آآآآخ يامن يفكني من الي عندي غباءها ماشفت ولا سمعت نفسه
لدرجة اذا يبت اغراض من الجمعيه تقولي ماما اقط الي بالثلاجه بلزباله(عزكم الله) عشان احط الجديد!!!!!! بالله احد يقولي شسوي فيها
انا توني متزوجه ومأجرين شقه انا وريلي وماعندي عيال... قعدت اربع شهور بدون خدامه ظهري انقص من الشغل ماقدرت لان دوامي قطاع خاص يبدي من فير الله وينتهي اخر النهار اطلع من يشق لانور وارد قريب المغرب اكون هلكانه عالاخر يادوب اخذ شاور وانام على ما اقوم ابدي التنظيف وراها غسيل الملابس وراها الكوي والتسفيط وغسيل الحمامات بنفس الوقت اطبخ وابدي ازهب السفره لان زوجي بعد دوامه تقريبا نفسي وجبتنا وحده بس بالليل على مانخلص اكل ارجع اغسل المواعين وانظف المطبخ اكون بسسسس خلااااص استويت ارد اخذ شاور وانام ..... مافي لا زيارات ولا تلفزيون ولا طلعات ولا حتى اقدر اروح الجمعيه اشتري شي.....
يمكن في بنات يشوفون اني اقدر استغني عن الخدامه بسهوله بس لا مستحيل لان الي عندهم عيال والى دواماتهم طويله نفس الحال
بعدها قررت اييب لي خدامه ... نطرت شهر على ماوصلت المحسنه اخر شي ماقدرنا نطق لها الاقامه طلع عليها ابعاد وحكم لانها مسويه جريمه شوفو الصدمه عقب كل هالنطره واخذو لفه بين المخافر شلون دشت ومن سهل لها ومن يستلمها ومن يرد لنا فلوسنا... قلت مالي الا المسترجعه مافيني حيل نطره بعد ...لقيت وحده مسترجعه الي اهي الحين عندي الله واكبر على غباءها والله لو احطها عند كل وحده فيكم راح تشق هدومها من غباءها وقلة استيعابها بس شسوي صابره عليها ليش مالها لسان كلش وام دميعه والا مافيها شي ينصبر عليه لا تعرف تكوي ولا تطبخ ولا تغسل الملابس والتشطيف تشيلهم واهم متروسين صابون وتسفيطها جنج معطيه الملابس حق ياهل حايس فيهم وحاذفهم بالكبت والمساح الله بالخير تلف دار مدار الشغله ما اتعب نفسها وتشيل الاغراض والاماكن البعيده ماله داعي تنمسح غير المخوزز والنظرات صج ماتاخذين راحتج فبيتج ماقدر البس شي ولا حتى اقدر اقعد بدون ستيان عينها وقحه وجريئه تخليج تستحين وانتي مو مسويه شي غلط عمى بعينهم وديتها يوم بيت اهلي مسكين زوجي اخذ راحته باللبس قام يفتر بالصاله حس بالحريه بو يوم ورد على حاله من باجر .....
الحين ارتحت الوالده الله يطول بعمرها ويخليها لنا تطبخ لنا الغدا بعد الدوام امر اخذه وعالبيت على طول والمحسنه تكون قاعده منظفه ارد بس اجيك على الشغل
