سوالف طلبات النت (( مكياج و أغراض تنظيم المكياج ))

[JvvvC]

طلبي من sleek makup

اول ما استلمت البوكس

التغليف روووعه بمعنى الكلمه مع اني طلبتهم على عنواني البريطاني مو السعودي
بس وصلوا سليمين

هني تذكرت ضماي انت مع الفاصل مال mbc دراما خخخخ

الي فوق هذا هديه لان طلبي كان ب 62$

وهذي البلشرات روووووعه

اسماء البلشرات

Pixie pink
Pomeqranate
Sunrise
Rose gold

اما الباليتات مو لي كلهم فما صورتهم

 

[JvvvC]

اي نسيت اقول وزن الشحنه 0.66 kg
بــ 100 ريال

 

[{ سحر الوَرد *]

تراااتااا كيييف حااالكم ​

مس بلنق​

مرررحب مررررحب
تووه ما نور الموضوع
حياج ويانا فديتج عطينا من تجاربج الحلووة وتصويرج العجيب ​

ضماي إنت وعسل ​

علييييكم بالعااافية اوردرات سلييك.. متى دوري
ربعي في الداوم كل يوم يجابلووني هااا متى توصل شدواتنا ههههه
جانزين سويت نفسكم وطلبته على أرامكس <<< ماافي صبر عند هالمدمنات
بقول لكم قصتي
أمس دوامي كان كررررف متعــب.. قاعدة أسوي ريبورت الشهر اللي طاف
تميت أشتغل فيه 5 ساعات ونص.. حتى ماطلعت بريكي ولا تغديت ​

خلص دوامي فلت البيت تعباانة حدي كنت وقاعدة اهلوس ابي اكل وابي انام وابي اكشخ واطلع هههههه
نمت شوي بعدين قعدت اطلع فلم في اللابتوب وحاطة يميني كندر الاصابع واكل بدون شعور وقطوتي راقدة صوبي على مخدتي @@
لا تشوفون شكلي كنت حدي مأيسة​

شوي ولا تييني اختي وهي قاعدة تسولف معاي وتتعدل حق ربعها وانا نص مركزة
ولا تقوللي.. أي صح وصلج بوكس اليوم جفتيه؟​

فزيت فززة لا تشوفونها ههههههه أقولها صـــــج؟؟ وييين؟ شكبرر حجمه؟ ثقييل؟
<<< عشان أخمن شنو هوو ​

أختي تقولي @@ بسم الله شفييج ههههههههه
أقولها انتي ماتدرييين جم اوردر قاعدة انطر
قلتلها بسرعة روحي تحت وييبي لي البوكس.. لان ربعها تحت
وكل شوي اقولها يالله بسرعة تقولي يه شفيج خلني اخلص ​

المهم رااحت ويابته ومن حجمه عرفت شنو اهوو
أصباااغ الأظافر الستة اللي طلبتهم من ايباي كلللوووللوووش ​

بصراحة التغليف عجيييب.. ممتاز صج 100/100
البياعة حاطة الاصباغ الـ 6 في كرتون صغير قدهم بالضبط..
وصاكته
وحاطته في كرتون أكبر..
وحاطة فلينات صغار جنهم ربيان ههههه في الكرتون الصغير والكبير
صج صج تغليها بروفيشونال.. ​

هذي لنكها حطيتها لكم من قبل.. للي ماجافته​

http://myworld.ebay.com/beautyzone2007/​

أكيد بطلب منها مرة ثانية ​

طبعا ماصورتلكم.. لأن كان الوقت ليل وماتطلع الصور مضبوطة
صورت صورتين حطيتهم في انستاغرام..
بس مابحطهم لكم.. بصور لكم صور عدلة ويا بلاشرات سليك وبحطهم ​

يعني تأكدت إني صج مدمنة رسمي بس سمعت إن لي طلبية وبطلتها تغيرت حالتي 180 درجة @@ حتى تعب الدوام راح وصرت نشيطة خخخخخ ​

أي وامس وصل اوردر اختي ورفيجتي.. أرواج ماك من نوردستروم
ووصلولي الأسبرين.. وصل صندوق ارامكس في نفس اليوم ويا اوردر نوردستروم فحسبوهم وزن واحد ​

مراوي​

الأسبرين أستعمله حق ماسك
تاخذين حبتين او ثلاث.. تذوبينهم بشوي ماي
بعدين تخلطينهم ويا عسل وتحطينهم على ويهج كله لين يجف جذي ثلث ساعة تغسلينه بدون فرك ​

فايدته يا طويلة العمر يصفي البشرة لان الاسبرين فيه سلساليك آسد
هالمادة واايد مفيدة لصفاء البشرة.. حتى لو تقرون مكونات الغسولات والتونكات تحصلونها​

انا صارلي جم شهر اسوي الماسك
بس كنت اتوهق في الاسبرين.. جربت مال المستشفى ومرتين شريت من الصيدلية
اهو الماسك يفضل تسوينه بالاسبرين اللي مو مغلف عشان يذوب بسرعة
اللي موجود عندنا كله يكون مغلف.. وصغاااررر
كنت اضطر اطحنه واخلطه.. ومايذوب بسهولة بعد ​

خذت من الصدلية نوعين.. مرة العادي الصغار ومرة عطوني نوع مو مغلف بس ايي فوار.. مارتحت له ​

فهذا طلبته من دراق ستور ماركة Walgreens
الغرشة راااهية فيها 500 حبة @@
من النوع اللي مو مغلف فبسرعة يذووب
وسعره يابلاش بـ 4 دولار <<< صج اني دفعت له تقريبا 3 للتوصيل بس يسوى ​

انا من جم شهر بشرتي يتها فترة تعبت شوي وفيها اثار حبوب
هالماسك صج مفعوله سريع! اول الايام كنت استعمله يوم وترك بعدين صرت كل اسبوع
انا اذا ماعندي عسل اخلطه بحليب وساعات بروحه.. بس احسن شي العسل
ومرة قريت في بلوغ وحدة انها تذوبه وتستعمله ويا الغسول مالها دايركت
اذا ماخاب ظني سباركل بعد تستعمله.. ​

عقب ماتغسلينه مباشرة تحسين بشرتي لينة.. بس يفضل تستخدمين كريم مرطب لأن ساعات يجفف​

كتبوا في قوقل Honey Aspirin Mask بتشوفونه من الماسكات السهلة والمشهورة
وفي يوتيوب بنات حاطين تجاربهم بعد​

عسل​

تصدقين كنت بشترك في وورد شيب ايام عرض بو دولار. يوم دشيت ولا كان توه مخلص من جم ساعة​

انزين سعر الشحن شلون عندهم؟ مقارب لارامكس ولا وايد اغلى؟
على فكرة.. انتوا بالسعودية ارامكس اغلى مننا!
تدفعون للكيلو 100 ريال صح؟ يكون باوندين تقريبا؟
احنا اذا الوزن 3 باوند ندفع 10.5.. يعني 105 ريال
اذا باوندين ندفع 7.350 يعني حول 73 ريال​

الباوند الاول يحسبونه لنا 4.200
وكل باوند اضافي 3.150 ​

انا مرتاحة معاهم.. أمينين
قبل اسبوعين لما وصلني اوردر نوردستروم كان واصل معاه بنفس اليوم اوردر نيكد 2 من سيفورا <<< هدية رفيجتي
المهم انهم وصلوا بنفس اليوم لنيويورك.. كان بينهم ساعات
شحنوا الاول والثاني مانشحن.. حسبوهم لي كل واحد بوزنه
كلمتهم في تويتر إن وصلوني بنفس الوقت ليش شحنتوا واحد والثاني لا؟
قاللي اذا بينهم ساعات احتمال نسويلج دسكاونت وعطاني ايميل البحرين
طرشت لهم
ردت علي وحدة انه احنا ماعندنا تجميع
وشرحت لي العملية عندهم..
ان احيانا غرضين يوصلون بس فرق بينهم ساعات فلما يودونهم الشحن يصيرون بكونتينر مختلف
واحيانا الكونتينر ينملي فقطعة تنشحن وقطعة لا ​

واحيان ثانية يجمعونهم
المهم انها شرحت لي وقالتلي بس بما انج زبونة عندنا راح نحسب لج هالمرة المجموع الكلي للبوكسين بدل كل بوكس بروحه ​

يوم وصل لي البوكسين.. عطاني السعر على اساس كل واحد بروحه مو المجموع
دفعت.. ونسيت السالفة
عقب كم يوم تذكرت الايميل قلت خل اقولهم اني ترى دفعت كامل
رديت على ايميلها قللها ثانكس بس ترا وصلوني البوكسين قبل كم يوم ودفعت للاثنين كل وزن بروحه ​

ردت علي ان نعتذر وراح نطرش لج الفلس بيتكم
ردوا لي 4.200 <<< قيمة باوند واحد وحسبوه لي جنه باوند منفصل.. مو 3.150 مالت الباوند الاضافي ​

فأنا وايد مرتاحة معاهم من ناحية السيرفس.. الدعم الفني والتواصل عندهم بتويتر والايميل ممتاز ​

بس مايمنع اني اشترك في وورد شيب كمساند في حالات اني احتاج تجميع!​

نسكافه ​

شخباارج يا حلوة؟
جنج اختفيني فترة؟​

صج وصلولج السبري؟ ما شاء الله..
كنتي طالبته بروحه في بوكس ولا مع اغراض غير؟؟ ​

انا مرة كنت بطلب من دراق ستور سبري تريزسمي اللي يحمي من حرارة السشوار
على اساس بيكون مع باقي الاغراض واحتمال يطوف.. بس من حظي كان اوت اوف ستوك حزتها ​

وبعدين مرة ثانية خفت اجازف وينكسلون طلبيتي​

بقرأ عن السبراي اللي حطيتيه..
لأن تونا شارين سشوار نفس مال الصالونات وهذا حرارته عاالية
يعني لازم اشتر لي منتجات عناية وحماية ولا بينعدم شعري من الزين.. بروحه مصبوغ x_x ​

اممممم خلصت كلامي
عسى بس مانسيت أحد
قولوا عقبال مايوصلون أوردراتي العطور وسليك وكليرا سونك وايباي هالجم يوم
عشان اصورلهم لكم فالويكند مرة وحدة ​

 

[مراوي22]

JVVVC

ياخطيره إنتي من وين يات الفكره على بالج وآنه فكرت إنها عسل بس بلغه ثانيه أسبانيه بنغلاديشيه شي جذي هههههه

:eh_s(9):

ياحلاة الكارتون يونس شكله لمن أجوف كارتون شحنه واصلتني أنسى همومي والعنا

البلشرات حلوين صج التصوير ظالم الالوان بس جايفه لهم سواتش :rerrerek: تتهنين فيهم


سحوووووره

ضحكتيني عيشتيني الجو تعرفين حالتي في الدوام ألحين نفس حالتج بالضبط وآنه أقرا كلامج منبطحه على الكيبورد حدي دايخه والشغل سهده يعني كلش رايحه علي

بس صج ضحكتيني :krkrkr: وأختج حدها بارده ليش ماقالت لج سيده شكلها مالها في المكياج مثلنه لو آنه بدالها من زمان بطلت الكرتون حتى لو ماكان لي

آنه أشتط وأطلب ورا بعض ومافيني صبر أنطرهم إتصيدني حالة كآبه كله أحس تأخرو ضاعو مابيبونهم أو أو في خطأ في الموقع وما إنحسب أقعد على نار أوووووف

ألحين طالبه
الكونسيلر هارد كاندي
3 باليتات وت أند وايلد
باليتين سليك
بروشات سيقما
2 سبري سكندنافيا

وليحين لاطرشولي تراكين نمبر ولاشي :bbbiu:

أفكر باجر أشحن بطاقتي وأفتح حساب ورلد شيب وبعدين أطلب مره ثاني باليتات وت أند وايلد الاخضر إلي حطيت صورته

 

[M!$$_BLinG]

مراوي٢٢
فديتج النور نورج يا قلبي
والله تصدقين دوم اقول بتلحلح و بطلب بس اتهايز!!
==

نسكافه
سحر الورد

فديتكم والله تسلمون لي و صدقكم بغض النظر من وين الطلبيه يوم توصل تونس

----

اليوم وصلت طلبيتي اول مره اخذ اغراض من drug store
طبعا وصيت وحده تيبهم لي وطلع سعر الشحن 65 درهم
وفي باليتين ما وصلوا بعدهم !!

اهم شي فالموضوع ان كل شي سليم و قولو لي لو اخترت صح لاني شريت جذي عالله ههههههههه

اول شي نأسف على الصور المب شي !! بس صورت لكم ع السريع لان ولد اخوي ما شاء الله عليه ناوي يهجم عليه ههههه

 

[M!$$_BLinG]

وهاي اغراضي من سليك خذتهم من تاجر في دبي فرق التصوير يوم ع راحتي هههههه


SLEEK
FUSCHIA-STILITTO-CANDY CANE
LIP STICKS



ROSE GOLD-PIXIE PINK BLUSHERS



MASCARA+EYELINER PEN + A GIFT







FACE CONTOUR KIT

 

[مراوي22]

ماشاء الله يهبلون أغراضج وصج توفقتي في الشدو هاي بالنسبه لي أحلى باليت من وت أند وايلد

بوصف لج شكلي بالضبط قاعده أجوف الصور وآنه أبتسم يوم وصلت نهاية الموضوع أوتعيت وإنتبهت لنفسي قلت ألحين إشفيني آنه مستانسه :krkrkr: صج صج تبارك الرحمن تصويرج حلو نفس سحوره يشوق


والبلشر بعد في بالي ذي صبري عليه إنتي بس وين بيروح عني _03BA:

وتقولين عطوني رايكم حبيبتي إنتي ذوقج يهبل أكيد كلشي تاخذينه حلو تتهنين فيهم :rerrerek:

 

[M!$$_BLinG]

ماشاء الله يهبلون أغراضج وصج توفقتي في الشدو هاي بالنسبه لي أحلى باليت من وت أند وايلد

بوصف لج شكلي بالضبط قاعده أجوف الصور وآنه أبتسم يوم وصلت نهاية الموضوع أوتعيت وإنتبهت لنفسي قلت ألحين إشفيني آنه مستانسه :krkrkr: صج صج تبارك الرحمن تصويرج حلو نفس سحوره يشوق


والبلشر بعد في بالي ذي صبري عليه إنتي بس وين بيروح عني _03ba:

وتقولين عطوني رايكم حبيبتي إنتي ذوقج يهبل أكيد كلشي تاخذينه حلو تتهنين فيهم :rerrerek:

هههه حياتي انا والله
وانا اقرى كلامج و شاقه الحلج بعد
والله انج انتي الذوق حبيبتي
والحمدلله اني توفقت فالاختيار
و ان شاء الله احوس في اماكن ثانيه
انا طبعي ادور الاشيا لي احصلها بسعر انسب عشان جيه تحصليني اهجم هجوم

 

[JvvvC]

سحر الورد

الله يعافيج حبيبتي و انتي بعد عليج بالعافيه وصول اغراضج
انا حطيت عنواني في بريطانيا لان لو اكتب عنواني السعودي بنطر حول الشهر
وانصحج تشتركين بالوردشيب لان ماتسوى علينا ارامكس غاليه و مافيها تجميع
بالنسبه للشحن اكو عندهم ممتاز توصلج خلال 3 ايام عن طريق dhl و عندهم شحن اقتصادي ارخص عن طريق ارامكس يوصولج من 5 الى 7 ايام عمل و يكون بس يومين بالاسبوع الاثنين و الخميس هذا بالنسبه للاقتصادي و السريع طوال ايام العمل

و الورلد شيب يفيد حق طلبات المكياج لانها علب صغيره و ما تاخذ مساحه وخصوصا اذا كانت من عده بائعين مختلفين يعني بايع تاخذين منه كحله و الثاني بودره و الثالث باليت
ايمعونهم لج و جذي بكون سعر شحنهم مقارب لارامكس اذا شحنوا لج بس الكحله بروحها مثلا


انا طلبت من سلاب بيس الشدو الي لونه ابيض مثل ضماي ولو حطيت عنوان ارامكس بيني ابروحه ب 60 ريال لكن حطيت عنوان الورلد شيب عشان يوصلني مع باجي اغراضي الي طالبتهم من امازون

وعلى فكره هالعله ارامكس فوق ان اسعارهم غاليه ماعندهم توصيل للبيت او للعمل
كل ما وصلني غرض دزوا لي مسج عشان استلمها من مكتبهم
و عاد مكتبهم الي في منطقتنا صعب توصلي له عشان الشوارع مسكره
من اقول لزوجي ارامكس يعصب :eh_s(16):

مستفيده من ارامكس بس عشان العنوان البريطاني و الا الامريكي فيه غيره

مراوووي

هههههه ضحكتيني انا احب جذي اسامي عندي لسته اشكثر حق المنتديات بالطريقه هذي :eh_s(15):
وان بغيتي تفتحين حساب بالورلدشيب و تطلبين باليتات وت أند وايلد اكتبي لهم في الملاحضات ان يغلفوهم لج , لان الورلد شيب يسوي لج اعاده تغليف , يعني ايمعون اغراضج ابوكس واحد
فقولي لهم يغلفون الباليتات زياده بس عشان لا يتكسرون


مس بيلنغ

اغراضج اتينن و تصويرج روووعه عليج بالف عافيه حبيبتي :rerrerek:

 

[نسكافه]

عسل
مبروك وصولهم بالسلامه والتغليف وايد حلو
بالعافيه عليج حبوبه
وصادقه والله كافي مكياج انا شكلي بحول على السكن كير والشعر
هههههه يعني لامفر من المخاسير
بس اكذب عليكم لو اقول مابطلب مكياج لابد من فتره لفتره

 

[نسكافه]

مس بيلنق
واوووو شنو هذا خبلتي بنا التصوير فنان يفتح النفس للتشري
البلاشرات يمي يمي شكلهم عذااااااب شرايج فيهم كلهم ابي تفاصيل لاني ناويه
على هذي الماركه من مدحتها سحر الورد وانا خاطري فيها
والفرش شرايج فيهم حلوين ولا عاديات

 

[نسكافه]

p

نسكافه ​

شخباارج يا حلوة؟
جنج اختفيني فترة؟​

صج وصلولج السبري؟ ما شاء الله..
كنتي طالبته بروحه في بوكس ولا مع اغراض غير؟؟ ​

انا مرة كنت بطلب من دراق ستور سبري تريزسمي اللي يحمي من حرارة السشوار
على اساس بيكون مع باقي الاغراض واحتمال يطوف.. بس من حظي كان اوت اوف ستوك حزتها ​

وبعدين مرة ثانية خفت اجازف وينكسلون طلبيتي​

بقرأ عن السبراي اللي حطيتيه..
لأن تونا شارين سشوار نفس مال الصالونات وهذا حرارته عاالية
يعني لازم اشتر لي منتجات عناية وحماية ولا بينعدم شعري من الزين.. بروحه مصبوغ x_x ​

اممممم خلصت كلامي
عسى بس مانسيت أحد
قولوا عقبال مايوصلون أوردراتي العطور وسليك وكليرا سونك وايباي هالجم يوم
عشان اصورلهم لكم فالويكند مرة وحدة :​

سحوره
انا بخير حبيبتي متابعتكم وانا اقدر اغيب عنكم شلة احلا تشيش ههههه فديتكم
السبراي طلبته مع ماسك للشعر من نفس الشركه ماحبيت اجازف واطلب اكثر
خفت مايجيبونهم
واذا خاطرك فيه السبراي اطلبيه مع كم غرض بس يكون مب غاليين وان شاءالله يجيبونه
امممم استشوار الصالون هذا انا استخدمه من زمان بس اخليه للمناسبات اما في البيت استخدم
العادي او السيراميك شعري مب ناقص صاير خفيف
وشو لون صبغتك انا بعد صابغه والحين ابي اغير شفت بامازون عندهم صبغات حلوه
بس خايفه مايجبونهم يبي لي اجازف واطلب
ويارب يوصلون باقي الاغراض بالسلامه

 

[مراوي22]

مراوووي

هههههه ضحكتيني انا احب جذي اسامي عندي لسته اشكثر حق المنتديات بالطريقه هذي :eh_s(15):
وان بغيتي تفتحين حساب بالورلدشيب و تطلبين باليتات وت أند وايلد اكتبي لهم في الملاحضات ان يغلفوهم لج , لان الورلد شيب يسوي لج اعاده تغليف , يعني ايمعون اغراضج ابوكس واحد
فقولي لهم يغلفون الباليتات زياده بس عشان لا يتكسرون




إنزين سؤال أخير :eh_s(10):

إنتي لمن تطلبين شغله تراسلين موقع الورلد شيب وتقولين لهم يخلونها مايرسلونها أو إشلون يعرفون إنج طالبه اشياء أكثر عشان يجمعونها لج

 

[مراوي22]

p
سحوره
انا بخير حبيبتي متابعتكم وانا اقدر اغيب عنكم شلة احلا تشيش ههههه فديتكم
السبراي طلبته مع ماسك للشعر من نفس الشركه ماحبيت اجازف واطلب اكثر
خفت مايجيبونهم
واذا خاطرك فيه السبراي اطلبيه مع كم غرض بس يكون مب غاليين وان شاءالله يجيبونه
امممم استشوار الصالون هذا انا استخدمه من زمان بس اخليه للمناسبات اما في البيت استخدم
العادي او السيراميك شعري مب ناقص صاير خفيف
وشو لون صبغتك انا بعد صابغه والحين ابي اغير شفت بامازون عندهم صبغات حلوه
بس خايفه مايجبونهم يبي لي اجازف واطلب
ويارب يوصلون باقي الاغراض بالسلامه

ذكرتيني بالصبغ :eh_s(2):

كنت ميته أبيه حلوووو والاحلى إنه مخصوص للشعر الغامج يعني بيفيدنه إحنه الخليجيات إذا نبي نفتح اللون هو من لوريال بس ماينزل عندنه هاي النوع وفي اليوتيوب وايد جفت بنات يصبغون منه وشعرهم عذاب اللون جنه شغل محترفين بس مثل ماقلتي ماطلبته لأنه جفت في المحضورات مكتوب بالحرف إنه صبغ الشعر ممنوع فقلت بلاها بس ليحين أبيييييييه

وصيت خالي إيبه لي وطبعت الصوره له لأنه أعرف الريايل بالحجي ماراح يفهمون تخيلي راح لندن فرنسا ولا حصله يقول كل الانواع فيه إلا ذي وإنتو ماتبون إلا الشي إلي مافي منه

:bbbiu: عيل البنات من وين يايبينه كل أغراضهم من الدرج ستور

لالايبيلي آنه سفره :eh_s(10):

البارحه أفكر وأخطط وأتحلم أقول يبيلي روحه تايلند أول شي حق تشري ثياب وااااي على ثيابهم ومره وحده أمر على نارس ولورا مرسيه عندهم تعرفين لفيت أغلب مجمعات بانكوك عشان هالماركتين :krkrkr:

وبعدين يبيلي روحه لأمريكا وأتربع بوسط الدرج ستور عندهم

تررررررن

ترررررن

إلا المنبه يصيح

وبعدين صحيت للواقع الاليم لا درج ستور ولا نارس ولالورا ولاثياب ولاصبغ ولامكياج قووووومي روحي الدوام تأخرتي :lkmnkl:

 

[JvvvC]

مراوووي

هههههه ضحكتيني انا احب جذي اسامي عندي لسته اشكثر حق المنتديات بالطريقه هذي :eh_s(15):
وان بغيتي تفتحين حساب بالورلدشيب و تطلبين باليتات وت أند وايلد اكتبي لهم في الملاحضات ان يغلفوهم لج , لان الورلد شيب يسوي لج اعاده تغليف , يعني ايمعون اغراضج ابوكس واحد
فقولي لهم يغلفون الباليتات زياده بس عشان لا يتكسرون




إنزين سؤال أخير :eh_s(10):

إنتي لمن تطلبين شغله تراسلين موقع الورلد شيب وتقولين لهم يخلونها مايرسلونها أو إشلون يعرفون إنج طالبه اشياء أكثر عشان يجمعونها لج

خذي راحتج حبيبتي سألي اهني كلنا انساعد و نعين ونعاون ههه على الخراب لووول

لما يكون ببالي اكثر من شغله بأكثر من موقع احط عنواني بالورلد شيب

و لما يوصلون كلهم احط علامه صح على كل اغراضي و اختار خيار ( ارسال طلب الشحن )

بعدين تختاري نوع الشحن اقتصادي او سريع

تختاري تأمين على الشحنه او لا

بعدين يسوون لج اعاده تغليف ( ايمعون اغراضج ابوكس واحد ) و يحطون لج تكلفه الشحن

على حسب الوزن و على حسب سرعه الشحن

بعدها تدفعي المبلغ اما بالكريدت كارد او بالتحويل البنكي لصاحب الشركه ( مكتوبه حساباته كلها بالنسبه لنا بالسعوديه اما البحرين و دول الخليج اتوقع الدفع بس بالكريدت كارد )

و حطي ببالج الشحن الاقتصادي عن الورلدشيب فقط الاثنين و الخميس عن طريق ارامكس

اما الشحن الممتاز او السريع يكون عن طريق dhl طوال ايام العمل اي وقف

 

[مراوي22]

نعين عالخراب :krkrkr:

هالموضوع بكبره خراب بيوت

وايد عجبتني طريقتهم تعرفين الشركه إلي كنت مسجله عندهم TNT إشلون طريقتهم توصلج الشحنه ياخذونها على طول ويشحنونها يعني ماينتظرون منج لا رساله ولادفع ولين وصلت البحرين يطرشون إنفويس عالايميل أدخل موقعهم أدفعه بعدين يطرشونه لي البيت

آنه ما إخترت هالشركه بس البنك إلي فتحت فيه بطاقة النت أهمه متعاملين مع هالشركه وكان التسجيل معاهم مجاني ويعطونج العنوان بعد مجاناً فقبلت على طول

وزين إنهم خلاص سكروها الشركه عندنه جان ولا بفكر أسجل في شركه ثانيه

مشكوره حبيبتي وماقصرتي إن شاء الله بكره أشحن بطاقتي وأفتح الحساب على طول وأي سؤال عندي أكيد بسندرج فيه

 

[om MaRyooM]

علييييييييييييكم بالعافية

 

[M!$$_BLinG]

مس بيلنغ

اغراضج اتينن و تصويرج روووعه عليج بالف عافيه حبيبتي :rerrerek:

تسلمين يا قلبي من ذوقج الحلو
:eh_s(7)::eh_s(7)::eh_s(7):

====

مس بيلنق
واوووو شنو هذا خبلتي بنا التصوير فنان يفتح النفس للتشري
البلاشرات يمي يمي شكلهم عذااااااب شرايج فيهم كلهم ابي تفاصيل لاني ناويه
على هذي الماركه من مدحتها سحر الورد وانا خاطري فيها
والفرش شرايج فيهم حلوين ولا عاديات

:eh_s(22):
فديتج والله اخجلتيني بصراحه
مشكلتي انا احمس ع الدمار والادمان هههههههه
البلشرات روعه لونهم واضح بيكسي مات و يجنن عالخدود
روز قولد فيه لمعه لونه اقوى من اورقازم شفته انا في يوتيوب البنت نيكي كانت مسويه لوك و شفته على مدح ربيعتي له وخذته لي ولها :eh_s(15):
الفرش للحين ما جربتهم وهم vegan ناعمااااااااااااااات

====


وللدمار بقيه هههههههه:eh_s(17):

 

[{ سحر الوَرد *]

صديقااااتي صباااح الخيير

شخباااركم؟



هالشهر خلاص لازم أتقشف من الحين للمعاش ><

نزل البارحة الآيباد اليديد..

كنت حاطة في بالي إنه كالعادة يعلنون عنه وعقب اسبوعين يبتدي الطلب قلت زين ويا المعاش


ولا امس اعلنوا عنه وفتحوا الطلب نفس اليوم @@ وطبعا انا خلصت فلوسي على الاوردرات هههههه

حاكتنـــي يدي مادري شيصبري 20 يوم >< فكرت أتهور واطلع فيزا عادية بس اطلب بها والايباد وبعدين ادفع واكنسلها

بس اخاف ابوي يكتشفني واتهزأ من الزين خخخخخ


شخبااركم انتوا؟
​

 

[مراوي22]

سحور

لاتتهورين ولاتخلين أبوج يهزأج الاي باد نطري عليه بينزل عندنه وإخذيه على سعتج شالمميز فيه غير عن القبلي؟؟؟


jvvvc

أنقذيني أبي أعرف جم قيمة الاشتراك في موقع الورلد شيب في كذا خيار شنو أختار وبجم يصير أبي أروح ألحين أشحن بطاقتي دخلت موقعهم فوق مكتوب 20 دولار وتحته 60 فما عرفت معقوله 60 دولار ؟؟؟؟

إنشاء الله تدخلين وتردين علي قبل ما أطلع