شلون أرتب حمامي ؟

[دلع بآبي]

شلونكم بنات ؟

بنات أنا حمامي عادي جدا جدا مافيه الا مغسلة ومرحاض وبانيو ومساحته صغيرة

جنه حمام واحد عزوبي @_@ مو لمساحته لا لشكله

والسبب كل السبب أنا الكسل اللي فيني يمنعني من تغييييييييييرر هالشكل اللي يلوع الجبد

ابي افكاركم حبيباتي


بوصف لكم اياه اول شي المغسله جدامها منظرة مربعة الشكل بس بدون اطارات

وانا بخاطري احط اطار جذي حلوو ويعطي شكل نايس بس شلون و من وين ؟

و و و شنو بعد أحط فيه ؟ شنو أغير آزيد مني مناكي

يعني ابي اغدااااااااااااااااااااااق بالافكككار بليييييييييييييييز حياتاتي انتووو

ابي فزعتكم

 

[paraka]

اول شي بالنسبة لمنظرة المغسلة ينباعون مناظر مع اطارهم جاهزين تقدرين تشترين وتبدلين القديمة بيكون شكلها احلى وتقدرين اتييبين استاند الي يكون فيه ارفف اسلال واتحطينه بزاوية الحمام واتصففين فيه الفوط الشامبوهات الكريمات .. عشان يعطي شكل
ولو اتحطين صورة نقدر انفيدج اكثر ..

 

[دلع بآبي]

حبيبتي انتي

وايد حلوووو لو فيه هالنوعية من المناظر

حلوة فكككككرة الستآند بحصله في لايف ستايل ؟ معسكرة هناك لاأني

وجزاااااااج الله الف خير ع أفكارج

 

[دلع بآبي]

شدعوة كل هالمشاهدت وماكو الا رد واحد ؟

 

[cute katkota]

حبيبتي بحاول اساعدج كثر ماقدر

بيبتي خل اقولج شغله مساحة الحمام مو المشكله صدقيني، بس الترتيب واختيار اللون والديكورات تغيره ١٨٠ درجه

اول شي على حسب ميزانيتج مثلا اذا تبين ترميم كامل من فوق لتحت اول نقطه اذا البورسلان مضايقج وكئييب ومخرب شكل الحمام ، اول شي تغيرين البورسلان وتحطين يديد له ، تختارين بورسلان له لون حلو عاجبج ويفضل فواتح لان المساحه صغيره او ستايل معيين
وياكثرهم بشويخ، طبعا اذا عندج ميزانيه وصج معزمه تغيرين الحمام،


وانا اتعقد انج ماتقصدين البورسلان، اتوقع تقصدين ان الحمام وايد عادي ساده وتبين تغيرين شوي تزيدين اشياء وتخلينه فيه ديكورات


حبيبتي اول شي المغسله اذا عاجبتج خليها وبس غيري المنظره، اختاريلج منظره لها اطار حلو، وياكثرهم بمحلات شويخ للمواد الصحيه، ابيات، بسامكو، وغيره وغيره
واذا المغسله قديمه ومزانيتج حلوه انصحج تغيرين المغسله . تختارين مغسله يديده حلوه ويفضل تكون معلقه واهي تكون طقم مع منظرتها


وترا الديكوات تلعب دووور كبييير

اشتريلج فازات جم وحده وياكثرهم ورخاص وحطي فيهم نبات ووود صناعي مو طبيعي لان حرام بالحمام تحطين زرع طبيعي.

واشتريلج ستاند حطيه بزاويه واشتريلج سلال حلوين نعومين، وطقم فوط يكونون لون واحد او كثر من لون على ذوقج واخذي فوط صغاار اكثر من وحده،،وشموع معطره بس شبيهم شوي اذا كنتي موجوده طبعا لان مو زين بس دقايق وطفيهم لووووول

وبالستاند اكثرهم يكونون ٣ ارفف، الرف الآول حطي فيه سله وعبيها الشور جل مالج وجم لوشن تستخدمينهم
والرف الثاني حطي فيه سله ولفي الفوط الصغار بشكل حلو وحطيهم بالسله
والرف الثالث مادري لوول على حسب استخداماتج، بعض يحكون كريمات او صابون او مكياج
او ديكورات حلوه تلقين هالاشيء بايكيا وسنتر بوينت وميداس وواايد محلات


وطبعن اشتريلج طقم كامل مال الفرشه والمعجون والصابون وصابون اليد، احلى ان القلاص ومالت الصابونه مادري شسمهم خخ يركبونهم بالطوفه بالبورسلان عشان مايصير وايد حوسه عل مغسله لوول، تلقينهم بهوم سنتر وايكيا وميداس ومحلات الاثاث
وحطي عل مغسله مال الصابون السائل واللي اي مع الطقم
واخذيلج مزهريه صغيره وحطي فيها ورد صناعي او نبته عل مغسله وايد حلو

وركبيلج الستاند مال الفوط بالطوفه وكل الفوط لون واحد معين

وركبيلج جم اطار لوحات صغيره ٢ جذي كافي رسمات ورد او اي شي لوول


وبس قففففففلللللت ههههه

هذا اللي طلع معاي الحين وانشالله اكون ساعدتج اذا عندج استفسار كلميني هني او بالخاص


وموفقه حبيبتي

 

[دلع بآبي]

كتكوتة فديتج يآقلبي

ماقصرتي كفيتي ووفيتي

لا طبعآ السيراميك ماراح اغيره يبيله ميزانية محترمة بس ابي أغير الديكور

وماشاء الله عليج ماتوقعت أرد لموضوعي القى فيه هالافككار الحلوه لوول

يبيلي أسجل أفكارج بورقة وأروح آشتري المستلزمات


و و و و يمكن ارجع استشيرج مهندستنا

يعطيج الف الف عافيه حبيبتي

 

[cute katkota]

كتكوتة فديتج يآقلبي

ماقصرتي كفيتي ووفيتي

لا طبعآ السيراميك ماراح اغيره يبيله ميزانية محترمة بس ابي أغير الديكور

وماشاء الله عليج ماتوقعت أرد لموضوعي القى فيه هالافككار الحلوه لوول

يبيلي أسجل أفكارج بورقة وأروح آشتري المستلزمات


و و و و يمكن ارجع استشيرج مهندستنا



يعطيج الف الف عافيه حبيبتي

حبيبتي ولو ماسوينا شي، شفتج محتاجه جم نصيحه وعطيتج اياها. المشكله ماعرف انزل صور خخخخخ جان وريتج وفهمتي اللي اقصده اكثر

ترا مايبله شي والله كل الاشياء اللي ذكرتهم تلقينهم بالمحلات اللي كتبتهم سهالات لاتحاتين، وانشالله يطلع المكان مثل مانتي تبينه :eh_s(7)::eh_s(7):

تقبلي مروري حبيبتي

 

[مناير خزنة التاير]

خووش افكار .. وانا مثلج كنت كاتبة موضوع

بس لين الحين جاري البحث عن اشياء تليق معاي
بصفاة الغانم منزل اشياء حلوة حق الحمامات وانتي بكرامة بس غميضة ما يلوقون معاي
ومشاء الله وحدة من العضوات حاطة موضوع عن تغيرها لحمامها تبارك الرحمن كان وايد حلو وسألتها و يزاها الله خير ردت علي بالسعر عن الارفف على كبتات صغار حاطتهم بس لما رحت قالي ان خالص اظاهر كويتيات ساواو هجووووووووم عليهم بالعافية
قلت قصة حياتي

 

[العجميه سبشل]

ماحبيت اطلع بدون ما افيدج

اذا ماعندج ميزانيه حقتغير البرسلان
تلاقين بمحلات الديباجات والبطانيات اطقم الحمامات فرشه المراحيض وانتي بكرامه اذا كان عربي او افرنجي مع ستارة حق البانيو مع اطقم فرش والمعجون وسله الزباله والكلينكس حلوين

 

[سوسو حبيبتى]

لون الحمام ايه ؟؟

عشان اقدر افيدك اكتر

شوفي انا حمامي صغير نفس حمامك تقريبا ولونه ابيض

اختارنا السجاد مال الارض لونه بني ف اخضر ف بيج لاييقين مع بعض

والاكسسوارات عند المغسله لونهم بني

والبانيو حاطين الستاره بيج وعليها رسومات عشان بنتي

وحاطه مالت الفوط الى تتعلق ف الحيط وحاطه فيها فوط صغيره وشويه اكسسوارات نستخدمهم مقص وملقط وكذي

 

[تعب-قلبي]

انا بعد نفسج حدي محتاره وانا حمامي اسوء من حمامج يعني مافي حتن بانيو بس الرشاش ومغسله ومرحاض وحاطه الادراج ملوت الحمامات يعني مااقدر احط القطع حق الارضيه لان بيتدمرون مااي وماعندي مساحه احط بالحمام شي وودي اسوي ديكورات وياريت لو تساعدونا بالصور

 

[!! دلوعته !!]

ماااااااااااااااقصروا البناتانا احب اكثر شي بالحمام الفوط والووووورد