ابي انزل 30 كيلو وش اسوي

[بنت ال نهيان]

سلام عليكم ورحة الله وبركاته
شحالكم عساكم بخير وسهاله ....



ابي اقولكم شي انا وااايد سويت رجيمات رجيم الكرفس و سرت عن دكتور تغذية واشتركته بنادي بس المشكله مافي فايدة ولا تحفيز .... ودي احد يحفزني ..و يساعدني ..

انا وزني 83 ..
طولي 150..

هدف اول : 75
هدف الثاني : 70 ..
هدف الثالث : 65 ..
هدف الرابع : 60..
هدف الخامس : 55..
اما امنية حياتي اوصل :50..

انا عمري 16 وبدش 17 كل بناتفي ها السن جسمهم مثل المنيكان ويلبسون ويكشخون انا امنية حياتي يكون جسمي ضعيف اكون غير بعد ها السنه كلها اعراس عندنا كلهم يقربولي شهر 5 بنت عمي ... شهر 6 عرس خالتي .. شهر 7 عرس ولد عمي ابي اكون غير وش اسوي انا بدي برجيم تمر ولبن ورياضة لمدة ساعة في اليوم اذا عندكم شي سعدوني ....

 

[ريم خانم]

حبيبتي انتي توك صغيره وجسمك يحتاج تغذيه ورجيم النوع الواحد من الاكل كثيير يحذرون منه مثل رجيم التمر واللبن واقل شي راح ترجعين مفجوعه بعد هالرجيم ..
انتي اسألي روحك تبين رشاقه طول العمر ولا بس لهالزواجات وبعدين ترجعين وزنك انا نصيحتي تغيرين نظام حياتك واكلك كله وكذا تنحفين وتتعودين ع نظام معين بحيث جسمك مايرجع يمتن مره ثانيه واتبعي رجيمات سهله وماتخليك تخربطين والله يوفقك وينحفك بصحه وعافيه ..

 

[بنت ال نهيان]

حبيبتي انتي توك صغيره وجسمك يحتاج تغذيه ورجيم النوع الواحد من الاكل كثيير يحذرون منه مثل رجيم التمر واللبن واقل شي راح ترجعين مفجوعه بعد هالرجيم ..
انتي اسألي روحك تبين رشاقه طول العمر ولا بس لهالزواجات وبعدين ترجعين وزنك انا نصيحتي تغيرين نظام حياتك واكلك كله وكذا تنحفين وتتعودين ع نظام معين بحيث جسمك مايرجع يمتن مره ثانيه واتبعي رجيمات سهله وماتخليك تخربطين والله يوفقك وينحفك بصحه وعافيه ..

يسلمو حبيبتي ع رد
طيب وش اسوي رجيم شربة كرفس
هذا رجيم
وتتكون الشوربة الأساسية لإحراق الدهون من هذه الخضر وات :


6 بصلات خضراء أو نبات الكرات أبو شوشة

1 كيلو طماطم مقشر

1 كرنبة

4 حبات فلفل اخضر رومي

2 حزمة كبيرة من راس الكرفس فقط

2 مكعب شوربة خضار وكميات بسيطة من الملح والفلفل والكاري والبقدونس وشوربة اللحم بدون دسم .

أما الطريقة

فهي تقطع الخضراوات قطعا صغيرة وتغطى بالماء المغلي … وتغلى لمدة 10 دقائق .. تخفض الحرارة حتى تنضج .

وهذه الشوربة لا تضيف سعرات حرارية وتؤكل عند الشعور بالجوع … وكلما تناول المصاب بالسمنة الشوربة بكميات كبيرة كلما انخفض وزنه بسرعة .. ولا يجب أن تؤكل هذه الشوربة لمدة طويلة لأنها تسبب سوء التغذية .



والإرشادات كالآتي :

تؤكل هذه الشوربة لمدة 7 أيام ينقص خلالها الوزن من 10- 17 رطلا إذا التزم بالرجيم . وإذا نقص الوزن 15 رطلا يجب التوقف عن تناول الشوربة لمدة يومين ..

وهذا الرجيم لمدة أسبوع يعمل على غسل الجسم من الشوائب .. والعلاج ببقية الأدوية مسموح به مع تناول الشوربة .

أما قائمة الممنوعات خلال تلك الفترة فتشمل – الأطعمة المحمرة – الخمور والمشروبات الغازية ومشروبات الرجيم الأخرى – تناول القهوة والشاي وعصير الفاكهة بدون سكر – مع تناول الماء .. ويمكن تناول اللبن خالي الدسم .

وتناول الشوربة خلال الأسبوع الأول له طقوس خاصة ففي

اليوم الأول : يتم تناول الشوربه والفاكهة فقط ما عدا الموز والبطيخ والكانتالوب والمانجو والعنب والبلح والتين … ويمكن تناول الشاي والقهوة بدون سكر.


اليوم الثاني : تناول الشوربة وكل الخضر وات الطازجة والسلطات الخضراء والخضر وات الطازجة والسلطات الخضراء والخضر وات المسلوقة .. مع الامتناع عن البقوليات مثل الفول والبسلة والذرة والفواكه المجففة ويمكن أكل ثمرة بطاطس مسلوقة .

اليوم الثالث : تناول الشوربة والحضر وات وإذا كنت التزمت بالرجيم حرفيا فان وزنك في اليوم الثالث قد نقص من 5- 7 أرطال .

اليوم الرابع : تناول الشوربة مع كيلو موز واحد ولبنا خالي الدسم ويشرب من 6- 8 أكواب من الماء والموز يحتوى على البوتاسيوم والنشويات واللبن به الكالسيوم المحتاج أليه الجسم .


اليوم الخامس : تناول الشوربة ونصف كيلو طماطم ونصف كيلو لحم كندوز مسلوق أو ما يعادله من السمك أو الدجاج المنزوع الجلد .

اليوم السادس : تناول الشوربة والخضروات ونصف كيلو لحم مسلوق أو مشوي .. ولا يجب أكل بدائل اللحم من السمك أو الدجاج لان الجسم يحتاج ألي بروتين اللحم .

اليوم السابع : تناول الشوربة .. والأرز البنى.. والخضر وات وعصير الفاكهة بدون سكر .. ويجب التوقف عدة أيام قبل البدء في استخدام الرجيم مرة أخرى وبنفس الطريقة .

 

[غارقة بأحزانها]

السلام عليكم ياحلوة

حبيبتي اول شي ياعمري خلي عندج ارادة وصبر

اول شي لاتبدين بريجيم قاسي مثل التمر واللبن

اول شي ابدي بالتخفيف والرياضة

ليما تتعود معدتج على الاكل القليل وتشبعج اقل كمية من الاكل
يعني قولي بعد شهر
وانا عندي ريجيم حلو ومناسب راح اعطيج اياه
وريجيم التمر واللبن حلو وزين بس يتعب اذا انتي من النوع اللي يشتهي الاكل
خلي اول جسمج يتعود عالريجيم

والحين احطلج الريجيم

 

[غارقة بأحزانها]

شاي مع حليب او نسكافيه مع حليب او نسكافيه مع مبييض لايت
وطبعا اذا بتحطين سكر حطي تروبيكانا او اي سكر دايت بعدها بنص ساعه تتريقين ( انا كنت اشرب نسكافيه مع مبييض واحط ملعقتين نسكافيه لأنه يسد النفس عدل )

الفطور :

قطعتين توست اسمر مع شريحة جبن شرايح سلايس دايت او ملعقه صغيره لبنه + خس طماط وخيار

اذا جعتي قبل الغدا او حسيتي انج تبين حلو اخذيلج :

من تمره الى ثلاث تمرات مع لبن صغير

الغداء :

قطعتين همبورغر مفيوح او مشوي او 6 الى 8 قطع شيش طاووق او نقانق مفيوح او مشوي صغار 4 الى 6 قطع او صدر دجاجه + سلطه + مشروب دايت




العصر :

شاي مع حليب او نسكافيه مع حليب او نسكافيه مع مبييض لايت
وطبعا اذا بتحطين سكر حطي تروبيكانا او اي سكر دايت ( انا كنت اشرب نسكافيه مع مبييض واحط ملعقتين نسكافيه لأنه يسد النفس عدل )


العشاء :

روب مع خيار أو نوعين فواكه او عصير مكون من ( شريحة اناناس طبيعي مع 2 كيوي مع عصير اناناس كي دي دي حطيهم بالخلاط وعقب شربيهم ) او اكليلج اناناسه كامله مع كيويه ( انا كنت اسوي العصير ومرات اكل اناناسه كامله مع كيوي يمشي البطن للي فيه امساك ووايد ساعد وزني عالنزول )


وجبه وحده بالاسبوع فري تختارين يا الفطور يا الغداء يا العشاء ونصيخه اخذوها الغده واذا تبونها عشا تعشو مبجر او قبل ما تنامون بثىث الى اربع ساعات ولاتخربونها مره وحده قلنه فري بس مو زياده عن اللزوم

نصيحه : حاولي تلبسين كورسيه يلم جسمج كله بالذات صوب البطن لمدة من 8 الى 10 ساعات اذا قدرتوا واكلوا وانتوا لابسينه عشان ما يخليكم تاكلون وايد ويساد على لم وشد الجسم

 

[ريم خانم]

غارقه ماقصرت حلو الرجيم كبدايه

 

[طريق السعاده]

حلوو الريجيم الي حطته غارقه شوفي عيوني كل ماحرمتي نفسك تاكدي بترجعين كل الي خسرتيه
انا انسانه اكثر من جرب رجيم بحيااته وانزل فوق عشرين كيلو وارجعها لاني كنت نفسك ريجيم حرمان وانزل ومجرد ماتركه يرجع ويزود بعد !!
ريجيم التمر والحليب حلو بس ماينفع لك اول شيء انتي صغيره وتحتاجين تاكلين فمثل ماقالو خواتي بالردود الي فوق غذي نفسك وغيري نظام حياتك وتكونين رشيقه طول عمرك مو مجرد كم شهر ويرجع كل شيء ويروح التعب على الفاضي
الله يسهل دربك ياالغاليه

 

[dnyay_mll]

حبيبتي شدي حيلج وقوي ارادتج وتوكلي على الله مو بس حق العروس حق نفسج اولا انتي مليتي من المتن وودج تلبسين اللي بخاطرج ابدي ريجيم من باجر دوري اي ريجيم تحسينه يناسبج بس اهم شي تخففين العشاء كثر ماتقدرين
حلو الريجيم اللي حطته غارقه وعندج ريجيمات دكتور عبدالله المطوع وريجيم عذاري وريجيمات الدكتور طالب الشمري
بس اذا بتنزلين بسرعه انصحج بريجيم دكتور حسين دشتي
موفقه يارب

 

[عشقي اناني]

رجيم النقااط

 

[Pink.Barbie]

حياتي شوفي الرجيم الي يناسبك

وبس تقرري و تتشجعي تعالي معايا بالقروب

واكتبي يومياتك و نشجع بعض

هذا الرابط

تفضلي حياكي

http://www.q8yat.com/t1022971.html

 

[لينوفر]

الله يوفقج حبيبتي وتنزلين بصحه وعافيه

ع فكرة دامج صغيرة وبنت ماتزوجتي فجسمج ينزل اسرع من الي حملوو وخلفووو




والله يعيننا

 

[حلم بيتحقق]

انا بعد ابي انزل 37 كيلو
وبعدين انزل على راحة عشرة كيلو
وابتديت رجيم تاريخ 26-2 وهو رجيم الفواكه بس انا ما اكل الا تفاح راح استمر عليه 10 ايام
وبعدين ببتدي برجيم السلطة لمدة شهر واحد
وبعدها يمكن اسوي رجيم السعرات الحرارية او غير ما ادري بس بحاول اغير كل مره رجيم عشان لا اتملل بسرعة

 

[بنت ال نهيان]

شاي مع حليب او نسكافيه مع حليب او نسكافيه مع مبييض لايت
وطبعا اذا بتحطين سكر حطي تروبيكانا او اي سكر دايت بعدها بنص ساعه تتريقين ( انا كنت اشرب نسكافيه مع مبييض واحط ملعقتين نسكافيه لأنه يسد النفس عدل )

الفطور :

قطعتين توست اسمر مع شريحة جبن شرايح سلايس دايت او ملعقه صغيره لبنه + خس طماط وخيار

اذا جعتي قبل الغدا او حسيتي انج تبين حلو اخذيلج :

من تمره الى ثلاث تمرات مع لبن صغير

الغداء :

قطعتين همبورغر مفيوح او مشوي او 6 الى 8 قطع شيش طاووق او نقانق مفيوح او مشوي صغار 4 الى 6 قطع او صدر دجاجه + سلطه + مشروب دايت




العصر :

شاي مع حليب او نسكافيه مع حليب او نسكافيه مع مبييض لايت
وطبعا اذا بتحطين سكر حطي تروبيكانا او اي سكر دايت ( انا كنت اشرب نسكافيه مع مبييض واحط ملعقتين نسكافيه لأنه يسد النفس عدل )


العشاء :

روب مع خيار أو نوعين فواكه او عصير مكون من ( شريحة اناناس طبيعي مع 2 كيوي مع عصير اناناس كي دي دي حطيهم بالخلاط وعقب شربيهم ) او اكليلج اناناسه كامله مع كيويه ( انا كنت اسوي العصير ومرات اكل اناناسه كامله مع كيوي يمشي البطن للي فيه امساك ووايد ساعد وزني عالنزول )


وجبه وحده بالاسبوع فري تختارين يا الفطور يا الغداء يا العشاء ونصيخه اخذوها الغده واذا تبونها عشا تعشو مبجر او قبل ما تنامون بثىث الى اربع ساعات ولاتخربونها مره وحده قلنه فري بس مو زياده عن اللزوم

نصيحه : حاولي تلبسين كورسيه يلم جسمج كله بالذات صوب البطن لمدة من 8 الى 10 ساعات اذا قدرتوا واكلوا وانتوا لابسينه عشان ما يخليكم تاكلون وايد ويساد على لم وشد الجسم

تسلمين حبيبتي انشالله ابدي
ادعولي ان ينزل وزني بصحة وعافية

 

[بنت ال نهيان]

حلوو الريجيم الي حطته غارقه شوفي عيوني كل ماحرمتي نفسك تاكدي بترجعين كل الي خسرتيه
انا انسانه اكثر من جرب رجيم بحيااته وانزل فوق عشرين كيلو وارجعها لاني كنت نفسك ريجيم حرمان وانزل ومجرد ماتركه يرجع ويزود بعد !!
ريجيم التمر والحليب حلو بس ماينفع لك اول شيء انتي صغيره وتحتاجين تاكلين فمثل ماقالو خواتي بالردود الي فوق غذي نفسك وغيري نظام حياتك وتكونين رشيقه طول عمرك مو مجرد كم شهر ويرجع كل شيء ويروح التعب على الفاضي
الله يسهل دربك ياالغاليه

يسلمو ع المرور

 

[بنت ال نهيان]

حبيبتي شدي حيلج وقوي ارادتج وتوكلي على الله مو بس حق العروس حق نفسج اولا انتي مليتي من المتن وودج تلبسين اللي بخاطرج ابدي ريجيم من باجر دوري اي ريجيم تحسينه يناسبج بس اهم شي تخففين العشاء كثر ماتقدرين
حلو الريجيم اللي حطته غارقه وعندج ريجيمات دكتور عبدالله المطوع وريجيم عذاري وريجيمات الدكتور طالب الشمري
بس اذا بتنزلين بسرعه انصحج بريجيم دكتور حسين دشتي
موفقه يارب

ايه ولله ودي اضعف اللبس اللي في خاطري ودي بشاء واايد لوضعفت
انشالله
انشالله ببدي برجيم حسين دشتي
تسلمين حبيبتي

 

[بنت ال نهيان]

رجيم النقااط

شنو رجيم النقاط ماعرفه

 

[بنت ال نهيان]

حياتي شوفي الرجيم الي يناسبك

وبس تقرري و تتشجعي تعالي معايا بالقروب

واكتبي يومياتك و نشجع بعض

هذا الرابط

تفضلي حياكي

http://www.q8yat.com/t1022971.html

يسلمو عالمرور

 

[بنت ال نهيان]

الله يوفقج حبيبتي وتنزلين بصحه وعافيه

ع فكرة دامج صغيرة وبنت ماتزوجتي فجسمج ينزل اسرع من الي حملوو وخلفووو




والله يعيننا

تسلمين حبيبتي
امين يوفق الجميع

 

[دآآآنــه]

ان شاء الله توصلين للي تبين
و شوفي هالموضوع ان شاء الله ينفعك


http://www.q8yat.com/t1009035.html

 

[بنت ال نهيان]

انا بعد ابي انزل 37 كيلو
وبعدين انزل على راحة عشرة كيلو
وابتديت رجيم تاريخ 26-2 وهو رجيم الفواكه بس انا ما اكل الا تفاح راح استمر عليه 10 ايام
وبعدين ببتدي برجيم السلطة لمدة شهر واحد
وبعدها يمكن اسوي رجيم السعرات الحرارية او غير ما ادري بس بحاول اغير كل مره رجيم عشان لا اتملل بسرعة

بالتوفيق حبيبتي
الله ينزل وزنا بصحه والعافية