رقعه بقلبي وراسي ثقيل احس بفقد الوعي ساعدوني

[ღ•»الًـجٌـوِرٌيّ«•ღ]

مشكلتي من تقريبا جم شهر حوالي 8 شهور جذي وبين فترات تييني حاله مثل خمول ودوخه مع رقعة بالقلب وصداع شوي واحس نفسي يروح وقتها ماتنفس عدل واحس جنه بيغمي علي ومالي خلق كل الي حولي والله قمت اخاف من هشي كله افكر بموت وجذي مادري شفيني من 8 شهور قام هشي يصيرلي بين فترات مادري شسوي ووين اروح رغم اول مره صارتلي رحت الاميري طواري بليل قالولي مافيج سي يمكن هبوط وقاسو الظغط وتخطيط قلب قال كل سي سليم !! بس قام هشي يتكرر معاي وقمت اخاف واوسوس بصراحه مادري شسوي ووين اروح اتطمن وللي يعافيكم ادعولي بشفاء ورحت سويت تحاليل دم شامل وغده مافي شي
والحين ذبحني الوسواس والتفكير ابي اروح لدكتور مختص وشاطر دلوني عليه وابي فحص مت راسي لين ريولي
تكفون ادعولي الله يشفيني وقولولي. عن دكتور زين واختصاصه شنو هل باطنيه اروح ولا قلب ولا اعصاب؟؟

 

[ديمــــــــــه]

بسم الله على قلبتس
دامك رحتي وكشفتي وطلع كل شي سليم وشوله الوسواس صدقيني هالوسواس والتفكير هو سبب تعبك وهو اللي بيزيد عليك الاحساس بالتعب تعوذي من ابليس يمكن انتي ماتاكلين زين او اكلك مو صحي حاولي تشربين كل يوم عصير برتقال فريش او نومك مو تمام ترى كل هالامور سبب مباشر في تكرار الدوخه وخفقان القلب
واسأل الله العلي العظيم رب العرش العظيم ان يشفيك ويريح بالتس

 

[ღ•»الًـجٌـوِرٌيّ«•ღ]

مشكوره حبيبتي جزاج الله خير

لا ماسويت اي فحص بس دم

لازم اروح لدكتوز متخصص يسويلي فحوصات ثانيه والله تعبت

 

[مناي@]

روحي للدكتور عبدالناصر العثمان بالجابريه (هرمونات وغدد) وشرحيله حالتج وراح يطلب منج تحاليل معينه مثل فيتامين دال لان نقص هالفيتامين يسبب بلاوي واذا طلع كل شي اوكي عندج طبياً اتوقع انها عين والله أعلم ارقي نفسج وراح تتحسنين بإذن الله وما تشوفين شر يالغاليه ولااااا توسوسين

 

[اشلون يعني &]

يمكن عندج نقص أكسجين بالدم فمسبب لجالاعراض
او تخثر دم ترى مو زين ممكن يسبب جلطات والجلطات تؤدي يا شلل او موت
عليج
بفحص الدم من ناحية نسبة الأكسجين ومن ناحية تخثر الدم
انصحج تروحين لدكتور باطنية
وان شاء الله ما يطلع فيج الا العافية

 

[متفائله للحياه]

بما انك تحليلك سليم عليك بالرقيه الشرعيه
نفس اعراضي ويجيني الم من رجولي ويرقى الى فوق ودقات قلب سريعه وحالات احس ماتنفس زين
لكن انا عندي نقص فيتامين د وكالسيوم واتعب بالرقيه
الله يشفيك ويشفي جميع المسلمين

 

[روحي82]

انا رفيجتي نفسج بالضبط وطلع فيهاا كهرباا بالقلب وسولهاا قسطره والحين الحمدالله ماافيهاا شي بس امنعهوهاا تااكل منبهاات مثل الجااي وجذي والله يشاافيج ياارب

 

[ღ•»الًـجٌـوِرٌيّ«•ღ]

روحي للدكتور عبدالناصر العثمان بالجابريه (هرمونات وغدد) وشرحيله حالتج وراح يطلب منج تحاليل معينه مثل فيتامين دال لان نقص هالفيتامين يسبب بلاوي واذا طلع كل شي اوكي عندج طبياً اتوقع انها عين والله أعلم ارقي نفسج وراح تتحسنين بإذن الله وما تشوفين شر يالغاليه ولااااا توسوسين

جزاج الله خير حبيبتي ومادري والله شفيني بالظبط تعبت

ادعولي بالشفاء العاجل :eh_s(2):

 

[ღ•»الًـجٌـوِرٌيّ«•ღ]

يمكن عندج نقص أكسجين بالدم فمسبب لجالاعراض
او تخثر دم ترى مو زين ممكن يسبب جلطات والجلطات تؤدي يا شلل او موت
عليج
بفحص الدم من ناحية نسبة الأكسجين ومن ناحية تخثر الدم
انصحج تروحين لدكتور باطنية
وان شاء الله ما يطلع فيج الا العافية

لاتخرعيني بسم الله :eh_s(2):

مادري وين أروح تعبت رحت امس الاميري طوارئ باطنيه وانا مابي الطواري مايصير يدخلوني على العيادات الخارجيه

وشرحتله حالتي قال مافيج شي ويتي تحالي قلت اي سويت تحاليل دم شامل قال بس خلاص مافيج شي ليش الوسوا س
وشوي طلعت ورحت البيت مادري وين اروح وشنو التحاليل الي تقولين عنهم هل يبينون بالتحاليل الي سويتهم ولا شنو غير

واذا عندج دكتور زين قوليلي عفيه :eh_s(2):

 

[ღ•»الًـجٌـوِرٌيّ«•ღ]

بما انك تحليلك سليم عليك بالرقيه الشرعيه
نفس اعراضي ويجيني الم من رجولي ويرقى الى فوق ودقات قلب سريعه وحالات احس ماتنفس زين
لكن انا عندي نقص فيتامين د وكالسيوم واتعب بالرقيه
الله يشفيك ويشفي جميع المسلمين

جزاج الله خير والله يشفينا ويعافينا

 

[ღ•»الًـجٌـوِرٌيّ«•ღ]

انا رفيجتي نفسج بالضبط وطلع فيهاا كهرباا بالقلب وسولهاا قسطره والحين الحمدالله ماافيهاا شي بس امنعهوهاا تااكل منبهاات مثل الجااي وجذي والله يشاافيج ياارب

:eh_s(11): خوفتيني الله يستر ومايطلع فيني شي

بس حبيبتي قوليلي شسوت رفيجتج ووين عالج ووين راحت اي دكتور فحصها علشان اعرف :eh_s(11):

وشلو بين معااها هشي:eh_s(2):

 

[اشلون يعني &]

http://www.google.com/url?q=http://...IQFjAA&usg=AFQjCNHlFpBOkt8FmKt38GZp8hFggK8tvA

خلي يشوفج دكتور باطنية ويصوب لج تحاليل دم من ناحية التخثر والأكسجين مو تقولين شامل بس قولي له أبوي اشوف سيولة الدم والأخير
وترى علاجها بسيط هو الاستمرار على الأسبرين خصوصا الي تتعدى عمر الثلاثين بس ديري بالج اذا تعودتي على الأسبرين تهجينها
اذا هدتيها بتذبحين نفسح
وان شاء الله مايطلع شيء فيج
وبعد ماتخلصين من الدكتور. الله الله بالحجامة ترى يطلع من جسمج المواد الضارة من الدم والجسم
والرسول محمد صلى الله علية وسلم وصى بالحجامة

ماتشوفين شر

 

[ღ•»الًـجٌـوِرٌيّ«•ღ]

http://www.google.com/url?q=http://...iqfjaa&usg=afqjcnhlfpbokt8fmkt38gzp8hfggk8tva

خلي يشوفج دكتور باطنية ويصوب لج تحاليل دم من ناحية التخثر والأكسجين مو تقولين شامل بس قولي له أبوي اشوف سيولة الدم والأخير
وترى علاجها بسيط هو الاستمرار على الأسبرين خصوصا الي تتعدى عمر الثلاثين بس ديري بالج اذا تعودتي على الأسبرين تهجينها
اذا هدتيها بتذبحين نفسح
وان شاء الله مايطلع شيء فيج
وبعد ماتخلصين من الدكتور. الله الله بالحجامة ترى يطلع من جسمج المواد الضارة من الدم والجسم
والرسول محمد صلى الله علية وسلم وصى بالحجامة

ماتشوفين شر

تسلمين حبيبتي ماقصرتي وادعولي بالشفاء
وتوني على الثلاثين

 

[فله]

نفس حالتج جتني وانا نفاس والحين ولدي عمره ٩ شهور ومازالت تجيني
مدري وين اروح خمول رقعه دوخه لاوعي امشي مسبهه
وسبب لي قلق وتوتر وكله ابي اقعد في بيتي كرهت الناس والطلعات مع أني اجتماعيه وناجحه
الحمدلله بس هابشي تعبني والكل قال حاله نفسيه اسمها القلق الاكتئابي بس أنا الحمدلله مافي شي يخليني أتعرض للحاله الاكائابيه
المهم بروح لدكتور باطنيه واشرح له حالتي لأني اتوقع انها قولون عصبي

 

[Perfume]

حبيبتي ممكن انيميا او هبوط بالضغط
سوي اشعة مقطعية للراس والجيوب
وتخطيط قلب مرة ثانية
لا تحاتين ممكن يكون تعب وارهاق