قلب محطم .. زوجي والخيانه

[bitter-sweetness]

حبيبتي صلي استخاره ان تهدينه او لا
بس لو انا جان ما قعدت معاه

 

[moonfragrant]

شكرا لكل من رد علي

 

[((shoOoshoOo))]

ربي يهديه !

 

[pink Barbie]

شوفي حبيبتي الطبع يغلب التطبع وعلى قولتهم بو طبيع ما ايوز عن طبعه
اذا هاذي اولها ينعاف تاليها دامكم انتوا بالبر ليلحين مادري شنو وضعج بس بكلمج عن شخصيتي بدون تردد راح اختار الانفصال
باجر بيصير عندج عيال منه وصعبه تنفصلين عنه وانتي ذكرتي انج كرهتيه عيل شناطره خليه يولي انتي تستاهلين واحد احسن من جذي خليها تكون مسألة كرامه انتي مو طايحه بجبد نفسج وحياتج ماراح توقف عليه واللي متعاطفه معاه تقول لا تقولين حق ابوه بتهتز صورته قلعته اصلا خل تحرجه يالله يحس شوي انا اشوف هذا مو مال مسوؤليه كلش ودامكم بالبر ليلحين قرارج بيدج اي طريج بتمشين الهم والنكد والا طريج ممكن ان اييلج واحد يعوضج

الا الخيانه امبييييييه انا احترييييت

وبالنهايه القرار لج واستخيري بعد مثل ما قالو البنات

 

[انثى عاشقة]

لو مكانك انفصل عنه !!!
ملكة وربي فضحه لك اهون من انك تكتشفين هذي الامور بعد زواج وعيال
هذا كذاب لان كلام الحب والغزل عنده كوبي بيست لا اكثر ولا اقل !!!
استخيري والقرار لك بالنهاية ​

 

[ريماس77]

الخيانه صعبه ومستحيل تنسين خياناته وتنهز الثقه اللي اقوله لج يااما تخلين احد يكلمه او انج تصبرين لين يمل ويطخ

 

[انا لها شمس]

انا لو كنت مكانج وبعد ما صدته اول مره وعطيته فرصه ثانيه وهم مااااتاب
والله لو اني اعشقه واموت بهواه ماراح اقدر ارتبط فيه

مو لاني انصدمت لاني احبه وصعب حيييييل اتحمل خياناته
انتي ليلحين ماعشتي معاه بيت واحد
وشفتي ان الزواج مو بس حب علاقه اخذ وعطا بيصير
وبتصيرين اقرررررب وبتظلين تراقبينه ليل ونهاااار وبيكون احرص
راح تشيبين قبل عمرج

مثل ماقدرتي تتركينه عشان اختج اتركيه عشان نفسج لان الريال اللي يخون
والله مايترك خياناته وهذا طبع ابن ادم الله يكافينه شره

وربي يعوضج بكل خير وصالح لج

 

[منال $]

ادا من اولها هيك غزل وكلام اباحي شو بس تتزوجو راح يصير الوضع
مالك الا هالحلين يا انك تواجهية ووتحملي وتصبري علية يمكن وهدا احتمال ضعيف انة يتغير( احتمال يكون بيتسلى) مع انة في اكتر من طريقة يتسلى فيها غير هالمواضيع

او انك تشتري راحتك الواحد بيتزوج عشان يرتاح مو كل يوم قصة ومشاكل

واكيد قبل ماتختاري واحد من الحلين لازم تستخيري

الا تعالي قوليلي لما كشفتك اختك( مع العلم انك قلتي مشكلة صديقتك وتكلمتي بصفت الانا) مو موضوعنا شو كانت ردت فعلة ولية مو من وقتها جا خطبك

 

[RowTow]

هاذي مشكلتكم يالبنات.
تاخذون شباب معروف عنهم إنهم خربانين و حتى صلاة ما يصلون و انتو كلكم ثقه إنه يتعدل بعد الزواج.
حبايبي, الرجال ما يتعدل بعد الزواج, سلطان الزوج على زوجته أقوى من سلطانها عليه, يعني اهي اللي تخرب مو اهو اللي يتعدل.
اللي تتزوج فاسق تصير نفسه أو على الأقل تقوم تكلم و تغازل, و أعتقد شايفين من المواضيع اللي يحطونها البنات. إلا من رحم ربي.

أستغفر الله مادري شنو أولوياتكم.
إذا وحده قالت متقدم لي فقير و الا متين شرايكم آخذه و ممكن الله يغنيه و يعدله قلتوا لها لأ, شضمنج الله بيغنيه.
أما لما يتقدم لها سكير و سرسري تقولون لها كل الرياجيل جذي يتغير بعد الزواج, و لما تجيكم تشكي و هي عروس قلتوا لها يتعدل بعد الأولاد, و بعد 5 أولاد تجيكم تشكي تقولون لها ألحين بتهدينه؟ ما بقى بالعمر كثر ما راح.
ترى مو كل الرياجيل جذي. في رجال تخاف ربها و ما تغلط و هي متعمده و بعين قويه.

انتي أدرى بنفسج.
و اسمحي لي بس ما دمتي كلمتي هذا من قبل يعني عندج القابليه تزلين مره ثانيه.
و آنا خايفه إذا شفتي زوجج خربان خربتي نفسه.

و عقلج براسج تعرفين خلاصج.

 

[عطاء أنثى]

محد راح ينفعك الا امــــك اسأليها واكيد حلها بيكون بيرفكت

 

[حجيه هيونه]

والله سالفته سالفه

لو كل سوالفه خرابيط ليش يبي يتزوج الحين !!

ولو تزوجتيه شدراج انه باجر ما يقعد يشك فيج من الي شافه من الحريم الى عرفهم !!


استخيري وتوكلي على الله

 

[^همآليل^]

حتى لو كنتي تحبينه راح تكرهونه مع الوقت
مؤ حلو تعيشين مع انسان له نقطه سوده في قلبك
على حسب كلامك الاشياء اللي شفتيها مؤ هينه

أنا لو مكانك باختار الانفصال .. أحسن ما اعيش حياتي الباقين بعذاب وشك وغيره
دامك على البر للحين اختاري ألراحه

واللي جابه بيجيب غيره ؛)

 

[brettey]

لحد يقص عليج و يقول لج عقب الزواج بيتغير انتي ليلحين عالبر انا لو مكانج ما استمر

 

[moonfragrant]

هاذي مشكلتكم يالبنات.
تاخذون شباب معروف عنهم إنهم خربانين و حتى صلاة ما يصلون و انتو كلكم ثقه إنه يتعدل بعد الزواج.
حبايبي, الرجال ما يتعدل بعد الزواج, سلطان الزوج على زوجته أقوى من سلطانها عليه, يعني اهي اللي تخرب مو اهو اللي يتعدل.
اللي تتزوج فاسق تصير نفسه أو على الأقل تقوم تكلم و تغازل, و أعتقد شايفين من المواضيع اللي يحطونها البنات. إلا من رحم ربي.

أستغفر الله مادري شنو أولوياتكم.
إذا وحده قالت متقدم لي فقير و الا متين شرايكم آخذه و ممكن الله يغنيه و يعدله قلتوا لها لأ, شضمنج الله بيغنيه.
أما لما يتقدم لها سكير و سرسري تقولون لها كل الرياجيل جذي يتغير بعد الزواج, و لما تجيكم تشكي و هي عروس قلتوا لها يتعدل بعد الأولاد, و بعد 5 أولاد تجيكم تشكي تقولون لها ألحين بتهدينه؟ ما بقى بالعمر كثر ما راح.
ترى مو كل الرياجيل جذي. في رجال تخاف ربها و ما تغلط و هي متعمده و بعين قويه.

انتي أدرى بنفسج.
و اسمحي لي بس ما دمتي كلمتي هذا من قبل يعني عندج القابليه تزلين مره ثانيه.
و آنا خايفه إذا شفتي زوجج خربان خربتي نفسه.

و عقلج براسج تعرفين خلاصج.

اختي تعقيبا على كلامج
الرجال على الي شفته عليه مو معروف عن خربان وسرسري على قولتج
للاسف سمعته جدااااااااا طيبه وراعي مساااااااااااااااااااجد ومايترك صلاه الجمعه

يعني سمعته قدام الناس نظيفه جدا جدا بس ياما تحت السواهي دواهي


ووشو اخر نفســــــــــه؟؟ عجبي
ياكثر مواضيع الخيانه بالمنتدى ورجال خربانه اجل زوجاتهم يخربو الله يهديج ياختي


شكرا لكل من رد

وان شاء الله قررت ادخل اهله بالموضوع وبشوف وش يستجد

 

[Mrs.Q]

سمعتي يا حبيبتي اللي يخون مرة يخون الف مرة دامج ليلحين عالبر استخيري وانفصلي عنه باجر يصير بينكم يهال وتبتلشين
حتى لو دخلتي اهله ماكو فايدة يمكن جدامهم شي وجدامج شي ثاني ويمكن يقلب الموضوع عليج

 

[أم عزيـز]

اتوقع خيره الله كشفه لج مرتين علشان يبعدج عنه وما ترتبطين فيه
واذا دخلتي اهله بالسالفه يمكن راح تكبر وراح تفضحينه جدام اهله ويمكن اهو اللي يكرهج ويبيعج
فإنتي دامج لي الحين بنت اتوقع بيدج انتي اللي تبتعدين وتقولين له السبب الساسي
علشان يعرف ان بنات الناس مو لعبه وانج اذا سامحتي مره مو معناته راح تسامعين الف مره وتتنازلين
خاصه عن الخيانات والعلاقات المشبوهه والاباحيه
ما تدرين باجر اذا خذيتيه ينقلج الامراض لا سمح الله

الله يكتب لج اللي فيه الخير

 

[كيندر بوينو]

ابتعدي بعععععيد اخذت واحد نفس نوعيته شوفي لا ليلي لييل ولانهاري نهار واخاف اطلع من الشقه يجيب وحدده من اللي يعرفهم

حتى مسيار ماقدر اخليه ومراقبته ولا اعيش مرتاحه اشك بكل دقه بجواله وقلبي كارهه وصابره عشان بنتي لو يرجع الزمن مااخذته

 

[همس الجروووح]

يااحبيبتي تراا كل الرجال عندهم خراابيط الاا ما رحم ربي وهذي حياتج

 

[*peace*]

شوفي حبيبتي الطبع يغلب التطبع وعلى قولتهم بو طبيع ما ايوز عن طبعه
اذا هاذي اولها ينعاف تاليها دامكم انتوا بالبر ليلحين مادري شنو وضعج بس بكلمج عن شخصيتي بدون تردد راح اختار الانفصال
باجر بيصير عندج عيال منه وصعبه تنفصلين عنه وانتي ذكرتي انج كرهتيه عيل شناطره خليه يولي انتي تستاهلين واحد احسن من جذي خليها تكون مسألة كرامه انتي مو طايحه بجبد نفسج وحياتج ماراح توقف عليه واللي متعاطفه معاه تقول لا تقولين حق ابوه بتهتز صورته قلعته اصلا خل تحرجه يالله يحس شوي انا اشوف هذا مو مال مسوؤليه كلش ودامكم بالبر ليلحين قرارج بيدج اي طريج بتمشين الهم والنكد والا طريج ممكن ان اييلج واحد يعوضج

الا الخيانه امبييييييه انا احترييييت

وبالنهايه القرار لج واستخيري بعد مثل ما قالو البنات

معاها ١٠٠٪

 

[Um Tuki]

قسم بالله مو نيتي اخرب بيتج

بس اللي هذا اوله ينعاف تاليه

ساليني و الله عن هالخيانه انا عرفت ان زوجي يخوني ثاني يوم ملكه و ياليتني انفصلت
لين اليوم اشك فيه مو مرتاحه نفسيا



لا تخربين حياتج و استخيري بس والله اتركي قلبج و فكري بعقلج

لا تظلمين نفسج