تجمع امهات مواليد شهر سبتمبر ( 9) 2011

[Dancing^Queen]

هلوات اسيمان هاو ار يوووووووووووووووووو



ملوحه
عندي عده الاسعافات الاوليه اللي حطيتها
وفوقها دهان فنستيل حق قرصات البق
ومسحات كحول لتعقيم الاماكن
دهان بيبانثين للجروح واماكن الاصابات
وميبو كريم للحروق
وووايد ينفع لاحمرار الحفاظ
وبناديرم
وسلامته لاف لاباااس عليه نتوفتجج

الله يخليه لج يارب



بنات شلونكم مع الرجيم؟
انا الحمدالله قليت وزن الحمل ونزلت فوقه

 

[aseman]

هاااااااااااااااااااااااااااي كويييين انا تمام للحين اجرب ببنتي حق التسبح ما اعرف اسبحها بس احاول احط الدفاية بغرفتها والغرفه حارة بس لما اصب عليها ماي يا عوينتي تطقطق وترجف ماني عارفه شسوي

المهم بنووتات كوين ملوحه وكل الامهات الحلوين شنو الاسعافات الاولية الي عندكم لعيالكم
انا عندي هاملايا -باندول- مقياس حرارة -لزاق جروح تهقون ناقصه ؟؟؟ ولا زينة؟ كان عندي لو تيمب بس خلص وبييب منه

 

[aseman]

اما صيدلتي الشعبيه حق قطيوتي حبوبتي
بابونج - ينسون - نعناع مهم جدا - سكر نبات - كموووووون الله يذكرها بالخير ملوكة علمتنا علية

 

[Dancing^Queen]

هلوو اسيمان


خل اقولج صيدليتي شنو فيها

عندي :
بيبيانثين وبيبابنثين بلس هذا باني انسجه ولحراق البامبرز
باناديرم هذا فيه كرتزون وحق الاحمرار الشديد والحساسيه الجلديه
ميبو للحروق وحرار البامبرز الشديد جدا
دكتارين اورال جيل لفطريات اللسان واالفم
سبراي العسل لفطريات اللسان والفم
سلكوسيليد للفطريات الشديده بالفم
(بنتي تييها تقرحات اللسان كل فتره فلازم استخدم لها)
ادول وبنامول وامول لكل الاعمار
بروفن لليهال
اكتفيد للكحه الناشفه
سينكود للكحه الناشفه
سي كيوكمبر للكحه الي تشق البلعوم واللي ماتهدي
فنستيل لاعراض الحساسيه من حكه واحمرار وخشم يصبصب
اوشن سبراي للخشم
التروفينت للخشم
زيرنك للحساسيه واعراضها
اريس للحساسيه
ماستغني عنهم كلششش لان بناتي لي قرصتهم بقه لازم ياخذون انتي هستامين فسيدا اللي تقرصها بقه ننظف المكان بكحول ونعطيها انتي هستامين مثل زيرتك او اريس ونشوف اذا تحتاج نوديها الطبيب يقزونها ابره تخفف عليها
مسحات كحول للتعقيم
ودهان فنستيل

موتيليوم للوعه والترجيع

هذول اللي اذكرهم الحين واكثر شي استخدمهم
عندي بالثلاجه مضادات حيويه جاهزه للاستخدام وقت الحاجه طبعا يديده مو مخلوطه لي شفت الياهل محتاج مضاد اعطيه علي وزنه

استغفرالله من كثره الامراض والبلاوي تعلمنا
المهم نصايح يابنات
الياهل لي طعمتيه لاتحطين مكان التطعيمه ولااااااااااااشي ولاشي
لادهان فكس ولاشي
مو يقولولج عشان مايورم
اذا حطيتي جنج ماطعمتيه تبطلين مفعوله احسن تخلينه وعقب ساعه ساعتين عطيه ادول وسويله جمادات ماي فاتره مو بارده مو حاره
لي صخن البيبي : اول شي سويله كمادات ماي فاتره مو حاره مو بارده البارده تسببله صدمه مو زينه
الفاتره احسن
وعطيه الشراب
وتعطينه جرعه امول او ادول الثانيه بروفن تكون نتيجه احسن يعني ست ساعات ادول الست ساعات اللي عقبها بروفن
وعلي عمر ووزن الياهل يعتمد
اذا مانزلت حرارته
سبحيه وقفيه تحت الدوش وسبحيه وخلي الدوا كل اربع ساعات
مافاد زخيه حطيله تحميله وطيري مسسشتفي ولاتخلين التحاميل بالثلاجه لازم درجه حراره الغرفه
لاتمسحين الياهل بكلونيا او كحوووووووووووووووووووووول نصيحه اخت
تنزل الحراره بسرعه ايييييي بس لان نزلت بسرعه تسوين صدمه للجهاز العصبي ويتشنج انا الكبيره جربتها مره بغيت امووووووووووووووت ابي اتشهد ماني قادره كل جسمي تشنج
لاتبالغين بتدفيه وتعطيه الياهل كل مادفيتيه اكثر كل مامرض اكثر
الياهل بالاشهر مايصلح لهم الفكس لاتحطينلهم مو زين


هذي التنبيهات اللي اذكرها وفي بالي
كل وحده تشارك باللي عندها

 

[Dancing^Queen]

سوعال اخير
من وين شريتو للعيد الوطنيييييييييييييييييييييي؟
ابي حقي ولليهال
مابي بلايز لأ نفنانيف وابي حق فيفي

 

[نور وضي القمر]

هلا كوين

شلونج وشلون عيالج

كوين
تعالي ابي اسالج

فنستيل حق النشله للبيبي عادي صح لانه بنتي دايم فلونزا وتعبت معاها بس خوفوني منه مستشفيات الحكومه الخاص يصرفونه لي وانا الصراحه مرتاحه عليه احسن انه يجيب نتيجه احط لها ٨ نقط مرتين باليوم
الخاص يقولون عادي استخدميه
والحكومه يقولون موزين لها عمر ٦ شهور صغيره عليه لازم اذا صار عمرها سنه عادي
والخاص صارفيه لبنتي من عمرها شهرين

 

[نور وضي القمر]

وملابس العيد الوطني عندج معرض افكاري شحلاته

في وحده محلها اسمه المميزة علي ما اظن اخذت حق حلوتي منها ب١٥ دينار معاه الباند

 

[نور وضي القمر]

فنستيل تعطينه لبنتج الصغيرة عادي كوين ماياثر لانه قعدت استخدمه علي كلام الخاص انه ما ياثر والحكومه يقولون موزين ما ادري منو اصدق

الله يعطينا من خيره ويكفينا شرة وان شاء الله ما نحتاجة

 

[Dancing^Queen]

نور حبيبتي عادي
عطيت الكبار
والحين اعطي الصغيره
ولو فيه شي جان قالتلي اختي
اهي صيدلانيه واغلب الادويه تيبهم لي واللي اييبه انا اسالها عنه قبلل لاعطي اليهال

وماعمدج صوره البدله؟

 

[aseman]

هلااااا بالحلوين
كويين ثانكس حبي يبيلي شي حق التسلخات سيباميد مو ييايب معاها انا حق العيد الوطني سويت حق سوسوتي شال على علم الكويت اعرف وحدده تسوي سكارفات واشياء حياكه

 

[Dancing^Queen]

نووو جربي ميبو وادعيلي
وعقبه بانديرم
عجيب بصراحه

والحمدالله بدعت بلبس بناتي خذيتلهم خوش لبس اوب الاحري ركبت لهم لبس حتا فيفي

 

[ملح الدنيا فيني]

كوكو استفدت منك وايد حياتى والله ردودك روعه المفروض تحطينهم مواضيع عشان كل البنات يستفيدون ما شاء الله عليك

نتوفتى صار احسن شوى

وشريتله ترنج على علم فري نايس يصلح بنات وصبيان من الموعد بالفروانيه ب 3و600

وشحلوه


وما هان تبارك فديت قلبه
​

 

[ملح الدنيا فيني]

هلوات اسيمان هاو ار يوووووووووووووووووو





بنات شلونكم مع الرجيم؟
انا الحمدالله قليت وزن الحمل ونزلت فوقه

شنو سويتى


انا كنت 70 صرت 76 ودقرت مو راضي ينزل :eh_s(16):

 

[pяiήcєşš]

مساا الخييير ع الجمييع

شلونكم يااابنات شخباااركم

اهداااااااء

وحششتني سووواليفك وووحشششتني شووووفتك اكثر >>> مووو حافظه الباقي


والله لكم ووحششه ائد الدنياا كلللللللللللللبوووووووكم نفر نفر بدوون استثناااااااء :eh_s(7)::eh_s(7):

الفتره الي طافت كانت النفسيه زيروو وكنت اشبك بس ماحبيت اضيق خلقكم معاااي بس الحمدلله الحين الوضع تحسسن بفضل ربي سبحاانه الف الحمدلله والشكر


والله يابنات اي مشكله تصيرلج بينج وبين زوجج مالج الاا الدعااااء والقران والصلاه والاستغفاااار بأخر الليل والحمدلله ع كل حال



بمناسبه الاعياد الوطنيه اليوم بكتب بألوان علم الكوويت :eh_s(7): تنعااد علينا وعليكم بكل خيير ومحبه يارب وعسى الله يحفظلنا هالديره من كل ششششر ...



لاحظت عيالنا كلهم منشووليين فديييتهم !! شكلهاا نشله المووسم ..


بنات قاعده استعمل حبوب بحطلكم رابط الموضوع وحده كاتبه عنهم .. والحين صارلي اسبوع اكلهم والله الحمدلله احس التسااقط ووقف
والحلوو فيهم انهم بس يشتغلون ع الشعر والاظاافر بسس يعني مافيهم حديد وهالسوالف الي تمتن وبس اخلص هالكورس ابلغكم عن النتيجه ..


واي صج الفتره الي طافت كان زوجي مسافر وقلت فرصه خلني اعتني بنفسي شوي وسووويت خلطه فواار سي مع الجلسوليد ... رووووعه شوويه عليهااا توحد اللون وتبيض وتنعم


واحم وووووقصيت شعري قصصصه حلووووووووووووه حتى زووجي اول مادش قااااال الله شالقصه الحلووه وكل شوي يقول القصه عجيييبه << خوو درينا

 

[pяiήcєşš]

http://www.q8yat.com/t944354-3.html



هيدي الحبوب

 

[حبيب قلبي]

السلااام عليكم ياحلوين مايشوفون شر بيبياتكم وحبيبي بعد منشول ومو قادر ينام وديته الطبيب عطاني بروميل جنه اسمه جذيه بنات انا كل مالي واضعف تعبت اللبس يلوع الجبد علي
برنسس عليج بلعافيه القصه وربي يجملج بعين ريلج اكثر واكثر بس عاد قوليلنا اشلون القصه شعري طويل ومتحسفه اقصه بس قاعد يحت بشكل مو طبيعي

 

[Om_Ksha]

هلالالالالالالالا بناااااات شلونكم شخباااااااااااركم
مشتاااااااااااااااقه لكم وااااااايد .. لهيييت هالفتره وقلت اطل عليكم ..

وانا بعد يبيلي رجيييييييييم قاسي بس طايحتله بلعه !!

بنات عندي سؤااااااااال امانه ابي رد ضروري

غلوي حبيبتي اخر هالشهر تكمل 5 شهور بس مو معطينها موعد تطعيم !! عادي !!
معطينها بتارسخ29-3 ...

اخاف متخربطين او شي !! مو معقوله يطوفون شهر !! انتو جذي بعد ولا شلون !!

 

[aseman]

يااااهلا وومرحبا
مساء الخير والاحساس والطيبه مساء ما يليق الا باحبابي
توه يمعه اهلنا محتفلين بالعيد الوطني

 

[حبيب قلبي]

هلا ام كشه من بعد تطعيم الرابع التطعيم الي وراه لم تكمل ٦ شهور

 

[pяiήcєşš]

ياااالله حيييهم



ام كشه التطعيم الاول من اول يوم
والتطعيم الثاني لما يكمل شهرين
والتطعيم الثالث لما يكمل 3 شهور مال الدرن
والتطعيم الراااااابع لما يكمل 6 شهوووووور ... عااد انتي احسبي وشووفي متى تكمل 6 شهور وشوفي اذا غلطانين او لا






حبيب قلبي : قصه شعري مدرجات على طوله بس قصيت اطرافه المتقصفه خل ادور صوره واحطهاا لج .. بأختصار التغيير حلوو يابنات وخصوووصا احنا المتزوجات صدقووني التغيير بالشكل كل فتره وفتره اهوا الي يعطي ريفرشش للحيااه حتى انتي تحسسين نفسيتج تغيرت