اللي مستغنية عن الخدامة و متحكمة بشغلها برة البيت و داخله اتدش

[Winter Q8]

المحضرة ب ٢٤,٤٠٠ د.ك توني مجيكه عليها بالموقع .. و الخلاطة ب ١١,٨٠٠ د.ك.‏
https://www.xcite.com/ar/small-housewares.html

 

[Winter Q8]

بنات غـــــــــــــــــــــــــبار :eh_s(2): .. أمس منظفة كل البيت ..
وااي لااا .. ولدي مريض و صدره تعبان مو ناقصين ..
الحمدلله على كل حال :eh_s(1):

 

[ليمون ونعناع]

يعطيج العافيه ونتر
سلامته ولدج مايشوف شر


اول مرة ادري عن الغانم اون لاين حلوة

ودي اشتري محضرة الطعام والخلاط

 

[ليمون ونعناع]

الله احب بولو
انشالله اكو مقاس ولدي

 

[ليمون ونعناع]

سنتربوينت مسوين تنزيلات ليوم السبت25٪الناس قاعدة تخم

 

[بقلبي انت]

الله يستر الجو مقلوب غبار وهوا قوي
الله يعين اصحاب الربو انا احس بكتمه بصدري اشلون اهم

 

[بقلبي انت]

ليمونه امس رحت وشريت منهم اغراض لغرفة نومي
ومنزلين بضاعة الصيف بس موكله عليه سيل بعضه

 

[بقلبي انت]

والله يبيلي آلة الهرس حييل تفيدني

 

[Winter Q8]

المحضرة عجيبة أنصحكم فيها ..
و آلة الهرس هم زينة احنا متعودين نضرب فيها الهريس و اليريش لان نسويه شوي خشن مو ناعم حيل .. و اسهل بدال لا انقله بالخلاط و أرد احطه على دفعات ..
...
توني يعت و مابي أخربط بالاكل خصوصا تالي الليل مو زين فسويت لي شوربة خلاصة الخضار من أرض الطبيعة لذيذة و طعمه مثل الماجي و أفيد منه لانه طبيعي و مافي أملاح أحادي الصوديوم بالماجي الضارة .. و كل المكونات اورقانك و استخدمتها ذيك اليوم بشوربة المشروم بدال الماجي و الصراحة الشوربة طلعت لذيذة .. لان خلاص بقطع الماجي مامنه فايدة الا مضرة ..

Ps لـ زوجي توام روحي : شفتي شلون انا قرقة و ما اسكت لول

 

[Dloool_q8]

بقلبي انت مابي جذي مرتاحه وشغلي ماشي الحمدلله

بوبا محضرة طعام عندي مالت مولينكس احب هالماركه

 

[بقلبي انت]

بالعافيه ونتر صج والله الماجي مامنه فايده بس حلو ويا الاكل يعطي نكهة

والله شيشتوني علي محضرة الطعام هذي بفكر فيها


دلووول ان شاءالله دوم مرتاحه ياقلبي

 

[Dloool_q8]

حياتي تسلمين

بوبا بتسوون بالواتس اب قروب والا مجرد اقتراح

 

[اطباق ماي ورد]

هلا زيتونه ايه والله احسنلى شسوى

القلايه موجوده بالغانم شفتها من قبل فتره حتى فيها ميزتين تقلى وممكن تصير حق الفوندو

وشنو ممسحه اش تو او اول مره اسمع فيها ​

 

[اطباق ماي ورد]

ملزلزه ... تستهاهلين الطيب ....خوش شى شكلى بروح اخذ منها باجر تدرين اليوم طلعت مع اعيالى ما شاءالله عليهم لويه

خذيتهم وياى سنتر بوينت مو متعوده عليهم معاى جذيه حتى لو كنت اخذهم كانت قبل الخدامه ويحوسون يمها اقولها تتابعهم عشان اخذ

راحتى بالتسوق بس الحين ماكو خدامه ما شاءالله عليهم قرقه وكل شوى سؤال ولا حنه ويا بعضهم وانا اسكت ما تسكت

والا يمه ابى هذا وابى هذاك مت ههههه احس بعد ظهرى تيبس من الوقفه وقبلها مشتغله بالبيت وبعد الطلعه رحنا زياره حق ناس

الحين ميته حدى

والدش ووشر مشكله يبيلى احط المواعين كلها يمى وابسط على كرسى وارتب بالداخل

 

[سوسو حبيبتى]

هلا بنااات

جمعه مباركه عليكم

دلوول الواتس اب اقتراح يبي له دراسه لووول شكووو

بس للحين انا قاعدة اتعلم عليه لما اصير شاطرة بسوي لكم جروب

ولهت عليكم كلكم

الله يهدي سوسو كل اقتراحاتكم ماتنفع معاها

زيتوونه مرات باباي يااييي بمووت ع الحدوته دي ذكريات طفووله

انتي نفس تفكيري احب التيفال واحب الفوت بروسيسور

ونوعه ميلونكس بيجي خلاط مع فرامه مع عجانه مع كل شي

مع مالت التوابل

حلووة وعمليه

 

[سوسو حبيبتى]

يارب ديم علينا الصحه والعافيه

وجمعتنا الحلوة

 

[بقلبي انت]

اهلا ياسوسو ازيك ياحبيبتي الله يكون بعونك علي سوسو العفريته

والواتساب مايبيله شي حلو وسهل وبسيط >>شرح درس
*
الله يخليلك سوسو يارب وتشوفيها عروس

 

[اطباق ماي ورد]

ونتر ....خوش شى اول مره ادرى عن سايت الغانم يبيله طله

وحلوه صانعه القهوه ابى منها بجم ؟

والخلاط حلو دايم استعمله حق الهريش والجريش والشوربه بعد

والمحضره حلوه وشامله انا يبيلى وحده الحين

خدامتى اللى راحت كسرت لى مالتى لا وخاشتها جنها ما سوت شى

وعلى طارى الغبار انا اليوم دايره على البيت كله وامسح وتالى يوم اطلع والا غبار

والماجى المكعبات والشوربه بطلتها من زمان عقب ما سمعت عنهم بلاوى رحت المطبخ وطلع كل شى منهم وسيده يكرم السامع بالزباله مو ناقصين امراض


​

 

[بقلبي انت]

بقلبي هواها صاجه والله الروحه للسوق مع العيال لعوزه ويصدع راسج منهم لا وكله كوم
وإذا قالج ولدتج بروح الحمام كوم ثاني دايم تصير فيني
لاخذت ولدي معاي السوق اسم الله عليه اهو هادي ومايأذيني بس سالفة الحمام
تأزمني حيل *

 

[بقلبي انت]

والله بحاول امتنع عن الماجي بس شنو البديل عنه