اللي بزيدون وزنهم مع قمر بيت أبوها تعالوا هنا بسرعه

[قمر بيت أبوها]

السلام عليكم ورحمة الله وبركاته
ترا بداية شهر 4 الهجري بنبدأ بالنظام
الأهم تكون عندك حبوب الخميره ام كرتون أحمر >>>> 3 مرات بعد الوجبه
وحبوب زيت كبد سمك القد >>>> 3 مرات بعد الوجبه
وحبوب حديد اللي لونها بني >>>> مره وحده الافضل بالصباح وكثر ماء وحليب :eh_s(4):
الأكل علي راحتكم بس زيدوا عليه سنكرس ,, توكس ’’ مارس ,, اي شوكلت فيها سعرات حراريه
حط دبس تمر بكأس حليب علي الأقل مره باليوم
أشربوا كأس حلبه علي الأقل مره باليوم
أكل نشويات كثير ومربي ونوتيلا ومفتقه حقة أهل مصر
أشربوا عصير الرمان والتفاح عشان السموم:rerrerek:
بين الوجبات الثلاث اكل اي شي يعني
بيض وخبز
خبز وجبن
فطيره وعصير
كيك
بطاطس مقلي
اهم شي ماتقعدون فاضين اكلوا بس
ولما تشتغلون ولا تبذالون مجهود عوضوه بالأكل
نسيت أهم شي القهوه والشاهي اقطعوهم هالفتره
عوضوهم بالحليب والعصاير
ولا تنسون السلطات بس الاهم النشويات عشان تسمنون
الشبس ممنوع لانه يسمن بالميزان بس بالأخير تشوفينه بالصفطات اللي بظهرك
والماء كثروا منه
واللي عندها عسر هضم ممكن تأخذ حبوب لها من الصيدليه ولا تشرب شاهي نعناع وكمون
واي اضافه منكم حطوها ويمكن نسيت اكتب اشياء لا تذكرت بارجع اكتبها
واللي تبي السمنه بمكان معين تركز علي رياضه مع البرنامج

واللي بتنظم لنا هنا تنزل وزنها وطوالها ومقاس الحوض والخصر والصدر
عشان اتابع معاكم اول باول :bbbiu:
يارب ان اوزانا تزيد بصحه وعافيه علي قلوبنا :yaaaaaarb:
ويجعل هالتجمع وجه خير علي وعلي أخوات اللي بينظمون لنا :eh_s(7):

 

[خفايا الروح ن]

ياهلا والله بقمر
ان شاءالله اشتري الاغراض وابداء معك
انا عندي حبوب كبد الحوت من سفن سيز تنفع والدبس لازم والحلبه ابيحذفها ا

 

[وحشتني اياامنا]

هلاااااا
معاااااااكم ويارب يزيد وزني
طولي:155
وزني:39>>ادري عصلللللللله بس شسووي
عندي كبدالحوت صار لي فترة استخدمها وفي وحده هني بالمنتدى جزاها الله خير نصحتني اني اتركه لانه مايصير استمر على اي فيتامينات اكثر من شهر او شهرين مومتاكده بالضبط بس قالت لازم اتركها شهر وبعدين ارجع لها
وتركتها من اسبوعين ووبضيف الى كلامك الماش سمعت انه يسمن وباستخدمه مع الحليب باذن الله​

 

[يارا آل .....؟]

هلا قمر بيت أبوها ترى طلبك قبلته وبعدها ماجاني شي منك كنت أنتظرك
طيب وشوا دبس التممممممممر بلييييز قولوا لي كيف التمرة أحطها بكاس الحليب ولا الدبس شي ثاني

 

[يارا آل .....؟]

اي صح عررفت كل الحبوب بس حبوب الحديد ايش اسمها أقول للصيدلي حبوب حديد ووبس بيعرفها ؟؟ أبي اسمهااا

ياااارب يابنااات كلنا نسمن بصحه وعااافيه ونرتااااح من هالموااال خلونا ندعي لبعض في ظهر الغيب دعوة صادقة عسى أن تصادف ساعة اجابة ويستجاب لها ياررب

 

[قمر بيت أبوها]

ياهلا والله بقمر
ان شاءالله اشتري الاغراض وابداء معك
انا عندي حبوب كبد الحوت من سفن سيز تنفع والدبس لازم والحلبه ابيحذفها ا

هلا فيكي أكثر:eh_s(7):
ايه سفن سيز ممتازه مره
الدبس حلوا لحمرة الخدود مع السمنه وصحي
الحلبه لازم لازم لانها تبي ترفع هرمون الانوثه بالصدر والأرداف ولا وش الفايده منها خفايا:rgewrg:
الحلبه ترا مع العسل جنان اثنين بواحد:eh_s(15):
حطي براسك الحلبه لازم يالغلا:rerrerek:

 

[قمر بيت أبوها]

هلاااااا​

معاااااااكم ويارب يزيد وزني
طولي:155
وزني:39>>ادري عصلللللللله بس شسووي
عندي كبدالحوت صار لي فترة استخدمها وفي وحده هني بالمنتدى جزاها الله خير نصحتني اني اتركه لانه مايصير استمر على اي فيتامينات اكثر من شهر او شهرين مومتاكده بالضبط بس قالت لازم اتركها شهر وبعدين ارجع لها​

وتركتها من اسبوعين ووبضيف الى كلامك الماش سمعت انه يسمن وباستخدمه مع الحليب باذن الله​

يبغالك حولي 15 كيلوا بالضبط يعني لا تستعجلين يبغالك 3 شهور وفوقها:bbbiu:
اهم شي الاستمرار والعزم
لان السمنه السريعه خطره:rgewrg:
زيت كبد القد او زيت الحوت كلهم صحين وخذي الكلام مني دكتوري ناصحني فيهم يقول زيوت السمك المفروض تستخدمونها علي طول للبشره والشعر وحتي الغده الدرقيه تحتاج لهالزيوت
سوي بحث بمنتدي طبي وقرري
وانا سبق استخدمتهم وروعه بس تركته لاني اهمت بنفسي ولا هم رووووووووووعه:rerrerek:
الماش وحده نصحتني ووحده حذرتني من اللقافه وحب الاستكشاف استخدمته والله لا يوريك القولون هاج بشكل مو طبيعي:eh_s(11):
وبحث عنه بمنتدي متخصص بالطب البديل طلع يستخدم لناس اللي عندهم عسر هضم فيصير لك أسهال وانتي بكرامه :eh_s(2): اسبوعين غير الانتفاخات انا اتلك عن تجربه شخصيه :eh_s(4):
الحليب معاه الدبس ولا العسل يكفي

 

[قمر بيت أبوها]

هلا قمر بيت أبوها ترى طلبك قبلته وبعدها ماجاني شي منك كنت أنتظرك
طيب وشوا دبس التممممممممر بلييييز قولوا لي كيف التمرة أحطها بكاس الحليب ولا الدبس شي ثاني

هلا فيكي يالغلا :eh_s(7):
لما شفت ماارسلتي قلت يمكن مشغوله ولا شي انا احترم رغبة الطرف الاخر بس حياك انتي باي وقت
دبس التمر نفس اللي يجي مع الكريمه حقت رمضان كريم كراميل مثل العسل بس عسل تمر تقدر تقولين
ينباع عند العطارين والمحلات الكبيره
تحطين منه ملعقه مع الحليب
للمعلوميه ترا لما يكون الحليب حار ترا الطعم مو مقبول مره :eh_s(4):
بس الحليب البادر ماتحسون بطعمه خالص

 

[قمر بيت أبوها]

اي صح عررفت كل الحبوب بس حبوب الحديد ايش اسمها أقول للصيدلي حبوب حديد ووبس بيعرفها ؟؟ أبي اسمهااا

ياااارب يابنااات كلنا نسمن بصحه وعااافيه ونرتااااح من هالموااال خلونا ندعي لبعض في ظهر الغيب دعوة صادقة عسى أن تصادف ساعة اجابة ويستجاب لها ياررب

حبوب الحديد من شركات عديده بس انا حاليا اخذها من المستشفي الحكومي
بس قبل سنه ونص جربت حبوب حديد مع فتامينات اسمها ازنك هذي صوره لقيتها بقوقل للحبوب اللي استخدمتهم

ايوه بنات ادعوا لبعض الله يسمنكم بصحه وعافيه اللي عزابيه يطير فيها العريس واللي متزوجه يتجنن عليها ابو العيال :eh_s(7):

 

[قمر بيت أبوها]

هذا نوع من انواع دبس التمر تراه شركات

وهذي حبوب زيت كبد القد

وحبوب الخميره الحمراء

 

[قمر بيت أبوها]

بنات لزيادة حجم الصدر او تكبيره بشكل بسيط
تسون مساج للصدر بعد ماتأخذو ن شور بالزيت الزيتون وزيت السمسم وزيت اللوز
راح تلاحظون بعد شهر ان الصدر انشد وكبر بشكل معقول >>>> انا ضد اي تكبير سريع ومبالغ فيه لان الوحده مع الايام راح يكبر صدرها نتيجة الحمل والولاده فهمتوا علي
وكذلك الارداف لو تسون لها مساج بعد كل شور راح تنشد وتبين انها اكبر لان فيها بنات اردافهم مترهل فتصير مو بينه ابدآآآ

في خلطه امدحتها وحده لي من منتدي ثاني بس ماحبيتها باكتبها لكم اللي تبي تجربها تجربها
هي كريم مرطب مثل جونسون وملعقة خميره وزيت زيتون ولا زيت جنين القمح
تحطونها علي الارداف ساعتين تقريبآ كل يوم بعدها تغسلونها بماء فاتر وترطبونها بزيوت

اللي عندها كرش ولا خايفه تطلع لها كرش المششششششي يبناآآآت احلي رياضه لجسد والروح بالذات لما تكون بالصباح
وانتم تمشون شدوا بطنكم علي الداخل وتنفسوا بعمق بالبدايه راح تحسون بألم لان العضلات ماتعودت بس تكررونه راح يصير شي عاآآدي
تسونه بالبدايات مرتين ثلاث
بعدين تحاولون انكم تاخذونها عاده وانتي تسوين شاهي بالمطبخ سوي هالرياضه
وانتي طالعه من البيت حاولي تسوينها
بالاخير رآآآآح تكون لكم عاده وسهله

 

[قمر بيت أبوها]

بأحط صور لبعض التمارين اللي تكبر المؤخره او بمعني اصح ترفع عضلات وتساعد في بروزها


طبعا اللي لاول مره تسويه 15 لكل رجل
اللي متقدمه بهالتمرين 30 لكل رجل
اللي متدربه بقوه 45 لكل رجل
طبعا التدرج بالعدد مطلوب عشان ماتجهدون العضلات وتراه حلو لشد الظهر بعد
وهذا التمرين يوم ويوم لا ونتايجه بعد ثلاث شهور تبين مرررره يعني الصوره النهائيه
والأفضل تقسمونه مثلا نص العدد بالنهار ونص العدد بالليل

طبعا فيه تمارين كثيره بس هذا ابسط تمرين لو تبون زياده خبروني

 

[قمر بيت أبوها]

وحده من البنات تقول صدري مترهل بس والله مااذكر مين هالتمرين لشد الصدر او بمعني رفع العضلات المحيطه بالصدر وبالتالي تشد الصدر
وتراها سهله وممكن تستخدمين بدال هالثقل عصا عاديه تفي بالغرض

هذا التمرين


العصا بتكون خفيفه مافيها ثقل اوكي بس اهم شي وانتي ترفعينها وتنزلين تشدين عضلاتك
يعني الهدف من الثقل هنا ان اثناء الرفع والتنزيل تحسين بالثقل فتشدين نفسك والعضلات عشان تقدرين ترفعين هالثقل فيصير الشد
اتمني فهمتوا هالتمرين اللي مافهمت تقول اشرح بصيغه ثانيه

 

[قمر بيت أبوها]

وهذا أفضل تمرين للخصر للعجزات واللي يحبون الاختصار بكل شي
اتركم مع هالمدرب

http://www.youtube.com/watch?v=rIsg1CaZEW8&feature=related

 

[ام عجمية]

الله يعطيج العافيه

 

[قمر بيت أبوها]

الله يعطيج العافيه

والله يعافيك :eh_s(7):

 

[قمر بيت أبوها]

رفـــــــــــــــــــــــــــــع

 

[|النايفه|]

مشكووره ع الدعوه

 

[قمر بيت أبوها]

مشكووره ع الدعوه

البيت بيتك والمطرح مطرحك :eh_s(17):
بناآآآآآت اللي مختفين ترا باقي اليوم ونبدأ :eh_s(9):

 

[sanyoretaQ8]

uupp

حــبــوب الحـلــبـه الامــريـكــيــه لــزيــاده الـــوزن http://www.q8yat.com/t1018304.html#post29441836​