مسستحييل تعيشون بدون خدامه بالزمن هذا
الحين المره موظفه تجي تعبانه شلون تغسل وتطبخ وتدرسً وتركض ورا عيالها
نفسكم عليها حق
ماتقدرين تسوين كل هذا شغل البيت بروحه يتعب الطفل يهد الحيييين وزوجج بعد يبيله تكشخين له وتدلعين
ماعتقد يكون لج خلق
لازم خدامه
تقومين الصبح مجهزه الريوق الخدامه وتتريقين وتلبسين عيالج وتروحين دواماتكم
تجين البيت تلقين الغدا جاهز والبيت نظيف والملابس مغسله ومكويه تتغدون وتقيلون لاقعدتم تلقون الساي والقهوه جاهزين وتفرغين تدرسين عيالج وتقعدين مع عيالج والخدامه بالمطبخ
وتروحين بعدها زواره الخدامه تلحق عيالج وتراقبهم وهم يلعبون وانتي قاعده مع اهلج وخواتج مرتاحه
ولا خلصتوا رديتي البيت تسبحتوا ونومتي عيالج ونامت الخدامه وكل شي نظيف وجاهز تتفرغين حق زوجج
مو راحه
لو ماعندج خدامه لا طلعتي عيالج منو يمسكهم !!!
بتروحين عند الناس وعيالج معاج ماسكتهم !! توقين امج او خواتج لهم خلق كل يوم ماسكين عيالج
لا رحتوا البر او المزارع عيالج بيلعبون مع العيال تبين تهدين الحريم وتلحقين ولدج !!
الولد يبي يلعب مع العيال يبي يقرقع لا جا وقت القرقيعان
وراكم رمضان تعب تعب وراكم عيد العيال بيعيدون يبيلهم متابعه
صعبه يابناااات فكروا بنفسسسكم الخدامات مو كلهم شر
صيري زينه مع الخدامه وعلميها الشغل وخليها راح تتقنه وتحفظ عيالج
انتي لاصرتي زينه وماتتبعتيها راح تصير زينه
في حريم شغلهم الشاغل الخدامه يقدون يراقبونها لا سوي جذي لا غلط ليض وليش !!
جيبوا لكم سيلانيه او هنديه زينات
شوفي حبيبتي سالفه اني اراكض ورى عيالي واخلي قعده الحريم هذا واجبي وفطرتي اللي الله فطرني عليها يعني المرا اللي تسوي جذي مو نقص وموعيب ....
إلا بالعكس المرا اللي تقط عيالها على الخدامة وهمها نفسها هاذي النقص بعينه وموكفو عيال ...هذا اولا
نجي للنقطه الثانية سالفه صيري زينه مع الخدامة تصير زينه لا حبيبتي غلطاااااااااااااااااانه وانا اقولج ليش لان معظم الخدم يبي لهم تأهيل نفسي .... لانهم يتعرضون لعنف جسدي ونفسي من كانوا صغار فشي طبيعي تغار من عيال معزبتها اذا شافتهم مرتاحين واهي لا ماذاقت الراحه واهي صغيرة ولاتهنت بحياتها ...
فإذا انتي الله رازقج بخدامة تحب عيالج وزينه ..حمدي ربج لانها تعتبر كنز وندره والدليل على كلامي روحي مكاتب الخدم وشوفي البلاوي اصلا اشكره الخدامة تقول انا اطق لاني مابي بيبي
