عاجل للمطلقات

[درة الديرة]

السلام عليكم

وحده اعرفها تسأل عن حقوق بنتها واهي مطلقه من 8 سنين وابوها بس يحطلها خمسين دينار بالشهر والبنت عمرها سبع سنوات

شنو حقوق بنتها ؟

وطليقها معتمد على معاش الام ويبيها تصرف على البنت
واهي ماتعرف بحقوق بنتها

شلون تاخذ حقها ؟
وين تروح ؟
وجم مفروض تاخذ ؟

والله يوفقها ويرزقها اللي ترد علي
وحسبي الله على كل ظالم

 

[كربون امها]

وين قاعدين شنو خمس دينار شيسووون الحين الطالب الابتدائي ياخذ اكثر الله يعينه تشوف محامي احسن

 

[المرتاحة]

اي والله يا اختي خليها تشوف محامي اهو افهم في هالمواضيع..

وراح يفهمها شنو اللي لها و شنو اللي عليها

ولا ترفع قضايا اذا صج لها حقوق ..من وجهة نظري تحاول في البدايه تحل الموضوع ودياً و تتفاهم مع ابو البنت عن مصارريف البنت و جذي و تشوف شنو رده

 

[om.googi]

أنصحج بالمحامي طلال البديـوي ,, استشارة مجانية ويعطيج اللي لج واللي عليج

وماعتقد ان للأم حق في انها تصرف من معاشها 50 فلس ع عيالها (قانونا) دام الأبو حي أو حتى ميت (لين تتزوجين) أو معاق أو أو ,, لو معاشج 2000د.ك

24998082 - 24992082

وموفجة ..​

 

[انوثتي غير وياك]

اي والله يا اختي خليها تشوف محامي اهو افهم في هالمواضيع..

وراح يفهمها شنو اللي لها و شنو اللي عليها

ولا ترفع قضايا اذا صج لها حقوق ..من وجهة نظري تحاول في البدايه تحل الموضوع ودياً و تتفاهم مع ابو البنت عن مصارريف البنت و جذي و تشوف شنو رده

:rerrerek::rerrerek::rerrerek:

 

[دلوعة صلوح]

ان شاءالله البنات يفيدوونج ..

 

[ام الحلوااات]

اااااااااااب

 

[Am00laa]

لاتسكت لها حق غصبن علي
وين قاعدين٥٠
معاش الخدامه اكثر منها؟؟؟؟؟؟

شهالرياااجيييل
حسبي الله عليهم

 

[عاشقة الاسلام]

انا متزوجه ويرسل طليقي لبنته كل شهرين 50 دينار شرايكم بس الحمدلله زوجي موا مقصر علي بنتي باي شي ويعتبرها بنته وهي ماتقوله الا بابا

 

[Miss independent]

حقوقها سايق وخدامة ومسكن
يعني اييبلها سايق وخدامة ويدفع معاشاتهم شهري ويدفعلها ثمن اجار شقة شهري
اما البنت شهريا من ٦٠ الى ١٠٠ دينار حسب القاضي

 

[Miss independent]

هذا غير معاش الحاضنة الي اهيا الام

 

[** باربي **]

من متى هدته ؟؟
حده راهي وينها دامها طلقته ما طالبت بحقوقها وحقوق البنت !
50 يمشيه معاش حق خدامة احسن
لا والله الخدم صاروا 80

 

[منال $]

البنات يعطيهم العاااااافية ما قصروا بالردود

 

[أبلة فاتن]

تكلم لها محامي استشاره مو شرط تحط محامي وفي محامين اهني بالمنتدى يمكن يفيدونج بهالمشكلة​

الله يحل مشكلتها يارب وحرام عليه ما يصرف على بنته بس اللي اعرفه ان الشؤون يعطون العيال​

نفقه 250 دينار​

انا صديقتي ابوها مطلق امها ووامها ما تشتغل بعد تاخذ من الشؤون 250 دينار تقريبا شهريا

لين اختها تزوجت وطبعا قالت لهم وقطعو معاشها


وهي اشتغلت جنه الحين


اتوقع الشؤون يعطونهم والله اعلم​

سألي فيها حبوبه​

 

[-فلانة-]

ليش ساكتة على عمرها جذي؟؟؟؟
الوحدة الحين لي بغت تتطلق أول ما تسوي ترفع قضايا نفقة حتى قبل لا ترفع قضية طلاق..تكون على ذمة الريال و تطالب بنفقة بعدين تتطلق عشان تضمن حقوقها و حقوق عيالها..
شنو 50؟؟ معاش شغالتي 80!!
خل ترفع قضايا نفقة مجبور يدفع لها كل شي حتى معاش الخدامة و السايق و الشقة وإذا بنتها مدرسة خاصة فيه طريقة تخليه يدفع حتى رسوم المدرسة..
الله يهداها وايد 8 سنين ساكتة عليه!!​

 

[بحر الرمال]

نصيييييحه لوجه الله
لا تروحين محامي ترا يلهفون فلوسها و التعويض اللي يطلع من زوجها كله بتدفعه اتعاب للمحامي بعدين
خل تروح المحكمه هناك اهما يحطولها محامي ببلاش

 

[brettey]

استغرب من الي تنفصل وتسكت على طليقها ولا تاخذ حقوقها ترى حرام تضيعين حقوقج وحقوق بنتج اذا تبين عندي محاميه شاطره تاخذ لج حقج من بعد الله سبحانه وراعيه ضمير تسمعج وتفهمج
او روحي المحكمه يحطون لج محامي برسوم 50 دينار بس عاد ان حط له محامي تتوهقين فالمحامي انفع لج

 

[&&&&&&&&]

اخذي حقوقك لانو يوم طلقكي ما حسبلك حساب وانتي ساكته عليه الله يهديكي

اقل شي 150 دينار بالشهر

اتقدمي للمحكمه وقدمي المصاريف اللي صرفتيها على بنتك من اول يوم للآخر

ودي وتقديري

 

[درة الديرة]

يعطيكم العافيه وجزاكم الله خير على الردود
بس لازم احط محامي ولا تمشي بالمحكمه عادي ؟
مع العلم ان ابوها لما عرف اني برفع قضيه حط له محامي

واذا لازم تعرفون محامي شاطر ؟

 

[انثى عاشقة]

حسبي الله ع الظالم ...
خليها تشوف محامي احسن لها لان عنده الجواب الاكيد ع سؤالها .​