بنتي راح تنسى ويهي؟؟

[Janna-q8]

السلام عليكم

بنات اكو سؤال كل ما اطل بويه بنتي يتبادر الى ذهني

انا ناويه اسافر باذن الله 3 اسبيع و بخلي بنتي عند امي... عمرها بيكون خمس اشهر الله يحفظها

عقب ال3 اسابيع هاذي اذا رديت راح تنساني؟؟؟ و هل راح تفقدني و انا مسافره .؟؟؟ هالاسئله معووووره قلبي و ساعات يطير النوم من عيني لما افكر بالسالفه

 

[شادن33]

يحليلها فديتها والله
اكيد انتي بتتولهين عليها وايد
الله يخليها لج

 

[Espinoza]

ماراح تنساج بس تفقدج اكيد .. يعني يمكن اول جم يوم تبجي تبيج
خلي لها شي من ريحتج قميص والا شي عشان لا استعسرت بالليل بالنومة تحس فيج

ولا رديتي بعد راح تحسين جنها تعاتبج ..

حياتي انا خليت ولدي لما كان عمره 4 اشهر و سافرت حبيبي اهو يبجي هني وانا ابجي هناك لووولز

بس ماعليها خوف ان شاء الله لا تحاتينها​

 

[عسل مرت قيمر]

نفس راي الي ردت فوقي طبقيه

ماعرفت اقرا النك مالها

بس رايها عدل

 

[وصايف4]

يوووه الله يعينج وقوي قلبج
توها صغيره ماراح تفقدج انتي بس تحاتين

 

[Khota8]

الله يسامحج ام جنووي قعت ابجي
لمن سافرت كان ولدي البجر خمس شهور عطيت اهلي بدي مالي وملفع بس اول مارديت حطيته على صدري علشان يرضع جان يوخره بعد شوي رديته قعد يمص يمص وعقب طقهااااا بجيه طلعت من قلبه يعني انتي وينج وانا ابجي معاه ويومين محط عينه بعيني يعني زعلان واااي
بس الحين ماسويهاا ويا ولدي الصغير يمكن انا كبرت وقلبي صار احن
الله يوفقج ام جنوي بس جنه وايد ثلاث اسابيع انتي بتتعبين من الوله
بس انها تنساج مستحيل

 

[دآنة آلرشآيده]

لاتحاتين ماراح تنساج اللي اعرفه ان الطفل يعرف امه من ريحتهآ
بس راح تفقدج وراح تتعود ​

 

[Om_Ksha]

لا ماراح تنساج بس انتي شوفيها بفايبر دقي كل مره وسولفي معاها ،، انا بنتي مو معبرتني بس تموت اب ابوها ،،،

فاذا بنسافر احااااتي شتسوي بدون ابوها ،،

 

[الأميرة جوري]

5شهور ماتفهم تنسي .....

 

[Janna-q8]

يحليلها فديتها والله
اكيد انتي بتتولهين عليها وايد
الله يخليها لج

حياتي تسلمين.. انا قلعتي.. بس اهي اللي احاتيها

ماراح تنساج بس تفقدج اكيد .. يعني يمكن اول جم يوم تبجي تبيج

خلي لها شي من ريحتج قميص والا شي عشان لا استعسرت بالليل بالنومة تحس فيج​

ولا رديتي بعد راح تحسين جنها تعاتبج .. ​

حياتي انا خليت ولدي لما كان عمره 4 اشهر و سافرت حبيبي اهو يبجي هني وانا ابجي هناك لووولز ​

بس ماعليها خوف ان شاء الله لا تحاتينها​

جم طولت سفرتج حبيبتي؟

يوووه الله يعينج وقوي قلبج
توها صغيره ماراح تفقدج انتي بس تحاتين

ميخالف قلعتي انا بس اهم شي اهي و الله :eh_s(16)::eh_s(11):

نفس راي الي ردت فوقي طبقيه

ماعرفت اقرا النك مالها

بس رايها عدل

انتي مجربه حبيبتي؟
شلون كان الوضع؟

الله يسامحج ام جنووي قعت ابجي
لمن سافرت كان ولدي البجر خمس شهور عطيت اهلي بدي مالي وملفع بس اول مارديت حطيته على صدري علشان يرضع جان يوخره بعد شوي رديته قعد يمص يمص وعقب طقهااااا بجيه طلعت من قلبه يعني انتي وينج وانا ابجي معاه ويومين محط عينه بعيني يعني زعلان واااي
بس الحين ماسويهاا ويا ولدي الصغير يمكن انا كبرت وقلبي صار احن
الله يوفقج ام جنوي بس جنه وايد ثلاث اسابيع انتي بتتعبين من الوله
بس انها تنساج مستحيل

هههههه خوتا دمعتج غاليه لا تبجين
شكثر طولتي لما سافرتي؟ زين ماشاء الله ما نسى يمص الله يحفظه

لاتحاتين ماراح تنساج اللي اعرفه ان الطفل يعرف امه من ريحتهآ


بس راح تفقدج وراح تتعود ​

ايييييييييييييه الله يعين و الله.. تسلمين عالرد قلبي ريحتيني

لا ماراح تنساج بس انتي شوفيها بفايبر دقي كل مره وسولفي معاها ،، انا بنتي مو معبرتني بس تموت اب ابوها ،،،

فاذا بنسافر احااااتي شتسوي بدون ابوها ،،

يحلوووهم و الله يشوفون الفايبر و يفهمون لووول

خلاص خلي ابوها بالكويت يمسكها و انتي سافري و غيري جو لووووول

 

[noo7a]

راح تفقدج
بس اكيد ماتنساج
راح تحسين بنظرتها لج اول ماتشوفج انها ولهانه عليج

 

[Janna-q8]

واااااااي حبيبتي .. نوحا خليتيني اتخيل منظرها ودي الحين اقعدها من النوم و المها :***

 

[بقلبي انت]

ياقلبي خمس شهور صغيره يمكن تفقد ريحتج بس ماراح تنساج
اذكري ربج وبعدين اهي 3 اسابيع مو 3 سنين يعني المده قصيره تعوذي من ابليس وماكو غير الخير
لاتوسوسين

 

[نـعـومـه]

ياااي ٣ اسابيع شلون تصبرين تغيبين عنها !


اذكر اختي خلت ولدها عندي عمره ٥ شهور اوقبل ٥ شهور شوي كان يبجي وايد مادري ادا فاقد امه او لا

بس صغير عادي مايفهم

من عمر ٩ شهور سنه هنيه يفهم

 

[Khota8]

الله يحفظج ام جنوي وماتغيبون عن بعض من غير شر ان شاءالله
ومدة السفره كانت اسبوعين ولمن كنت مسافره اشفط صدري ثلاث مرات او اكثر شوي شوي جنه ياهل يمص وجبته المعتاده عشان ماينشف
لمن رديت الحمدالله كملت معاه

 

[جلكسيه اس 3]

لا ماراح تنساج بس انتي شوفيها بفايبر دقي كل مره وسولفي معاها ،، انا بنتي مو معبرتني بس تموت اب ابوها ،،،

فاذا بنسافر احااااتي شتسوي بدون ابوها ،،

خوش حل
انا لمن سافرت جذي سويت
عاد اول ما رديت و شفتها مو امد ايدي لها اول مو راضيه تتغلا بعدين قطت روحها علي

انا اقول اخذيها معاااج حرام حيل صغيرووونه

 

[Janna-q8]

سكرتيره انا فكرت جديا اني اخذها بس محد مشجعني يقولون حرام تغربلينها

بقلبي انت
تهقين يعني؟؟

خوتا
اخذتي معاج عيل شفاطه يدويه صح؟؟ احس عمليه اكثر بالسفر

نعومه
و الله مادري شلون بصبر

 

[Om fhoood]

حبيبتي انا مريت بنفس الوضع رحت امريكا شهر وولدي عند امي مت بجي وقهر

شوفي من ناحية تفقدج لا انتي اللي بتفقدينها

ومن ناحية تنساج لا طبعا انتي امها

انا اول مارديت انصدم لما شافني وتحسينه شايف احد يعرفه بس مو امه وشوي شوي رد عادي

لاتكبرين السالفة وروحي استانسي هذي بنيتج شلتيها 9 شهور وتعرفج وتعرف ريحتج وتدري انج امها

 

[om.7madiiin]

واااااااي بجيتيني عيوني غرقت ذكرتيني لما سويت حادث وتواءمي عمرهم 5 شهور مايابولياهم الطبيب اسبوعين انتحرت بجي وانحشت من الطبيب ههههه لالاتحاتين بالعكس بس انتي راح تستخفين

 

[Janna-q8]

ام فهود
طمنتيني و الله المشكله ان ابوها مو راضيي اسفرها معانا بعد

ام حمادين
الحمدلله على سلامتج و بعلم الشرطه عليج لانج انحشتي هههههه