اختكم من دبي في خدمتكم

[لؤلؤة دبي]

مرحبا
بغيت خلص مهرجانكم ؟ ومتا يبدا مهرجان الصيف ؟؟؟؟
ويعطيج الف عافيه ،،،،

هلا أختئ مهرجان دبي للتسوق خلص
ومهرجان صيف دبي بيكون يوم الخميس, 14 يونيو لين السبت 14 يوليو 2012

 

[Eng.Kokoro]

شلون الجوو عندكم هالايام ؟! 

 

[روح العطش]

هلا والله

الجو تغير هالايام خفت البرودة لا هو حار ولا بارد يميل للحرارة أكثر

هلا بكم ومرحبا

 

[الزين فرح]

يعطيج العافية الجو شلون عندكم الحين ومشكوره

 

[لؤلؤة دبي]

يعطيج العافية الجو شلون عندكم الحين ومشكوره

الجو هأي الأيام مب بارد ولا حار حلوو

 

[سعودية عسل]

الجو عندكم كيف على اخر شهر مارس

حر مرررره ولا عادي

 

[سعودية عسل]

سوووووووووري اقصد شهر ابريل يعني تقريبا 18 ابريل

انا اخاف يكون الجو حر مره ورطوبه

 

[شـيـوخـهـ]

يااااا حلووو دبي كل شي فيها حلووو

يعطيج العافيه حبيبتي مجهود كبير اشكرج عليه

احبكم يا اهل الامارات قمه بالاحترام

 

[لؤلؤة دبي]

الجو عندكم كيف على اخر شهر مارس

حر مرررره ولا عادي

مم شهر 4 بيكون بداية الصيف يعني مب حر واايد

 

[لؤلؤة دبي]

يااااا حلووو دبي كل شي فيها حلووو

يعطيج العافيه حبيبتي مجهود كبير اشكرج عليه

احبكم يا اهل الامارات قمه بالاحترام

فديتج حبيبتي تسلمين
وان شاء الله اتزورينا قريب وتستانسين ف دبي والامارات

 

[*ستار*]

الله على دبي دانه الدنيا


انا حابه اسال عن القريه العالميه متى تخلص

وبرضه حابه اسال عن الاساور التركيه واللبنانيه اللي هي فضه مطليه ذهب وفيها حروف عربيه والا قطع قماش والا سلاسل ناااااعمه وفيها خرز يارب يكون شرحي واضح وعرفتوها انا شفتها بالقريه العالميه بتركيا ولبنان عندهم برضه ابي اشتري كميه منها وين الاقي شي حلو ورخيص ياريت تدليني او اذا واحده من البنات تعرف وين ياريت تدلوني

برضه حابه اعرف المحلات المميزه بنايف ومرشد ابي محلات عطور حلوه واسعارها معقوله ومخلطات لا نايف يلخبط الواحد يعني ابي المحلات المميزه هناك وبرضه ابي محلات العطور الغريبه اللي مالاقيها الا بدبي ومالها فروع وتكون مميزه

مشكوره يالولوه دبي وماقصرتي وماقصرو البنات

 

[do0ora]

ماتقصرين حبيبتي

 

[Daisy flower]

فديييت دبي احلى ايامي فيها

كل ما سألني زوجي .. يلا لج سفرة اختاري اقووول دبي ع طووول .. بس مشكلتي ماعرف فيها الا المجمعات والمطاعم والسينما .. خاطري بمكان حلو حقي وحق ريلي مافيه سوق ولا بلعه 

يسلمو لؤلؤة دبي 

 

[شتاء باريس]

اختي لؤلؤة دبي
ان شاء الله نهاية الشهر بزور دبي ومرة فرحانة بهذه الزيارة الاولى وحابة تساعدني من جد متوترة
حجزت بفندق روتانا ومدة اقامتي 5 ليال حابة تفيديني وتساعديني بذلك واريد محل فساتين سهرة راقية واماكن مساج (سبا)
واهم مايكون فيه اختلاط السبا خاص بالحريم
واريد مكان صالون لصبغ الشعر تنصحينيي اروح لصالون جويل الاستشارة عندها 1500ريال سعودي حيث اني من المدينة المنورة
عندي مناسبة
ومحل عبيات ولك الشكر والتقدير

 

[لؤلؤة دبي]

الله على دبي دانه الدنيا


انا حابه اسال عن القريه العالميه متى تخلص

وبرضه حابه اسال عن الاساور التركيه واللبنانيه اللي هي فضه مطليه ذهب وفيها حروف عربيه والا قطع قماش والا سلاسل ناااااعمه وفيها خرز يارب يكون شرحي واضح وعرفتوها انا شفتها بالقريه العالميه بتركيا ولبنان عندهم برضه ابي اشتري كميه منها وين الاقي شي حلو ورخيص ياريت تدليني او اذا واحده من البنات تعرف وين ياريت تدلوني

برضه حابه اعرف المحلات المميزه بنايف ومرشد ابي محلات عطور حلوه واسعارها معقوله ومخلطات لا نايف يلخبط الواحد يعني ابي المحلات المميزه هناك وبرضه ابي محلات العطور الغريبه اللي مالاقيها الا بدبي ومالها فروع وتكون مميزه

مشكوره يالولوه دبي وماقصرتي وماقصرو البنات

هلا اختي القرية مفتوحة الى نهاية مارس ( القراراليديد من الشيخ محمد بن راشد الله يحفظه ويطول بعمره ان شاء الله )

الاساورالتركية واللبنانية تلقينه في مهرجان عجمان ( نادي الشعب)

وبالنسبة لمحلات اللعطور عندج مثل أجمل والرصاصي والعربيه للعود وحامدي و النبيل وفولاذ وعود العنفر هالمحلات المتميزه الموجوده في سوق مرشد

ومحلات العطور الراقية الي انصحج اتروحين له محل انفاسك دخون في مردف سيتي سنتر ومحل ياس

 

[لؤلؤة دبي]

ماتقصرين حبيبتي

العفوو فديتج تسلمين

 

[لؤلؤة دبي]

فديييت دبي احلى ايامي فيها

كل ما سألني زوجي .. يلا لج سفرة اختاري اقووول دبي ع طووول .. بس مشكلتي ماعرف فيها الا المجمعات والمطاعم والسينما .. خاطري بمكان حلو حقي وحق ريلي مافيه سوق ولا بلعه 

يسلمو لؤلؤة دبي 

في دبي احجزي فندق ميناء السلام و القصر في جميرا -دبي يسولوون لكم اجواء رومانسية ومطاعهم حلووة

فندق اتلانتس رووعة

باتو دبي وجولة في الخوور
روحي ابن تاون مردف مكان حلوو ومفتووح وهادي

قناة القصباء في الشارقة عندهم عروض مائية ...حلو من الساعة 6 لي 10....بين التجول بكل المرافق والعشا

مطعم البر والبحر في الشارجة حلوو وعقب تتمشوون على كورنيش الشارجة

الامارات الشمالية مثل راس الخيمة او الفجيرة تقريبا ساعتين وشي تبعد عن دبي

واقري الردود السابقة شي وايد اماكن كتبت انا وبالتوفيق حبيبتي

 

[لؤلؤة دبي]

اختي لؤلؤة دبي
ان شاء الله نهاية الشهر بزور دبي ومرة فرحانة بهذه الزيارة الاولى وحابة تساعدني من جد متوترة
حجزت بفندق روتانا ومدة اقامتي 5 ليال حابة تفيديني وتساعديني بذلك واريد محل فساتين سهرة راقية واماكن مساج (سبا)
واهم مايكون فيه اختلاط السبا خاص بالحريم
واريد مكان صالون لصبغ الشعر تنصحينيي اروح لصالون جويل الاستشارة عندها 1500ريال سعودي حيث اني من المدينة المنورة
عندي مناسبة
ومحل عبيات ولك الشكر والتقدير

مرحبا بج حبيبتي في دبي
ومحل فساتين انصحج تروحين مركز البستان وشي واايد محلات للفساتين واختاري على ذوقج
واماكن للسبا عندج
اتلانتس سبا في فندق اتلاتنس
ماندارا سبا في مونارك في شارع زايد
لايم سبا في ديزرت بالم
ذا سبا في ذا ادرس
تاليس سبا في القصر مدينة جميرا

وهي حبيبتي بالنسبة للصبغ روحي صالون جويل

 

[حــــــلآ]

مشكورا حياتو فديتك

 

[لؤلؤة دبي]

مشكورا حياتو فديتك

العفو حبيبتي