اسراء أو اللي عندهم خبرة ابي استفسر عن البريسز تبع العملية
مسوية قبل ومابي ارجع اسوي، انتوا تقولون لاااااازم مع العملية
لحد يقولي روحي دكتور ابي اعرف منكم للي فاهمة .. هم اش التطابق اللي يبونه من البريسز ؟
بالتفصيل الله يسعدكم لأن هالشي بيحدد اذا بسوي العملية او لا
توني بادية اسوي فينيرز وكلفني البريسز الأول بما فيه الكفاية
ومابي العب بأسناني اكثر تعبت هذي رابع سنة من بديت فيهم
شوفي أنا كنت مسويه تقويم قبل >> و رديت سويت تقويم جراحي مره ثانيه للعمليه .. الدكتور ما رضى يسويلي من غير تقويم
خليني أتكلم عن نفسي وشلون التقويم فادني
لو تلاحظين صوري بعد العمليه ص 305 راح تلاحظين وجود فتحه أو مسافه بين الفك العلوي والسفلي >> هذي ما تتسكر إلا بالتقويم
وأيضا بعد العمليه فكي السفلي صار منحرف جهة اليسار >> حاليا الدكتور طابق الفك العلوي مع السفلي وربطهم بسيور عن طريق التقويم
الحمدلله الفتحه قاعده تتسكر شوي شوي وفكي السفلي قاعد يرجع مكانه
كل هذا يصير عن طريق التقويم .. لو مو حاطه تقويم شلوووون بتنحل هالمشاكل اللي تعقب العمليه ؟؟
فيه بنات سووها من غير تقويم >> بعضهم عاجبته النتيجه وبعضهم تأذى واااايد وقرر يعيد العمليه
بس دام انتي باديه بالفينير يعني مستحيييييييييييل تحطين تقويم
ما أقدر أفيدج إذا تقدرين تسوين العمليه من غير تقويم أو لأ >> فيه حالات يقدرون يسوونها من غير تقويم وفيه حالات ما يقدرون
أنا ما أعرف شنو حالتج بالضبط
الدكتور وحده هو اللي يقرر بعد ما يسوي لج أشعه ويدرس حالتج
