الي سافرت على بلجيكا تدخل>>>ابي معلومات

[جينواز]

السلام عليكم خواتي ما اطول عليكم حجزنا لبلجيكا وسفرتنا إن شاء الله نهاية شهر مارس ياليت الي سافرو ايخبروني عن أفضل الاماكن السياحيه وطبيعة أهل البلد وش رايكم بعد نمر هولندا وإلا فرنسا أيهم افضل لإنهم كلهم قراب

 

[jijita60]

هلا حبيبتي بلجيكة وايد حلووووة رحتها اخر مرة اواخر شهر ابريل و فيها وااااااايد شغلات تشوفيها

عندج :​

الاتوميوم:​

معلم بروكسل المعلم الهندسي الشهير الذي يبلغ طوله 102 متر، شيد سنة ​

1958 خصيصا للمعرض الدولي "الاكسبو" الذي أقيم في بروكسل في ذلك الوقت. ​

كان من المفروض إزالته بعد إنتهاء مدة المعرض ولكن تم اﻹبقاء عليه إلى يومنا هذا​

وأصبح أحد معالم المدينة الرئيسية.​

ساعات العمل: يوميا من 10 صباحا إلى 6 مساءا ​

رسوم الدخول: الكبار: 9 يورو الصغار من سن 6-11 : 2 يورو و تحت سن 6 مجانا ​

الوصول: مترو Heyzelإ يزل ،، ثم المشي 5 دقائق للوصول. ​

العنوان: ASBL ATOMIUM
Atomium Square
1020 Brussels
Phone: +32-2 475 47 77
Fax: +32-2-475 47 79​

سيتي سانتر بروكسيل ​

انا اشوف انه وسط مدسنة صغيرة عااااادي محلات ملابس و مطاعم و زارا و مونغو .......​

ساحة القراند بليس The Grand place ​

فيها اعلى كنيسة بالعالم ( اذا وقفتي جدامها شوفي جدامج على شي بالكنيسة و بعدين احسبي جم نافدة عاليمين و جم عالشمال بتحصلي انهم مب نفس الشي و القصة المشهوووورة في بروكسيل انه الكنيسة هذه هي اعلى كنيسة بالعالم و المهندس اللي اشتغل عليها عطاهم التصميم و راح بلد ثاني عنده جم شغلة و يرجع من رجع حصل انه مب نفس الشي الدرايش اللي عاليمين اكثر من اللي بالشمال ولا العكس ما اذكر و طلع لاعلى قمة و انتحر )‏‎​

‏تمثال منيكين ​

تمثال منحوت من البرونز عام 1619 ويعتبر رمز المدينة. و هو عبارة عن تمثال لطفل​

يقوم بالتبول وهو واقف،، يقال أنه حدثت حريقه في أحد السنين ولولا أن قام هذا ​

الطفل بالتبول على النار لتهمت هذه النيران بلجيكا كلها لذلك تم تكريم​

هذا الطفل من خلال هذا التمثال.​

الوصول: مترو Bourse​

‏كاتدرائية سانت ميشيل

• بنى هذه الكاثدرائية أكثر من مهندس على مدى قرنين من الزمان من القرن الثالث عشر إلى ​
  
  
  
  
  القرن الخامس عشر حيث أضاف إليها كل منهم طابعه الخاص في العمارة وبذلك أصبحت خليط ​
  
  
  
  
  من مدارس متنوعة ، كما تشتهر بأنها المقر الذي تم عقد قرآن الامير فيلبس​
  
  
  
  
  والاميرة ماثيلد في عام 1999.​
  
  
  
  
  الوصول: مترو Parc​
  
  
  
  
  العنوان: Sint Goedele voorplein / Parvis Saint Gudule​
  
  
  
  
  
  و انا افضل انج تروحين هولندا و تزوري امستردام و روتيردام و ايترخت و ايندهوفن ااااااااااااااه يا ايندهوفن و حشتني كنت عايشة فيها :eh_s(2)::eh_s(2)::eh_s(2)::eh_s(2):
  
  ​

دعوااااااااااااااتج

و ناسها طيبين اللي في بروكسيل اما الفلامووون اللي قراب من هولندا يع يع يع ما احبهم عنصريين​

 

[ضي الغلا]

ما رحت لها ان شاء الله البنات يفيدونج

ما حبيت اطلع بدون ما ارد

 

[فجورتي الحلوه]

اهلين حبيبتي
اول ماتوصلين اخذي قطار وروحي حق ماسترخت بهولندا قريبه حيل من بلجيكا ساعه تقريبا بالقطار
ماسترخت حيييل حلوه وهاديه وتلاقين فيها عرب والتسوق فيها هم حلو واذا رحتي ماسترخت مري علي مدينه اخن الالمانيه لانها تبعد عن ماسترخت نص ساعه بالباص واخن حييييل حلوه للتسوق وفيها كويتيين وووووايد للعلاج

 

[جينواز]

مشكوره أختي jijita60 على هالمعلومات وخصوصاً إنك وضحتيلي كيفية الوصول لهم

 

[sparklya doomii]

آناا رحت بلجيكااا تجنن هـ البلاد فيها واايد آماكن وأحلى شي هناكـ الجوكليت ف كل مكان

ومن بلجيكا سرنا فرنسا قضينا 3 ليالي وهولندا يوم وااحد وآلمانياا سكننا ف الهيلتوون سوونآآيس ودي آسير آقين

وفيه ف بلجيكا حديقة أسمها حديقهـ العرب سووناايس والاتوميوم بعد بيعقدد هع

وانصحج تاكليين الوفل >> احلى شي هناكــ ،،

 

[jijita60]

مشكوره أختي jijita60 على هالمعلومات وخصوصاً إنك وضحتيلي كيفية الوصول لهم

شكرا​

 

[shai6onah]

انا رحت بلجيكا قبل سنتين اهي وايد قريبه من فرنسا وتبين الصج مالها اي داعييييي ,, انا رحت بروكسل ورحت بروش ,, مافيها من زود بنظري لو تقعدين بفرنسا احسن ,, احسن ما عندهم الككاو وموجود عندنا godiva وبروش حلوه بس ما تسوى تتعنين لها قريه صغيرونه وجم محل

 

[جـنـجـفـه]

السسسلام علييكم
اناا حاليا ببلجيكا
وبالعاصمه بروكسل
واهي ماشاءالله فيها كل شي يعني مايحتااج تاخذين شي
اهني فيها المطاعم الاسلاميه
وفي كذا مطعم عندهم واااو
وانا ما ادل الاماكن بس اهني كل مكان في عربي تقدرين تسألينهم واهم مايقصرون معاكم
ولاتاخذون تكاسي لانها غاليه اخذو المترو
وفي فندق والله ما اعرف رقمه بس بحاول باذن الله اجيب لج رقمه باجر لارحت للسوق
وفي مجمع اسمه السيتي تو كل شي فيه عاد لادشيتي السيتي تو فيه كذا مطعم حلال
وورا المجمع في شارع اسمه نيو ستريت في محلااات كثيره ووماشاءالله روعه وطبعا عطلتهم السبت والاحد الاثنين والاربعا يكون بالساحه عاد في مطعم شورما لبناني رروعه يكون بالزاويه
وفي بعد بالسااحه محل كاكاو واسألي اي عربي قولي وين مكان الساحه اللي فيها المحلات الشوكولاته
لانه اهنيي ارخص من اي مكان
وعندج شارع لويس كله الماركات والعطورات ررروعه اذا انتي بتصعدين له من المترو احسن لج واوفر لج من التكاسي واسرع بعد
المهم انه فيه محل عطوراات عندهم اهوو بعييد عن شارع لويس
وتلقين عربيه اللي تبيع بالمحل والعطورات مش مقلده بس ارخص من الديره
ووعندج بعد الشارع اللبناني مطعم اسمه النيل ررررروعه
مصري اهو وفي كذا محل عنده اكلات لبنانيه او مصريه
اسمحوولي ااذا ماوضحت لكم بسس
وفي بعد شارع المغربي رروعه يفتح يوم السسبت والاحد
وكل هذا ببروكسل
ولايطوووفج مجسمهم الاتينوو رووعه بالنهاار ووروعه بالليل تتبطل ان قدرت وريتج الصوره باذن الله
اسمحوولي


وعندي رابط بدزه لج خاص

 

[جـنـجـفـه]

واانا انصحج لاتروحين لفرنسا لانها مافيها معالم سيااحيه مثل هولندا طبيعه تباررك الله ررووعه مع اني حالياا بيصير لي ست شهور ببلجيكا بس لاتطووفج هولندا رحت لهاا ررروعه المنظر اماا فرنسا بس للتسووق غلا على الفاضي وكل شي متوفر بشارع لويس اللي ببروكسل

 

[dl3 q8]

بلجيكا رووعه
اهم شي محلات الكاكاو والوافل اللي بكل مكان
ومجمع وشارع السيتي دو للتسوق
والقراند بلاس قعده وكافيهات تفتح النفس
بحاول اتذكر لج الاماكن
روحي الباص السياحي يلفج علا بوكسل كلها
في بعد شارع الماركات افنيو لويس
في اوتميوم
ووانصحج تروحين هولندا مع رحله سياحيه اخذي البروشرات من الرسبشن بالفندق تروحين لها وتردين بنفس اليوم
في بعد رحلات حق ديزني لاند
وباريس
ولا تنسين تروحين بروووج مو طبيعيه رحله وتردين بنفس اليوم (نفس فينيسيا بالضبط)
وانا كنت ساكنه بالشيراتون حليو ومكان زين يم شارع التسوق بالضبط
*هذا اللي ذكرته الحين واذا عندج سوال دزيلي عالخاص 