تهاوشت مع اخوي وقلت لزوجي

[Toggi]

السلام عليكم بنات بنات انا اليوم صارت لي سالفه مع اخوي تهاوشت معاااه لاني هاوشت اختي ام تسع سنين لانها طقت بنتي ام سنه قام اخوي وقعد يصارخ ويهددني اذا عدتيها ماراح يحصلج شي طيب بلقلاص على راسج ومن هالكلام تنرفزت ورديت عليه قلت له انا ما اسمح لاحد يمد ايدهعلى بناتي واذا عادتها. بطقها مو بس اهاوشها عاد قام يصرخ وتنرفز ويهدد قعدت ابجي وطلعت من بيت اهلي وانا متضايقه مستغربه من اسلوبه معاي خاصه وانا اخته الكبيره يعني بيننا 10سنين لما وصلت البيت شافني زوجي ابجي فقلت له السالفه وانا مومن عادتي اطلع مشاكلي مع اهلي حق زوجي بس غلطة غلطه كبيره وقلت له وانا الحين ندمانه وخايفه يقعد يعايرني بها السالفه ويوصلها لاهله خصوصا انه من الجماعه والحين ودي ارقع السالفه حق زوجي بس مو عارفه تكفووون بنات اللي عندها الحل لاتبخل علي*

 

[Tom ♥ Jerry]

.


شنو انتي موو واثقه بزوجج مو عارفته عدل ؟!؟!؟!
يعني ما اتوقع بيقول سالفه مثل هاذي
حق اهله ..

 

[محتاره بدنيتي]

الله حبيبتي شي يحير انا اذا تهاوشت مع خواتي اقول حق زوجي لان ادري ان زوجي بير والوحيد اللي مايطلع سري او اي شي برا
انتي زوجج من النوع اللي يعايرج يعني اذا خايفه وحاسه ان راح اقول كلمي وقوليلا انج بس كنتي متنرفزه وماتدرين شتسوين وقوليلا ان هذا الشي بينكم واتوقع يعني ان المفروض زوجج مايقول حق احد بدون لاتقولينلا بس قوليلا هذا بيني وبينك حتى لو شفت اخوي سو نفسك ماتدري والله يسهل ان شاءالله

غريبه اذا زوجج قال حق اهله ... ودام تدرين ان بقول ليش اتقولينلا ؟

 

[جنتي زوجي]

عادى حبيبتى
قوليله مابى احد يدرى
الى صار معى ومع خوى وهذا اخوى خشمك خشمك لو هو عوج

 

[نونو العصله]

شي عادي ليش يعايرج
يعني هو ما يتهاوش مع اهله و اخوانه
لا تحاتين
اذا صار وعايرج طاف
لا تعلقين عشان ما يعيدها
جنه مو هامج
ولا تبينين انج مهتمه بلموضوع
عطيه طاف و تراضي مع اهلج
او قوليله انج تراضيتي مع اخوج

 

[عجميه ذوق]

اب☝☝

 

[السجينة]

الريل ما ينقال له مشاكل الاهل مهما كاان طيييب وحنوون وخوش رياال ما تدرين شنو يصير بالمستقبل وينقلب ضدج ويطلع الاكو والماكو
وبعدين نفسيااا اذا الريل شاف ان زوجته ما وراها ظهر وان ظهرها متهاوش معاها او بينهم هواش بين فترة وفترة .. ما راح يحترم مرته وما راح يحسب لها حساب لان ما عندها احد يوقفه عند حده بوقت الصجية


فانا اقولج ان تقولين له اني تراضيت مع اخوي لان كان متضايق فانفعل علي يوم شاف هالموقف .. ومصارين البطن تتهاوش وهذا طبيعي وبعدين وهذا اخوي من دمي ولحمي فاكيد راح نتصالح وما راح تدوم العداوة

 

[نونه المنكوشه]

ااااااااااااااااااب

 

[هيفاء 966]

عاديه السالفه. يعني ما تستحمل انه يتكلم فيها او ينقلها لاهله. بس انتي قولي لزوجك ان اخوج كبر في عينج لمن دافع عن اختج الصغيره يعني فيه خير لاهله

 

[جذابه بنت ذيابه]

زوجج لا تقولين له مشاكلج مع اهلج ..!


مهما كان ..




و السالفه لا ترقعينها ولا شي قوليله حبيبي المشكله اللي قلتها لك مابيها تطلع لاي مخلوق !
وانسى السالفه انا بس حبيت افضفض لك ..!

 

[أغلى حبيبه]

عااادي كل بيت تصير فيه مشاكل

ومشكلتج مو بذيج الاهميه عشان ريلج يمشي ويتكلم فيها

ليش بيت زووج مايتناجرون

وعادي اخوان وتهاوشوو ليش يعايرج

 

[دلوعة أبوهآ]

انا ماراح اتكلم عن زوجك وانه بيقول لآهله او غيره!
لانك انتي آدرى فيه ..!



لكن تعليقي هو انك ليش تكبري المشكله اصلاً وتسوي مشاكل مع اهلك
عشان صغغغغغار ..!
اختك صغيره وبنتك صغيره
تضاربوآ تهاوشوا كلها كم ساعه وينسوآ ويرجعوآ
لكن اذا الكبار تدخلوا !! هنا تصير المشآكل والقلوب ماتتصآفى. .

 

[خوووخه w]

عااااااادي حبيبتي واذا قلتيله انا زوجي يقولي لما يتهاوش مع اهلللللللله وحتى انا اقوللللللله بس اذا السالفه تسوا ومضايقتني عادي هذا زوجج سترج وغطااج

 

[جلكسيه اس 3]

نصيحه من وحده كانت اتقول حق زوجها كل شي و ما تخش و بالاخير اطلقت و الحين كلا يعايرها
نصيحه لا تقولون لازواجكم شي
ما تدرون ترا اهم يدورون الفرصه عشان عشان يعايرونها
و ثاني شي حبيبتي ترا ياهل و يمكن غارت من بنتج عطيها طاااف
انا دايما معصبه من ولد اخوي و اخوي كله يقول ياهل صج مرات اعصب ينرفزني غصب
حتى وانا منخشه عنه و مااي خلق احد يتحرش و يتشيطن
عاد مرات اطقه و اقرصه على حسب الحاله لووول
و حتى اعيالي بصراحه يطفروني اضطر اطقهم و اقرصهم اخر شي قمت اعاقب ولدي بالدار اقرا قران واخلي يكرر وراي
بس على سالفة اختج عادي بس لاتخلينها تلزق في بنتج عشان ما تصير بينكم مشاكل

 

[بتول بوشهري]

مره صارت حق امي نفس هل سالفه وقالت حق ابوي طبعا ابوي ما قال حق اهله لانه اهله شكو بس الي اعرفه ان ابوي بط راس خالي بالعجره يعني العصايه ههههههههههههه انا مت من الضحك
اختي ما اتوقع ان ريلج بيقول حق اهله لانه هذا بين زوجين اهم مالهم دخل واذا ريلج ولد امه ارجو انج تفهميني لا بالله رحتي فيها انفضحتي هيهيهيههيهههههه

 

[cutee__q8]

بأجر قوليله انه يا لي عندج وباس راسج واعتذر لج
وانه كان معصب ومو قاصد يرفع صوته عليج وانه ندمان
وما مشي الا لما قلتيله امج مسامحته ومن هالحجي
قوليله عساس انها سالفه مو عشان انج بترقعين

 

[cutee__q8]

امج = انج

 

[Heaven Light]

الصراحة اخوج ما ينلام فيج ..
يهال وتهاوشوا خير يا طير ؟ ليش تكرهين اختج فيج ؟

​

 

[om Firas]

زوجج لا تقولين له مشاكلج مع اهلج ..!


مهما كان ..




و السالفه لا ترقعينها ولا شي قوليله حبيبي المشكله اللي قلتها لك مابيها تطلع لاي مخلوق !
وانسى السالفه انا بس حبيت افضفض لك ..!

:eh_s(15)::eh_s(15):

 

[dlo3t-nsr]

الحمدلله والشكر بس

وخير ياطير اختج طقت بنتج بنتج طقت اختج لعب وسوالف جهال هذي

والمفروض انتي اللي تأسفين لاخوج اصلا

مهما كان الاخو غير لاهي مسالة عمر ولا كبر

والله باجر لي صار شي بينج وبين زوجج منتي رايحه غير لسندج وعضيدج مو تروحين تشكين لزوجج منه

كبرو عقولكم شوي !!!!