اللي ينزل لها بدل بطاله كل شهر تبلغنااا

[الهاوية]

قوه بنات بقيت اسالكم وياريت تردون علي انا قدمت على بدل بطاله تاريخ 16 / 1 وكان موعدي 16 / 2 ورحت لهم اللحين اللي بعرفه ان كل شهر لازم موعد انا حطولي موعد تاريه 18 / 4 ليش ؟ في احد صار له جذي ياريت اللي تعرف تفيدني انطركم بلييييز ردوو علي

 

[Miss^NeozZ]

هلا خيتو

انا اخر مره راجعت شهر 1 حطولي مراجعه شهر 3

كنت اراجعهم كل شهر بس هالمره انا واللي معاي حطونا على شهر 3 ف عادي لاتحاتين ^_^

 

[الهاوية]

مشكورة حياتي ماقصرتي بس بالاشهر اللي ما راجعتيهم وقفو البدل ولا كان ماشي لج ؟

 

[قنوووعه]

بطو جبدي حيييل مشو لي بس ١٤/١٠


وللحين ولا شي السبب تاريخ ١٢/١٤موعدي ماقدرت اروح بنتي حرااره مولعه اروح عشان ١٥٠وضريبة هالتاخير للحين انطر رحت تاريخ ٢/٦موعدي وامس نزل لي ١٠٠


وين ٥٠بعد ورحت لهم قالت لي الموظفه مانزلنل لج ولا شي انطري شهر٣ننزل لج ودقيت ع البنك من وين لي ١٠٠قال ديوان الخدمه المدنيه



بالله عليكم شنو هاللغز مافهمت شي شنو وضعي بالضبط ؟؟؟؟

 

[Lady Sweet]

بنات جيكو تراها نزلت !

 

[ام خدود ورديه]

بنات انا نزلتلي الحمدالله 150

 

[الهاوية]

انا جيكت نازل لي 77 و 419 فلس زين وين الفلس يعني وربي مو من صجهم

 

[Lady Sweet]

انا جيكت نازل لي 77 و 419 فلس زين وين الفلس يعني وربي مو من صجهم

الهاويه شنو شهادتج؟

 

[غـلآوي ّ ~]

انا جيكت نازل لي 77 و 419 فلس زين وين الفلس يعني وربي مو من صجهم

ههههههههههههه

انا نفسجّ مقدمه شهر 1
و نزلتّ ليـٌـوم 77 و خرده :d

 

[LoLaTi]

ههههههههههههههههههههههههههه من اولها مذله الله يستر

 

[الهاوية]

الله يسلمج انا شهادتي دبلوم ومقدمه شهر 1 يعني اول مرا تنزل لي شنو القصه مادري حتا لمن راجعتهم على اساس الموعد ان كل شهر حطولي موعد تاريخ 18 - 4 انا اللي اعرفا ان كل شهر طيروني لشهرين هع والله سخيفين

 

[Lady Sweet]

الله يسلمج انا شهادتي دبلوم ومقدمه شهر 1 يعني اول مرا تنزل لي شنو القصه مادري حتا لمن راجعتهم على اساس الموعد ان كل شهر حطولي موعد تاريخ 18 - 4 انا اللي اعرفا ان كل شهر طيروني لشهرين هع والله سخيفين

الله يعينج .. انا نزلولي480 دينار بعد مذلتهم هل الشهر ... كنت اروحلهم كل شهر بالموعد .. وما ينزلي شي

يوم شيكيو الا لقوا انا الموظفه التعبانه كاتبه رقم حسابي غلط والحمدالله كتبولي كتاب ونزولوليها توه

بس والله خيره الحمدالله انهم غلطوا لان يدي تحكني دايما اخلص 150 بسرعة الحين مادري شنو اسوي فيهم لول

 

[Miss^NeozZ]

مبروك بنات نزلت


انا كل شهر اراجعهم ولا مره قاطعت ^_^ واول مرتين ماينزلون كاملين بعدين ينزلون كاملين

 

[شب وحرمل]

بنات انا صارلي 6 شهور مسجله بالديوان وماطلع اسمي وماعرف شنو بدل بطاله ؟؟ وهل المفروض ينزل لي ؟ ممكن تفيدوني الله لايهينكم

 

[Monay]

انا اخر مره نزلت لي شهر -15-12
و مانزل لي بعدها الا تو قبل يومين

شهالبوق علشانى تاخرت عن موعدي يومين راح علي @@

انا بعد بنات حطولي موعد بعد شهرين نفسكم يقولون عليهم ضغط !!
اي وظفونا ويقل الضغط حمدالله والشكر

 

[BlackBird]

اليووووووووووووم نزلت البنك الاهلي وللأسف اسمي ما نزل بدفعة الديوان الله كريم

 

[الهاوية]

والله حالتهم ميؤس منها انا اساسا قعدت سنه كامله بعدين قدمت مادري شسوي اشقق هدومي انتف شعري ابطل الدريشا اصارخ .. الله كريم بس .. كل شي من رب العالمين ..

 

[أم شهد و ندى]

الهاويه أنا نفس حالتج ههههههههههه بس ٦٣.٣٥٠ بس هههههههههههههه

وهالشهر ما نزلو لي مقدمه شهر ١٢ ونزلت شهر ١ بس

 

[غـلآوي ّ ~]

بنات انا صارلي 6 شهور مسجله بالديوان وماطلع اسمي وماعرف شنو بدل بطاله ؟؟ وهل المفروض ينزل لي ؟ ممكن تفيدوني الله لايهينكم

بدل البطاله تقدمينه بـ الهيكله بالضجيج

اذا صارلج من 6 شهور وفوق مقدمه بالديوان ومانزل اسمج ولا مره
تروحيـن تقدمين بالهيكله تقولين بقدم على بدل بطاله .. وراح تقولج الموظفه حابه تتوظفين عندنا بالخآص قولي إي < لأنه اذا قلتي لأ مراح يمشون لج البدل

و راح يدرون لج وظيفـه ولج حق الرفض 3 مرات

ولازم تراجعينهٌـم كل شهر والاوراق اللي يبونهآ

تحويل راتب من البنك .. اخر شهاده لج وصوره عنهآ .. البطاقه المدنيه وصوره عنها

بس فيه ايام للبنات و فيه ايام للشباب
هذا رقمهم دقي استفسري
103

بآلتوفيق :eh_s(17):

 

[الهاوية]

يالله انا باجر مسافره وان شالله ارد الاقي اخبار حلوه .. استودعتكم بالله الذي لا تضيع ودائعه .. راح اشتاق لكم