااااااااااااااااااااااااااااال ما اصدق

الحمدالله على السلامة

وناااااااااااااسه


والله فرحانه لج كاني انا مسويه خنافري ههههههه

فديتج يااربي ليلو انااا واااايد مستانسه بصاحه وحبيت خشمي واااايد الحمدالله بس يخف الورم شوي هو مش وارم وايد بصوره لج قبل وبعد بصراحه فرررررررررررق

 

[ليلو جبريت]

انتظررررر

شكلي بعجل وبسوي العمليه

الي هناك شفتي حد مسوي فكه