سؤال محيرني للمتزوجات فقط

[مي دودي]

بنات انا عندي وحمة ب المطنقه الحساسه وغامقه وكبيره
ومسببه ازمه نفسية لي انا عادي متقبلتها بس بتزوج واخاف هالشيء ينفر الرجال مني يعني الرجال يدققون على هالاشياء ولا عادي ؟؟!
لان سويت بحث كثير وسمعت دكاتره قالوا انها تنشال بعملية جراحية وليزر وسالفه :eh_s(11):اذا كان منها ضرر واذا الوحمه مافيها شيء يعني ماتسبب سرطان عادي اخليها

شسوي الحين :eh_s(11):

 

[مي دودي]

اب اب اب

 

[امـ خــزامـى]

ياقلبي انت هونيها وتهون

تراها وحمه مو تشوه

انت مايهمك الرجال شوفي نفسك اول اذا مرتاحه ومتاقلمه معها خلاص عادي

الرجال ترى مايهمه المنظر كثر الجوهر اهم شي اهتمي بنفسك بالدوره وتصيرين تمام التمام

يعني اذا ريحتيه وانبسط مارح يهتم للوحمه

وموفقه حبيبتي

 

[مي دودي]

^مشكووور ه ماقصرتي


لان اذا بشيلها يبي لها عملية وسالفه والمنطقه اللي انا فيها مافيها دكتوره زينه والمنطقه حساسه صعب اغامر

 

[مي دودي]

ماقدر ارد ع رسائل الخاصه لان توني جديدة بس الاخت اللي ارسلت لي تقول نفس مشكلتي ابي تجربتها

 

[صحكة الايام]

لا تحاتي ياقلبي عااادي ..مايهتمون بالشكل ابد

 

[00اوركيد00]

اختي
فيها شامة من مؤخرتها ونازلة لنص فخذها
وكانت متعقده منها
بس تزوجت تقول حبيتها من ردة فعل زوجها تقول يشوفها علامة جمال
وكل يقول هاذا الي يميزك خخخخ شلون مادري

 

[((غلاي))]

الوحمه مو مرض اختي
ليش تشيلينها؟؟؟؟؟؟؟؟؟؟

 

[Zaina-al-zaina]

لا تحاتين وايييد

خلج شطووووره واذا بيطل ، قولي واااي استحي لاتطل !

ومن هالكلااااام ، واذا تقدرين نصيحه سوي نقش مكان الوحمه !!!!

هههههه انا سويت قيصريه وكان اثرها شوي باين كرهت عمري لان مكانها مرتفع وواضح

فحطيت نقشه مكانهاااا ، عندج نقش حنااا وفي نقش عباره عن لزقات بسرعه يروح !

شوفي شنو يناسبج !

وماتدرين يمكن يصر عامل اثاره له !

انتي اللي عليج نظفي ولاتنسين تعطرينهاا عدل !!!

وموفقه !!!

 

[كربون امها]

الحين اللي فيها وحمه تستانس انتي ليش مكبره الموضوع ترى عادي بس اذا شايفته مشكله وخايفه من المجهول توكلى على الله وسوي العمليه الجراحيه بس طبعا اسالي وايد وشوفي احسن دكتوره تسويها

 

[كلآم نواعم]

حياتي لاتشيلينها ولاتتحسسين من الموضوع لآنها وحمه خلقيه يعنى انتي
مالج ذنب فيها , وقبل كل شي شوفي ردت فعله شنو وعليه احكمي موقفج يعنى
( لا تزهبين الدوى قبل الفلعه ) . . . سي يو

 

[وضح النقآ]

مرحبا حبيبتي أنا نفسج فيني وحمه بين المنطقه والفخذ يعني مكان حساس حيل وكبيره بس مو بارزه عادي بس أنا كبيره
وانا متزوجه وصارلي سنتين عادي الوضع حبيبتي ﻻتحاتين
ومن ناحية مو ﻻزم يشوف المنطقه أنا سنتين وللحين ماشافها وكل هواش أنا وياه استحاله يشوفها ماابالع بس بضوء خافت يعني حتى مايقدر يميز اللون
ونصبحة امي هذي ﻻتخلين الرجال يشوفها لو شنو يصير بعدين تمصخين عنده خليه يتشفقلها

 

[om_3azoz]

عادي حبيبتي ليش مكبره السالفه وحمه مو مرض لاتلعبين بنفسج وتسوين ليزر وعمليه ومادري شنو
والله يوفقج يارب بولد الحلال

 

[ضحاوي الديره]

عادي حبيبتي انتي استغليها وخليها شغله تنحسب لج مو عليج
وخلج جدامه واااااااااثقه من نفسج وواثقه من شكل المنطقه جدامه وقوليله اصلا الوحمه علامة جمال واذا ماتدري ترا الحين اغلب البنات يسوونها عند العيادات ههههههههه ريال يبه مايدري شفيها العيادات وشنو تسوي صروخي على راسه شوي مافيها شي

واللي تقول لاتورين زوجج المنطقه الحساسه ليش يبه شدعوووووووووه هذي مرته وحلاله اذا ماشافها ومتع عويناته يشوف من يعني !!!
واصلا اغلب الرياييل اذا مو كلهم يحبون انهم يشوفون تقاطيع اجسام حريمهم لانها تعتبر عامل اثاره لهم
يمكن الشي اللي مو عاجبج بنفسج يكون عند زوجج علامة جمال وشي يميزج
لاتدققين وااااااايد اخذيها نصيحه مني ترا لي دققتي بكل شي ريلج هم بعد بيدقق فيج والللللللللللله يكااااافيج شرهم لي دققو يطلعون الاخطاء السبعه ههههههههههه

 

[al-musk]

عادي لاتشيلينها ولا شي شدعوة عليج ..وحمه هذي يعني مبينه انها وحمه فلاتحاتين

 

[caramella <3]

الوحمه وااايد اهون من حبة الخالة اللي تكون بارزة ,, لا تجازفين حبيبتي كون هالمنطقة حساسه حيــــــل @@

 

[Tom ♥ Jerry]

.


شوفي انتي خلج طبيعيه و واثقه من نفسج
ترا الثقخ بالنفس اهم شي
اذا بيني حق ريلج انج واثقه من نفسج حتى لو فيج الشي الفلاني
راح تعجبينه اكثر و بيحب الي فيج

انا اشوف ماله داعي تشيلينها و اهتمي بس بالمنطقه و نظافتج الشخصيه
و بس الله يوفقج ان شاء الله حبيبتي :$

 

[*Manoush*]

عادي حبيبتي انتي استغليها وخليها شغله تنحسب لج مو عليج
وخلج جدامه واااااااااثقه من نفسج وواثقه من شكل المنطقه جدامه وقوليله اصلا الوحمه علامة جمال واذا ماتدري ترا الحين اغلب البنات يسوونها عند العيادات ههههههههه ريال يبه مايدري شفيها العيادات وشنو تسوي صروخي على راسه شوي مافيها شي

واللي تقول لاتورين زوجج المنطقه الحساسه ليش يبه شدعوووووووووه هذي مرته وحلاله اذا ماشافها ومتع عويناته يشوف من يعني !!!
واصلا اغلب الرياييل اذا مو كلهم يحبون انهم يشوفون تقاطيع اجسام حريمهم لانها تعتبر عامل اثاره لهم
يمكن الشي اللي مو عاجبج بنفسج يكون عند زوجج علامة جمال وشي يميزج
لاتدققين وااااااايد اخذيها نصيحه مني ترا لي دققتي بكل شي ريلج هم بعد بيدقق فيج والللللللللللله يكااااافيج شرهم لي دققو يطلعون الاخطاء السبعه ههههههههههه

لووووول والله انا رايي من راي ضحاوي والله يوفقج

 

[&&&&&&&&]

لا تسوي شي وخليكي واثقه من نفسك

ما راح يطالع بيكون مشغول وتايه

ودي وتقديري ​

 

[انثى عاشقة]

انا عندي وحمة بزنودي اول ما شافها زوجي ايام الملكة خزني واستغرب
شنو هذي قلت له وحمة ومن بعدها عادي ما علق
ايه تدرين ذوق الرجال عجيب
انا كنت احس ايدي شوية مليانة ودي تنحف ومن هالكلام
زوجي طاير فيها يقول تجنني تكفين لاتنحفينها
شفتي شلون خلق ورزق ​