ندااء .. فيروز خانوم .. بليز انقذيني

[LaDantel]

السلام عليكم

بنات الاستفسار موجه لكم كلكم .. وخصييصا لفيروز خانوم

بنات انا كنت مسويه تقويم قبل 10 سنين و اسناني صارو اشحلاتهم

بس عقب التقويم حطولي ريتينر ثابت ,, بالاسنان اللي جدام مالت الفك السفلي

ال 6 اسنان اللي تحت صاير وراهم سيم له 10 سنين الحين

المهم لي سنتين اسناني متحركه من مكانهم

الانياب شويه نطت و السنين الكبار اللي جدام فوق واحد فيهم رد ورا شوي

وعندي مشكله عامه في الاسنان

ان اسناني طابقه على بعض

يعني الطبيعي ان اللي فوق يكونون متقدمين و اللي تحت وراهم

انا لا .. الاسنان على بعض بالضضضبط

و في تحرك بالاسنان .. الاسنان اللي فوق لفت كلها يسار شوي

و اللي تحت لفو يمين ( ومحتفظين بشكلهم سيده يعني مو مايلين)

بحيث ان الخط مال الاسنان الللي فوق (الكبار اللي جدام) مو جاي عالخط مال الاسنان اللي تحت

ان شاء الله فهمتو علي :eh_s(16)::eh_s(16):


فيروز خانوم :eh_s(16)::eh_s(16):

انا دقيت على بيلا كلينيك

و اخذت موعد تاريخ 7/ مارس

يعني عقب اسبوعين تقريبا

عند دكتور عبدالهادي

بس مبدئيا شنو تنصحيني ؟؟؟؟

فينيرز ولا تركيب ولا ما ادري شنو اسمهم

قوليلي ابي اعرف


ابي اضبط اسناااني :eh_s(11)::eh_s(11):​

 

[LaDantel]

فيروووز خانوم ... بموضوع التجارب مدحتي د عبدالهادي بعدين دكتور ابراهيم


ببجي ..!!!

اي واحد اسوي عنده ؟؟؟

 

[شمس 20]

شرايكم بعيادة أبها

 

[LaDantel]

شرايكم بعيادة أبها

ما ادري زهور انا على كلام الاخت فيروز اخذت موعد بيلا كلينيك عند د عبدالهادي

 

[فيروز خانوم]

هلا وغلا

 

[فيروز خانوم]

لايا بنت الحلال لا تبجين دموعك غاليه علينا
اولا : الله يعينك والله مشكلتك مشكله تبين الصراحه التقويم انا ماركبته بس شفت شكثر من رفيجاتي ركبوا وتخسروا واخرتها ردوا فجوا مره ثانيه ..
والله انا ما شفت اسنانج وماعرف بالضبط حالتج انتي خلاص دام انج حجزتي موعد انشالله الدكتور بيشوفج وينصحج الدكتور نصوح وشاطر لاتضايقين .

 

[فيروز خانوم]

واي استفسار انا حاضره
ويشرفني والله يابنات انكم تخصوني بالاسم الحمدالله هذا دليل ثقتكم فيني
انشالله اكون عند حسن ظنكم

 

[LaDantel]

حبيييييييييييبتي فيرووووووووووووووووووووز فديييييييييييييييييتج

 

[oum^zozo]

داشه ادعيلج
ان شااء الله اسنانج ترد احلى من قبل بدون تعب يارب

 

[oum^zozo]

بسآلج انتي شالعه ضرس من ورى و ماركبتي بداله؟
لان اختي نفس حالتج بس اهي شعلت ضروس و ماركبت بدالهم فتحركوا كل اسنانهه صاروا نفس وصفج بالضبط

اذا شالعه اي لازم تركبين بدالهم و تردين تحطين تقويم مره ثانيه

 

[LaDantel]

ام عزوز... اي شالعه واحد فوق وواحد تحت

قهر والله ... ما ابي تقويم

يارب مو تقويم

 

[oum^zozo]

لا مودا من جذي اسنانج اختربوا لان اذا شلعتي ضرس و ماتحرك لازم تركبين بداله برغي او تاج بس مردج تحطين تقويم او تسوين فينيرز تلبيس

شتسوين بعد صدقيني هذا اللي بيقولج اياه الدكتور

 

[LaDantel]

يعني الحين الفينير ممكن يحل مشكلتي ؟

 

[oum^zozo]

اي ممكن بس الفينيرز له عيوب

لازم الدكتور يشيل عصب كل ضرس يحط فيه التلبيسه الفينيرز
بالتالي الضرس راج يضعف حيل

و غير هذا تكلفته غاليه

انتي روحي الطبيب و شوفي شنو يقولج و الاختيارات اللي يعطيج اياها شنو

ان شاء الله ترد اسنانج احلى من قبل يارب

 

[pop_corna]

الله يعينج ,,, وترتاحين عند الدكتور وتطلع اسنانج وااااااااااااو

 

[فيروز خانوم]

اي ممكن بس الفينيرز له عيوب

لازم الدكتور يشيل عصب كل ضرس يحط فيه التلبيسه الفينيرز
بالتالي الضرس راج يضعف حيل

و غير هذا تكلفته غاليه

انتي روحي الطبيب و شوفي شنو يقولج و الاختيارات اللي يعطيج اياها شنو

ان شاء الله ترد اسنانج احلى من قبل يارب

لا مو صحيح هالكلام انا ماشالي العصب الدكتور لما سويت اسناني فنيير

 

[oum^zozo]

فيروز احسن يشيل العصب مرت عمي ماشالهه العصب تسوس ضرسهه ووصل ليلعصب ، اضطرت تشيل التلبيسه يعني جنهه ماسوت شي لبسته مره ثانيه

 

[pop_corna]

إيه صح ما يشيلون العصب

 

[LaDantel]

والله اني محتاره

رحت الدكتور و قال لي 8 اسنان فوق و 8 تحت

تلبيس سيراميك كراون

ب 2400

 

[!الجادل الصعب!]

سيراميك كراون شنو ؟
غير الفينير والزيركون

شنو نويتي عليه ؟