قومي جيبي لـ فلان ماي ...!

[أم سآرهـ]

السلام عليكم

شلونكم كويتيات

مشكلتي مع خالتي جم مره تقولي

اجيب لـ حماني ماي مع ان كل واحد فيهم متزوج

و عنده عيال و يفهمون عيالهم يقدر يطرشهم يجيبون له

و انا استحي و ما اعرف ارد

حتى بقولكم موقف من المواقف

كنا قاعدين بالصاله انا و خالتي و حماتي وصل حماي يقول لاخته

جيبي ردت خالتي بسرعه جيبيله ماي :eh_s(4):

انا اصدمت فيسي صار احمر و قمت جبتله



ودي ارد عليها بس اقدر اقول فشله مره كبيره

ومرات استحي

علموني شلومن ارد رد ما يزعل احد

يعنس مابي ازعلها بس ابيها تقوف عند حدها

حريم حماني الباقي ما تقدر تقولهم جذي بس انا تحب تحرجني مادري ليش :eh_s(2):


مع العلم انا حامل و تشوفني ثقيله و ما قدرت هالشي

 

[أم الفناتك]

الشرهه مو على خالتج الشرهه على اللي يبي ماي ويظل قاعد وانتي اتييبيله سوي روحج ماتسمعين 

 

[فاقده ابوهاااا]

ماكو شغل

وانتي شكو بحماج لا اهو ريلج ولا اخوج ولا ابوج علشان تفزين واتييبيني الماي له اصلا غلط وين قاعدين حلو انج توجبين وتحترمين اهل ريلج بس بسنع يعني لامه بس اما اخته او اخوه انتي شكو فيهم

 

[فاقده ابوهاااا]

وبعدين تعالي ريلج وينه واشلون يرضى تودين الماي لاخوه ؟؟؟؟؟؟

الصراحه الشرهه على ريلج خل يكلم امه

 

[ناتشوو]

بصراحة غريبة
فعلا عيب اقوم اجيب ماي لحماي!

بس شنو قصد العمة من هالطلب
هل تقصد انها فارضة شخصيتها عليج؟
او تبي توريهم ان عندي مرت ولد مطيعه مو نفس حريمكم
اتوقع انت اجدد مرت ولد عندهم

مافي الا تكلمينها وانتو بروحكم
وفهميها مايجوز جذي
وانا احبكم واحترمكم وبعيوني اخدمهم بس مايجوز
او تكلمين حماتج اذا حسيتي وحدة منهم تفهم خل تكلم امها
او زوجج
اذا تحسين امه تسمع منه بس بدون ماتشيشينه على اهله
طبعا انتي اختاري الحل
حسب شخصية العمة وتوقعج سبب طلبها هالشي منج

 

[شادن33]

وليش تقعدين معاهم اصلا
لما اتشوفين حماج داخل شلي عمرج وعلى غرفتج طوااالي

 

[شــوق الأمــاكن]

والله انا مع فاقده ابوها شلون ريلج يرضا انج تجيبين ماي لاخوه ما يغاااااار!!!!

وبعدين اذا انتي مستحيه من خالتج قولي لزوجج وخليه يكلم امه ويتصرف انتي مو ملزومه باخوانه وعيييب اصلا تمدين له الماي

الله يعينج بس لا تسكتين ،،،

 

[سحـورة]

يمكن تقولها بعفويه وبعدين اشوف الشي عادي ،
اكيد مرة او مرتين قالتلج .. و مبالغتج انا ثقيله وحامل إلا قلاص ماي
ماقالتلج غسلي او نظفي شي

 

[سمر شمر]

^^^^^


هي شكوو بيت اهل ريلها مالها دخل الا بريلها وبس

لا واللي يقث اكثر انهم متزوجين لاحبيبتي قولي لريلج

قولي انا مو مطراااش لاحد انا ماني ملزوومة الا فيك انت وبس

واللي تقولج عادي لمن اتجربين الحمووله وتشوفين حزتها بتعرفين اذا عادي والا لا

 

[ترف بابا]

خالتج شنو هذي ؟
معقوله تطلب منج هالشي الخاله هي اكثر وحده بالبيت لازم تحط حدود بين الجناين وحموانهم

مره ثانية ردي اذا انتي مرة - قولي عنده مره تخدمه وش حللني عليه اهتز له بقلاص الماي ؟ كم مرة وانا اطوف حسبالي ماعندج فيها

 

[ياليتهم يشعرون]

الله يجعلها اكبر مشاكلج وشصار يعني قلاص ماي ووووع مكبره الامور وحموينج نفس خوانج والله محد يضيعكم غير ظنونكم السيئه بالناس

 

[الجوهرا]

خلي زوجج يكلم امه

 

[هيفاء 966]

اذا قالت قولي تذكر شي نسيته. او صعدي دارج هذا. اذا اخته موجوده او نادي الخدامه وقوليلها جدامهم جيبي ماي لفلان. واذا مافي الا انتي امرج لله جيبي له

 

[حبيبي فهوودي]

اذا شفتي حماج قاعد او توه جاي طلعي روحي غرفتج اي مكان المهم بعدي عنهم ولا قولي لحماتج

 

[قــل مـا تـشـاء]

حبيبتي ترا كلها كاس ماي لواحد عطشان !
وترا أجر سقاية الماي عظيم .,, مااقولج هو غلط أصلا انج تمدين له الكاس .,, والمفروض هو دامه واقف يصب لنفسه
أو من شاف انه امه قالت لج قومي جيبي له كاس ماي راح هو صب لنفسه .!
بس بحد ذاتها كلللش مو مشكلة .,,
يوم من الأيام أنا حطيت لحماي الغدآ شصار يعني .؟! عادي > بس مو متزوج ومافي أحد حطيته في الصينيه بس وأخذه هو .,,

 

[قلب طفـــله]

ليش بناتها ولامرته ماتييب له !
لاتحتكين فيهم وايد ومتل ماقالولج البنات اذا دش حماج سلمي وطلعي بسرعه

 

[ام كوثر2007]

يمكن فعلا مثل ما قالت الاخت .. انها تكون طلبتج مره او مرتين وانتي حزت بخاطرج عشان جذى شكيتي


اذا كانت جم مره طوفيها عادي لا تفتحين علي نفسج باب مشاكل ..

لكن اذا كان هالشي بشكل دائم .. الحل الوحيد انه ريلج يكون موجود وياخذ موقف من اللى قاعد يصير ..

 

[Gifts&Occaions]

الله يعينج

 

[عويتقة]

يا حياتي لا تخلين حاجة بسيييطة مثل هي تأتر عليك وممكن تتسبب لك في مشكلة كبيييييرة ترى اسباب الطلاق كلها تافهة الله يبعد عنك كل شر انتي اعتبري انك بتسقين اخوك كل المشكلة كاس ماي والله مافيها شي انتي اعتبري السالفة عادية وخللي علاقتك بخالتك حلوة

 

[نونو العصله]

هو الصراحه غلط تقعدين مع حماج وريلج مو موجود
هو مو محرم لج
انا ملزومه بلريلي وبس
وطيب مني اني اقوم اجيب ماي
مو غصب او فرض
عنده اخته ولا هو يقوم يجيب لنفسه ماي