طلبتككم يا بنات ابي حل

[فركوشه]

السلام عليكم

بنات ابي حل لمشكلتي ابي حل جذري وسليم

يحبني انسان مني وفيني مو بس حب الا عشق وانا والله احبه وعلاقه عذريه بس المصيبه دخلته بعد جم يوم ...

المشكله كل ما قلتله ما ابي اعيش على سراب يقولي انا لج وقاعد افكر شلون اتزوجج انقذوني ابي حل راسي بينفجر اشوفه يجهز شقته وميته من الغيره ولا قلتله نفترق قالي انا مبلتش بروحي لا تضغطين علي . انا متاكده انه يبيني شلون يتزوجني مادري واكو شي ثاني انا بالميك اب حلوه لاكن بدونه مو حلوووووووووووووه ابي حلوه وماابي اصدمه شسوي وانا والله والله خايفه الله في نفسي ولا ودي اسوي شي يغضب الله .

طلبتكم اللي تقرا موضوعي ترد علي خاصة ذوات الخبره والفهاميه انا بموت من ديناي وفوق هذا انا اكبر منه بسنوات ولا احد يتقدم لي كلشششششش واعترف اني بنت عاقله وناضجه بس ابي حللللل بجكري وبسالفتي معه

الله يجزاكم خير
التائهه

اختكم

 

[om kookaa]

يوم انكم تحبون بعض او تعشقون بعض ليش ماخطبج من اهلج
ثانيا خلي عندج ثقه بنفسج اهم شيء جمال الروح حبيبتي شنو بتظلين طول عمرج حاطه مكياج

 

[عسل سل]

السؤال الكبير .. ليش ماخطبج !!!
مو مشكلتج هذي مشكلته يقول متعذب وهو الاخ يجهز !! وين قاعدين خليه يكون حازم وياج انتي بصراحه معطيته وجه اهو مو هامه شي والاخ يجهز وانتي ؟ خليه يتخذ موقف وبلااش هالعذاب او الفراق احسن من المرمره والغيره الي اهو سببها لاتعذبين نفسج بشي انتي مو مسؤووله عنه لايأنب ظميرج لان لو بايدج جان صار الي فبالج يتخذ قرااااار حاسم غير جذي فراقه عيد

 

[حنان الحربيه]

يحبك يخطبك هذا اللي نعرفه
يحبك ويخطب غيرك ويقولك انا لك خييييييييير وين حنافيه
وبعدين تقولين انه منك وفيك ليش ماخطبك وش كان راده؟؟اسالي نفسك هالسؤال
لان الاهل دايما يعترضون على العائله اوالقبيله بس هذا وش رده عنك

حبيبتي لا تعبين عمرك ولا تتضايقين
اتركيه وربي بيعوضك احسن منه
اذا هذا اوله ينعاف تاليه

 

[_كلي دلع_]

الحين انتوا تحبون بعض ومنكم وفيككم ليش مايجي يخطبج ..؟؟
والحين هو يتجهز وانتي معااه ..!!
حبيبتي المفرؤض يجي يخطبج مو يتزوج ويخليج ..اذا هذا اوله شنو اخرتهاا ..

خلييه والله يرزقج بالي احسن منه ..^

 

[•• غ ’ ـِروَر]

كلام البنات عقلااااني جداااااا

 

[لمى الهاجري]

بسيطة يقول الصج لخطيبته قبل لا يفوت الاوان ويجي يخطبج بسرعة

 

[غـرامـي أنـت]

صج اذا كان يحبج علئ قولته ليه ما خطبج ؟!

وانتي شلوون ترضينها علئ نفسج خطب وبيتزوج غيرج وانتي للحينج معه

وواضح انه يضحك عليييج ولا كان مافضل غيرج علييج

اذا تتطيعيني اتركيه واحفضي كرامتج ......

 

[Patcholli]

ليش ماخذاج ..؟؟

 

[ام الدرر]

حبوبة
لو كان يحبج مايرضى ياخذ غيرج
واذا صج يحبج صدقيني دام انه يكلمج ماراح يتحرك لانج متوفرة
لا تضيعين عمرج على امل
قطعي علاقتج فيه وغيري رقم موبايل
واذا يبيج صج يتقدم لج ​

 

[دلوعة حمني]

هذا قاعد يلعب! و هاليام محد ينغصب على الزواج! البنت تختار اللي تبيه يت على الريال ما يقدر؟؟

 

[وَِطَنْ ~]

حبوبة
لو كان يحبج مايرضى ياخذ غيرج
واذا صج يحبج صدقيني دام انه يكلمج ماراح يتحرك لانج متوفرة
لا تضيعين عمرج على امل
قطعي علاقتج فيه وغيري رقم موبايل
واذا يبيج صج يتقدم لج ​

معاها بالزززبط :eh_s(15):

 

[رسيل المطيري]

حـــــــــــبوبه صحيح كلام الاخوات لو يحبك بيخطبك وبيسوي المستحيل عشاان ياخذك وما يرضى بغيرك زوجه له مو يجهز !!؟
حبيبتي هذا يبغااك عنده تسسليه او احتيااط انتبهي ع روحك
احسن لك ابعدي عنه والله يعوضك بالاحلى منه

 

[мίѕѕ 5оОо5α]

يبا والله والله لو يحبج صصصج جان تحدى هالدنيا هذي كلها عششانج
جان مافكر يتزوج غيرج وجان من زماااااان خاطبج وماقعد يماطل ويتعذر
جان ماخلاج جذي معللللقه
حرام عليج اللي قاعده تسسوينه بروحج
اذا مجرد تجهيزه للشقه معذبج جذي باجر ليلة عرسه شبتسوين !!
خليه يعيش حياته وانتي عيشي حياتج
اخذيهاااا مني ؟؟؟؟
ماااااااراح يخطبج !!
وسالفة الجمال ماتوقع الميك اب يغير لهالدرجه !
يعني الملامح نفس ماهي
واذا بشرتج فيها شي استخدمي خلطات وكريمات وجذي
بس نصيحه خلاص صكري هالموضوع وابدي حيااااااااة جديده
لا تضيعين عمرج ع سرااااااااب
وعيشي حياتج بالحلال احسن لج

 

[الـــدفـــشـــة]

البنات ماقصرو بس في سؤال شوي عبيط

شكو تسالين عن الميك اب وانه تبين تصيرين حلوه وماتبين تصدمينه !!
الرجال تزوووج يعني خلاص لاتتمسكين بأمل حبيبتي والله لو يبيج جان خذاج حتى غصب عن اهله

 

[لحظآتَ]

حبيبتي شوفي
سالفة أمي غصبتني .. لازم ارضي أهلي
اهلي اختاروها بس انا ماابيها
هالسالفه هذي يقصون على عقول البنات فيها
وطبعاً بناتنا ما ينقص عليهم بس هم مشتهين يصدقون
صدقيني باجر بيتعمق حيل بحياته الجديده مع مرته
واذا زهق منها ولا حب يغيّر بيلجأ لج انتِ
بما انج متوافرة مايحتاج ورقة رسمية ولا شيء ..
وتلقينه بكرا بيعتبرج صديقه ويفضفض لج عن مشاكله الزوجيه
شوي شوي بيجونه عيال
يعني مو معقولة يجهز شقته ومنهمك بتجهيزات عرسه وفجأة بيطلق مرته وياخذج !
يقولج [ لو فيه شمس كان من أمس ] .؟!
لذلك ابتعدي عنه واتق ِ حوبة المسكينه بنت الناس الغافله اللي ما تدري عن سوايا زوجها !!!
وعيشي حياتج .. مو عذر لج هذا ؟
شنو انا جيكره وانا كبيرة محد يتقدم لي؟
هو كل وحده جمالها محدود و محد تقدم لها بتسرق رجاجيل خلق الله ؟
خلاص هذا الحين ماهو ملك لج .. وإنما ملك خاص جدا جدا لزوجته الجديده ..
تمني له الخير وابتعدي عنه لوجه الله وربي بيرزقج
يمكن هذا امتحان لج وربي خاش لج رزق افضل من هذا بس بيختبرج هل تستاهلين الرزق ولا يصرفه عنج لبنات غيرج يستاهلونه ؟؟
فكري بمنطق بما انج ناضجه يا اختي ​

 

[Horror Lady]

لو يبيج صج جان ما همه احد
بس واضح ان بس يلعب
و دامه بيتزوج ابتعدي عنه

 

[مزاج عنزيه]

شوفي حبيبتي باين عليج إنسآنه طيبه وعلى نياتج
اولا سالفة إن يجهز شقته وكل مافتحتي معاه موضوعج
يقول لاتضغطين علي ؟؟؟ هذا قاعد يخدرج بكلامه وماادري
لي وين بيوصل ،؟؟؟ لما يتزوج ويصير عرسه والله حتى
تلفون مايرد عليج ،،. قطعي العلااقه معاه ، واذا اهوا
عنده (( غااريه )) مايماطل مع وحده منه وفيه ، هذا
بااين لعووب ،، والحق بعد عليج انتي !! متمسكه
فيه لي متى ؟؟ تجهيز شقه قااهرج
باجر بيوم عرسه شيصير فيج ،، بالعربي وسوري
على ردي هذي مو رجوله مضغوط ومستانس يجهز
بشقته ، كبري عقلج وخليه يعيش حياته واذا يبيج
صج بعد الزواج يجي يخطب ولاتكلمينه خير شر
وعالكبر ، بنااات شكثر وصلت لي فوق الثلاثين
والله رزقهم ماتوقف عليج انتي ، كل بنت مكتوب
لها نصيبهاا ،، والله يرزقج اللي احسسن منه ،،؛

وإعتذر اذا ردي ضايقج بس بصراحه هذا الحق ؛؛/








​

 

[بنت الأجوااد]

هالرجال نذل وحقير

وعارف انه انتى متعلقه فيه وهو عاجبه هالوضع يبيج مثل ما انتى بس عمره مافكر فيج زوجه ولا راح يفكر بالشي هذا


خليه يولى وابعدى عنه


شلون تكونين حلوه خلقه الله انتى ممكن تزيدين حلاج او ممكن تخفينه

طبعا بالاهتمام والعنايه يزيد وممكن تغيرين

 

[فركوشه]

لالا انا عرفته عقب ما ملك على قريبته حبينا بعض

بالعكس الرجل حيل شهم معاي وقلتله ابي ابتعد مابي اعيش بسراب تمسك اكثر فيني وقالي صبري

قولوا شنو الحل ؟؟

وسالفة اني جيكره بدون مكياج ايه نعم ما اقدر اواجه الناس بدون ميك اب واعترف بهالشي والحمدلله عاجبني شكلي بس استحي لازم احط ميك اب بس لا تنسون مشكلتي الاصليه تكفون شسوي انا قررت ابتعد بس اهو متمسك حيل فيني ولا يروح بالكن بعيد والله والله والله حب عذري