وائل رداد......... مبدع لم يفهمه أحد!

[7ikayat]

يا ترى فيه كتب او روايات غموض حد ممكن ينصحني اقراها غير كافكا؟​

 

[أنثى اليمامة]

أنثى ترى قهر
اقرا رواية حلوة واستمتع بتفاصيلها واسلوب الكاتب الممتاز وبعدين الاقي مين يقول ان الكتاب تافه وممل وسخيف....الخ
زين ليش؟ ما ندري! لان الكتاب تافه وممل وسخيف
بالله عليج هذا نقد؟

اذا كتاب مثل ملاك جهنمي تلمس فعلا ادب الغموض اللي حس بال القراء انه مجرد نهاية غير متوقعة او قصة جريمة قتل, وانتي اكيد قارية لكافكا أنثى وفاهمة القصد من أدب الغموض ​

معاج حق ، ان وجد نقد ما يجب ان يكون اسباب وحتى المدح يجب ان يكون له اسباب وأمور قامت عليه ، اسس يرتكز عليها ..
بالتأكيد أدب الغموض ممتع جداً ، ومن يقرأ لكافكا يعشقه بجنون ، الغموض جذاب وشيق ، وحقيقه جميل جداً ان نجد كاتب يتجه الآن لهذا الأدب ..

 

[bnt-jaber]

انا قريت شوي من الهائمون وحسيت انها غريبه احداثها
وهذا الي شدني وخذيتهآ
بس ليلحين مابديت فيها ,

قواج الله

 

[7ikayat]

هلا بنت جابر
الظاهر ما تابعتي الموضوع من أوله.... ترى الهائمون جزء ثالث والقصة راح تضل غير مفهومة من غير باقي الاجزاء !

المصعد رقم 7 جزء أول
التابع الحارس جزء ثاني
الهائمون جزء ثالث​

 

[bnt-jaber]

اي بس كنت قاريه الي اول شي عن الكاتب

بس ماعبالي 3 اجزاء والله تو اجيك حدي داخله غلط شاريه الجزء الثالث
لوول ..!!

انزين عرفت انه معجبينها يافوق فوق او تحت تحت
بس ميخالف تقوليلي عن شنو يتكلمون هالثلاث اجزاء بشكل عام
مافهمت الي قريته كان مقارنه بأفلام

 

[7ikayat]

ثلاثية المصعد رقم 7/ التابع الحارس/الهائمون
تتحدث عن فتاة ثرية عرجاء اسمها "حنين", ترث مفتاح يشغل مصعد ينقلها لعالم يعيش فيه متحري مصاب بلعنة تخليه ما ينام أبدا ويدعى "السنور"...
الى جانب المفتاح تسلمت الفتاة بطاقة عليها صورة سنور يلتهم فار وهي بطاقة أتت من عالم التحري السنور
يرحل معها برفقة شريكه علشان يساعدوها في معرفة من اللي اخترع المصعد ومن ارسل البطاقة للفتاة
فينتقلون بين عوالم غريبة مثل عالم اكتسح فيه اليهود العالم وعالم اكتسب فيه كل البشر قدرات خارقة ..الخ
السلسلة فانتازية مع خيال علمي وبعض الرعب والغموض وقصص الجريمة​

 

[7ikayat]

بنات... ما رديتو علي بخصوص اي كتب او روايات غموض تستاهل القراءة !​

 

[RowTow]

بنات... ما رديتو علي بخصوص اي كتب او روايات غموض تستاهل القراءة !​

قبل فتره قريت روايه جريمه اسمها ماري ماري.
نسيت اسم الكاتب.
القصه عن شخص يرتكب جرايم قتل متسلسله وحشيه ضد فنانات هوليوود. و يوقع رسالته باسم ماري.

الروايه حلوه و مشوقه.
بس النهايه بالنسبه لي كانت مخيبة. ما عجبتني النهايه.

و ما أذكر والله روايات ثانيه.
بس جربي روايات أوسكار وايلد و بعض أعمال آرثر كونان دويل.

 

[7ikayat]

تسلمي RowTow
جربت اوسكار وايلد اظن قصدج دوريان جراي
واكيد قريت شيرلوك هولمز لكن نفس المشكلة هو ربط ادب الغموض بالادب البوليسي دائما, لكن اختيارج لاوسكار وايلد موفق
بحاول احصل رواية ماري ماري ​

 

[RowTow]

تسلمي rowtow
جربت اوسكار وايلد اظن قصدج دوريان جراي
واكيد قريت شيرلوك هولمز لكن نفس المشكلة هو ربط ادب الغموض بالادب البوليسي دائما, لكن اختيارج لاوسكار وايلد موفق
بحاول احصل رواية ماري ماري ​

تدرين عاد حق أوسكار وايلد ما قريت إلا دوريان غراي.
و آرثر كونان دويل ما قريت له إلا كلب باسكرفيل هههه.

و اللي كنت قاصدتهم دوريان غراي و كلب باسكرفيل ههه.

ماري ماري تلقينها بجرير.
عاد تدرين, على الرغم من إن أدب الجريمه هو المفضل عندي و اهو أكثر قراءاتي من الروايات بس قليل تنويعي بالكتاب. يعني بالغالب أغاثا ثم أغاثا ثم أغاثا.
أما أدب الغموض ما أقرأ فيه واجد مع إني أحبه.

 

[7ikayat]

صارت معروفة RowTow ادب الجريمة دايما مرتبط بالغموض
لكن ادب الغموض الحقيقي مرتبط باسماء مثل كافكا ولافكرافت غالبا وان كان مصنف على انه كاتب رعب
عاد كلب باسكرفيل احلى قصة قريتها حق شرلوك هولمز
مشكورة حبيبتي وفتي علي عناء البحث عن الرواية ​

 

[RowTow]

صارت معروفة rowtow ادب الجريمة دايما مرتبط بالغموض
لكن ادب الغموض الحقيقي مرتبط باسماء مثل كافكا ولافكرافت غالبا وان كان مصنف على انه كاتب رعب
عاد كلب باسكرفيل احلى قصة قريتها حق شرلوك هولمز
مشكورة حبيبتي وفتي علي عناء البحث عن الرواية ​

حكايات شوقتيني أقرا لكافكا.
وين ألقى أعماله عندنا؟

 

[lailosh]

قريت له المصعد رقم 7 شي جذي ماعجبتني كلش واسلوبه ماعجبني معني احب قصص الجريمه لكن روايته كانت مخيبه للامال !وانا اقرا اضيع ومافهم شموضوعه

بالنسبه لي ما انصح فيه

ومشكوره

 

[7ikayat]

هلا lailosh
عاد انا قريتها وكانت مفهومة بالنسبالي وحتى الاسلوب كان أكثر من سلس وممتع وجذاب
هذا والمصعد رقم 7 ما تنحسب كرواية غموض
كيف لو قريتي ملاك جهنمي مثلا ؟؟
شو الامور اللي ما فهمتيها بالرواية وشنو كانت مشكلة الاسلوب؟​

 

[أنثى اليمامة]

افضل تبدأين ب ـ في مستوطنه العقاب .. لكافكا ..

من قرأتها وابي رايكم فيها ؟؟ كابوووس

 

[7ikayat]

RowTow ترى كتب كافكا اللي عندي قديمة وايد حصلتها في مكتبة ابوي
من الثمانينات اظن من دار المعارف وهذه على حد علمي قفلت !​

 

[7ikayat]

عاد تصدقين أنثى؟
أدورها من زمان مو محصلتنها
قريتله المسخ والمحاكمة وطبيب الارياف بس​

 

[أنثى اليمامة]

أنا قريتها نسخه الكترونية .. هي وعرب وبنات آوى .. طبعاً عرب وبنات اوى من يقرأها يعرف ان كافكا يقصد ببنات آوى الكاذبة اللئيمة هم اليهود الصهاينه .. وقد يستغرب من يقرأها ،، انها لكافكا اليهودي ..ّ

وهذا الرابط لمجلد يحوي القصتين

http://www.4shared.com/office/Ln8ZVukd/___-__.htm

 

[7ikayat]

انا مدينة لج انثى مشكووووووووووووووورة وما قصرتي ​