قومي جيبي لـ فلان ماي ...!

[لوفيه]

الخالات وغثتهم

يشوفون وين الجنه الساكته المطيعه يكسرون ظهرها بسخافتهم

قولي لحماتج تكلم امها

لاااااتكلمين زوجج ترى الازواج عقلهم يصغر اذا كلمتيه عن امه

يحسب انج تشيشينه

 

[Patcholli]

خل ريلج يكلمها .؟؟

واشلون حماج يرضا ويسكت ومرته موجوده واخزيااه

 

[مذهلة 78]

حبيبتي لا تكبرين الموضوع خالتج من باب الميانه ولانها تعدج مثل بنتها تقولج يبيله ماي انا حماي العود متزوج ليه اشتهى البشاميل ما يطلبها الا مني او يقول حق خالتي انها تكلمني عشان اسويها بيوم لزواره مع ان زوجته فنانه بالطباخ بس يقول ما تضبطها فلا تكبرين الموضوع حبوبه

 

[تذكر خافقي رمحك]

اقول خلج من حجي المثالية
حتى ريلج مو ملزومة تييبينله ماي
فما بالج حموانج كل واحد عنده ريل
واييبله الي يبي بنات الناس مو خدم عندهم

وانا اقول سوي روحج ماتسمعين احسن

 

[كريزية]

انا اشوف ان ما فيها احترام كلش
مادري انا حساسة زيادة عن اللزوم يمكن بس بتضايق نفس وضعج
واول شي بسويه اكلم ريلي يكلم امه ويفهمها ان غلط هالشغلة

 

[LA TROO7]

عس ماشر !!

السالفه مو سالفه انها تخدمهم

السالفه ان شكلها غلط وهي جايبه لحماها ماي !

لو مكانج ااذا قالت لي اقوم واصعد داري وطااااف

 

[انونا]

حبيبتي ميخالف اعتبريها امج وقالتلج جيبي لاخوج ماي
وبالعكس هالشي حلو اول شي تاخذين اجر والكل عارف انج سنعه وبنت ناس ادميه

 

[ربي سبحانك]

والله مادري شقولج بس لا تكبرين السالفه يعني هذي مو مصيبه يامعوده طوفي وربج كريم

 

[a7la_7b]

وانتي شكو تقومين تعطينه ماااي واخته ليش ماقامت ووين الخدم
المره الثانيه اذا قالتلج قولي لحماتج فلانه قومي عطي اخوج مااااي

 

[ام الدرر]

ياقلبي احسني الظن
ما اشوفها مشكلة تستاهل
كله قلاص ماي
يمكن لانج اصغر االموجودين
او انها ترتاح لج اكثر وتمون عليج
طنشي ولا تكبرين الموضوع
ونصيحة لا تفتحينه مع زوجك
اذا طلبها مضايقج حاولي تطلعين من المكان اذا حسيتي انه حماج بيدخل ​

 

[PuPa^^SWeeT]

غريييبة صرااحة


ماراح اقوولج مايصير اتييبيله قلاص ماي



بس عييب اتقول لاخته قعدي و اتقولج انتي قومي


اخاف جااهلة


لأنه لو بتفرض شخصيتها همن شخصيتها مو بهالموضوع ؟؟؟؟ ؟؟؟؟؟؟؟؟؟؟

 

[αησмα]

عادي مافيها شي ؟؟؟؟ قلاص ماي يا الحلووه ما قالت لج سويله عشي له ؟

 

[كربون امها]

الظاهر ما تبيج تقعدين معاهم تبي تقومج

 

[granted]

لا والله مو عادي
يقول لخته يبي لي ماي اتقوم امه اتخلي الغريبه
لاوالله تقهر انتي شكو فيه
انا من رايي نفس شادن دشي دارج من يتيمعون
حلوه هذي قومي يبي له ماي قهههر والله

 

[دلوعة صلوح]

والله ما اشوفها مشكلة يعنى كلة قلاص ماى حبيبتى.

 

[Tom ♥ Jerry]

.


لا تردين عليها .. بس خليها تقول جدآم ريلج و ان شاء الله ريلج يتفهم الوضع !
حرام ترا الحريم الكبار على نياتهم ، آهمه قبل جذي كلهم مطيحين الميانه ويا بعض و كلهم حموله وحده
فلان اييب شاي حق فلانه و علانه اتييب ماي حق فلان ..
يعني عندهم هالشي عادي بس الحين تغير الوضع .. من الافضل انج ما تقولين لها !
و خلي التصرف و رده الفعل تطلع من حريم هالرياييل او زوجج انتي او حماج نفسه

الله يكون بالعون :*

 

[أم سآرهـ]

بالنسبه للي تقول عادي و مافيها شي اول شي مشكورين ع الرد

ثاني شي ..:

ليش دايم خواته البنات موجودين ليش ما يجيبون له

و اذا ما يبي يتعب خواته بنته موجوده و انا مو مكلوفه فيه

ليش انااا ..؟

 

[قموووره]

وليش تقعدين معاهم اصلا
لما اتشوفين حماج داخل شلي عمرج وعلى غرفتج طوااالي

نفس الي كنت بقوله​

 

[أم سآرهـ]

وبعدين تعالي ريلج وينه واشلون يرضى تودين الماي لاخوه ؟؟؟؟؟؟

الصراحه الشرهه على ريلج خل يكلم امه

عنده اخوه مثل اخوي

و دايم يقولي بينج و بين الحريم انا ما اتدخل

 

[غربـة روحـ]

والله شي يقهر حامل كافي متحمله عمرج وموجوده اخته وبنته وتقولج انتي
يمكن مسكينه ماركزت والا عادي عندها الوضع انا اشوف تكسبينهم واقصاها قلاص ماي
تروحين المطبخ وتقولين للخدامه تودي له عشان تدري ان قصدج بس عيب انه اعطيه مو اطنشج
وبسس الله يعينج