التحرش الجنسي في معهد السكرتارية الى متى !

[صاروا صدى]

بنات حاولوا تنشرون السالفه بتويتر و بكل مكان

يمكن توصل للمسؤولين !!!

خلوونا إيد وحده !!!

 

[ليش يازمن]

مرايم حبيبتى ههههههههههههههه ليش الاحراج انا كلش ماعرفله هالتويتر ولاتقبلته لو اعرف انا معاج قلبوو الله يكفينا شر هالفئه اللي مافيها خير ولاكفو تدخل مجال التربيه

 

[صاروا صدى]

التويتر شي خطير يا زمن

 

[رحيق]

لاحول ولا قوة الا بالله العلي العظيم الله ينتقم منه
ويهديه

ياريت البنات ما ياخذون عنده مواد

انا لما كنت اقرأ للعصيمي في جريدة الوطن كان قلبي حيل اعورني على البنات

الله يحفظ ويستر

 

[صاروا صدى]

لازم نتحد يا بنات !!!
نبي صوتنا يوصل !!!

 

[اخت واختها]

يعني بس القبليين الي ما يرضون على بناتهم الباجي عادي عندهم ؟؟؟ وشنو بنات حمايل الباجي بنات هيلق مثلا ؟؟

خلكم خلكم انا بشوف شون بتطورون وهذا مستوى تفكيركم

 

[حنان الحربيه]

الله يعينكم
بس معليش بقول كلمه
اذا طالبات في المعهد مثل للي نشوفهم في المسلسلات الكويتيه
من عذر الدكتور
شي مو طبيعي ميك اب كامل ملابس ياساتر
احنا في سعوديه مانسويها نخاف من المسترجلات
كيف عاد رجال!!!!!!!

الله يستر على كل البنات

 

[غلاي انا]

انا ادرس بالمعهد صراااحة في بناات استغفرالله على هالصبح كاشخه اخر كشخه كانها رايحه عرس ولا حفله مو رايحه تدرس اوكي قلنا اكشخي بس موو جذي خاافي ربج وفوق هذا تسوي عرض ازياء عند غرف الاساتذه

بذمتكم على حركااتهم هذي ماتبوون احد يتحرش ؟؟؟


بس ارد واقووول مو الكل فئه بسيصه اهي اللي مشوه سمعت هالمعهد ....


بس ما اقوول الا عسى ربي يهديييهم يا رب ..​

 

[ترانيم القصيم]

نبي حل يا بنات !
شلون يوقفون هالاستاذ عند حده ؟؟

امنعوا الإختلاط يا غاليــة ,, و ألزموا فتياتكم بالحجاب الشرعي

كل القضايا الأخلاقية - و أنـا أعني ما أقول - منشأها الخلوة و الإختلاط و عدم التزام الفتيات بالحجاب الشرعي

 

[bobo lover]

حبيبتي
اكيد ما تحرش الا شايف بنات معطينه ويه. عندنا بالجامعه دكاترة متدينيييين!! لما يشوفون البنت الصايعه واللي تتدلع غصب والله العظيم ينسون دينهم!!! وفي دكاترة يطنشون الينات الصيع واللي يتميعون غصب.

اللي تحفظ نفسها محد يتجرأ عليها صدقيني بس ما اشكك بكلامج بعد
ادري ان في قلة قليلة من الدكاترة اللي اذا حتى لو توقفينهم عند حدهم يتمادون ما يهمهم وهذول لازم بهالحالة الطالبة تشتكي عليهم.

 

[صاروا صدى]

يعني بس القبليين الي ما يرضون على بناتهم الباجي عادي عندهم ؟؟؟ وشنو بنات حمايل الباجي بنات هيلق مثلا ؟؟

خلكم خلكم انا بشوف شون بتطورون وهذا مستوى تفكيركم

حبيبتي تركتي كل الموضوع و وقفتي على هالنقطه ؟
على فكرة ترى تكلمت عن فئه معينه وولا جبت طاري الناس الثانيه !

بدال المشاكل و الوقوف عند نقطه معينه .. دوري حل على هالمشكلة اللي احنا فيها !!

الله يكملج بعقلج .. و اذا بتسوين مشاكل لا اشوفج بهالموضوع لو سمحتي

 

[صاروا صدى]

بنات ارجع و اقول البنات يتحملون 10 % من الغلط .. و الأهل 20% عشان يخلون بناتهم يطلعون بهالشكل

اما الاساتذة و الاشخاص ذوو المناصب يتحملون 70% لأنهم هم المسؤوليين و هم اللي مو قادرين يمسكون شهواتهم !
الاستاذ كبر الأب !!!

نبي حل يا بنات !!!

 

[Japanese]

انا عن نفسي لو يصير وياي جذي اسويله فضيحه!

مب بس عند ابوي الا عند العميد واي حد مسؤول عن امن الطالبات

نائب القنصل ماخليته واتصلت ع القنصل بنفسه وقلت له عن سوالف اللي موظفه عنده :/ هالدور واحد لا راح ولا جى استاذ

بجامعه :/ اشرششششحه واخلي اللي مايشتري يتفرج!

اولا : انا ماراح ارضى ع نفسي ولا ع اي من البنات ان هالشي يصير

ثانيا : دام يبي يسوي هالسوالف يروح برا الحرم الجامعه ويسويها لآن المكان مب مناسب لهالتصرفات " الا للي طبعا تبي " :/


وماتوقع صراحه وحده بتقعد تروح الجامعه تبي تغازل :/ ماتدش المخ اي روحي افتري برا ابركلج!

ثالثا : اذا مايستاهل الكرسي اللي قاعد عليه يوفره للي اكفى منه

رابعا بخصوص اهلي لا ماظن يقعدوني بالبيت ويخربون مستقبلي عشان واحد لا راح ولا جى ومنه هو الغلط

خامسا : بكل سهوووووووله اقدر اسجل كلامه ولا اسوي فيديو اخليه يتحسف قد شعر راسه انه سوا حركه مب زينه

الحلول وايد وحتى لو تجي من بنت وحده اكيد راح ينسمع لها

عاد لو انه شيخ ماسكت له

لووول احتريت ماتخيل يصير و ياي جذي وماتخيل بعد فيه ناس يستكون لهالسوالف

اي تخيلي لو انه خلاص تخرجتي وبعدها جات بنتج وسوت نفس تصرفج واسكتت؟ ولا انه بنت اختج ولا انه حد من اهلج يعني

ماترضين صح ولا؟ خلاص عيل وقفيه عند حددددده


وسلامتج :$ اسمحولي طولتها لول بس خلاص انقهرت حدي​

 

[ام صمونة]

الحل معروف يمنع الاختلاط وتكون جميع الكليات خاصة للبنات من طاقم تدريس وإدارة نسائية بنفس الوقت اللي تبي تكشخ وتلبس تلبس براااحتها
انا أشوف من وجهة نظري ان وجود رجل او أساتذة في كلية بنات هذا شي في قمة الخطورة و اصلا اللي حصل شي طبيعي ومتوقع لكن نسأل الله ان يصلح حالنا و يحفظنا من شر دعاة التحرر و الاختلاط وان يهديهم الى الحق

 

[صاروا صدى]

بنات افهموني بليز
حلولكم ما تنفع !

الشخص واسطته قوية !
والله ما كنت أؤمن بالواسطات !
حتى لو بمسألة شرف !!

لكن الآن آمنت فيها ..
قبل من غير لا يكون اخوه نائب محد قدر له !!
الحين اخوه نائب .. يعني مانقدر له !!!

الحلول اللي تكون اننا نشتكي للعميد او المديرة او الخ ماتنفع !!

الحين عصر الثورات .. عصر تويتر و الفيس بوك !
عصر الصوت العالي و توصيل المشاكل عن طريق الانترنت !

خلونا ايد وحده ضد هالشخص