(تعطير البيت وتنظيفه والاهتمام بأشيائك الخاصة):
أول شي: بنات انا لما اهلي ودوا اغراضي اتفقت معاهم على طريقة الترتيب وانا كنت مقسمة الاغراض ومفهمتهم عدل.. لما وصلوا كلموني فيديو وراووني كل شي (الشقة وطريقة ترتيبهم لاغراضي واماكنها) علشان ما احووس.
المهم انا رحت وحمدلله كل شي مرتب ومعطر.. بس... بعدين بديت انا اخرب كل الشغل :krkrkr:
والله تحسسسسسفت لاني كنت رايحة اماكن وشارية المقسمات وداشة النت ومدورة عن كل شي ورتبت اغراضي ورديت صنفتهم مرة ثانية وشاورت الكل واخير شي كبتي صار عفيسة واغراضي اقطها باي درج وانتهينا
بس السبب مو لاني مهملة (مع اني فعلا مهملة) بس لاني كنت استحي والريال معاي بنفس الغرفة اتفشل ابطل الكبت احط قميص النوم مع القمصان والملابس الداخلية فصرت أحذذف
بنات نصيحة لاتصيرون مثلي واذا تستحون حطوا الملابس الداخلية بعلب والقمصان بعد..
في بسنتر بوينت واعتقد زهور الريف وغيره من هالمحلات.. نفس الكور الخشبية اللي فيها ريحة او الجياس اللي فيهم ريحة.. خمممي منهم ويفضل انهم بريحة وحدة وانا ارشحلكم اللافندر (الخزامى) وحطوهم بين الملابس بالكبت علشان الملابس تتنقع بهالريييحة.. خاصة اذا القمصان اوالملابس الداخلية بعلبة بتطلع الريحة نظاااااافة
وعندهم الاوراق اللي تنحط بالكبت بعد من الشايع.. نفس رول فيه اوراق بحجم معين اشتري وايد وخل اهلج يحطونهم بالرفوف
نصيحة لكم شيين لاتهملونهم: ترتيب سريرج وزبالة حمامج وغرفتج :eh_s(7):
اول ماتقعدون من النوم على طول رتبي السرير.. وخلي عادة عندج انج تشبين البخور كل يوم الصبح :rerrerek:
بالنسبة لتنظيف البيت.. بنات انتوا بدشون شقة يديدة ونظيييييفة وصدقوني اهتمامكم فيها بيصير بسيط وسطحي بس لو اهملتوا بتروح فيها شقتكم وتصير نفس شقتي وتتوهقووون :eh_s(2):
علشان جذي شيين لازم تشترينهم.. الديتول وصابون فيري..
وانا بعطيج قائمة بالاشياء اللي لازم تشترينها (هالشي طبعا بعد الزواج):
- ديتول العادي
- ديتول 4 في واحد للارضيات
- فيري
- صابون تايد
- صابون نفس تايد بس رخيص للارضيات
- كومفورت
- كلوركس
- بخاخ مستر مسل اللي يكون حق كل شي
- كلينكسات كلوركس المبللات
- هاربر للمرحاض
- اسفنجات "اذا ماعندج"
- فوط صغيرة "اذا ماعندج"
- المساحة مالت السيراميك مع طشتها مادري شسمه :krkrkr:
- طشتين او ثلاث
- المساحة العادية اللي تمسح الماي
- المخمة العادية
- مكنسة كهربائية واخذي وحدة حجمها صغير ترى كلهم نفس الشي لاتتفلسفوون
- اوتي عادي مع طاولته او اوتي بخار
وراح اعطيكم طريقة تنظيف البيت وغسيل الملابس :eh_s(15):
